Orison Swett Marden (1850 - 1924)ဟာ အမေရိကန်နိုင်ငံ Thornton Gore, New Hampshire ဒေသ ဆင်းရဲသားမိသားစုက ပေါက်ဖွားလာခဲ့သူဖြစ်တယ်။ သူ(၃)နှစ်သားအရွယ်မှာ မိခင်ကွယ်လွန်ပြီး (၇)နှစ်သားအရွယ်မှာ ဖခင်ကွယ်လွန်ခဲ့ပြန်တယ်။ မိဘမဲ့ကလေး Mardenဟာ အသက်ဆက်လက်ရှင်သန်ဖို့ တစ်ခြားကလေးတွေထက် ပိုဆင်းရဲပင်ပန်းခဲ့ရတယ်။ ထမင်းတစ်နပ်အတွက် သူတစ်ပါးအိမ်မှာနေပြီး တစ်ရက်ကို(၁၄)နာရီမျှ အလုပ်လုပ်ခဲ့ရပေမယ့် ဝဝလင်လင် မစားခဲ့ရဘူး။ ရွယ်တူသူငယ်ချင်းတွေ မရှိတဲ့အပြင် အိမ်ရှင်ကလေးတွေရဲ့ ကဲ့ရဲ့လှောင်ပြောင်တာကို အမြဲခံခဲ့ရတယ်။ လူကြီးသူမတွေရဲ့ သနားညှာတာမှုကို မရတဲ့အပြင် အိမ်ရှင်ရဲ့ဆဲဆိုရိုက်နှက်မှုကို အမြဲခံခဲ့ရတယ်။ အိမ်ရှင်ငါးယောက် ပြောင်းခဲ့ပေမယ့် သူ့ဘဝက အကောင်းဘက်ကို နည်းနည်းမှ ပြောင်းလဲမသွားခဲ့ပါဘူး။အသက်(၁၄)နှစ်အရွယ်ရောက်တော့ ဘဝကိုတစ်နည်းနည်းနဲ့ ပြောင်းလဲမယ်လို့ဆုံးဖြတ်ပြီး တစ်ခုသော တနင်္ဂနွေနေ့မနက်မှာ သူနေတဲ့အိမ်ကနေ Mardenထွက်ပြေးခဲ့တယ်။ အဲဒီနောက် သစ်စက်တစ်ခုမှာ သူအလုပ်ဝင်လုပ်ခဲ့တယ်။ အလုပ်လုပ်နေတဲ့ အတောအတွင်း အချိန်နဲ့အခွင့်အရေးကောင်းတချို့ကို အရအောင်ဖမ်းဆုပ်ပြီး စာတွေကို သူကြိုးစားသင်ယူခဲ့တယ်။ စာရေးဆရာ Samuel Smilesရဲ့ "မိမိကိုယ်ကိုယ်တိုးတက်ရေး"ဆိုတဲ့ စာအုပ်က သူ့မျက်လုံးအစုံကို ပွင့်စေခဲ့တယ်။"ကျွန်တော့်အတွက် အဲဒီစာအုပ်က အမြဲစိတ်အားထက်သန်စေတယ်၊ တက်ကြွစေတယ်။ အဖိုးတန် ကျောက်မျက်ရတနာရသလိုပဲ နှလုံးသားထဲ စွဲမြဲတဲ့အထိ ကျွန်တော်ထပ်တလဲလဲ ဖတ်ခဲ့တယ်" လို့ Mardenက သူရေးတဲ့စာအုပ်ကို ဖတ်သူတွေပြောတဲ့အတိုင်း ပြောခဲ့တယ်။"မိမိကိုယ်ကိုယ်တိုးတက်ရေး"စာအုပ်က Mardenရဲ့အိပ်မက်နှစ်ခုကို ထွန်းညှိခဲ့တယ်။ ပထမအိပ်မက်မှာ ဆင်းရဲသားကလေးငယ်တစ်ဦး အဆင့်မြင့်လူနေမှုဘဝနဲ့ တိုးတက်အောင်မြင်သွားခဲ့တဲ့ပုံပြင်က သူ့ကိုရွာကနေထွက်ခွါပြီး ကျောင်းပညာတွေသင်ယူဖို့ ခွန်အားတွေပေးခဲ့တယ်။ ဒုတိယအိပ်မက်က တစ်နေ့နေ့မှာ သူလည်း သူနဲ့ဘဝတူလူငယ်တွေကို အားပေးကူညီနိုင်တဲ့ အကျိုးဆောင်မှုလေးတွေလုပ်ဖို့ ဆုံးဖြတ်ခဲ့တယ်။Mardenရဲ့ပညာသင်ကြားရေးက တာဝေးမာရသွန်ပြေးပွဲနဲ့ တူခဲ့တယ်။ ကျောင်းတက်လိုက် အလုပ်လုပ်လိုက်နဲ့ သူ့ပညာရေးက ပြတ်တောင်းပြတ်တောင်းဖြစ်ခဲ့ရတယ်။ အသက်(၂၃)နှစ် တက္ကသိုလ်နယ်မြေကို Marden နင်းခွင့်ရခဲ့တယ်။ (၉)နှစ်အကြာမှာ Boston University၊ School of Oratory ကဘွဲ့နဲ့ Boston၊ Harvard ကနေ M.D.၊ LL.Bဘွဲ့အသီးသီးကို ရရှိခဲ့တယ်။ ဘာသာရပ်များစွာကို သင်ယူခဲ့လည်း သူ့အလုပ်ချိန်တွေ မထိခိုက်ခဲ့ဘူး။ ဘွဲ့ယူတဲ့အချိန်မှာ လုပ်အားခ စုစုပေါင်း ဒေါ်လာနှစ်သောင်းခန့် သူစုမိထားပြီးဖြစ်တယ်။အသက်(၄ဝ)ပတ်ဝန်းကျင်မှာတော့ Mardenဟာ ဟိုတယ်နဲ့ခရီးသွားလာရေး ကုမ္ပဏီပေါင်းများစွာကို ပိုင်ဆိုင်သူဖြစ်ခဲ့တယ်။ ဘယ်အရာကမှ တားဆီးလို့မရနိုင်တဲ့ "ကံကောင်းသူ Marden"အဖြစ် သူ့လုပ်ငန်းတွေ တိုးတက်အောင်မြင်နေဆဲမှာ သူ့ဟိုတယ်တချို့ ရေဘေးဒဏ်ကြောင့် ပျက်ဆီးဆုံးရှုံးခဲ့ရတယ်။ အပျက်အဆီး အဆုံးအရှုံးနဲ့ Mardenတစ်ယောက် အရောင်မလွင့်တဲ့အိပ်မက်တွေနဲ့ Bostonကို ရောက်လာပြီး အောင်မြင်ဖို့ ခြေလှမ်းစခဲ့ပြန်တယ်။အမြင့်ဆုံးလှေခါးထစ်ကိုရောက်ဖို့ ကျရှုံးလိုက်၊ အောင်မြင်လိုက်နဲ့ အနှစ်(၄ဝ)ကျော်ကြာ ကြိုးပမ်းခဲ့ရတဲ့သူဟာ အောင်မြင်၊ ချမ်းသာတဲ့ လျှို့ဝှက်နည်းလမ်းကို တစ်ခြားလူထက် ပိုနားလည်ခဲ့တယ်။(၁၈၉၄)ခုနှစ်မှာ Mardenဟာ အနှစ်(၃ဝ)ကြာမက်ခဲ့တဲ့ အကောင်အထည်ကို ဖော်နိုင်ခဲ့တယ်။ သူ့ရဲ့ပထမဆုံးစာအုပ်ဖြစ်တဲ့ "Pushing to the Front" စာအုပ်ကိုထုတ်ဝေနိုင်ခဲ့ပြီး အောင်မြင်မှုများစွာကို ရရှိခဲ့တယ်။ အဲဒီစာအုပ်ကို အဲဒီနှစ်မှာပဲ (၁၁)ကြိမ်ပုံနှိပ်ထုတ်ဝေခဲ့တယ်။ (၁၉ဝ၅)ခုနှစ်ပတ်ဝန်းကျင်မှာ အဲဒီစာအုပ်ကို ဂျပန်နိုင်ငံမှာတင် အုပ်ရေ(၁ဝ)သိန်းရောင်းချခဲ့ရတယ်။ဂျပန်ရုရှားစစ်ပွဲမှာ ဂျပန်တွေက "ယုံမလားတော့ မသိဘူး! ဒီစာအုပ်က ရုရှားတွေကိုတိုက်ဖို့ ကျွန်တော်တို့ကို သတ္တိတွေပေးခဲ့တယ်" လို့ဆိုတယ်။ အမေရိကန်မှာ သမ္မတMcKinleyက "Mardenရဲ့စာအုပ်ထက် ပိုအဖိုးတန်တဲ့အရာမရှိဘူးလို့ အမေရိကန်က လူငယ်တွေကို ကျွန်တော်အကြံဥာဏ်ပေးချင်ပါတယ်" လို့ပြောခဲ့တယ်။(၁၈၉၇)ခုနှစ် Marden စီစဉ်တဲ့ Success Magazineကို ထုတ်ဝေနိုင်ခဲ့တယ်။ Success ဆိုတဲ့အတိုင်း မဂ္ဂဇင်းက အောင်မြင်မှုများစွာကို ရခဲ့တယ်။ ဝန်ထမ်းအင်အား ၂ဝဝကျော်အထိရှိခဲ့တယ်။ ဒါပေမယ့် ဘဝမှာ နေရောင်ခြည်ပဲ ထွန်းတောက်မနေဘဲ မုန်တိုင်းထန်တဲ့နေ့တွေလည်း ရှိခဲ့ပါတယ်။ (၁၉၁၁)ခုနှစ်မှာ မဂ္ဂဇင်းအတွင်းလူတွေ စိတ်သဘောထားကွဲလွဲမှုကြောင့် Successမဂ္ဂဇင်း အကွဲအပြဲနဲ့ တံခါးပိတ် အဆုံးသတ်ခဲ့ရတယ်။အကြွေးနဲ့ကျရှုံးမှုကို နောက်တစ်ကြိမ် Mardenပြန်ခံခဲ့ရတယ်။ လူတစ်ယောက်ကို တကယ်စမ်းသပ်စစ်ဆေးတာက ကျရှုံးခြင်းနဲ့ ယှဉ်ပြိုင်ရဲတဲ့သတ္တိဖြစ်တယ်။ တကယ့်သတ္တိရှိသူဆိုတာ "တစ်ကြိမ်နဲ့မအောင်မြင်ရင် နောက်တစ်ကြိမ်ကြိုးစားမယ်"လို့ဆိုခဲ့တဲ့အတိုင်း Mardenဟာ သူရဲ့သတ္တိအင်အားကို နောက်တစ်ကြိမ် ထပ်သက်သေပြခဲ့ပါတယ်။ စာအုပ်တွေ ရေးနိုင်သမျှရေးပြီး မဂ္ဂဇင်းထပ်ထုတ်နိုင်ဖို့ ကြိုးစားခဲ့တယ်။(၁၉၁၈)ခုနှစ်မှာ Successမဂ္ဂဇင်းကို အသစ်တစ်ဖန် ပြန်ထုတ်ဝေနိုင်ခဲ့တယ်။ Marden ကွယ်လွန်သွားသည့်တိုင် အဲဒီမဂ္ဂဇင်းက လူပေါင်းများစွာအတွက် အမြင့်ကိုတက်လှမ်းနိုင်ဖို့ စိတ်ဓာတ်ခွန်အား၊ ဥာဏ်ခွန်အားတွေကိုပေးပြီး Mardenရဲ့ မြင့်မြတ်တဲ့အလုပ်ကို ဆက်ဆောင်ရွက်နေခဲ့တယ်။source :
http://www.piyas.com (Chinese)
http://en.wikipedia.org/wiki/Orison_Swett_Marden (English)
နိုင်းနိုင်းစနေ ဘာသာပြန်သည်။
