တာချီလိတ်နဲ့ ပေါက်ကရအရေး

“ဝုန်း...”
“ကျီ”
“ဒုံးးးးးး”

အိမ်ရှေ့မှာ အဲဒီလိုအသံကြားရင် ပြေးမကြည့်ဘဲ ဆိုင်ကယ်တိုက်ပြီဆိုတာကို တပ်အပ်ပြောနိုင်ပါတယ်။ တာချီလိတ်မှာ ဘာများသလဲ မေးရင် (၁) ဆိုင်ကယ်များတယ်၊ (၂) ချိုင့်ခွက်များတယ်၊ (၃)... များတယ်။

တာချီလိတ်မြို့က အိမ်တိုင်းမှာ အနည်းဆုံးတော့ ဆိုင်ကယ်တစ်စီးစီရှိကြတယ်။ ချမ်းသာတဲ့အိမ်တွေမှာတော့ လူစေ့ပေါက် ဆိုင်ကယ်ရှိသလား ထင်ရလောက်အောင် တာချီလိတ်မြို့မှာ ဆိုင်ကယ်များပါတယ်။ ဆိုင်ကယ်တွေကလည်း အမျိုးမျိုးရှိတယ်။ ဓာတ်အားသွင်းစီးကြတဲ့ စက်ဘီးလိုလို၊ ဆိုင်ကယ်လိုလိုဟာမျိုး၊ သုံးဘီးဆိုင်ကယ်၊ တက္ကစီဆိုင်ကယ် စတာတွေနဲ့ တာချီလိတ်ရဲ့ ချိုင့်ခွက်များတဲ့ မင်းလမ်းပေါ်မှာ ဆိုင်ကယ်တွေက နေ့နေ့ညည ဥဒဟိုသွားလာနေကြတယ်။

ဆိုင်ကယ်များတဲ့ တာချီလိတ်မြို့မှာ ယာဉ်စည်းကမ်း လမ်းစည်းကမ်းရှိသလားလို့မေးရင် ရှိတယ်လို့ဖြေပါတယ်။ ကြာကြာတစ်ခါ လမ်းဆုံလမ်းခွမှာ ဆိုင်ကယ်ဦးထုပ်မဆောင်းသူတွေကို စစ်ဆေးပြီး ဒဏ်ငွေဆောင်စေတာကလွဲလို့ လူလိုင်စင်၊ ဆိုင်ကယ်လိုင်စင်တွေ စစ်ဆေးတာ မရှိခဲ့ဖူးပါဘူး။ ရှိခဲ့ရင်လည်း အချင်းချင်း ခေါင်းပုတ်ပြပြီး ရှောင်လွှဲသွားကြတာများတယ်။ ကြာကြာမှတစ်ခါ စစ်ဆေးမှုတွေရှိတာကြောင့် တာချီလိတ်မှာ ဆိုင်ကယ်စီးရင် ဦးထုပ်မဆောင်းကြတဲ့လူတွေများတယ်။ တာချီလိတ်နေက ပူပြင်းတာကြောင့် ဆိုင်ကယ်ဦးထုပ်အစား ထီးဆောင်းကြတယ်။ ထီးတစ်ဘက်နဲ့ ချိုင့်ခွက်များတဲ့လမ်းမှာ ဆိုင်ကယ်တွေက ဘယ်ယိုင်ညာယိုင်.... ဒီကြားထဲ ဆိုင်ကယ်စီးရင်း ဖုန်းလေးနဲ့ရှက်ကို့ရှက်ကန်း စကားလေးပြောကြတော့....

တောင်ကြီးမှာလည်း ဆိုင်ကယ်များပါတယ်။ တောင်ကြီးတင်မကပါဘူး.. မြန်မာပြည်အနှံ့ နေရာတကာ ဆိုင်ကယ်ပေါပါတယ်။ ဆိုင်ကယ်က လမ်းဆိုး၊ လမ်းကောင်း၊ သွားရလာရတာလည်း အဆင်ပြေ မြန်ဆန်တာကြောင့် အိမ်တိုင်းလိုလိုမှာ ဆိုင်ကယ်ရှိကြတယ်။

တောင်ကြီးမှာ ဟိုးအရင်ကျွန်မတို့ ကျောင်းတက်ကတည်းက မကြာခဏဆိုသလို ဆပ်ပလိုင်းချက်တွေရှိတယ်။ မင်းလမ်းတစ်လျှောက် ယာဉ်ထိန်းရဲတွေရှိတယ်။ ဦးထုပ်စစ်တဲ့အပြင်၊ လူလိုင်စင်၊ ဆိုင်ကယ်လိုင်စင် စစ်တယ်။ စစ်ပေမယ့်လည်း တစ်ခါခါ ဘောင်အတွင်းမှာ မနေချင်ကြတဲ့ လူငယ်တစ်ချို့က ဦးထုပ်မပါဘဲ စီးတယ်၊ သုံးယောက်တွဲစီးတယ်။ ယာဉ်ထိန်းရဲလိုက်ဖမ်းရင် လူပြတ်တဲ့ဘက်မောင်းပြေးတယ်။ လူပြတ်တဲ့ဘက်ဆိုတော့ ယာဉ်ထိန်းရဲပေါက်စတွေက ဆက်မလိုက်ရဲတော့ဘူး။

ဒီတစ်ခေါက် တောင်ကြီးပြန်တော့ ယာဉ်ထိန်းရဲတွေ အရင်ကထက်ပိုများလာတာကို သတိထားမိတယ်။ ဆိုင်ကယ်တွေကလည်း အရင်ကထက် များလာလို့ဖြစ်မယ်။ လမ်းဆုံလမ်းထောင့်၊ ရပ်ကွက်တစ်ချို့မှာ ယာဉ်စည်းကမ်း မလိုက်နာသူတွေကို စောင့်ဖမ်းနေတာ တွေ့ခဲ့ရတယ်။ ယာဉ်ထိန်းရဲတွေ များလာလို့ပဲလား! လူတွေကပဲ ယာဉ်စည်းကမ်းလိုက်နာကြလို့လား! ဒါမှမဟုတ် ပေးတဲ့အပြစ်တွေကိုက ကြီးလေးနေလို့လားမသိဘူး.. တောင်ကြီးမှာ ဆိုင်ကယ်စီးရင် ဦးထုပ်ဆောင်းလာကြတယ်။ ပေးတဲ့အပြစ်ကိုလည်း ကြည့်လေ... ဦးထုပ်မပါရင် လူကို အချုပ် (၇)ရက်ချပြီး ဆိုင်ကယ်ကို တစ်လသိမ်းသတဲ့...

“ဝုန်း...”
“ကျီ”
“ဒုံးးးးးး”

တာချီလိတ်မြို့မှာ ဒီလိုအသံကြားရင် ပြေးမကြည့်နဲ့ တွေးကြည့်ရင် ပိုမှန်လိမ့်မယ်။ ဆိုင်ကယ်အချင်းချင်း တိုက်လို့၊ ဆိုင်ကယ်နဲ့ ပလက်ဖောင်းတိုက်လို့၊ ဆိုင်ကယ်နဲ့ စက်ဘီးတိုက်လို့... တာချီလိတ်မှာ ဘာများသလဲမေးရင် ထီးဆောင်းပြီး ဆိုင်ကယ်စီးတဲ့လူများတယ်၊ ဖုန်းပြောရင်း ဆိုင်ကယ်စီးတဲ့လူ များတယ်ဆိုရင် ပိုမှန်လိမ့်မယ်။

နိုင်းနိုင်းစနေ

တာချီလိတ်နဲ့ ပေါက်ကရအရေး

၉/၂၈ ဆရာများနေ့

ဒီနေ့က ဆရာများနေ့တဲ့.. မြန်မာဆန်ဆန် ပြောရရင်တော့ အာစရိယပူဇော်ပွဲဖြစ်မယ် ထင်ပါတယ်။ ဒီလိုနေ့မျိုးမှာ တစ်နှစ်တာ ပညာသင်ကြားပေးခဲ့တဲ့ ဆရာ၊ ဆရာမတွေကို ကျောင်းသားတွေက ကျေးဇူးတင်၊ ကန်တော့ကြတယ်။ ကျွန်မတို့ကျောင်းမှာတော့ မနေ့ကတည်းက ကျောင်းသားတွေနဲ့ ပျော်ပွဲရွှင်ပွဲ၊ စားပွဲသောက်ပွဲ ကျင်းပပေးခဲ့တယ်။ ဆရာ၊ ဆရာမတွေကို ဆုငွေနဲ့အတူ ကျေးဇူးတင်ချီးမြှင့်ခဲ့တယ်။

ဂူဂယ်လိုဂိုမှာ ကွန်ဖြူးရှပ်ပုံလေးတွေ့တာနဲ့ နိုင်ငံတကာမှာ ကျင်းပတဲ့ ဆရာများနေ့ကို ရေးဖြစ်ပါတယ်။

တရုတ်သမ္မတနိုင်ငံ (ထိုင်ဝမ်)
နှစ်စဉ်နှစ်တိုင်း စက်တင်ဘာ ၂၈ ရက်နေ့ကို ဆရာများနေ့အဖြစ် သတ်မှတ်ကြတယ်။ အဲဒီနေ့က တရုတ်ပြည်ပညာရေးကို စတင်ခဲ့သူ ကွန်ဖြူးရှပ်ရဲ့ မွေးနေ့လည်းဖြစ်ပါတယ်။ အဲဒီနေ့မှာ ပျော်ပွဲရွှင်ပွဲတွေနဲ့အတူ ဆရာ၊ ဆရာမတွေကို ဆုကြေးငွေ ချီးမြှင့်ကြတယ်။

တရုတ်ပြည်သူ့သမ္မတနိုင်ငံ
နှစ်စဉ်နှစ်တိုင်း စက်တင်ဘာ ၁ဝရက်နေ့ ကျင်းပရာက တရုတ်ပြည်သူ့သမ္မတနိုင်ငံအဖြစ် ထူထောင်လာပြီးနောက် ၁၉၅၁ခုနှစ်မှာ ဆရာများနေ့ကို ပယ်ဖျက်ခဲ့တယ်။ အဲဒီနောက် ၁၉၈၅ခုနှစ်မှာ ပြန်လည်ကျင်းပခဲ့ပြီး ယခင်က သတ်မှတ်ခဲ့တဲ့ စက်တင်ဘာ ၁ဝရက်နေ့မှာပဲ ဆရာများနေ့အဖြစ် ကျင်းပခဲ့တာ ဒီနေ့ထိတိုင်ဖြစ်တယ်။ လူတချို့က ကွန်ဖြူးရှပ်မွေးနေ့ စက်တင်ဘာ ၂၈ ရက်နေ့ကို ဆရာများနေ့အဖြစ် သတ်မှတ်ကြတယ်။

ဟောင်ကောင်
၁၉၉၇ ခုနှစ် ဟောင်ကောင်ကို တရုတ်လက်ထဲ မအပ်နှံခင် ထိုင်ဝမ်အတိုင်း စက်တင်ဘာ ၂၈ရက်နေ့ကို ဆရာများနေ့အဖြစ် ကျင်းပခဲ့တယ်။ အပ်နှံပြီးနောက် တရုတ်ပြည်သူ့သမ္မတနိုင်ငံအတိုင်း စက်တင်ဘာ ၁ဝရက်နေ့ကို ဆရာများနေ့အဖြစ် ကျင်းပခဲ့တယ်။

မကာအို
တရုတ်ပြည်သူ့သမ္မတနိုင်ငံအတိုင်း စက်တင်ဘာ ၁ဝရက်နေ့ကို ဆရာများနေ့အဖြစ် ကျင်းပပါတယ်။

Albania
မတ်လ ၇ ရက်နေ့ မိခင်များနေ့မတိုင်ခင် ရှေ့တစ်ရက်မှာ ဆရာများနေ့အဖြစ် ကျင်းပကြတယ်။ ဆရာများနေ့မှာ ရုံးတစ်ရက်ပိတ်ပါတယ်။

Czech Republic
မတ်လ ၂၈ ရက်နေ့မှာ ကျင်းပပြီး ရုံးတွေပိတ်ပါတယ်။ အဲဒီနေ့က Jan Ámos Komenský (Comenius) မွေးနေ့ဖြစ်ပြီး ကျောင်းသူကျောင်းသားတွေက ဆရာ၊ ဆရာမကို ပန်းတွေပေးကြတယ်။

အိန္ဒိယ
စက်တင်ဘာ ၅ ရက်နေ့မှာ ကျင်းပပြီး ဆရာများနေ့နဲ့အတူ ဒုတိယမြောက် သမ္မတဖြစ်တဲ့ Sarvepalli Radhakrishnan ကို ဂုဏ်ပြုတဲ့နေ့လည်းဖြစ်တယ်။ ဆရာများနေ့မှာ ဆရာ၊ ဆရာမတွေ အနားယူနိုင်ဖို့ ကျောင်းသားလေးတွေကို အတန်းကြီးသူတွေက စာသင်ကြားပေးကြပါတယ်။

Latin America
စက်တင်ဘာလ ၁၁ ရက်နေ့မှာ ကျင်းပပါတယ်။ ဒီလိုနေ့မျိုးကို ၁၉၄၃ ခုနှစ် ပနားမား(Panama)မှာ ကျင်းပခဲ့တဲ့ Interamerican Conference on Education က သတ်မှတ်ခဲ့တာဖြစ်တယ်။ ဒီနေ့ရက်က အာဂျင်တီးနား ပညာရေးအရာရှိ Domingo Faustino Sarmiento ကွယ်လွန်တဲ့ အထိမ်းအမှတ်နေ့ဖြစ်တယ်။

အမေရိကန်
မေလပထမပတ် တနင်္ဂနွေနေ့မှာ ကျင်းပပြီး ရုံးတွေပိတ်ပါတယ်။

ကိုးရီးယား
မေလ ၁၅ရက်နေ့မှာ ကျင်းပပြီး ကျောင်းသားတွေက ဆရာ၊ ဆရာမတွေကို Dianthus caryophyllus ပန်းတွေ လက်ဆောင်ပေးပြီး ကျောင်းသားနှင့်ဆရာတွေ အတူတကွ ပျော်ရွှင်ကုန်ဆုံးတဲ့ရက်ဖြစ်တယ်။

စင်ကာပူ
စက်တင်ဘာ ၁ရက်နေ့မှာ ကျင်းပပြီး ကျောင်းတစ်ရက်ပိတ်ပါတယ်။ ဆရာများနေ့ မရောက်ခင် ရှေ့တစ်ရက် ကျောင်းမှာကျင်းပကြတယ်။

မလေးရှား
မေလ ၁၆ ရက်နေ့မှာ ကျင်းပပါတယ်။

ဗီယက်နမ်
နိုဝင်ဘာ ၂ဝရက်နေ့မှာ ကျင်းပပြီး ကျောင်းတစ်ရက်ပိတ်ပါတယ်။

ရုရှား
အောက်တိုဘာ ၅ရက်နေ့မှာ ကျင်းပပြီး ဓလေ့ထုံးတမ်းအရ ညစာစားပွဲ၊ ဇာတ်သဘင်၊ လက်ဆောင်ပန်းစည်းတွေနဲ့ ကျင်းပကြတယ်။ အဓိကက တီဗွီလိုင်းတွေမှာ ဆရာတွေကို ဂုဏ်ပြုတဲ့အစီအစဉ်၊ ရုပ်ရှင်တွေ ထုတ်လွှင့်ပြသပါတယ်။

original : http://zh.wikipedia.org

နိုင်းနိုင်းစနေ

၉/၂၈ ဆရာများနေ့

ကျွန်မဖတ်ဖို့ (၁၃)

(၁) နှင်းဆီပန်း အပွင့်ပွင့်ဖို့ ဆူးပင်ကိုရေလောင်းပေးရတယ်။

(၂) သူငယ်ချင်းအတွက် အနစ်နာခံတဲ့အလုပ်က ခက်တဲ့အလုပ်တော့ မဟုတ်ဘူး။
ခက်တာက အနစ်နာခံရလောက်တဲ့ သူငယ်ချင်းမျိုး ရှိဖို့ပဲလိုတယ်။

(၃) အထီးကျန်တယ်ဆိုတာ လောကကြီးက ကိုယ့်ကိုမေ့သွားလို့မဟုတ်ဘူး။
ကိုယ်က လောကကြီးကို မေ့သွားလို့ဖြစ်တယ်။

(၄) တကယ်လို့ အကောင်းဆုံးငှက်ကိုပဲ သီချင်းဆိုခွင့်ပေးခဲ့မယ်ဆိုရင် တောအုပ်ကြီးက တိတ်ဆိတ် ခြောက်ကပ်နေတော့မယ်။

(၅) ရှေ့တိုးဖို့ ဆင်ခြေတစ်ခုပဲ လိုအပ်တယ်။ နောက်ဆုတ်ဖို့ ဆင်ခြေအခုတစ်ရာ လိုအပ်တယ်။ ဒါပေမယ့် လူအများက ဆင်ခြေတစ်ရာပေးပြီး ပျော့ညံ့သူမဟုတ်ကြောင်း သက်သေပြကြတယ်။ ဆင်ခြေတစ်ခုတည်းကိုသုံးပြီး သတ္တိရှိသူဖြစ်ကြောင်းကိုတော့ သက်သေပြဖို့ မေ့နေကြတယ်။

(၆) စိတ်နေသဘောထား ပြည့်ဝတဲ့အမျိုးသမီးက ဘယ်တော့မှ သူပိုင်ဆိုင်တာကို မကြွားဝါဘူး။ ပညာဘယ်လောက်တတ်သလဲ ထုတ်မပြောဘူး။ ဘယ်ကိုသွားခဲ့တယ်၊ အဝတ်အထည် ဘယ်လောက်ပိုင်ဆိုင်ကြောင်း၊ လက်ဝတ်ရတနာ ဘယ်လောက်ရှိကြောင်း မကြွားဝါတတ်ဘူး။ အကြောင်းက သူ့မှာ သိမ်ငယ်နိမ့်ကျတဲ့စိတ် မရှိလို့ပါပဲ။

(၇) ထက်မြက်တဲ့ မိန်းကလေးတွေ တစ်ခါတလေမှာ ဘာမှမသိသလို တုံးတိတုံးအ ဟန်ဆောင်သင့်တယ်။

(၈) လောဘမကြီးနဲ့၊ ကောင်းတဲ့အရာတွေက ဘယ်တော့မှ တာရှည်မခံဘူး။

(၉) လူတွေသိနိုင်တဲ့ မှားယွင်းမှုမျိုးက တကယ့်အမှားမဟုတ်သေးဘူး။
တစ်ခြားလူ လုသွားနိုင်တဲ့ ချစ်သူမျိုးက တကယ့်ချစ်သူမဟုတ်သေးဘူး။

(၁ဝ) သူတစ်ပါး အောင်မြင်၊ ပျော်ရွှင်နေတာကို ကြည့်ပြီး မနာလိုမဖြစ်နဲ့။ အောင်မြင် ပျော်ရွှင်ဖို့ သူတို့လည်း လက်နှစ်ဖက်နဲ့ရင်းပြီး ကြိုးပမ်းခဲ့ရတယ်။

ဒီလင့်နဲ့ ဒီလင့်က ကြိုက်တာလေးတွေကို ကျွန်မဖတ်ဖို့ ကောက်နှုတ်ပါတယ်။

နိုင်းနိုင်းစနေ

ကျွန်မဖတ်ဖို့ (၁၃)

အင်တာနက်ပေါ်က ဟာသများ

(၁)
နောက်ဆုံးမှာ မောင်တင်နဲ့ မခင် ကွာရှင်းခဲ့ကြတယ်။ သူတို့ရဲ့ ကွာရှင်းတမ်းမှာ မျက်ရည်မရှိဘူး၊ နောင်တမရှိဘူး။ ဘာဆို ဘာမှမရှိဘူး။ လင်မယားနှစ်ယောက် နောက်ဆုံးအကြိမ်အဖြစ် စကားပြောတော့ မခင်က...

“တတိယလူက ဘယ်သူလဲ?”

“ဘေးအိမ်က မစိန်ပါ”

“ဘယ်လိုဖြစ်ခဲ့တာလဲ”

“လွန်ခဲ့တဲ့ ၃လလောက်က ကိုယ်အိုဗာတိုင်ဆင်းပြီး ပြန်လာတဲ့ညမှာ အိမ်သော့မေ့ကျန်ခဲ့လို့ တံခါးခေါက်ပြီး မခင်ကို နှိုးခဲ့တယ်။ ကိုယ်ဘယ်လိုနှိုးနှိုး မခင် မနိုးဘူး။ အဲဒီအချိန်မှာ ဘေးအိမ်က မစိန်နိုးလာပြီး မခင်ကိုဖုန်းနဲ့နှိုးဖို့ ကိုယ့်ကို သူ့အိမ်ထဲခေါ်တယ်။ ကိုယ်ဖုန်းဆက်လဲ မခင်က မနှိုးဘူး။ အဲဒီလိုနဲ့ မစိန်ရဲ့ ဧည့်ခန်းဆိုဖာမှာ ကိုယ်အိပ်ခဲ့ရတယ်”

“တစ်ညထဲနဲ့ ဖြစ်သွားရော့လား...”

“အရင်လက ကိုယ်အိုဗာတိုင်ဆင်းပြီး ပြန်လာတော့ အိမ်သော့မေ့ခဲ့ပြန်တယ်။ ကိုယ်ဘယ်လိုခေါ်ခေါ် မခင် မနိုးပြန်ဘူး။ ကံကောင်းလို့ မစိန်က ကိုယ့်ကို ခေါ်ပြီး သူ့ကုတင်မှာ အိပ်စေခဲ့တယ်”

“ဟင်း.... ကျွန်မအအိပ်မက်လို့ ဖြစ်ရတာပါ”

အဲဒီနောက်ပိုင်း မောင်တင်ဟာ အိုဗာတိုင်ဆင်းပြန်လာတိုင်း မခင် မနိုးမယ့်အတူတူ အိမ်ကိုမပြန်တော့ဘဲ ဘေးအိမ်က မစိန်ဆီကိုပဲ တန်းသွားခဲ့တော့တယ်။ လူတွေကပြောကြတယ်.. မခင်က အအိပ်မက်လို့ လင်တစ်ယောက် ဆုံးရှုံးခဲ့ပြီတဲ့..

လင်ယောက်ျားကို ဆုံးခဲ့ပေမယ့် ဥစ္စာပစ္စည်းတွေကို မခင်ရလိုက်တယ်။ မကြာဘူး... ယောက်ျားအသစ်တစ်ယောက်ကိုပါ မခင်ရလိုက်တယ်။

ယောက်ျားအသစ် မခင်ဆီ ပြောင်းလာတဲ့နေ့က မောင်တင် အိမ်ကဆင်းတဲ့နေ့ဖြစ်တယ်။

ယောက်ျားအသစ်နဲ့ မောင်တင် လှေကားမှာ ဆုံကြတယ်။ ယောက်ျားအသစ်က မောင်တင်ကို...

“ကျွန်တော့်ကို ခွင့်လွတ်ပါ.. ကျွန်တော်ကြောင့် ခင်ဗျားတို့ လင်မယားကွာရှင်းကြရတယ်”

“ဒါ ခင်ဗျားနဲ့ မဆိုင်ပါဘူး။ ကျွန်တော် အရင်ဖောက်ပြားခဲ့မိလို့ အခုလိုဖြစ်ရတာပါ”

“ကျွန်တော့်ကို ခွင့်လွတ်ပါ... ကျွန်တော်ကြောင့် ခင်ဗျားဘဝ အဆင်မပြေဖြစ်ခဲ့ရတယ်”

“ကိစ္စမရှိပါဘူး... ပြီးတာတွေက ပြီးသွားခဲ့ပြီ... မခင်ကို ကောင်းကောင်းစောင့်ရှောက်လိုက်ပါ.. သူ က အအိပ်မက်တယ်”

“သူ အအိပ်မမက်ပါဘူး.. ဒါ သက်သက်မဲ့ပြောနေတာ”

“သူ အအိပ်မက်လို့ ကျွန်တော်အိုဗာတိုင်ဆင်းပြီး ပြန်လာတိုင်း သူတံခါးထဖွင့် မပေးဘူးလေ”

“တကယ်ဆို သူအိပ်ပျော်နေလို့ တံခါးဖွင့်မပေးတာ မဟုတ်ဘူး။ သူ စိတ်လှုပ်ရှားနေလို့ ဖွင့်မပေးတာ... ခင်ဗျားအိမ်ပြန်နောက်ကျတိုင်း သူနဲ့ ကျွန်တော်အတူရှိနေတယ်လေ”

“................”

(၂)

အမေရိကန်တစ်ဦးနဲ့ ရုရှားတစ်ဦးက ကိုယ့်နိုင်ငံ ဘယ်လောက် လွတ်လပ်ကြောင်းဆိုတဲ့ စကားနဲ့ အငြင်းအခုန်ဖြစ်ကြတယ်။

အမေရိကန်က “ငါတို့အမေရိကန်မှာ လူတွေဘယ်လောက်အထိ လွတ်လပ်သလဲဆို အိမ်ဖြုတော်ပေါ်တက်ပြီး သမ္မတကိုဆဲနိုင်တယ်”

ဒါကို ရုရှားကလည်း အားကျမခံ ပြန်ပြောတယ်။

“ကျုပ်တို့ ရုရှားမှာလည်း အဲဒီလိုလွတ်လပ်မှုတွေရှိတယ်။ Kremlin စင်ပေါ်တက်ပြီး အမေရိကန်သမ္မတကို လွတ်လွတ်လပ်လပ် ဆဲနိုင်တယ်”

နိုင်းနိုင်းစနေ စုစည်းဘာသာပြန်သည်။

အင်တာနက်ပေါ်က ဟာသများ

စကားကောင်း v.s စကားဆိုး -- လျှပ်တစ်ပြက်အတွင်းမှာ

အဖြစ်အပျက်တစ်ခုက ဒီလိုဆိုပါတယ်။

ခင်ပွန်းဖြစ်သူက ဇနီးကို ပွေ့ဖက်နမ်းရှုံ့ရင်း စိတ်အားထက်သန်စွာနဲ့ ဇနီးကို အခုလို ချီးမွမ်းစကားဆိုတယ်။

“ခင့် အသားအရည်လေးက ကိုင်ရတာ နူးညံ့နေတာပဲ.. အသက် (၄ဝ)လို့တောင် မထင်ရဘူး”

ဇနီးက ရှက်ရယ်ရယ်ရင်း “ဟုတ်လား မောင်! ကိုင်ဖူးသူတိုင်းကလည်း အဲဒီလိုပဲပြောတယ်”

“ဖြောင်း” စကားသံနဲ့အတူ နားရင်းရိုက်သံက ရှေ့ဆင့်နောက်ဆင့် ထွက်လာခဲ့တယ်။

“လူဘယ်နှယောက် ကိုင်ခဲ့ဖူးလဲ? မှန်မှန်ပြောစမ်း”

“မျက်နှာပေါင်းတင်တဲ့ဆိုင်က ဝန်ထမ်းတိုင်း အဲဒီလိုပဲပြောတာပဲ”

ခင်ပွန်းရဲ့ ဒေါသစကားကို ဇနီးက ငိုငိုယိုယိုနဲ့ ရှင်းပြတယ်။

ဒါဟာ တကယ်ဖြစ်ပျက်ခဲ့ဖူးတဲ့ အဖြစ်အပျက်လို့ဆိုပေမယ့် ဘယ်လိုကြည့်ကြည့် ဟာသတစ်ခုနဲ့ တူနေခဲ့တယ် မဟုတ်ပါလား! တကယ်လို့ သေသေချာချာ အာရုံစိုက်တတ်ခဲ့ရင် ကျွန်တော်တို့ပတ်ဝန်းကျင်မှာလည်း ဒီလိုရယ်စရာစကားတွေ ပြည့်နှက်နေတယ်ဆိုတာကို သတိထားမိကြပါလိမ့်မယ်။

အပြောမတတ်တဲ့ စကားတစ်ခွန်းကြောင့် ကြည်နူးစရာအဖြစ်က ဝမ်းနည်းစရာအဖြစ် အသွင်ပြောင်းသွားခဲ့တယ်။ ပြီးမြောက်အောင် လုပ်နိုင်မယ့်ကိစ္စတစ်ခုက လမ်းတစ်ဝက်မှာတင် ရပ်တန့်သွားခဲ့ရတယ်။

“စကား” ကို လူတိုင်းပြောတတ်တယ်။ ဒါပေမယ့် လူတိုင်း စကားပြောတတ်မယ်မထင်ဘူး။
စကားအကောင်းပြောလို့ရပေမယ့် လူတိုင်း စကားကောင်းတွေ ပြောတတ်မယ်မထင်ဘူး။
ဘာလို့ စကားကောင်းမပြောကြတာလဲ? အဖြေက လွယ်ပါတယ်.. ပိုမတွေး၊ ပိုမစဉ်းစားလို့ပါပဲ။

သာဓက တစ်ခုနဲ့ပြောရရင်---

ကျွန်တော်မှာ မိတ်ဆွေတစ်ဦးရှိတယ်။ အဲဒီမိတ်ဆွေက သူ့ခြံနောက်မှာ အိမ်တစ်လုံးဆောက်ဖို့ စီစဉ်တယ်။ အဲဒီအိမ်ကို ရယ်ဒီမိတ်ပစ္စည်းတွေနဲ့ ကိုယ်တိုင်ဆောက်မှာဖြစ်ပြီး မြက်ရိတ်စက်၊ ပေါက်ပြား... စတဲ့ ပန်းခြံသုံးကိရိယာတွေ ထားဖို့အတွက်ဖြစ်တယ်။

အိမ်ဆောက်နေဆဲမှာ မိတ်ဆွေရဲ့အိမ်နီးနားချင်းတစ်ဦးက သူ့ကိုပြောပါတယ်။

“အိမ်လျှောက်မဆောက်နဲ့ .. ဒါ ဥပဒေနဲ့မညီဘူး”

ဒါကို ကျွန်တော်မိတ်ဆွေက မကျေမနပ်ဖြစ်ပြီး ဆောက်လုပ်ရေးဌာနကို သွားမေးတယ်။ ရလာတဲ့အဖြေက (၁ဝ)ပေပတ်လည်ဆောက်ရင် အရေးယူမခံရဘူး။ (၁ဝ)ပေပတ်လည်ကျော်မှ အရေးယူခံရမယ်လို့ ဆိုပါတယ်။

မိတ်ဆွေက သူဝယ်လာတဲ့ ပစ္စည်းတွေကို တိုင်းကြည့်တော့ ၁ဝ x ၁၂ ပေဖြစ်နေတယ်။ ဒါကြောင့် ဆိုင်မှာ ဥပဒေနဲ့ညီတဲ့ (၁ဝ)ပေပတ်လည် ပစ္စည်းတွေကို သူသွားပြန်လဲခဲ့တယ်။ အိမ်ဆောက်ပြီးတဲ့နောက် မိတ်ဆွေက ကျွန်တော့်ကို ရင်ဖွင့်ပြတယ်။

“ကျွန်တော့် အိမ်နီးချင်းကို ကျွန်တော်မကျေနပ်ဘူး။ ရုံးဌာနတွေကို ကျွန်တော်မေးပြီးပြီ.. အခုဆောက်တဲ့အိမ်က ဥပဒေနဲ့ ညီတယ်တဲ့။ သူကြိုက်တဲ့နေရာတိုင်ပါစေ.. ကျွန်တော်တို့လူမျိုးကို အနိုင်ကျင့်လို့မရဘူးဆိုတာ သူသိသွားစေရမယ်”

“ဘာဖြစ်လို့ ဒီလိုပြောရတာလဲ?” မိတ်ဆွေကို ကျွန်တော်က ဖျောင်းဖျတယ်။

“တကယ်ဆို.. “ခင်ဗျားကို ကျွန်တော်အရမ်းကျေးဇူးတင်တယ်။ ခင်ဗျားသာ သတိမပေးရင် ကျွန်တော်အိမ်က ၂ပေ လောက်ပိုသွားပြီး ဖျက်ရလိမ့်မယ်။ အဲဒီအချိန်ကျရင် ငွေကုန်လူပမ်းဖြစ်တော့မယ်” လို့ တခြားရှုထောင့်က ကြည့်ပြီး ဘာလို့ ခင်ဗျားမပြောခဲ့တာလဲ? သက်ဆိုင်ရာကို ခင်ဗျားသွားမေးခဲ့လို့ ဥပဒေနဲ့ညီတဲ့ အိမ်တစ်လုံး ခင်ဗျားဆောက်လိုက်ပြီဆိုတာ သူလဲသိရတာပေါ့”

မိတ်ဆွေက ကျွန်တော့်စကားကို ခေတ္တစဉ်းစားပြီး ကျွန်တော်ပြောသလို ဆောင်ရွက်ခဲ့တယ်။ နောက်ဆုံးမှာ အိမ်နီးချင်းမိတ်ဆွေကောင်းတစ်ဦး သူ့အတွက် တိုးလာခဲ့တယ်။

နောက် သာဓကတစ်ခုက ---

ကိစ္စသေးသေးမွှားမွှားတစ်ခုနဲ့ လင်မယားနှစ်ယောက် ရန်ဖြစ်ပြီး ကွာရှင်းဖို့အထိ ဖြစ်ခဲ့ရတယ်။ ရန်ဖြစ်ရတဲ့ အကြောင်းရင်းက အကောင်းကနေစတာဖြစ်တယ်။

အဲဒီနေ့မှာ မိန်းမဖြစ်သူက ဈေးကြီးပေးရတဲ့ ငါးတစ်ကောင်ဝယ်လာခဲ့တယ်။ အိမ်ပြန်ရောက်တာနဲ့ မိန်းမက ယောက်ျားကို ဖုန်းဆက်ပြီး “ရုံးကနေ ထွက်လာပြီဆိုတာနဲ့ ဖုန်းဆက်လိုက်နော်။ အဲဒီအချိန်ကျမှ ငါးကိုပေါင်းလိုက်မယ်။ ဒီငါးက တစ်စက္ကန့်၊ တစ်မိနစ် လိုသွား၊ ပိုသွားတာနဲ့ စားမကောင်းဖြစ်သွားတတ်တယ်”

မိန်းမရဲ့အတွေးက ယောက်ျားရုံးဆင်းတာနဲ့ သူငါးပေါင်းမယ်၊ ယောက်ျားအိမ်ရောက်တာနဲ့ ပူပူနွေးနွေး စားလို့ရပြီဆိုတဲ့ အတွေးဖြစ်တယ်။ ဖြစ်ချင်တော့ ယောက်ျားက ရုံးဆင်းပြီလို့ ဖုန်းဆက်ပြီး အိမ်ပြန်ဖို့ပြင်တဲ့အချိန် ဧည့်သည်တစ်ယောက်ရောက်လာလို့ မိနစ်(၂ဝ)ကြာ အိမ်ပြန်ချိန် နောက်ကျသွားခဲ့တယ်။

ဧည့်သည်ထွက်သွားပြီးနောက် ယောက်ျားက မိန်းမဆီ ချက်ချင်းဖုန်းဆက်တယ်။

“ဆောရီးပဲ... ကိစ္စတစ်ခုပေါ်လာလို့ အခုမှ ရုံးကနေထွက်လာရမယ်”

“ဘာပြောတယ်... အခုမှ ရုံးကနေထွက်လာမယ် ဟုတ်လား! ငါးဟင်းက အေးသွားရင် စားမကောင်းတော့ဘူးဆိုတာ ရှင်မသိဘူးလား! ဒီငါးကို ဈေးကြီးပေးပြီး ဝယ်ခဲ့ရတယ်ဆိုတာ ရှင်မသိဘူးလား!”

မိန်းမရဲ့အပြောကို ယောက်ျားက ဘာမှပြန်မပြောဘဲ အိမ်ကိုကားအပြင်းမောင်းပြီး ပြန်ခဲ့တယ်။ တွေးရင်း၊ မောင်းရင်း လမ်းတစ်လျောက်လုံး စိတ်တွေလှုပ်ရှားခဲ့လို့ မတော်တဆ လူတိုက်မိမလိုဖြစ်ခဲ့သေးတယ်။

အိမ်ရောက်တာနဲ့ မိန်းမကို “ငါးဟင်း အေးသွားလည်း အေးပါစေလေ.. အေးသွားတော့လဲ ပြန်နွေးပြီး စားကြတာပေါ့” ပြောတော့ မိန်းမက “ရှင်က ငါးဟင်းကောင်းကောင်းစားဖို့ ကံကိုမပါဘူး။ နောက်ဆိုရင် ရှင့်ကို ငါးဟင်း အအေးပဲ ကျွေးတော့မယ်”

အဲဒီလို သူတစ်ခွန်း၊ ကိုယ်တစ်ခွန်းနဲ့ ဆဲဆိုငြင်းခုန်ရန်ဖြစ်ခဲ့ကြတယ်။ ကလေးတွေလည်း ငိုယိုလို့.. ငါးဟင်းတစ်ခွက်က စားပွဲပေါ်မှာ စားသူမဲ့ အရာမယွင်းရှိနေခဲ့တယ်။ အဲဒီငါးဟင်းကြောင့် လင်မယားနှစ်ယောက် ကွာရှင်းဖို့နီးနီးဖြစ်ခဲ့ရတယ်။

သူတို့ဟာ စကားပြောတတ်သူလား?

တကယ်လို့ မိန်းမဖြစ်သူက အိမ်ဆောက်တဲ့ကျွန်တော့်မိတ်ဆွေလို ရှုထောင့်ပြောင်းပြီး “မလောနဲ့.. မလောနဲ့.. ငါးဟင်းအေးသွားလည်း ပြန်နွေးလို့ရတယ်။ ကားကိုသာ ဖြေးဖြေးသာသာမောင်းခဲ့။ ကျွန်မတို့စောင့်နေမယ်” လို့သာပြောခဲ့ရင် ရန်ပွဲကဖြစ်လာနိုင်မှာ မဟုတ်ပါဘူး။

စကားပြောတတ်တာနဲ့ မပြောတတ်တာက လျှပ်တစ်ပြက်အတွင်းမှာပဲ ဖြစ်ပွါးနိုင်တယ်။ အဲဒီလျှပ်တစ်ပြက်အတွင်းမှာ သည်းခံမယ်၊ နောက်ကိုခြေတစ်လှမ်းဆုတ်ပြီး စကားဆိုးကနေ စကားကောင်း၊ ဒေါသစကားကနေ နူးညံ့စကားအဖြစ် ပြောင်းလဲတွေးတောနိုင်ခဲ့ရင် နောက်ဆုံးမှာ ကြည်နူးစရာတွေနဲ့ အဆုံးသတ်ရမှာ ဧကန်မလွဲပါပဲ။

အဲဒီလျှပ်တစ်ပြက်အတွင်းမှာ မစဉ်းစား၊ မဆင်ခြင်ဘဲ ပြောမိပြောရာ ပြောလိုက်ရင် ဝမ်းနည်း၊ ဒေါသတွေနဲ့ အဆုံးသတ်ရမှာဖြစ်တယ်။ ငယ်ရွယ်စဉ် မရင့်ကျက်သေးခင်မှာ တစ်ချို့စကားကို စိတ်လိုက်မာန်ပါ ပြောမိတတ်ကြတယ်၊ အမှားတွေ ပြောမိတတ်ကြတယ်။ နေ့ခင်းပြောခဲ့တဲ့ စကားကို ညဘက်အိပ်ရာဝင်ချိန်မှာ တွေးတောကြည့်ပြီး ပိုကောင်းတဲ့ “စကားကောင်းပြောနည်း” နဲ့ ကိစ္စသေးသေးထဲကနေ သင်ခန်းစာများများ၊ လွယ်ကူတဲ့စကားထဲကနေ ရင်ထဲထိမှန်နိုင်တဲ့ စကားမျိုးတွေ ရှာဖွေတွေ့ရှိနိုင်ကြပါစေလို့.....

မူရင်းရေးသားသူ - Liu Yong (劉墉) 好話 v.s 壞話 … 只在一念之間 or google search

နိုင်းနိုင်းစနေ ဘာသာပြန်သည်။

စကားကောင်း v.s စကားဆိုး -- လျှပ်တစ်ပြက်အတွင်းမှာ

အမေ… ဘာကြောင့် အကြာကြီး ကျွန်မစောင့်ခိုင်းရက်ခဲ့သလဲ?

အမေ တကယ်ကို အိုစာသွားခဲ့ပါပြီ.. ကလေးငယ်တစ်ယောက်လို ချွဲနွဲ့တဲ့အထိ အိုစာသွားခဲ့ပါတယ်။ ဖုန်းဆက်တိုင်း မျှော်လင့်ချက်အပြည့်နဲ့ ကျွန်မကို အမေမေးတတ်တယ်။

"သမီး .. ဘယ်တော့ အိမ်ပြန်ခဲ့မလဲ?"

မိုင်ပေါင်းထောင်ကျော်ဝေးတဲ့အမေ့အိမ်ကို ကားသုံးဆင့်စီးမှ ရောက်တာကိုမဆိုထားနဲ့ အလုပ်တစ်ဘက်၊ ကလေးတစ်ဘက်နဲ့ အမေ့အိမ်ပြန်ဖို့ ကျွန်မအချိန်မပေးနိုင်ခဲ့ပါဘူး။ နားသိပ်မကောင်းတော့တဲ့အမေကို ကျွန်မအထပ်ထပ်ရှင်းပြခဲ့ပေမယ့် အမေက တောင့်တစွာနဲ့မေးတုန်းပါပဲ။

"သမီး ... ဘယ်တော့ အိမ်ပြန်နိုင်မလဲဟင်?"

အထပ်ထပ်မေးတဲ့ အမေကို စိတ်မရှည်စွာနဲ့ ကျွန်မအော်မိခဲ့ရင် အမေက တအင်း..အင်း သဘောပေါက်ဟန်နဲ့ ဖုန်းကို အသာချလိုက်တတ်တယ်။ ဒါပေမယ့် ရက်သိပ်မကြာပဲ အမေကဖုန်းဆက်ပြီး အဲဒီမေးခွန်းကိုပဲ ထပ်မေးတတ်ပြန်တယ်။ အလိုမကျတဲ့ ကလေးငယ်တစ်ယောက်လို မေးရင်လည်း အချည်းနှီးပဲဆိုတာသိပေမယ့် ထပ်သလဲလဲ မေးနေတဲ့ အမေကြောင့် ကျွန်မစိတ်တွေပျော့သွားပြီး သက်ပြင်းကို မသိမသာချမိတယ်။

ကျွန်မ မအော်မငေါက်မှန်းသိတော့ အမေက ဝမ်းသာအားရထပ်ပြောတယ်။

“ခြံနောက်က သလဲသီးတွေ အပွင့်ပွင့်နေပြီ၊ ဖရဲသီးတွေ မှည့်တော့မယ်၊ သမီး.... အမြန်ပြန်ခဲ့ပါ”

“အလုပ်တွေ ဒီလောက်ရှုပ်နေတာ အမေရာ.. ကျွန်မ ခွင့်ရနိုင်မှာမဟုတ်ဘူး”

“အမေ ကင်ဆာဖြစ်နေတယ်။ နှစ်ဝက်လောက်ပဲ အသက်ရှင်တော့မယ်လို့ ပြောလိုက်လေ”

အမေရဲ့အပြောကို ကျွန်မဝင်ဟန့်တော့ အမေက တခစ်..ခစ်နဲ့ သဘောကျရယ်မောနေခဲ့တယ်။ ငယ်ငယ်တုန်းက မိုးရွာ၊ လေကြီးလာတဲ့အချိန် ကျောင်းမတက်ချင်လို့ ဗိုက်နာချင်ဟန်ဆောင်တတ်တဲ့ ကျွန်မကို အမေက ဆူဆဲတတ်တယ်။ အခုတော့ အသက်ကြီး အိုမင်းသွားတဲ့အမေက ကျွန်မကို လိမ်ညာပြောဖို့ သင်ပေးနေခဲ့တယ်။

ကျွန်မနဲ့အမေကြားမှာ ဒီလိုမေးခွန်းတွေက ထပ်သလဲလဲဖြစ်နေခဲ့တယ်။ ဒီလိုမေးခွန်းကို ကျွန်မ မကြားရက်တော့လို့ နောက်လမှာ ပြန်ခဲ့ဖို့ပြောတော့ အမေခမျာ ဝမ်းသာလွန်းလို့ တံတွေးတောင်သီးခဲ့တယ်။ ဒါပေမယ့် ဘာကြောင့်မှန်းမသိ အမြဲမပြီးပြတ်နိုင်တဲ့ အလုပ်တွေက အိမ်ပြန်ဖို့ထက် အရေးကြီးနေခဲ့လို့ နောက်ဆုံးမှာ ကျွန်မ အိမ်မပြန်နိုင်ဖြစ်ခဲ့တယ်။

ဖုန်းရဲ့ တစ်ခြားတစ်ဘက်မှာ အမေရဲ့ စကားသံတွေ တိတ်ဆိတ်နေခဲ့တယ်။

“အမေ… သမီးကို စိတ်ဆိုးနေတာလား?”

အားနာနာနဲ့ ကျွန်မကဆိုတော့ အမေက ပျာပျာသလဲ ပြန်ပြောတယ်။

“စိတ်မဆိုးပါဘူး သမီး.. အမေ စိတ်မဆိုးဘူး။ သမီးလုပ်စရာရှိတာလုပ်ပါ”

ရက်သိပ်မကြာပဲ အမေ့ဆီက အရေးတကြီးဖုန်းလာပြန်တယ်။ စပျစ်သီးတွေ၊ သစ်တော်သီးတွေမှည့်လို့ ကျွန်မကို အမြန်ပြန်လာစားဖို့ ပြောပါတယ်။ အဲဒီလိုအသီးတွေက ဘာမှမဟုတ်ကြောင်း၊ ဈေးတိုင်းမှာ ၅ကျပ် ၁ဝနဲ့ ဝယ်စားနိုင်ကြောင်း ကျွန်မပြောတော့ အမေက သိပ်ဘဝင်မကျဘူး။ ကျွန်မက အမေကို ချော့မော့ပြီး “မြို့ပေါ်က အသီးတွေမြေသြဇာများတယ်၊ ပိုးသတ်ဆေးများတယ်။ အမေ့အသီးလောက် မချိုဘူး” လို့ ပြောတော့ အမေက သဘောကျစွာ ရယ်မောပြန်တယ်။

စနေနေ့ ရုံးပိတ်ရက်မှာ နေအပူရှိန်က ပြင်းအားကောင်းနေခဲ့တယ်။ အိမ်ပြင်မထွက်ရဲလို့ အိမ်ထဲမှာ လေအေးစက်နဲ့ ကျွန်မနေခဲ့တယ်။ သမီးငယ်က ကိတ်မုန့်စားဖို့ အတင်းပူဆာလို့ အိမ်ပြင်ကို မထွက်မနေ ကျွန်မထွက်ခဲ့ရတယ်။ အပူငွေ့တွေ တရိပ်ရိပ်တက်နေတဲ့ လမ်းမထက်မှာ အမေရဲ့ နောက်ကျောအရိပ်ကို ကျွန်မတွေ့လိုက်မိတယ်။ ကြည့်ရတာ ကားပေါ်က အခုမှ အမေဆင်းလာတာဖြစ်မယ်။ လက်မှာ ဆွဲခြင်းတစ်လုံးအပြင် ကျောမှာ ခပ်လေးလေးအိတ်တစ်လုံးကို အမေလွယ်ပိုးထားတယ်။ လွယ်ပိုးထားတဲ့အရာတွေကို လူတွေတိုက်မိမှာစိုးလို့ထင်တယ်.. ခါးကိုကွေးညွှတ်ပြီး လမ်းပေါ်က လူတွေကို အမေကွေ့ရှောင်နေခဲ့တယ်။ လူတွေကြားထဲမှာ အမေလှမ်းလိုက်တဲ့ ခြေလှမ်းတိုင်းက အားပါနေခဲ့တယ်။ ကျွန်မရဲ့ခေါ်သံကြောင့် အမေခေါင်းထောင်ပြီး လူအုပ်ကြားထဲမှာ ကျီးကန်းတောင်းမှောက်လိုက်ရှာတယ်။ ကျွန်မကိုတွေ့တော့ အမေက ရယ်ပြတယ်။ ဝမ်းသာလွန်းလို့ထင်တယ် အမေ့ဆီက ဘာသံမှထွက်မလာခဲ့ပါဘူး။

အိမ်ပြန်ရောက်တော့ အမေကပါသမျှ အရာတွေကို ဝမ်းသာအားရထုတ်ပေးတယ်။ အမေရဲ့ လက်ဖမိုးမှာ သွေးစွန်းနေတဲ့ ပလာစတာနဲ့ ဒဏ်ရာတချို့ကို ကျွန်မတွေ့လိုက်တယ်။ အမေက ကျွန်မကို ပြုံးပြပြီး “စား.. သမီး.. စား.. ဒါတွေအားလုံး အမေကိုယ်တိုင် ခူးခဲ့တာ”

ခရီးဝေးမသွားခဲ့ဖူးတဲ့အမေ ကျွန်မရဲ့စကားတစ်ခွန်းကြောင့် မိုင်ထောင်ပေါင်းများစွာကနေ ကျွန်မဆီအရောက် လာခဲ့တယ်။ အမေစီးခဲ့တာက ဈေးအချိုဆုံးနဲ့ လေအေးစက်မပါတဲ့ကား၊ ကျပ်ညပ်နေတဲ့ ကားပေါ်မှာ စပျစ်သီး၊ သစ်တော်သီးတွေ မပွန်းမပဲ့ဖို့ အမေဘယ်လို ယူခဲ့သလဲ၊ ကားကို အမေဘယ်လိုစီးခဲ့တယ်၊ အသီးတွေကို ဘယ်လိုကာကွယ်ခဲ့တယ်ဆိုတာကို ကျွန်မ မတွေးရက်ခဲ့ဘူး။ ကျွန်မသိတာတစ်ခုက ကမ္ဘာပေါ်မှာ အမေရှိတဲ့နေရာတိုင်း ထူးဆန်းမှုတွေရှိနေတယ်ဆိုတာပါပဲ။

ကျွန်မနဲ့ (၃)ရက်ပဲ အမေနေခဲ့တယ်။ နေဝင်နေထွက် အလုပ်သွားတဲ့အပြင် သားသမီးတွေကို စောင့်ထိန်းရတဲ့ကျွန်မ ပင်ပန်းမှာ စိုးလို့ပါတဲ့… ကျွန်မကို သူဘာမှမကူညီနိုင်ခဲ့သလို မီးဖိုချောင်က ခေတ်မီအသုံးအဆောင်တွေ သူ့ကြောင့်ပျက်ဆီးမှာစိုးလို့ မကိုင်တွယ်ရဲခဲ့ဘူး။ ကျွန်မ မသိအောင် ကားလက်မှတ်ဝယ်ပြီး အမေ တိတ်တိတ်လေး ထွက်သွားခဲ့တယ်။

အိမ်ပြန်ပြီး တစ်ပတ်အကြာမှာ ကျွန်မကို အမေလွမ်းပြန်တယ်။ ကျွန်မကို အိမ်ပြန်ခဲ့ဖို့ အမေတောင်းဆိုပြန်တယ်။

“အမေ.. ခဏလောက်တော့ သည်းခံစောင့်နော်”

အမေ့ကိုနှစ်သိမ့်ပြီး နောက်တစ်ရက်မှာ အမေ့ညီမဆီက ဖုန်းရတယ်။

“သမီးအမေနေမကောင်းဘူး… အမြန်ပြန်ခဲ့ပါ”

အဒေါ်ရဲ့စကားက ကျွန်မကို ပျာယာခတ်သွားစေတယ်။ ငိုငိုယိုယိုနဲ့ ကားဂိတ်ပြေးပြီး နောက်ဆုံးထွက်တဲ့ကားနဲ့ အမေ့အိမ်ကို ကျွန်မပြန်ခဲ့တယ်။ လမ်းတစ်လျှောက်လုံး ကျွန်မဆုတောင်းမေတ္တာပို့သနေမိတယ်။

ဒီတစ်ခေါက်လည်း ကျွန်မကို အမေလိမ်ညာတာဖြစ်ပါစေ၊ အမေနေကောင်းပါစေ…
တဗျစ်တောက်တောက် အမေပြောတဲ့စကားကို ကျွန်မ နားထောင်ချင်သေးတယ်
အမေချက်တဲ့ ဟင်းတွေအားလုံး ကျွန်မကုန်အောင်စားချင်သေးတယ်
အလုပ်က ခွင့်ယူပြီး အမေ့ဆီ ကျွန်မပြန်ခဲ့ချင်သေးတယ်

လူတွေဟာ အသက်(၈ဝ)အထိ အသက်ရှင်နေလည်း မိခင်ဆိုတာ လိုအပ်ကြောင်း အခုမှ ကျွန်မနားလည်ခဲ့တယ်။ ရွာဝမှာ ကားဆိုက်တော့ အမေက အပြေးလာကြိုတယ်။ အမေ့ကိုပြေးဖက်ပြီး ကျွန်မငိုမိ၊ ရယ်မိတယ်။

“အမေ ဘာပြောပြောကောင်းတယ်။ ဒါပေမယ့် ကိုယ့်ကိုယ် အသည်းအသန်ဖြစ်နေတယ်လို့တော့ မပြောပါနဲ့ အမေ”

ကျွန်မရဲ့ မကျေမနပ်စကားကို ကြားပေမယ့် အမေက ကျွန်မကိုပြုံးရယ်ပြီး ကြည့်နေခဲ့တယ်။

အိမ်ထဲဝင်လိုက် အိမ်ပြင်ထွက်လိုက်နဲ့ အမေကြည့်ရတာ မပင်ပန်းဘဲ ပျော်နေပုံရတယ်။ စားပွဲခုံပေါ် စားစရာတွေ တည်ခင်းပြီး ကျွန်မချီးကျူးတာကိုခံဖို့ အမေစောင့်နေခဲ့တယ်။

“ပဲက တူးသွားပြီ၊ ဖက်ထုပ်အခွံက ထူလွန်းတယ်၊ အသားက ငန်လိုက်တာ”

အားမနာတမ်း ကျွန်မဝေဖန်တော့ ပြုံးနေတဲ့အမေ့မျက်နှာက အားနာတဲ့ဘက်ကို ပြောင်းသွားပြီး မသိမသာနဲ့ ခေါင်းငုံ့နေခဲ့တယ်။ စိတ်ထဲကနေ ကျွန်မတိတ်တိတ်လေး ခိုးရယ်နေခဲ့မိတယ်။ သူချက်ထားတဲ့ အစားအစာတွေ စားကောင်းကြောင်း ချီးကျူးရင် ကျွန်မကို အဆမတန် အမေစားခိုင်းတော့မယ်ဆိုတာကို ကျွန်မသိနေတယ်။ ကျွန်မပြန်ချိန်မှာလည်း အများကြီး ထည့်ပေးလိုက်တော့မယ်ဆိုတာကို သိနေတယ်။

အမေအတွက် ကျွန်မချက်ပြုတ်ချိန်၊ သူနဲ့စကားစမြည်ပြောချိန်မှာ အမေက ကျွန်မကိုပဲ ငေးကြည့်နေတတ်တယ်။ သူ့အကြည့်တွေထဲမှာ ကရုဏာတွေ၊ ချစ်မေတ္တာတွေပါနေခဲ့တယ်။ ကျွန်မဘာပြောပြော ပါးစပ်လေးဟ၊ နားလေးစွင့်ပြီး အမေ ဂရုတစိုက်နားထောင်တယ်။ ကျွန်မအိပ်တဲ့အချိန်မှာတောင် ကုတင်ဘေးမှာထိုင်ပြီး ကျွန်မကို ပြုံးကြည့်နေခဲ့တယ်။

“သမီးကို အမေဒီလောက်ချစ်တာ.. ဘာဖြစ်လို့ သမီးနဲ့အတူ လိုက်မနေတာလဲ အမေ”

“မြို့ပေါ်မှာ တိုက်ကြီးတွေနဲ့ အမေ မနေတတ်ဘူး သမီးရယ်”

အမေ့အိမ်မှာ ရက်ကြာကြာမနေဘဲ အလျင်စလို ကျွန်မပြန်မယ်လုပ်တော့ အမေက နောက်ထပ်တစ်ရက် ထပ်နေဖို့ လိုလိုလားလား တောင်းဆိုပါတယ်။ ရွာနဲ့မိုင်အတော်ဝေးတဲ့ နေရပ်ဆီကို လူလွတ်ပြီး ဈေးဝယ်ထားခိုင်းကြောင်း၊ ကျွန်မကြိုက်တတ်တဲ့ အစားအစာတွေ ကိုယ်တိုင်ချက်ကျွေးဖို့ အမေပြင်ဆင်ထားကြောင်း ပြောတယ်။ အဒေါ့်အိမ်ကနေ ကျွန်မပြန်လာတော့ အမေက စားစရာတွေ စားပွဲခုံအပြည့်နဲ့ ကျွန်မကိုစောင့်နေခဲ့တယ်။

စားပွဲပေါ်က ဟင်းတွေကိုကြည့်ပြီး ကျွန်မ တုန်လှုပ်မိတယ်။ ငါးဟင်းက ငါးကြေးခွံတွေ မပြောင်ဘူး။ ကြက်သားပေါ်မှာ အမွေးတွေ မစင်ဘူး။ မှိုဟင်းထဲမှာလည်း ဆံပင်မွေးတွေနဲ့ ဟင်းတိုင်းက မထိမတို့ရဲလောက်အောင်ပါပဲ။ နုပျိုစဉ်က အမေဟာ အသန့်အလွန်ကြိုက်သူပါ။ ခုတော့ အိုစာလွန်းလို့ အသန့်၊ မသန့်တောင် အမေ မခွဲခြားနိုင်တော့ဘူး။ ဟိုမွှေဒီမွှေနဲ့ ကျွန်မအားရပါးရ စားတာကိုမတွေ့တော့ အမေက မသိမသာသက်ပြင်းချတယ်။ နောက်ပြီး ကျွန်မကို ညကားနဲ့ ပြန်ဖို့ စီစဉ်ပေးခဲ့တယ်။

ညမှောင်နက်နက်မှာ အမေက ကျွန်မလက်ကိုတွဲပြီး တောလမ်း၊ ရွံ့လမ်းတွေမှာသွားရတာ ကျွန်မ ကျင့်သားမရမှာစိုးလို့ဆိုပြီး ကားပေါ်အထိလိုက်ပို့ခဲ့တယ်။ ကျွန်မကို ဟိုမှာ၊ ဒီမှာနဲ့ ကားထွက်ခါနီးမှ ကားပေါ်က အမေဆင်းတယ်။ ကားပေါ်က အမေအဆင်းမှာ တံခါးနဲ့အင်္ကျီချိတ်မိပြီး အမေ ဟပ်ထိုးလဲတယ်။ ကားပြတင်းပေါက်ကနေ သတိထားဖို့ လှမ်းအော်တဲ့ကျွန်မ အသံကို အမေမကြားခဲ့ဘူး။ တရွေ့ရွေ့ ထွက်သွားတဲ့ ကားနောက်အမေအပြေးလိုက်ရင်း “သမီး.. သမီးကို အမေစိတ်မဆိုးဘူး.. သမီးအလုပ်များနေတယ်ဆိုတာ အမေသိတယ်” လို့ အော်တယ်။

ဒီတစ်ခေါက် အမေအိမ်ကျွန်မပြန်ခဲ့တာကို အမေအားရကျေနပ်သွားပုံရတယ်။ ကျွန်မကို အိမ်ပြန်ခဲ့ဖို့ အမေထပ်မပြောခဲ့တော့ဘူး။ ဒါပေမယ့် အိမ်ကပျော်စရာသတင်းတွေပဲ ကျွန်မကို အမေပြောပြတတ်တယ်။

“အိမ်မှာ လိမ္မာတဲ့နွားလေးတစ်ကောင် ထပ်တိုးတယ်။ နောက်နှစ်နွေဦးရောက်ရင် ခြံထဲမှာ အမေပန်းအပြည့်စိုက်မယ်”

အမေ့စကားတွေက ကျွန်မရင်ကိုနွေးထွေးစေခဲ့တယ်။ နှစ်ကုန်ခါနီးမှာ အမေ့ညီမရဲ့ ဖုန်းကို ကျွန်မရခဲ့ပြန်တယ်။

“သမီးအမေနေမကောင်းဘူး… အမြန်ပြန်ခဲ့ပါ”

ဒီတစ်ခေါက်တော့ ကျွန်မ မယုံတော့ဘူး။ ရှေ့ရက်ကမှ အမေနဲ့ကျွန်မ ဖုန်းပြောခဲ့သေးတယ်။ သူနေကောင်းကြောင်း၊ သူ့ကိုစိတ်မပူဖို့ ပြောခဲ့သေးတယ်။ ဒါပေမယ့် အိမ်ပြန်ခဲ့ဖို့ အဒေါ်က ကျွန်မကို လောနေခဲ့လို့ အမေကြိုက်တတ်တဲ့ ကိတ်မုန့်ဝယ်ပြီး မယုံတစ်ဝက်၊ ယုံတစ်ဝက်နဲ့ ရွာကိုကျွန်မပြန်ခဲ့တယ်။ ရွာရောက်တော့ အဒေါ်က လည်ပင်းရှည်ကြီးနဲ့ ကျွန်မကိုမျှော်နေတယ်။ အမေလာကြိုတာကို မတွေ့တော့ မကောင်းတဲ့နိမိတ်က ကျွန်မရင်ထဲ ရုတ်တရက်တိုးဝင်လာခဲ့တယ်။

ကျွန်မကို အကြောင်းကြားချိန်တည်းက အမေမရှိတော့ကြောင်း၊ စိတ်ချလက်ချနဲ့ သူထွက်ခွာသွားကြောင်း အဒေါ်က ကျွန်မကို ပြောပြတယ်။ လွန်ခဲ့တဲ့နှစ်ဝက်က အမေမှာ ကင်ဆာရောဂါရှိကြောင်း စစ်ဆေးတွေ့ခဲ့တယ်လို့ ဆိုပါတယ်။ ဒါကို အမေက ဘယ်သူ့ကိုမှ မပြောဘဲ ခါတိုင်းလို အလုပ်တွေလုပ်ရင်း ဘာမှမဖြစ်သလို နေခဲ့တယ်။ အရာအားလုံးကို အစဉ်တကျ စီစဉ်ဆောင်ရွက်ခဲ့တယ်။ အမေ့မှာ မျက်စိတိမ်စွဲနေကြောင်း၊ အရာဝတ္ထုတွေကို ကောင်းစွာမမြင်နိုင်ကြောင်း အဒေါ်က ကျွန်မကိုပြောပြပြန်တယ်။

အမေ့အတွက် ကိတ်မုန့်ကို ရင်ဝမှာထားပြီး ကျွန်မတင်းတင်းလေး ဖက်ထားမိတယ်။ ကျွန်မရင်တစ်ခုလုံး ဟာနေခဲ့တယ်။ အမေက သူ့အတွက် အသက်ရှင်ဖို့ရက်သိပ်မကျန်ကြောင်းသိလို့ ကျွန်မကို မကြာခဏ ဖုန်းဆက်ပြီး ပြန်ခိုင်းခဲ့ပုံရတယ်။ ကျွန်မကို မြင်ရဖို့၊ ကျွန်မနဲ့ စကားတွေပြောရဖို့အတွက် ကျွန်မကို အိမ်ပြန်ခိုင်းခဲ့တယ်။ ကျွန်မ မစားရဲ၊ ချေးများခဲ့တဲ့ မသန့်မရှင်း အမေရဲ့ ဟင်းတွေကလည်း အမေအမြင်တွေ မှုန်ဝါးခဲ့လို့ဖြစ်တယ်။ ကျွန်မကို ကားဂိတ်လိုက်ပို့ခဲ့တဲ့ညက အိမ်အပြန်လမ်းမှာ အမေချော်လဲခဲ့မလား? နမော်နမဲ့နိုင်လွန်းတဲ့ ကျွန်မ ဘယ်တော့မှ သိနိုင်ခဲ့တော့မှာ မဟုတ်ပါဘူး။

အမေ… လူ့ဘဝထဲကနေ နောက်ဆုံး ခွဲထွက်သွားမယ့်အချိန်မှာတောင် မီးခိုးခေါင်းတိုင်ဟောင်းမှာ (Petunia) ခေါင်းလောင်းနွှယ်ပန်းတွေ ပန်းပွင့်နေပြီဆိုတဲ့အကြောင်း ကျွန်မကို အားရဝမ်းသာပြောသွားခဲ့တယ်။ ကျွန်မငယ်ငယ်ကဝတ်ခဲ့တဲ့ ခရမ်းရောင်အင်္ကျီလို ပဲခင်းကပန်းတွေ ပွင့်နေတဲ့အကြောင်း ပြောသွားခဲ့တယ်။ အမေက အချစ်တွေ၊ နွေးထွေးမှုတွေကို ချန်ထားခဲ့ပြီး လူ့ဘဝထဲကနေ ဆိတ်ဆိတ်ငြိမ်ငြိမ် ထွက်သွားခဲ့ပါတယ်။

ဒီလောကမှာ ကျွန်မကို စိတ်မဆိုးတတ်တဲ့ တစ်ဦးတည်းသောသူဟာ အမေပါ…
ဒီလောကမှာ ကျွန်မအပြန်ကို အမြဲစောင့်ကြိုနေတတ်တဲ့ တစ်ဦးတည်းသောသူဟာ အမေပါ..
အမေရဲ့မေတ္တာ၊ အမေရဲ့ချစ်ခြင်းကြောင့် အမေ့ကိုဒီလောက်အကြာကြီး ကျွန်မစောင့်ခိုင်းရဲခဲ့တာပါ အမေ….

မူရင်းရေးသားသူ -劉繼榮 (Liu Ji Rong) 母親，我怎麼讓你等了那麼久

ဒီစာကို အီးမေလ်နဲ့ ဝေမျှပေးခဲ့တဲ့ Myo Myoကို ကျေးဇူးတင်ပါတယ်။

၂၆.၉. ၁၉၉၉ ခုနှစ် (၁ဝ)နှစ်ကြာ ထာဝရခွဲခွါသွားတဲ့ အမေအား လွမ်းဆွတ်လျှက်

နိုင်းနိုင်းစနေ ဘာသာပြန်သည်

အမေ… ဘာကြောင့် အကြာကြီး ကျွန်မစောင့်ခိုင်းရက်ခဲ့သလဲ?

လူမည်းနံပါတ် (၁)များ

Barack Hussein Obama

အထူးပြောစရာမလိုပါဘူး... ပထမဦးဆုံး အမေရိကန် လူမည်းသမ္မတဖြစ်ပါတယ်

Condoleezza Rice

သမ္မတ ကလင်တန်လက်ထက်က Madeleine Korbel Albright ပြီးရင် ဒုတိယမြောက် အမျိုးသမီး နိုင်ငံခြားရေးဝန်ကြီးဖြစ်ပါတယ်။ ပထမဆုံးသော လူမည်း နိုင်ငံခြားရေးဝန်ကြီးဆိုရင် ပိုမှန်ပါလိမ့်မယ်။ Rice ဟာ ရုရှားစကားကို ကျွမ်းကျွမ်းကျင်ကျင် တတ်မြောက်ထားပြီး ဆိုဗီယက်လက်နက်ထိန်းချုပ်ရေး ပညာရှင်ဖြစ်တယ်။ ပြင်သစ်စကားကို (၉)နှစ်ကြာ သင်ကြားခဲ့သူဖြစ်သလို စန္ဒားရားကို ကောင်းမွန်စွာတီးခတ်တတ်သူဖြစ်ပါတယ်။

Denzel Washington

ပီပီပြင်ပြင်နဲ့ သဘာဝကျကျ သရုပ်ဆောင်နိုင်ပြီး မိန်းကလေးအများနှစ်သက်တဲ့ သရုပ်ဆောင်တစ်ဦးဖြစ်တယ်။ ၉ဝခုနှစ်နှောင်းပိုင်းမှာ ဟော်လိဝုဒ်က လက်ခံပြီးနောက် ရုပ်ရှင်လောကထဲ ဝင်ရောက်ခဲ့သူဖြစ်တယ်။ ဟော်လိဝုဒ်က နာမည်အကြီးဆုံးနဲ့ ဈေးနှုန်းအမြင့်ဆုံး လူမည်းသရုပ်ဆောင်ဖြစ်တယ်။ (၁၉၈၈)ခုနှစ် ၆ဝကြိမ်မြောက်မှာ အော်စကာဆုအတွက် ဆန်ကာတင်ရွေးချယ်ခံခဲ့ရပြီး (၁၉၉ဝ) ခုနှစ် ၆၂ ကြိမ်မြောက်မှာ အော်စကာဆု ချီးမြှင့် ခံခဲ့ရတယ်။ အဲဒီနောက် (၁၉၉၃)ခုနှစ်၊ (၂ဝဝဝ)နှစ်၊ (၂ဝဝ၂)ခုနှစ် စတဲ့ နှစ်အသီးသီးမှ ၆၅ ကြိမ်မြောက်၊ ၇၂ ကြိမ်မြောက်၊ ၇၄ ကြိမ်မြောက် အော်စကာဆုအတွက် ရွေးချယ်ခံခဲ့ရတယ်။ စုစုပေါင်း (၅) ကြိမ်ရွေးချယ်ခံခဲ့ရပြီး (၂)ကြိမ်မှာ တွဲဖက်သရုပ်ဆောင်၊ (၃)ကြိမ်မှာ အကောင်းဆုံး အမျိုးသားသရုပ်ဆောင်ဖြစ်ခဲ့တယ်။ အော်စကာဆုတစ်ကြိမ် ချီးမြှင့်ခံခဲ့ရတဲ့ Denzel Washington ဟာ Sydney Poitier ပြီးရင် ဟော်လိဝုဒ်က အကောင်းဆုံးလူမည်းသရုပ်ဆောင် ဖြစ်တယ်လို့ တစ်ချို့က ဝေဖန်ခဲ့ပါတယ်။

Samuel L. Jackson

၁၉၈၁ ခုနှစ်မှာ "Jungle Fever"ဇာတ်ကားထဲက ဆေးစွဲသူအဖြစ် သရုပ်ဆောင်ခဲ့တဲ့ Samuel L.Jacksonဟာ Cannes Film Festival မှာ ပထမဦးဆုံး အကယ်ဒမီရခဲ့တဲ့ လူမည်းသရုပ်ဆောင်ဖြစ်တယ်။ ၁၉၉၄ ခုနှစ်မှာ "Pulp Fiction"ဇာတ်ကားနဲ့ အော်စကာဆု ဆန်ကာတင်ရွေးချယ်ခံခဲ့ရတယ်။

Halle Berry

အမေရိကန် "People" မဂ္ဂဇင်းရဲ့ "အလှဆုံး အမျိုးသမီး အယောက် (၅ဝ)" ထဲမှာ (၇)ကြိမ်ပါဝင်ခွင့်ရသူဖြစ်တယ်။ ၂ဝဝ၈ ခုနှစ်က "Esquire" မဂ္ဂဇင်းမှာ စွဲဆောင်မူအရှိဆုံး အမျိုးသမီးအဖြစ် ဖော်ပြခံခဲ့ရတယ်။ ဟော်လိဝုဒ်က သူ့ကို "ပုလဲနက်" လို့ တင်စားကြပါတယ်။

Hattie McDaniel

Hattie McDaniel ဟာ ပထမဦးဆုံး အော်စကာဆုချီးမြှင့်ခံခဲ့ရတဲ့ လူမည်းသရုပ်ဆောင် ဖြစ်ပါတယ်။ သူမတိုင်ခင် လူမည်းသရုပ်ဆောင် မြောက်များစွာရှိခဲ့ပေမယ့် ဆန်ကာတင်ရွေးချယ်နှုန်း နည်းခဲ့ပါတယ်။ (၁၉၃၉)ခုနှစ် "Gone With The Wind" ဇာတ်ကားမှာ Nannyအဖြစ် သရုပ်ဆောင်ခဲ့ပြီး အော်စကာဆုရခဲ့တဲ့အတွက် နာနီလို့လူသိများခဲ့သူဖြစ်တယ်။ အဲဒီနောက် Hattieဟာ သူပါတဲ့ဇာတ်ကားတိုင်းမှာ နာနီအခန်းကပဲ အများဆုံးသရုပ်ဆောင်ခဲ့ပါတယ်။

Michael Jackson

King of Pop လို့တင်စားခံရပြီး Elvis Presleyပြီးရင် အနောက်နိုင်ငံမှာ သြဇာလွှမ်းမိုးနိုင်ဆုံး အဆိုတော်ဖြစ်ခဲ့ပါတယ်။ "THRILLER" ဆိုတဲ့သူ့စီးရီးက ကမ္ဘာ့အရောင်းရဆုံး စံချိန်တင်ခဲ့တယ်။ ၂ဝဝ၆ ခုနှစ်က ကောက်ယူခဲ့တဲ့ စစ်တမ်းအရ မူရင်းရောင်းခွေပေါင်း သန်း၇၅ဝရှိခဲ့ပြီး World Guinnessစာအုပ်မှာ အရောင်းရဆုံးစီးရီးအဖြစ် မှတ်တမ်းတင်ခံခဲ့ရပါတယ်။

Will Smith

"ဟော်လိဝုဒ်မှာ ထုတ်လုပ်သူတွေက လူမည်းသရုပ်ဆောင်တွေအပေါ် အဆင့်အတန်းခွဲကြတယ်။ ဒါကြောင့် လူဖြူတွေထက် ကျွန်တော်တို့ပိုကြိုးစားဖို့ သဘာဝတရားက ဖန်တီးခဲ့ပါတယ်" လို့ Will Smith က ပြောခဲ့တယ်။ သူက ဟော်လိဝုဒ် လူမည်းသရုပ်ဆောင်လောကမှာ ဈေးအမြင့်ဆုံးသရုပ်ဆောင်ဖြစ်ခဲ့တယ်။ Grammy Awardsဆု များစွာရရှိခဲ့ပြီး "Men In Black" "Enemy of the State " စတဲ့ လက်မှတ်အရောင်း စံချိန်တင်တဲ့ ဇာတ်ကားတွေရိုက်ကူးခဲ့ပါတယ်။

Arthur Ashe

လူမျိုးအဆင့်အတန်းခွဲခြားမူ ပြင်းထန်တဲ့မြို့ကနေ Arthur ကိုမွေးဖွားခဲ့ပါတယ်။ ဒီလိုခွဲခြားမူကြောင့် ငယ်စဉ်ကတည်းက လူမျိုးခွဲခြားရေးဝါဒကို ဆန့်ကျင်ဖို့ Arthur ကို နှလုံးသွင်းခဲ့ဟန်တူတယ်။ သူဟာ ပထမဦးဆုံးသော Davis Cupအဖွဲ့ဝင် အာဖရိကလူမျိုးဖြစ်တယ်။ ပထမဆုံးသော ရွှေတံဆိပ်ဆုရ လူမည်းတင်းနစ် ကစားသမားတစ်ဦးလည်းဖြစ်တယ်။ ဆုရတဲ့နှစ်က ကျေးဇူးတင်စကားမှာ လူမျိုးခွဲခြားရေး၊ လူအဆင့်အတန်းခွဲခြားရေး အကြောင်းကို သူထည့်ပြောခဲ့တယ်။

ကျန်လူမည်းတစ်ချို့ကို ဆက်လက်ရေးသွားပါအုန်းမယ်..

လူမည်းနံပါတ် (၁)များ

မေတ္တာရပ်ခံအပ်ပါသည်

blogspot.comကို မြန်မာပြည်က တိုက်ရိုက်ကြည့်ခွင့်မရတဲ့အတွက် ကိုယ်ပိုင်ဆိုက်တစ်ခု (ဥပမာ- nineninesanay.com) လုပ်ဖို့ သူငယ်ချင်းတွေက အကြံပေးလာကြပါတယ်။ ပြည်တွင်းက သူငယ်ချင်းတစ်ဦးက ကျွန်မအတွက်ဆိုက်တစ်ဆိုက် ဝယ်ပြီး လက်ဆောင်ပေးမယ်ဆိုပါတယ်။ ဒါက ပြဿနာမရှိပါဘူး... ပြဿနာက (www.nineninesanay.com) ကို တစ်စုံတစ်ယောက်က ဝယ်ယူထားနှင့်တာကို တွေ့ရပါတယ်။ ကျွန်မကို လက်ဆောင်ပေးဖို့နဲ့ ပေးဖို့မေ့သွားတယ်လို့ ထင်ပါတယ် :P ဒါကြောင့် နိုင်းနိုင်းစနေနာမည်နဲ့ .com ကို ဝယ်ယူမရဖြစ်ပြီး တစ်ခြား .net .org....နဲ့သာ ဝယ်ယူနိုင်ပါတော့မယ်။ ဒါပေမယ့် .com ကိုပဲ ကျွန်မလိုချင်တဲ့အတွက် ဝယ်ယူခဲ့တဲ့ nineninesanay.com ကို လက်ဆောင်ပဲဖြစ်ဖြစ်၊ ငွေပြန်အမ်းတာပဲဖြစ်ဖြစ် ကျွန်မကို တစ်ခုခုပြုလုပ်ပေးဖို့ ဝယ်ယူထားသူကို မေတ္တာရပ်ခံအပ်ပါတယ်။ ကျေးဇူးအထူးတင်ပါတယ်..

နိုင်းနိုင်းစနေ

မေတ္တာရပ်ခံအပ်ပါသည်

ကျွန်မရဲ့ တူလေးတွေ

ရွာရောက်တုန်း တူအငယ်တစ်ယောက်တက်နေတဲ့ မူကြိုကျောင်းကို ရောက်ဖြစ်တယ်။ ရွာရဲ့မူကြိုကျောင်းက ရိုးရိုးရှင်းရှင်းလေးပဲ။ ဖျာတစ်ချပ်၊ ကျောက်သင်ပုန်းတစ်ချပ်၊ အိမ်အောက်ထပ်ရှိရင် မူကြိုဆိုတာဖြစ်သွားတယ်။ မြို့မှာလို ဘာကလေးကစားစရာ အသုံးအဆောင်မှ မရှိဘူး။ တောမို့ တောဓလေ့ ကစားနည်းဖြစ်တဲ့ ပြေးလွှားခုန်ပေါက်တာပဲ ရှိခဲ့တယ်။

တူအငယ်ဆုံးတစ်ယောက် အရင်တစ်ခေါက် ကျွန်မပြန်တုန်းက ဘယ်လိုခေါ်ခေါ် အနားမကပ်ဘူး။ မြင်းလိုပေးစီးလိုက်၊ စာတွေဖတ်ပြ၊ သီချင်းတွေဆိုပြလိုက်မှ ကောင်းကောင်းမှတ်မိသွားတော့တယ်။ ဒီတစ်ခေါက်ပြန်တော့ လူကိုမြင်တာနဲ့ "အားးးးရီ... " ဆိုပြီး ပြေးဖက်တယ်။

နားကားလေးနဲ့ ဓာတ်ပုံရိုက်ပေးရင် သူအရမ်းပျော်တယ်။ တစ်ချိန်လုံး ကျွန်မကို ဓာတ်ပုံရိုက်ခိုင်းတယ်။


ရွာမှာ တူ၊ တူမ သုံးယောက်၊ မြို့မှာ နှစ်ယောက် စုစုပေါင်း ကျွန်မမှာ တူ၊ တူမ ငါးယောက်ရှိတယ် :P

ဓာတ်ပုံတွေချည်း မတင်ပါနဲ့.. စာတွေလည်း တင်ပါအုန်းတဲ့.. လာအော်ပါတယ်။ စာတွေရေးပါ့မယ်.. အားတာနဲ့ စာတွေရေးမှာပါ။ ခုတော့ အလုပ်မှာ ကိစ္စနည်းနည်းရှုပ်နေတာကြောင့် စာတွေမရေးဖြစ်တာ နားလည်ပေးပါ။ ဒီဘလော့ဂ်က စာတွေ၊ ပုံတွေကို အပျင်းပြေလာကြည့်၊ လာဖတ်ကြတဲ့အတွက် အားလုံးကို ကျေးဇူးတင်ပါတယ်လို့....

နိုင်းနိုင်းစနေ

ကျွန်မရဲ့ တူလေးတွေ

တောင်ကြီးကို လွမ်းနေသူအတွက်

ကျွန်မတောင်ကြီးမှာနေမှန်း သိတော့ တောင်ကြီးမှာနေတဲ့၊ နေခဲ့ဖူးကြတဲ့ သူတွေဆီက စာတွေရတယ်။ တစ်ချို့ဆို တောင်ကြီးကိုခွဲခဲ့တာ နှစ်ပေါင်းမနည်းတော့ဘူး။ တောင်ကြီးပုံလေးတွေ ရိုက်ခဲ့ပါအုန်း.. တင်ပါဦးဆိုတာနဲ့ ရိုက်ဖြစ်ခဲ့တဲ့ ပုံတစ်ချို့ကိုတင်လိုက်ပါတယ်။ တောင်ကြီးကသိတဲ့အတိုင်း တိုက်တွေ၊ တိုက်တွေကလွဲရင် ဘာမှထွေထွေထူးထူးတော့ မရှိလှဘူး။ နေခဲ့ဖူးသူတွေအတွက်တော့ ဒီနေရာလေးက ဘာဖြစ်သွားပြီ၊ ဟိုနေရာလေးက ဘာပြောင်းလဲသွားတယ်ဆိုတာမျိုးတော့ သိချင်တတ်ကြတယ်။ တောင်ကြီးမြို့ကြီး ပြောင်းလဲသွားတာ အမှန်ပါပဲ...

အိမ်ကနေ လှမ်းမြင်ရတဲ့ တောင်ကြီးပေါ့...

(၆)လအတွင်း တိုက်လှလှလေးတွေ ဟိုတစ်လုံး၊ ဒီတစ်လုံး မှိုလိုပေါက်လာလိုက်ကြတာ

အ.ထ.က (၄) အတက်လမ်းက
အ.ထ.က (၄) ကျောင်းထွက်တွေများလို့
အမှတ်တရ ရိုက်ပေးခဲ့တယ်

တောင်ကြီးချယ်ရီမြေ အဖွဲ့သားတွေ ဖွင့်ထားတဲ့ ဆိုင်ဘာကဖေးနားက
(မြစပယ် တည်းခိုခန်းနားက)
ကြုံတုန်းကြော်ငြာဝင်လိုက်အုန်းမယ် (ကျွန်မကို ဖရီးပေးသုံးလို့တော့ မဟုတ်ဘူးနော်:P)
သူတို့ဆိုင် (MTG)က တောင်ကြီးမြို့မှာ စပိအမြန်ဆုံး၊ သုံးရအဆင်ပြေဆုံးဆိုင်ပါ

ရာသီဥတုအေးအေးနဲ့ ဆိတ်ဆိတ်ငြိမ်ငြိမ် ဒီလိုမနက်ခင်းမှာ
လမ်းထလျှောက်ရတာ အကောင်းဆုံးပေါ့
(ဗိုလ်ချုပ်ပန်းခြံနားက မင်းလမ်းအပေါ်ဘက်)

မနက်ခင်းမို့ မင်းလမ်းမှာ လူရော ကားရော ရှင်းနေတယ်
(ဗိုလ်ချုပ်ပန်းခြံနားက မင်းလမ်းအောက်ဘက်)

အေးအေးချမ်းချမ်း မနက်ခင်းမှာ တစ်ယောက်တည်း လမ်းလျှောက်ထွက်လာတာ
အိမ်ကနေ တောင်ကြီးဟိုတယ်ဘက်ထိ ရောက်သွားတယ် :P
(ရပ်တော်မူဘုရား သွားတဲ့ဘက်)

တောင်ကြီးဟိုတယ်ဖက်ရောက်တော့ မြူတွေမစဲသေးဘူး
ဟိုတယ် ထင်းရှူးတောထဲမှာ လေ့ကျင့်ခန်းလုပ်သူတွေနဲ့ ပြည့်လို့
ဟိုတယ်ထဲတော့ မဝင်ခဲ့ဘူး
တောင်ချွန်းက သူ့မျက်နှာကို မြူတွေနဲ့ ကွယ်ထားတုန်း...
(ဟိုတယ်အလွန် လမ်းကြားတစ်ခုပေါ့... မုန်ညှင်းချဉ်ဝယ်ဖို့အသွား)

မုန်ညှင်းချဉ်ဝယ်ပြီး အပြန်မှာ တောင်ချွန်းက သူ့မျက်နှာကို ခဏလှစ်ပြတယ်
အစက စူဌာမုနိဘုရားအထိ လမ်းလျှောက်မလို့ပါပဲ။
(၁ဝ)နာရီ လေဆိပ်ဆင်းရမယ်ဆိုတာနဲ့ မလျှောက်ဖြစ်ဘူး
တက္ကသိုလ်ဘက်လည်း မရောက်ဖြစ်ဘူး။
တက္ကသိုလ်ဖက်က ပုံတွေ တင်ပေးပါလို့ တောင်းထားသူတွေ
နောက်တစ်ခေါက်ပြန်မှ ရိုက်ခဲ့ပါမယ်လို့....
တောင်ကြီးမှာ တိုက်တွေ၊ လမ်းတွေကလွဲရင် ထွေထွေထူးထူးတွေ သိပ်မရှိပါဘူး
ဒါပေမယ့် အဲဒီတိုက်တွေ၊ လမ်းတွေကိုက လွမ်းမောချင်စရာ......

တောင်ကြီးကို လွမ်းနေမယ့်သူအတွက်

နိုင်းနိုင်းစနေ

တောင်ကြီးကို လွမ်းနေသူအတွက်

ကျွန်မနဲ့ အင်းသားမုန့်

အဲဒီနေ့ကရွာမှာ ငွေလှူခဲ့ပြီး မတင်မေနဲ့ကျွန်မ တောင်နီမြို့ကို ဆိုင်ကယ်နဲ့ခရီးဆက်ခဲ့ကြတယ်။ တောင်နီမြို့ဆိုတာက ကျွန်မတို့ရွာနဲ့ ၃ မိုင်ခွဲလောက်ဝေးပြီး အ.ထ.က ကျောင်း၊ ဈေး.. စတာတွေရှိတဲ့ တောမြို့ဖြစ်ပါတယ်။ ရပ်စောက်-ဗထူးသွားတဲ့ ကားလမ်းဘေးမှာရှိပါတယ်။ ကျွန်မတို့သွားတဲ့နေ့က ငါးရက်တစ်ဈေးမို့ ပတ်ဝန်းကျင်က ရောင်းသူ၊ ဝယ်သူတွေနဲ့ စည်ကားနေပါတယ်။ ဒီလိုငါးရက်တစ်ဈေးမှာ ဈေးပတ်လိုက်ကြတဲ့ အနယ်နယ်က ဈေးသည်တွေ အများကြီးရှိပါတယ်။

ဒီလိုအခင်းအကျင်း၊ ဒီလိုအပြင်အဆင်နဲ့ ရောင်းသူဝယ်သူရှိရင် ဈေးဆိုတာဖြစ်သွားပါတယ်

အနီးအနား ပတ်ဝန်းကျင်ရွာကလူတွေ ဒီလို ထော်လဂျီနဲ့ ဈေးလာသုံးကြတယ်

အင်းထဲက လာရောင်းတဲ့ အင်းသားမုန့်တွေ...

မုန့်ပြာလူးတဲ့... ကောက်ညှင်းနဲ့လုပ်ပြီး ဆန်မှုန့်နဲ့လူးလိုက်တာ

အရမ်းမချိုတော့ စားလို့ကောင်းတယ်

အင်းသားထိုးမုန့်လို့တော့ ရောင်းတဲ့လူကပြောတာပဲ
ထိုးမုန့်ပုံစံပဲ.. ဒါပေမယ့် ဒီမုန့်က ပိုမွှေးတယ်။ နှမ်းလှော်နဲ့ စားလို့တော်တော်ကောင်းတယ်

အင်းသား ခေါပုတ်တဲ့.. ဒီတိုင်း ကြံသကာရည်နဲ့ တို့စားကြတယ်

ဒါက ဘာမုန့်ခေါ်လဲမသိဘူး၊ တစ်ခြားဟာ ငမ်းနေတာနဲ့ မေးဖို့မေ့သွားတယ်

မုန့်လက်ကောက်တဲ့...

ကျွန်မက မုန့်လက်စွပ်ပါဆိုပြီး နောက်သလိုပြောင်သလိုနဲ့ တစ်ခုယူစားခဲ့တယ်

ချိုရဲရဲကြီးမို့ မဝယ်ခဲ့ဘူး

အရောင်နှစ်မျိုးနဲ့ ပဲကြီးလှော်၊ ပဲပုပ်စေ့လှော်တွေပေါ့
အိမ်အလည်လာတဲ့ ဧည့်သည်တွေကို အင်းသားတွေက
ပဲကြီးလှော်အပြင် ပဲပုပ်စေ့လှော်နဲ့လည်း ဧည့်ခံတတ်တယ်။

တိုင်းရင်းသားတွေစုံတဲ့ဈေးမှာ ပအို့ဝ်မကြီးရဲ့ ပဲပုပ်ကလည်း မရှိမဖြစ်ပေါ့

တောင်ကြီး၊ တောင်နီ၊ ရွှေညောင်၊ ညောင်ရွှေ၊ ဟဲဟိုးဆိုပြီး ငါးရက်တစ်ဈေး လှည့်ပတ်ရောင်းချကြတဲ့ ဈေးမှာ တောင်နီဈေးက နွားအရောင်းအဝယ်၊ ပြောင်းဖူး၊ နှမ်း၊ သနပ်ဖက်... စတဲ့ ရောင်းဝယ်မှုတွေရှိတာမို့ တောင်သူတွေ ပိုများပါတယ်။ အများအားဖြင့် (၁၂)၊ (၁)နာရီမှာ ဈေးကွဲပါတယ်။

နိုင်းနိုင်းစနေ

ကျွန်မနဲ့ အင်းသားမုန့်

စာဖတ်ပရိသတ်တွေရဲ့ အလှူ

ရန်ကုန်ကနေ တောင်ကြီးကို မှန်လုံကားနဲ့ ကျွန်မ ကတိုက်ကရိုက် ခရီးဆက်ခဲ့ပါတယ်။ တောင်ကြီးရောက်တာနဲ့ မတင်မေကိုခေါ်ပြီး ရွာကို ကျွန်မတို့သွားခဲ့ကြတယ်။ အရင်က (၁ဝ)တန်းကလေးမအတွက် စာဖတ်ပရိသတ်တွေ အားလုံးဝိုင်းလှူထားကြတဲ့ငွေတွေ ပိုနေတာကြောင့် အဲဒီငွေတွေနဲ့ ရွာကကျောင်းအတွက် တစ်ခုခုလှူရအောင် သွားတာဖြစ်ပါတယ်။ ကျောင်းကိုရောက်တော့ ကျောင်းအုပ်ကြီးနဲ့သွားတွေ့ပါတယ်။ ကျောင်းအုပ်က အခုမှ လင်းခေးမြို့က အသစ်ပြောင်းလာတာ တစ်လပဲရှိသေးတယ်လို့ ဆိုပါတယ်။ ကျွန်မတို့ရောက်တော့ ကျောင်းသားတွေ ကျောင်းပတ်ဝန်းကျင်သန့်ရှင်းရေး၊ အိမ်သာတွေ ပြုပြင်ဆောက်လုပ်နေကြတာကို တွေ့ရတယ်။

ရွာကလုပ်အားပေးတစ်ချို့နဲ့ ဥပုဒ်နေ့မှာ ကျောင်းသန့်ရှင်းရေး လုပ်နေကြတဲ့ ကျောင်းသူကျောင်းသားတစ်ချို့

ကျောင်းအုပ်က အသစ်ပြောင်းလာစမို့လားမသိဘူး.. တက်တက်ကြွကြွပါပဲ။ အရင်ကျောင်းအုပ်က စည်းကမ်းသိပ်မတင်းကျပ်တာကြောင့် ကျောင်းသားတွေ စည်းကမ်းမရှိတဲ့အကြောင်း၊ ဖြစ်ချင်တိုင်း ဖြစ်ခဲ့တဲ့အကြောင်း၊ ဒီကျောင်းအုပ်ရောက်လာမှ အိမ်သာတွေ၊ လမ်းတွေ၊ ကျောင်းပတ်ဝန်းကျင်တွေ သန့်သန့်ရှင်းရှင်းဖြစ်လာကြောင်း၊ ကျောင်းသားတွေကိုလည်း စည်းကမ်းတကျရှိဖို့ တဖြည်းဖြည်းနဲ့ သင်ယူနေကြောင်း ရွာခံလူတွေ၊ ဆရာ၊ ဆရာမတွေက ပြောပါတယ်။ တကယ်လည်း ကြီးမားတဲ့အဖွဲ့တစ်ခုပဲဖြစ်ဖြစ်၊ သေးငယ်တဲ့အဖွဲ့အစည်းတစ်ခုပဲဖြစ်ဖြစ် ခေါင်းဆောင်နေရာက အရမ်းအရေးကြီးပါတယ်။

ကျောင်းအုပ်ကြီး၊ ကျောင်းကော်မတီအဖွဲ့ဝင်၊ ဆရာ ဆရာမ၊ ရပ်ရွာလူကြီးတစ်ချို့နဲ့အတူ

ကျောင်းအုပ်ကြီးနဲ့တွေ့ပြီး လာရင်းကိစ္စကို ကျွန်မပြောပြတော့ တော်တော်လေး ဝမ်းသာရှာတယ်။ ကျောင်းမှာ အဖက်ဖက်က လိုအပ်နေတဲ့အချိန်၊ ပြုပြင်ဆဲအချိန်မှာ အလှူရှင်တွေ ပေါ်လာခဲ့လို့ ဝမ်းသာပီတိဖြစ်တဲ့အကြောင်း ပြောပါတယ်။ ကျွန်မလည်း ကျောင်းအုပ်ကြီးကို အခုလှူတဲ့ငွေတွေက အင်တာနက်ပေါ်က သူငယ်ချင်းတွေ (၁ဝ)တန်းကျောင်းသူလေးကို လှူဖြစ်ရာက ဝိုင်းစုလှူဖြစ်ကြတဲ့အကြောင်း ပြောပြပါတယ်။ အကျိုးအကြောင်းအရင်မေးရအောင် သွားတာမို့ နောက်တစ်ရက်မှ ဘဏ်မှာ ငွေ (၄)သိန်းထုတ်ပြီး ရွာကိုတစ်ခေါက် သွားလှူခဲ့ပါတယ်။ အဲဒီမှာ ကျောင်းကော်မတီအဖွဲ့ဝင်၊ ရပ်ရွာလူကြီးမိဘတွေနဲ့ ကျောင်းအုပ်ကြီး ကျွန်မတို့ကို စောင့်နေခဲ့ပါတယ်။

ကျောင်းအုပ်ကြီးကို ငွေကျပ် (၄)သိန်း လှူဒါန်းခဲ့ပါတယ်

ရွာက အလယ်တန်းကျောင်းသာဖြစ်တဲ့အတွက် ကျောင်းသားအများစုက (၈)တန်းအောင်တာနဲ့ ကျောင်းထွက်လိုက်ကြတာများပါတယ်။ ဒါကြောင့် ကျောင်းအုပ်ကြီးက သူရှိနေတုန်း တွဲဖက်အထက်တန်းဖြစ်အောင် ကြိုးစားခဲ့မယ်လို့ဆိုပါတယ်။ ကျွန်မတို့ ရွာသူရွာသားအားလုံးက လယ်သမားတွေဖြစ်တာကြောင့် ငွေပိုငွေလျှံရယ်လို့ သတ်သတ်မရှိခဲ့ပါဘူး။ တစ်နှစ်ကို နည်းနည်းချင်းစီ စုဆောင်းပြီး ဖဲ့လှူကြရတာကြောင့် လှူဒါန်းမှုတွေက ထင်သလောက်ခရီးမပေါက်ခဲ့ဘူး။ အခုလည်း ကျောင်းအုပ်ကြီးမှာ နေစရာမရှိလို့ ကျောင်းဆောင်ဘုရားခန်းမှာ နေတာတွေ့ခဲ့ရတယ်။ ဆရာ၊ ဆရာမ ဝန်ထမ်းစုစုပေါင်း အယောက် (၂ဝ)ကျော်တာမို့ နေစရာတွေ အခက်အခဲတော့ ရှိခဲ့ကြမှာပါ။ ကျောင်းအုပ်ကြီးပြောသလို ကျောင်းကော်မတီ၊ ရပ်မိရပ်ဖ၊ ပြင်ပအလှူရှင်တွေနဲ့ အားလုံးဝိုင်းဝန်း ကြိုးစားခဲ့ကြရင် တစ်နေ့နေ့မှာ အ.ထ.က ဟဲကယ်ကျေးရွာဆိုတဲ့ ကျောင်းတစ်ကျောင်း ပေါ်ထွက်လာနိုင်မယ်လို့ ကျွန်မယုံကြည်မိပါတယ်။

ဟဲကယ်ရွာမှာ တာဝန်ထမ်းဆောင်ခဲ့ကြတဲ့ ကျောင်းအုပ်ကြီးများစာရင်း

ကျွန်မက ဦးနေထွန်း(ကွယ်လွန်) လက်ထက်ကဖြစ်ပါတယ်

လှူဒါန်းခဲ့ကြတဲ့ အလှူရှင်တွေကို ရွာလူကြီးတွေက "ဒီထက်မက လှူနိုင်ဒါန်းနိုင်ကြပါစေ။ ပညာပါရမီထူးချွန်ကြပါစေ၊ လိုအင်ဆန္ဒပြည့်ဝကြပါစေလို့" ဆုတောင်းပေးလိုက်ပါတယ်။ အလှူရှင်တွေရဲ့ အလှူငွေတွေကို လက်ဆင့်ကမ်းပေးတဲ့ ကျွန်မကိုလည်း ကိုယ့်ရပ်ရွာကို မမေ့သူ၊ အဝေးကိုသွားခဲ့ပေမယ့် ရွာစကား (အင်းသားစကား)၊ ရွာသူရွာသားတွေကို မမေ့သူအဖြစ် ထောမနာပေးပါတယ်။ (သူတို့ပြောသလို ပြန်ပြောတာနော် :P)

အရင်ကျောင်းအုပ်ကြီးလက်ထက် ကျောင်းဝင်းမှာ အမှိုက်တွေ ရှုပ်ပွနေပါတယ်

အခုကျောင်းအုပ်ကြီးလက်ထက် ကျောင်းပတ်ဝန်းကျင် သန့်ရှင်းသွားပါတယ်
(သူတို့ပြောလို့ အရင်ကရိုက်ခဲ့တဲ့ ပုံနဲ့ အခုရိုက်ခဲ့တဲ့ပုံကို ကျွန်မနှိုင်းယှဉ်ကြည့်ရုံပါ)

ပိုနေတဲ့အလှူငွေတွေကို ဘာလုပ်ရမလဲလို့ အားလုံးကိုတိုင်ပင်တုန်းက ချို့တဲ့တဲ့ ကျောင်းသားနောက်တစ်ယောက်ကို ထပ်ပြီးကျောင်းထားပေးဖို့ အကြံပေးကြပါတယ်။ ရွာမှာက ချို့တဲ့တဲ့လူတွေများကြပါတယ်။ အထက်ကပြောခဲ့သလို ရွာကျောင်းမှာ (၈)တန်းအထိသာ တက်ကြပြီး (၉)တန်း (၁ဝ)တန်းကို မြို့ပေါ်တက် မသင်နိုင်တဲ့လူတွေ အများကြီးပါ။ ဒါကြောင့် ဒီကျောင်းအုပ်ကလည်း တွဲဖက်အထက်တန်းအထိ ဖြစ်အောင် ကြိုးစားမယ်လို့ အားတက်တရော ပြောလာခဲ့တာကတစ်ကြောင်း၊ တစ်ဦးတစ်ယောက်တည်း ကျောင်းတက်နိုင်တာမျိုးမဟုတ်ဘဲ အများပါ(၁ဝ)တန်းအောင်တဲ့အထိ ကိုယ့်ရပ်ကိုယ့်ရွာမှာပဲ ကျောင်းတက်နိုင်မယ့်အကျိုးကို မျှော်ကိုးမိတာကတစ်ကြောင်း လိုအပ်တဲ့နေရာမှာ လိုအပ်သလိုသုံးနိုင်ဖို့ ရွာကျောင်းမှာပဲ ကျပ်ငွေ (၄)သိန်းကို ကျွန်မလှူဒါန်းခဲ့ပါတယ်။ လှူဒါန်းခဲ့ကြသူတွေကို ဒီနေရာကနေ ရွာသူရွာသားကိုယ်စား၊ ကျောင်းသားမိဘတွေကိုယ်စား၊ ဆရာ ဆရာမတွေကိုယ်စား ကျေးဇူးအထူးတင်ပါတယ်လို့ ကျွန်မပြောပါရစေ။ နောက်နောင်မှာလည်း ဒီထက်မက လှူနိုင်၊တန်းနိုင်ကြဖို့ ဆုတောင်းလိုက်ပါတယ်။

နိုင်းနိုင်းစနေ

စာဖတ်ပရိသတ်တွေရဲ့ အလှူ

ကျွန်မရောက်ခဲ့တဲ့ရန်ကုန်

ပို့စ်မတင်တာကြာပြီ.. ဘယ်ရောက်နေလဲ .. ဘယ်သွားနေလဲလို့ မေးလာကြသူတွေကို ကျေးဇူးတင်ပါတယ်။ ခရီးတိုလေးမို့ အားလုံးကို ကြိုတင်မပြောမိတဲ့အတွက် ဆောရီးပါလို့... ရောက်ဖြစ်ခဲ့တဲ့ နေရာတွေက ပုံတစ်ချို့ကို တင်လိုက်ပါတယ်။ အားလုံး ပျော်ရွှင်ကြပါစေ...း)

ရန်ကုန်ရောက်တိုင်း မသွားမနေ သွားဖြစ်တဲ့နေရာတစ်ခု ရွှေတိဂုံဘုရားကိုပေါ့

တံမြက်စည်းတွေနဲ့ ဘုရားရင်ပြင်ပေါ်မှာ ဒီလိုစီတန်းပြီး
သန့်ရှင်းရေးလုပ်နေသူတွေကို တွေ့ခဲ့ရတယ်။

ရန်ကုန်ကို အကြိမ်ကြိမ်ရောက်ဖူးပေမယ့် ကရိဝိတ်ကို ဒီတစ်ခါပါမှ နှစ်ခါပဲ သွားဖူးခဲ့တယ်

ကရဝိတ်နဲ့ ရန်ကုန်မှာ ဘာပေါသလဲမေးရင် ကျီးကန်းတအားပေါတယ်လို့ ဆိုရမယ်
ဒီလို အုပ်စုဖွဲ့ပြီး ဝိုင်းအုံ အာ နေကြတဲ့ ကျီးကန်းတွေကို
ဒီတစ်ခေါက် ရန်ကုန်ရောက်မှ မြင်ဖူးတယ်...

ဘလော့ဂ်ဂါတစ်ချို့နဲ့ တွေ့ခဲ့ပါတယ်။ တွေ့ဖူးသူရော .. မတွေ့ဖူးသူတွေပါ
တွေ့ခဲ့တယ်။ ပုံတစ်ချို့က တစ်ခြားကင်မရာထဲ ပါသွားမယ်ထင်တယ်
ဒီထဲမှာတော့ လူစုံရှိမနေခဲ့ဘူး...

ဒီတစ်ခေါက် ရန်ကုန်မှာ (၃) ရက်ပဲနေခဲ့တယ်။ ရန်ကုန်မှာ လုပ်စရာရှိတာလုပ်ပြီး ခွင့်ရက်မစေ့သေးလို့ တာချီလိတ်ကိုမပြန်သေးဘဲ တောင်ကြီးမြို့ကို ကျွန်မခရီးဆက်ခဲ့ပါတယ်။

နိုင်းနိုင်းစနေ

ကျွန်မရောက်ခဲ့တဲ့ရန်ကုန်

ဝေဿန္တရာ အလှူပွဲ

ရပ်ကွက်အလိုက်လှည့်ပြီး တစ်ရပ်ကွက်မှာ (၅)ရက် ကျင်းပတဲ့ ဝေဿန္တရာ ဘုရားပွဲဖြစ်ပါတယ်။
ရပ်ကွက်အားလုံးကျင်းပပြီးရင် သီတင်းကျွတ်ရောက်ပါပြီ

အခုတော့ ဒီပွဲကို မကာဟိုခမ်းလို့ခေါ်တဲ့ ရပ်ကွက်က ကျင်းပတဲ့အလှည့်ဖြစ်ပါတယ်။
ပွဲကို မဟာမြမုနိဘုန်းကြီးကျောင်းဝင်းထဲမှာ ကျင်းပပါတယ်။
ရှမ်းလူမျိုးတို့ရဲ့ပွဲဖြစ်တဲ့အတွက် အပြင်အဆင်အားလုံးက ရှမ်းအပြင်အဆင်တွေဖြစ်တယ်။
ဒီကျောင်းမှာပဲ (၄)ရက်နေ့ကျရင် ထီးတင်ပွဲရှိပါသေးတယ်

ကျောင်းဝင်ပေါက်နဲ့ ကျောင်းထဲမှာ ငှက်ပျောပင်၊ ကြံပင်၊ ပန်းပင်တွေနဲ့
ဒီလိုအပြင်အဆင် လုပ်ထားပါတယ်။
ဘယ်ဖက်မှာ ငွေပင် (ငှက်ပျောဖူးကို ငွေရောင်စက္ကူနဲ့ ပတ်ထားပါတယ်)

ညာဖက်မှာ ရွှေပင်ဆိုပြီးစိုက်ထားပါတယ်။
ဝင်ပေါက်မှာ ပေါက်ပေါက်တွေရောင်းပြီး
ပေါက်ပေါက်တွေကပ်လှူနေတာကို တွေ့ခဲ့ရတယ်။

ပွဲဆိုတဲ့အတိုင်း အစားအသောက်၊ ကစားဝိုင်း၊ ပျော်စရာရွှင်စရာတွေနဲ့ စည်ကားနေပါတယ်
ရှမ်းမတစ်ယောက် ရောင်းနေတဲ့ ကောက်ညှင်းကျည်ထောက်

ရှမ်းမကြီးရောင်းနေတဲ့ ခရု၊ ပုဇွန်ကင်

စားခဲ့တဲ့ ရှမ်းခေါက်ဆွဲ

ကြိုက်ပါတယ် ရေဘဝဲကင်

ဝက်သားတုတ်ထိုး

ရောင်စုံအမှုန့်တွေနဲ့ ဖျော်တဲ့ဖျော်ရည်
သာကူအကြီးတွေထည့်ထားတဲ့ နှင်းပုလဲဖျော်ရည်လိုမျိုးပေါ့
ဒါပေမယ့် ဒီဖျော်ရည်တွေက အနံ့အရသာ ပိုပြင်းတယ်..
ထိုင်းစတိုင်လ်လို့ ပြောတာပဲ..

ဒီပွဲမှာ မပါမဖြစ်၊ မဖောက်မနေတဲ့ ဗျောက်အိုး၊ မီးရှုးတွေ
ညကိုနေ့ဖြစ်အောင် မီးရှုးတွေဖောက်တဲ့ ပွဲပေါ့

ရှမ်းရိုးရာဝတ်စုံနဲ့ အရောင်းဆိုင်

အမှတ်တရ ရှမ်းဝတ်စုံတစ်စုံ ဝယ်ဖြစ်ခဲ့တယ်

ပွဲဈေးတစ်ပတ်ပတ်ပြီး၊ ဗိုက်လည်းပြည့်ပြီဆိုတော့ တူမလေးတွေက အရုပ်တွေ ဆေးရောင်ခြယ်ချင်တယ်ဆိုလို့ သူတို့ကို ထိုင်စောင့်ရမှာပျင်းတာနဲ့ ကျွန်မလည်း ဝင်ခြယ်ဖြစ်တယ်။ ကျွန်မခြယ်တဲ့အရုပ်က ဂျပန်က နာမည်ကြီး ဇာတ်ကောင်လေး Crayon Shin-chan လို့ခေါ်တဲ့ ကာတွန်းဇာတ်ရုပ်လေးပါ။ (နောက်မှ သူ့အကြောင်း ရေးပါအုန်းမယ်)

ကြီးလာရင် ပီကာဆိုနီးနီး တော်မယ့်ကလေးလေး
စပ်ထားတဲ့ အရောင်ကိုလည်း ကြည့်အုန်းလေ..

ဒီပွဲက နှစ်စဉ်နှစ်တိုင်း ဝါတွင်းကာလမှာ ကျင်းပတဲ့ပွဲဖြစ်ပြီး မဲနှိုက်စနစ်နဲ့ လှူကြတန်းကြတဲ့ ပွဲဖြစ်ပါတယ်။ ရှမ်းတွေက တော်တော်လေး အလှူအတန်း လုပ်နိုင်ကြတယ်။ တစ်နှစ်ပတ်လုံး သူတို့အလှူမလုပ်တဲ့ လဆိုတာ မရှိသလောက်ပါပဲ။ ဒါကြောင့်လည်း ပြောပါတယ်.. ဘာတဲ့... တစ်မူးရှိလို့ တစ်ပဲလှူ တို့ရှမ်းတောင်သူ တူနိုင်ရိုးလားတဲ့...

နိုင်းနိုင်းစနေ

ဝေဿန္တရာ အလှူပွဲ