"ဘကံ"ကို မိန်းကလေးနဲ့တူတယ်လို့ လူတွေကပြောကြတယ်။ ပန်းနုရောင် ဘကံရဲ့မျက်နှာပြင်ပေါ်မှာ အဝါရောင်မွှေးညင်းလေးတွေ ပေါက်နေတယ်။ ရယ်လိုက်ရင် ဘကံရဲ့မျက်လုံးတွေက လေးသဏ္ဍာန် ကွေးညွှတ်သွားတတ်တယ်။မွန်ဂိုရီးယားအရှေ့ပိုင်း Kharchinက ရွာတစ်ရွာမှာ ဘကံတို့ မိသားစုနေတယ်။ နွေဦးနဲ့ဆောင်းမှာ အဲဒီနေရာက အေးစက်လွန်းလို့ နွေရာသီရောက်မှ မြက်ခင်းစိမ်းကို တွေ့ရလေ့ရှိတယ်။ မြက်ခင်းစိမ်းပြင်ကြီးပေါ်မှာ ပွင့်လွှာ(၆)ချပ်ပါတဲ့ အဝါရောင်ပန်းတွေ အရင်ဆုံးပွင့်ကြတယ်။ ပွင့်လွှာ (၆)ချပ်စလုံး မြေမှာကပ်ပြီး ဖူးပွင့်နေတဲ့ အဲဒီအဝါရောင်ပန်းက မြင်းတွေနင်းမိလည်း မသေတတ်ကြဘူး။ခေါင်းလောင်းသစ်ခွတွေက Cornflowerတွေ ညှိုးနွမ်းသွားမှ စပွင့်တယ်။ ဒီလိုရာသီရောက်ရင် ဘကံက လူကြီးတွေထက် ပိုအလုပ်ရှုပ်နေတတ်တယ်။ သစ်ခွပန်းတစ်ပွင့်ကို ခူးလိုက် လေးငါးလှမ်းပြေးပြီး တစ်ခြားပန်းခူးဖို့ ထိုင်ချလိုက်နဲ့ အဲဒီတုန်းက ဘကံရှိလှ သုံးလေးနှစ်ပေါ့။ အခွဲပါတဲ့ ဘောင်းဘီလေးနဲ့ ဘကံရဲ့ဖင်နှစ်ခြမ်းက အမြဲပေါ်နေတတ်တယ်။"ဘကံက မိန်းကလေးပဲဖြစ်ရမှာ ဘယ်နှယ့်ယောက်ျားလေးဖြစ်နေရတာလဲ" လို့ အမေကပြောတယ်။အမေကဘကံကို ပန်းတွေမခူးရဘူး၊ ပန်းကလေးတွေ နာတတ်တယ် လို့ပြောတော့ ပန်းကိုအမြစ်ကနေတူး ရေနည်းနည်းလောင်းပြီး တစ်ခြားနေရာကို ဘကံသယ်သွားတတ်တယ်။ သူသယ်သွားတဲ့နေရာက သေတ္တာထဲဖြစ်မယ်၊ ဦးလေးရဲ့ ဆေးလိပ်ဘူးထဲဖြစ်မယ်။ လေဒီယိုနောက်ဖြစ်မယ်၊ နောက်ပြီး ဘွတ်ဖိနပ်တွေထဲဖြစ်မယ်။ ဆောင်းရောက်မှ အိမ်ထဲမှာ လက်အရာတွေနဲ့ ခြောက်ပြီးအက်နေတဲ့ မြေစိုင်မြေခဲတွေ၊ ဆေးလိပ်ဖက်လို နွမ်းခြောက်နေတဲ့ ပန်းတချို့ကို တွေ့ရတတ်တယ်။အဖေက ရထားတိုက်ပြီး ဆုံးသွားခဲ့လို့ အမေနဲ့ပဲ ဘကံနေတယ်။ အမေပြောင်းဖူးခုတ်ရင် အမေ့မောင် ဦးလေးက လာလာကူတတ်တယ်။ ဦးလေးက တစ်ကိုယ်ရေသမားဖြစ်ပြီး သူ့မှာ ၃နှစ်အရွယ် အဖြူရောင်မြင်းတစ်ကောင်ပဲရှိတယ်။ အမေဆုံးပြီးနောက် ဦးလေးက ဘကံနဲ့အတူလာနေတယ်။အမေ ဘာရောဂါရသလဲ ဘကံမသိဘူး။ တကယ်လည်း "ရောဂါ" ဆိုတာကို ဘကံနားမလည်ခဲ့ဘူး။ ဘာအလုပ်မှမလုပ်ဘဲ စင်ပေါ်မှာ အမေလဲနေခဲ့တယ်။ နဖူးပေါ်မှာ အထပ်ထပ်ခေါက်ထားတဲ့အပြာရောင် အဝတ်စိုကိုတင်ထားတယ်။ တစ်ခါမှ မမြင်ဖူးတဲ့လူတွေ၊ ရယ်ချင်စရာ အနီရောင်အနွေးထည် ဝတ်ထားတဲ့ အသက်(၈ဝ)အဘွားကြီးရော၊ မီးရထားဝတ်စုံဟောင်း ဝတ်ထားတဲ့ လူကြီးရော၊ လက်ညှိုးမှာ အဖြူရောင်ပတ်တီးအပြည့်စည်းထားတဲ့ လူရော... လူတွေအများကြီး အမေကိုလာကြည့်ကြတယ်။ လူကြည့်တဲ့လူတွေက မုန့်တချို့နဲ့ ကိုယ်တိုင်စိုက်ထားတဲ့ ခရမ်းချဉ်သီးတွေ ယူလာကြတယ်။ တချို့ကအဆိုတော် Siqinbilige ရဲ့ခွေတွေယူလာကြတယ်။ ဒါတွေကို အမေ မမြင်ချင်ဟန်ဆောင်တယ်။ ခါတိုင်းဆိုရင် ဒီလိုလက်ဆောင်တွေမဆိုထားနဲ့ ကော်နဲ့လုပ်ထားတဲ့ အစိမ်းရောင်ဆံညှပ်ကိုတောင် နှစ်သက်လွန်းလို့ အမေလက်ကမချ ဖြစ်နေတတ်တယ်။"ဘကံ... မုန့်တွေယူစား"အမေက နတ်သမီးပုံပါတဲ့ မုန့်ပုံးကို လက်ညှိုးထိုးပြီးပြောတယ်။ ပြောပြီးတာနဲ့ မျက်လုံးမှိတ်သွားတယ်။ သူ့ကိုလာကြည့်တဲ့လူတွေ ဘယ်အချိန်လာတယ်၊ ဘယ်အချိန်ပြန်တယ်၊ ဘယ်လောက်ကြာကြာ သူ့ကိုငေးကြည့်နေခဲ့တယ်ဆိုတာကို အမေဂရုမစိုက်နိုင်တော့ဘူး။ အနီရောင်စင်အောက်က ထိုင်ခုံပေါ်ထိုင်ပြီး နွယ်မြက်တွေနဲ့ ကျစ်ဆံမြီးကျစ်ရင်း လူကြီးတွေပြောတဲ့စကားကို ဘကံနားထောင်နေတတ်တယ်။ ဒါပေမယ့် သူနားမလည်ခဲ့ဘူး။ တစ်ခါခါ အမေကဦးလေးနဲ့စကားပြောဖို့ ဘကံကို အိမ်ပြင်ထွက်ခိုင်းတတ်တယ်။ ဘကံခိုးနားထောင်တဲ့အခါ အမေရဲ့ငိုသံကိုကြားရပြီး ဦးလေးဆီက ဘာစကားမှထွက်မလာခဲ့ဘူး။ ဒါကပဲ "ရောဂါ" လား?ညအချိန် အမေ့ဘေးမှာ ဘကံလဲနေတယ်။ အမေကဘကံရဲ့ခေါင်းကို ပွတ်သပ်နေတယ်။ ဘကံရဲ့ နားရွက်၊ နှာခေါင်းကိုကြည့်လိုက် ဘကံရဲ့လက်တုတ်တုတ်ကို ဆုပ်ကိုင်လိုက်နဲ့...."ဘကံ... မေမေသွားရတော့မယ်""ဘယ်ကိုသွားမလဲ?""မေမေသွားပြီး ပြန်လာတော့မှာ မဟုတ်ဘူး"ဘကံ ဆတ်ခနဲ့ ထထိုင်လိုက်တယ်။"ဘကံ... တစ်နေ့မှာ လူတိုင်းခရီးဝေးတစ်နေရာကို သွားကြရတယ်။ ဘကံဖေဖေလဲ အဲဒီလိုပဲလေ""ဒါဆို.. ဘယ်နေရာကို သွားမှာလဲ?""ဘကံက ဘယ်မှမသွားဘူး။ ဦးလေးနဲ့အတူ နေရမယ်။ မေမေသွားပြီးနောက် နွေရာသီရောက်တိုင်း လိပ်ပြာအဖြစ်နဲ့ ဘကံကိုပြန်လာကြည့်မယ်"လိပ်ပြာအဖြစ်နဲ့! အမေဒီလောက်တန်ခိုးရှိသလား! ဘာဖြစ်လို့ အရင်ကဒီအကြောင်း သူမပြောခဲ့ပါလိမ့်?"တစ်ခြားလူတွေကို သားပြောပြလို့ရမလား?"ဘကံရဲ့အမေးကို အမေကခေါင်းခါပြပြီး "တစ်နေ့မှာ ရွာထဲကလူတွေ မေမေတို့အိမ်ကိုလာကြမယ်။ မေမေကို သူတို့ထမ်းသွားကြလိုက်မယ်။ အဲဒီအချိန်မှာ မေမေစကားပြောတော့မှာမဟုတ်ဘူး၊ မျက်စိလည်းဖွင့်မှာ မဟုတ်ဘူး။ ဘကံမငိုနဲ့နော်.. မေမေကိုလည်း မခေါ်နဲ့နော်။ မေမေ လိပ်ပြာအဖြစ်နဲ့ ပြန်လာခဲ့မယ်""လိပ်ပြာဖြစ်တာနဲ့ စကားပြောလို့ မရတော့ဘူးလား မေမေ?"လဲနေရာက အမေခေါင်းညိတ်ပြတယ်။ မျက်ထောင့်က မျက်ရည်တွေ နားရွက်ထိ စီးဆင်းသွားခဲ့တယ်။အမေပြောတာ အရမ်းမှန်တယ်။ တစ်နေ့မှာ အိမ်ကိုလူတွေအများကြီးလာကြတယ်။ ဘေးအိမ်အဘွားက ဘကံကို အနောက်အိမ်ခေါ်သွားပြီး ဖက်ထားတယ်။ လူတချို့ အမေကိုထမ်းထုတ်သွားကြတယ်။ အိမ်ပြင်ရောက်တော့ လူတစ်ယောက်က အမေ့မျက်နှာပေါ်က ဇာပုဝါကို လှန်လိုက်တယ်။ အမေ့မျက်နှာ ဖြူဆွတ်နေတာပဲ။ လူတွေအလုပ်ရှုပ်နေကြတယ်။ မိုးစီးဖိနပ်ကြောင့် နေရာတိုင်းမှာ ရွံ့တွေချည်းပဲ။ ဦးလေးက ဒူးထောက်ရင်း တုန်ခါနေတဲ့ ဘကံရဲ့ပုခုံးကို ဆုပ်ကိုင်ထားတယ်။အဲဒီအချိန်ကစပြီး ဘကံနေတဲ့ရွာ မိုးခေါင်ခဲ့တယ်။ လယ်သမားတွေက ဒီနှစ်မိုးခေါင်ရင် နောက်နှစ်ခေါင်မှာ မဟုတ်ဘူးလို့ ထင်ခဲ့ကြတယ်။ ဒါပေမယ့် နှစ်တိုင်းလိုလို မိုးခေါင်ခဲ့တယ်။ စိုက်တဲ့မျိုးစေ့တွေ မိုးမရကြဘူး။ မြက်တွေမပေါက်လို့ ဆိတ်ကျောင်းသမားတွေက ဆိတ်ကို အဝေးကြီးမှာ စားကျက်သွားလွတ်ကြတယ်။ ဒါပေမယ့် ဆိတ်တွေအစာမဝကြဘူး။ မြက်နည်းတော့ သဲတွေများလာတယ်။ လူတွေက သဲတွင်းတွေတူးပြီး စိုနေတဲ့သဲတွေကို မြက်ခင်းကောင်းတဲ့ထိ သယ်သွားကြတယ်။ပန်းတွေဖူးပွင့်တာကို ဘကံသိပ်မတွေ့ရတော့ဘူး။ အရင်က ကွင်းပြင်တစ်ခုလုံး စိမ်းစိုနေတတ်တယ်။ မိုးရွာပြီးနောက် မှိုတွေပေါက်လာတတ်တယ်။ ပန်းတွေပွင့်လာတတ်တယ်။ ခုတော့ သဲပြင်ဖြစ်နေတဲ့ ကွင်းပြင်မှာ လိပ်ပြာတွေလည်း မတွေ့ရတော့ဘူး။ အရင်နွေရာသီမှာ လိပ်ပြာတွေက စက္ကူစတွေ လေတိုက်ခံရတဲ့အတိုင်း ပတ်ဝန်းကျင်တစ်ခုလုံး ဟိုဒီပျံဝဲနေတတ်တယ်။ အမေလိပ်ပြာဖြစ်ပြီးနောက် ဘကံနေတဲ့ရွာကို ပျံသန်းလာဖို့ အချိန်ဘယ်လောက်ယူရမလဲ? လမ်းခုလပ်မှာ မောရင်း နားရဦးမယ်။ ချောင်းထဲက တိမ်တွေကိုမြင်ရင် တကယ့်တိမ်တွေထင်ပြီး သွားအိပ်စက်မိပြီး ရေနောက်လိုက်ပါသွားပြီလား?အဲဒီနှစ်က နှစ်သစ်ကူးပြီးနောက် ဦးလေးရဲ့မြင်းလှည်းပေါ်မှာ ဘကံထိုင်ပြီး မြေသြဇာတွေ သွားတင်ခဲ့တယ်။ ချောင်းဘေးရေတွင်းမှာ လိပ်ပြာတစ်ကောင်ကို ဘကံတွေ့တော့ မြင်းလှည်းပေါ်က ခုန်ဆင်းပြီး ခရမ်းရောင်လိပ်ပြာနောက် အပြေးလိုက်ခဲ့တယ်။ အဲဒီတုန်းက သူ(၁ဝ)နှစ်လောက်ရှိပြီ။ဦးလေးက "ဘကံ.. ဘကံ" လို့ လှမ်းခေါ်ပေမယ့် ခေါ်သံတွေ တဖြေးဖြေးဝေးသွားခဲ့တယ်။ လိပ်ပြာက ကုန်းမို့မို့လေးကိုဖြတ်ပြီး ယူကလစ်တောကို ဖြတ်တယ်။ လိပ်ပြာက ခဏနေပျောက်လိုက် ခဏနေ ဘကံမျက်စိရှေ့မှာ ပေါ်လာလိုက်နဲ့ အဝေးကနေ လာခဲ့ဟန်တူတယ်။ ဘကံ ပြေးမလိုက်တော့ဘူး။ အဝေးကို သစ်ရွက်တစ်ရွက်လို ဝဲပျံသွားတဲ့ လိပ်ပြာကို ရပ်ကြည့်နေခဲ့မိတယ်။နောက်တော့ ဘကံတို့တူဝရီးနှစ်ယောက် "နိုက်မန်တာလ"ကို ပြောင်းရွေ့ခဲ့တယ်။ ဦးလေးက လူများသူရင်းငှား ဝင်လုပ်တယ်။ အဲဒီအချိန် ဘကံ(၃)တန်း တက်နေပြီဖြစ်တယ်။အဲဒီကကျောင်းတွေအားလုံး အုတ်နီတွေနဲ့ဆောက်ထားတယ်။ ကျောင်းရှေ့မှာ အလံတိုင်တစ်ခုရှိတယ်။ ကျောင်းက အကောင်းစားမှန်တွေနဲ့မို့ ဆောင်းတွင်းမှာမအေးတော့ဘူး။ ကျောင်းမှာ ဆံပင်အဝါရောင်နဲ့ ဟောင်ကောင်ကလာတဲ့ လုပ်အားပေးဆရာမတစ်ဦးရှိတယ်။ ဆရာမက ကျောင်းသားလေးတွေကိုခေါ်ပြီး တောအုပ်မှာ သီချင်းသွားဆိုတတ်တယ်။ ညအချိန် မီးတွေထွန်းပြီး ပုံပြောပြတတ်တယ်။ ကျောင်းသားတိုင်းက ဆရာမကိုရော ဆရာမအိတ်ထဲက ပစ္စည်းကောင်းတွေကိုရော နှစ်သက်ကြတယ်။ အိတ်ထဲက ပစ္စည်းကောင်းတွေက သေနတ်ထမ်းထားတဲ့ ကော်ရုပ်စစ်သား၊ လက်သည်းနီ၊ မစ်ကီမောက်စ်သော့ချိတ်၊ ပီကေ၊ အရောင်လက်နေတဲ့ မျက်မှန်နဲ့ သမင်ပုံတွေဖြစ်တယ်။ ဆရာမက ဒီလိုပစ္စည်းတွေကို တစ်ခြားအိတ်တစ်ခုထဲထည့်ပြီး လွယ်ထားတတ်တယ်။ လိမ္မာယဉ်ကျေးတဲ့လူ၊ တော်တဲ့လူ၊ ဥပမာ... အင်္ဂလိပ်စကားလုံးတွေကို အသံကျယ်ကြီးနဲ့ ရွတ်ဆိုတတ်သူကို အိတ်ထဲကပစ္စည်းတစ်ခုခုနဲ့ ဆုချတတ်တယ်။တစ်နေ့ညနေမှာ ဆရာမက ပန်းချီကားတစ်ချပ်ယူလာပြီး ကျောက်သင်ပုန်းပေါ် ကပ်လိုက်တယ်။ ပြီးတော့ ကျောင်းသားတွေကို "ဒါ ဘာပုံလဲ" လို့မေးတယ်။
ကျောင်းသားတွေက "လိပ်ပြာပါ ဆရာမ" လို့ ဖြေကြတယ်။
ပုံထဲမှာ လိပ်ပြာက အဝါရောင်ပေါ် အမည်းရောင်အနားပါတဲ့ အတောင်ကိုဖြန့်ကားထားတယ်။ လိပ်ပြာရဲ့ အာရုံမျှင်တွေကလည်း အမည်းရောင်ဖြစ်တယ်။
"ဒါက ဘာလဲ?"
"ပိုးလောက်လန်းပါ ဆရာမ"
"မှန်တယ်... ဒါလေးရော?"
ဆရာမက သစ်အယ်စေ့သဏ္ဍာန် ချွန်ချွန်အရာတစ်ခုကို လက်ညှိုးထိုးပြီးမေးတယ်။
"ဒါကို ပိုးတုံးလုံးလို့ခေါ်တယ်။ တပည့်တို့မြင်ကြရတဲ့ လှပတဲ့လိပ်ပြာလေးတွေက ဒီပိုးတုံးလုံးကနေ ဖြစ်သွားကြတာ။ ပိုးလောက်လန်းနဲ့ ပိုးတုံးလုံးကို ရုပ်ဆိုးတယ်လို့ မထင်ကြနဲ့နော်။ သူတို့တွေဟာ လိပ်ပြာဖြစ်ပြီးနောက်......"
"ဆရာမ လိမ်တယ်"
ဘကံက စိတ်ဆိုးမာန်ဆိုးနဲ့ ထရပ်ပြီးအော်တယ်။ တခဏလောက် ဆရာမငေးကြောင်သွားပြီး
"ဘကံ... တစ်ခုခုမပြောခင် လက်အရင်ထောင်ပြီး ခွင့်တောင်းရမယ် သိလား"
ှုနှုတ်ခမ်းကို တစ်ချက်ကိုက်ပြီး ဘကံထိုင်ချလိုက်တယ်။
"ပိုးတုံးလုံးက ဘယ်အချိန်မှာ လိပ်ပြာဖြစ်သွားသလဲသိလား? နွေဦးအချိန် လောကတစ်ခုလုံး......"
စတိတ်စင်ပေါ် ဘကံပြေးတက်ပြီး ဆရာမလက်မောင်းကို ကိုက်ထားလိုက်တယ်။
"အား...." ဆရာမက ငယ်သံပါအောင်အော်တယ်။ စာသင်ခန်းတစ်ခုလုံး ရုန်းရင်းဆန်ခတ်ဖြစ်သွားတယ်။
ကျောင်းသားတစ်ယောက် ရိုက်လိုက်တဲ့ လက်ဖဝါးချက်ကြောင့် ကိုက်ထားတဲ့လက်ကို ဘကံလွတ်လိုက်တယ်။ ဆရာမရဲ့လက်မှာ သွေးစို့နေတဲ့ သွားရာတွေက အထင်းသားပေါ်နေတယ်။ ကျောက်သင်ပုန်းပေါ် ချိတ်ထားတဲ့ ပန်းချီကားကို ဘကံဆွဲဖြုတ်ဆုတ်ဖြဲပြီး ခြေထောက်နဲ့ နင်းချေပစ်လိုက်တယ်။ ဘကံရဲ့ နှာခေါင်းမှာ သွေးတွေထွက်နေတယ်။ သူ့ကိုရိုက်တဲ့ကျောင်းသားရဲ့ အင်္ကျီပေါ်ကကြယ်သီးတွေ မရှိတော့ဘူး။ ထိတ်လန့်သွားတဲ့ ကျောင်းသူတချို့က တစ်ယောက်ကိုတစ်ယောက် ဖက်ထားကြတယ်။
"မင်း ရူးနေလား?"
ကျောင်းအုပ်ကြီးရောက်လာပြီး ဘကံနဖူးကို လက်ညှိုးထိုးပြီးအော်တယ်။ နေရာမှာတင် ဘကံနောက်ပစ်လဲကျသွားတယ်။ ဆရာကြီးက ဘကံကို ဆွဲထူပြီး လက်ညှိုးနဲ့ထပ်တိုးတယ်။
"မင်း ရူးနေပြီ"... ဘကံနောက်ပစ်ကျသွားပြန်တယ်။
ကျောင်းအုပ်ကြီးက ဆရာမကို အရယ်နဲ့လျှော်ကြေးပေးတယ်။ လက်ပေါ်က အနာကို ပါးစပ်နဲ့မှုတ်ပေးတယ်။ ဦးလေးကလည်း ဆရာမကို အားနာနာနဲ့ ရယ်ပြတယ်။ ပြီးတော့ ဆိတ်တစ်ကောင် လက်ဆောင်ပေးတယ်။ ဘကံကို ဘာခွေးရူးကမှ မကိုက်ခဲ့ဖူးတဲ့အကြောင်း ကျောင်းအုပ်ကြီးက စုံစမ်းပြီး ဆရာမကို စိတ်မပူဖို့ပြောတယ်။ အဲဒီနောက် ဘကံကျောင်းထုတ်ခံရတယ်။
တစ်ညနေမှာ ဘကံအိမ်ကို အိတ်ကြီးလွယ်ပြီး ဆရာမရောက်လာခဲ့တယ်။ ဘကံနဲ့ပြောစရာရှိလို့ဆိုပြီး ဦးလေးကို အပြင်ထွက်ခိုင်းခဲ့တယ်။
"သား.. သားစိတ်ထဲမှာ တစ်ခုခုဖြစ်နေလား? ဆရာမကို ပြောပြပါနော်"
ဆရာမက ဒူးထောက်ထိုင်ချပြီး ပတ်တီးစည်းထားတဲ့လက်နဲ့ ဘကံပါးကိုကိုင်ပြီး မေးတယ်။
လိပ်ပြာ! အဝေးကနေ လိပ်ပြာပျံလာခဲ့တယ်။ အဘွားနေတဲ့ Xilin Gol Meng မြက်ခင်းပြင်ကလည်း ဖြစ်နိုင်တယ်။ ပြီးတော့ "ဇာရိလန်" လို့ခေါ်တဲ့ ပန်းဝတ်ရည်နဲ့ မျက်နှာသစ်မယ်၊ ရေသောက်မယ်။ နေဝင်ပြီးနောက် ဆက်ပျံသန်းမယ်။ ကြယ်ရောင်တွေအောက်မှာ လိပ်ပြာလေးဟာ မီးစုန်းတစ်ခုလို ဖြူရင်လည်းဖြူမယ်၊ ခရမ်းရောင်လည်းဖြစ်နိုင်တယ်.....
"လိပ်ပြာက သားကို ဘာသတိရစေသလဲ?"
ဆရာမအမေးကို ဘကံခေါင်းခါပြတယ်။ ဆရာမက သက်ပြင်းတစ်ချက်ချရင်း အိတ်ထဲကနေ အဖြူရောင် ဘွတ်ဖိနပ်တစ်ရံကိုယူပြီး ဘကံကိုပေးလိုက်တယ်။
ဘကံ ခေါင်းခါပြတယ်။ သူ့ကော်ဖိနပ်က အဝါရောင်က ထိပ်ကွဲနေပြီဖြစ်လို့ အထဲကအဝတ်စကိုတောင် မြင်နေရပြီ။ ဖိနပ်ကြိုးမရှိလို့ ဂုန်နီကြိုးနဲ့ ဘကံချည်ထားတယ်။ ဖိနပ်အသစ်ကို ဆရာမက စင်ပေါ်တင်ထားလိုက်တယ်။ ဘကံက ယူပြီး ဆရာမအိတ်ထဲ ထိုးထည့်ပစ်လိုက်တယ်။
အိမ်ထဲကထွက်တာနဲ့ ဆရာမကို အားနာနာနဲ့ ရယ်ပြနေတဲ့ ဦးလေးကိုတွေ့တယ်။ ဆရာမက ဘကံကို တစ်ချက်ပြန်ကြည့်ပြီး ပြောတယ်။
"လိပ်ပြာဆိုတာ အရမ်းလှတယ် ဘကံ။ ဆရာမကြောင့် သားမထိခိုက် မကြေကွဲမိပါစေနဲ့။ ကျောင်းပြန်တက်ပါ ဘကံ"
ဘကံ ကျောင်းပြန်ရောက်လာခဲ့တယ်။
အလယ်တန်းတက်တဲ့အချိန် ဘကံနာမည်ကြီးလာခဲ့တယ်။ အလယ်တန်း သင်္ချာပြိုင်ပွဲမှာ ဘကံ တတိယရတယ်။
Run Run Shaw ပညာသင်ဆုကို ချီးမြှင့်ခံခဲ့ရတယ်။
နွေရာသီကျောင်းပိတ်ရက်မှာ အဖွဲ့တစ်ဖွဲ့ဖွဲ့ပြီး ထက်မြက်တဲ့ကျောင်းသားတွေကို Qingdao ဖက် လေ့လာရေးထွက်ခဲ့ကြတယ်။ အဲဒီထဲမှာ ဘကံလည်းပါတယ်။ Qingdao က နေရာကောင်းဖြစ်တယ်။ အိမ်တွေ တောင်ထိပ်ကနေ တောင်အောက်အထိ ဆောက်ထားကြတယ်။ ခေါင်မိုးတွေက အနီရောင်ဖြစ်ပြီး ဂျုံမှုန်တွေဖြန့်ခင်းထားသလို ကမ်းခြေသဲတွေက ဖြူဖွေးနေတယ်။
လေ့လာရေးနောက်ဆုံးရက်က Huang Hai College ကို လည်ပတ်ဖို့ဖြစ်တယ်။ ကောလိပ်ရဲ့နံရံမှာ အစိမ်းရောင်နွယ်ပင်တွေနဲ့ ပြည့်နေတယ်။ မြေပေါ်မှာလည်း မြက်တွေနဲ့ မွန်ဂိုရီးယားက မြက်ခင်းစိမ်းထက် ပိုစိမ်းနေတယ်။ စားသောက်ခန်းထဲမှာ ကုလားထိုင်တွေကို တစ်သတ်မှတ်တည်းထားတယ်။ ခုံတွေကို တင်ပါးနဲ့ပွတ်ကြည့်လည်း အသံမထွက်တတ်ဘူး။ အစားအသောက် စားချင်တာတွေကို ကိုယ်တိုင်ယူရတယ်။ ကြက်တောင်ပံကြော်၊ ပုဇွန်ကြော်တွေလည်း ယူစားလို့ရတယ်။ စားပြီးရင် သံပန်းကန်ကို အနီရောင်ကော်ပုံးထဲ ထည့်လိုက်ရုံပဲ။
ထမင်းစားပြီးနောက် ကျောင်းသားတွေက သတ္တဝါပြတိုက်ကို သွားရောက်ကြည့်ရှုကြတယ်။
လှေသဏ္ဍာန် ဝေလငါးရိုးတွေ၊ ဆင်ရိုင်းရဲ့ အစွယ်တွေ၊ ဇီးကွက်နဲ့ မြေခွေးတို့ရဲ့ ရုပ်ကြွတွေ.. ဒီနေရာက တိရစ္ဆာန်ရုံတစ်ခုနဲ့ တူတယ်လို့ ဘကံထင်နေမိတယ်။ ရောင်စုံခြယ်ထားတယ်လို့ ထင်ရတဲ့ ငါးတွေက နေရာကမရွေ့ဘဲ ရပ်ကြည့်နေတဲ့ ဘကံရှေ့မှာ ခေါက်တုန့်ခေါက်ပြန် ကူးခတ်နေကြတယ်။ အဲဒီနောက် ပိုးမွှားတွေ ထည့်ထားတဲ့အခန်းထဲ သူတို့ရောက်လာခဲ့ကြတယ်။
လိပ်ပြာတွေ! မှန်ဘောင်တစ်ခုထဲမှာ လိပ်ပြာတွေအပြည့်ထည့်ထားတယ်။ တချို့လိပ်ပြာက သစ်ရွက်ကြီးတွေလို ကြီးမားပြီး တချို့က ကြယ်သီးလောက် သေးငယ်ကြတယ်။ တချို့လိပ်ပြာရဲ့ အတောင်ပံပေါ်မှာ ဝိုင်းစက်စက် မျည်လုံးနှစ်လုံးပါတယ်။ ဘကံရင်တွေ ထိန်းမရသိမ်းမရ ခုန်နေမိတယ်။ ရှင်းလင်းပြောကြားနေတဲ့ ဆရာမက တုတ်တစ်ချောင်းကိုင်ပြီး စစ်ဆောင်ပနားက မီးခိုးရောင်လိပ်ပြာအကြောင်း၊ မက်ဆီကိုက အစက်အပြောက်ပါတဲ့ လိပ်ပြာအကြောင်း၊ ဇာမဏီမျက်လုံးနဲ့လိပ်ပြာအကြောင်းကို ရှင်းပြနေခဲ့တယ်။ ဘကံ အခန်းထဲက ထွက်လာပြီး နံရံပေါ် မှီနေလိုက်တယ်။
လိပ်ပြာတွေ ဘာဖြစ်လို့ ဒီရောက်လာခဲ့တာလဲ? Qingdao မှာ ပင်လယ်ရှိလို့လား? ဘကံနေခဲ့တဲ့ရွာနဲ့ နိုက်မန်တာလမှာ လိပ်ပြာတွေမတွေ့တာ နှစ်အတော်ကြာခဲ့ပြီ။ လိပ်ပြာတွေ လမ်းမှားပြီး ပင်လယ်ဖက်ကို ပျံခဲ့တယ်။ အဲဒီနောက် ရှေ့ဆက်မပျံနိုင်ဘဲ ကျောက်ဆောင်ပေါ်ပြုတ်ကျပြီး ကျောက်ပန်းပွင့်တွေ ဖြစ်ခဲ့ပြီလား?
ပြတိုက်ထဲကထွက်လာတဲ့ ကျောင်းသားတွေ ဘကံကို သတိမထားမိခဲ့ကြဘူး။ ဘကံက တုတ်ကိုင်ထားတဲ့ ဆရာမရှေ့သွားပြီး အလေးတစ်ချက်ပြုလိုက်တယ်။ ဆရာမက ခေါင်းညိတ်ပြပြီး zhelimumeng စာတမ်းပါတဲ့ ဦးထုပ်အနီရောင်ကို ဆောင်းထားတဲ့ ဘကံကို ကြည့်မိတယ်။
အိတ်ထဲက ပိုက်ဆံနဲ့အကြွေတွေကို ထုတ်ပြီး ဆရာမကို ဘကံ ကမ်းပေးလိုက်တယ်။
"ဆရာမ... ကျွန်တော်တစ်ခုတောင်းဆိုပါရစေ။ သူတို့ကို လွှတ်လိုက်ပါ။ မြက်ခင်းပြင်ဆီ ပျံသန်းသွားဖို့ သူတို့ကို လွှတ်ပေးပါ"
"ဘာကို လွှတ်ရမလဲ"
"လိပ်ပြာတွေကိုပါ ဆရာမ"
ဆရာမ တအံ့တသြ ရယ်မိတယ်။ နီရဲရောင်အမ်းနေပြီး မျက်ရည်စို့နေတဲ့ ဘကံမျက်နှာကိုမြင်တော့ ဆရာမ အရယ်ရပ်လိုက်တယ်။ ပြီးတော့ စကားတစ်ခွန်းမှမပြောဘဲ ဘကံလက်ကိုဆွဲထားလိုက်တယ်။
တခဏလောက် ဘကံ ဆွံအနေမိတယ်။ ပြီးမှ ရင်ထဲကစကားတွေကို တစ်လုံးမကျန် ပြောနေမိတယ်။
အမေကို လူတွေထမ်းထုတ်သွားကြတယ်။ အပြင်မှာ မိုးတွေရွာနေတယ်။ အဘွားက ဘကံမျက်စိကို အုပ်ထားတယ်။ လူတိုင်းနောက်ဆုံးမှာ နေရာတစ်နေရာကို သွားကြရမယ်ဟုတ်လား? နောက်ပြီး သူတို့ တစ်ခုခုဖြစ်သွားကြမယ်ဟုတ်လား?
ဆရာမက လက်ကိုင်ပုဝါနဲ့ မျက်ရည်တွေကိုသုတ်ရင်း ဘကံကို စကားဆုံးအောင်ပြောစေတယ်။ ပြီးမှ အိတ်ထဲက ဗူးတစ်ခုကိုထုတ်ပြီး
"သားနာမည် ဘယ်လိုခေါ်လဲ"
"ဘကံပါ"
"ဒါ သားအတွက် လက်ဆောင်ပါ"
ဆရာမက ပြောပြောဆိုဆို ဖန်အကြည်လေးထဲထည့်ထားတဲ့ ရွှေရောင်နဲ့ခရမ်းရောင် ရောစပ်ထားတဲ့ လိပ်ပြာလှလေးတစ်ကောင်... လိပ်ပြာကို သစ်သားဗူးထဲထည့်ပြီး ဆရာမက ဘကံကို လှမ်းပေးတယ်။ ဆရာမရဲ့ မျက်ဝန်းတွေက နီရဲနေတယ်။ နှာခေါင်းဖျားလည်း နီနေပါတယ်။
"လှပတဲ့အရာတွေက ဘယ်တော့မှ မပျောက်ပျက်သွားတတ်ဘူး။ ဒီဘဝမှာလည်း အတူတူပဲ။ နောင်ဘဝမှာလဲ အတူတူပဲ။ အဲဒီအရာကို ဆရာမတို့ကယုံကြည်ရမယ်။ လက်ခံနိုင်စွမ်းလည်းရှိရမယ်။ ဒါက ဘကံရဲ့ လိပ်ပြာလေးပေါ့"
"ဘကံ... မင်းဘယ်မှာလဲ? ကားထွက်တော့မယ်"
ကားပြတင်းပေါက်နေ အသံတစ်ခု လွှင့်ဝဲလာခဲ့တယ်။
မူရင်းစာရေးဆရာ - မွန်ဂိုရီးယားမှ
鲍尔吉·原野 ( 巴甘的蝴蝶 ဘကံရဲ့လိပ်ပြာ)
စိတ်ဝင်စားရင်
ဒီထဲမှာ မူရင်းစာကို လေဒီယိုအသံလွှင့်အနေနဲ့လည်း နားထောင်နိုင်ပါတယ်။
နိုင်းနိုင်းစနေ ဘာသာပြန်သည်။
ဒီလို ရှည်လျားနက်မှောင်တဲ့ ဆံပင်ကို Pantene တံဆိပ် ခေါင်းလျှော်ရည်ကမှ လုပ်ဆောင်ပေးနိုင်ပါသတဲ့...
ပလင်တာကြော်ငြာ
hair salon ကြော်ငြာ
Pizza ကြော်ငြာ
ကစားကွင်းကြော်ငြာ
သတိုးသမီးကို သွားတောင်းတဲ့ရက်မှာ ပထမဆုံး သတိုးသားဖက် ပြင်ဆင်ရတဲ့အရာတွေက ကန်တော့ပုံသဏ္ဍာန် စက္ကူအနီထဲထည့်ထားတဲ့ လက်ဖက်ခြောက်ထုပ်နဲ့ ဆားထုပ်တွေဖြစ်တယ်။ အဲဒီအထုပ်တွေဟာ စုံဂဏန်းပဲဖြစ်ရပါမယ်။ ဥပမာ - လက်ဖက်ခြောက် ၄ထုပ်၊ ဆား ၄ထုပ်..
လက်ဖက်ခြောက်၊ ဆားတွေအပြင် သတိုးသားဖက်က တတ်နိုင်ရင်တတ်နိုင်သလောက် မုန့်ပုံး၊ ကိုလာ၊ နို့ဆီဗူး၊ ချိုချဉ်၊ အချိုရည် .. စတဲ့ လက်ဆောင်ပစ္စည်းတွေကို ဝယ်ရပါတယ်။ ပြီးတော့ အဲဒီလက်ဆောင်တစ်ခုစီကို စက္ကူအနီနဲ့ ပတ်ထားရပါတယ်။ အဲဒီအပြင် တတ်နိုင်ရင် တတ်နိုင်သလောက် သတိုးသမီးအတွက် အဝတ်အစား၊ အသုံးအဆောင်၊ ခန်းဝင်ပစ္စည်းတွေကိုလည်း ဝယ်ရပါတယ်။ ပစ္စည်းအားလုံးကို စက္ကူနီနဲ့ ကပ်ထားရပါတယ်။ ပစ္စည်းအားလုံးက စုံဖြစ်ရပါတယ်။
သတိုးသမီးဖက်က ဝယ်ထားတဲ့ အဝတ်အစား၊ အသုံးအဆောင်အားလုံးကို မင်္ဂလာမဆောင်ခင် ရှေ့တစ်ညမှာ သတို့သမီးအမေက (အမေမရှိရင် အဒေါ်) သေတ္တာထဲ ထည့်ပေးပါတယ်။ သေတ္တာထဲ အဝတ်အစားမထည့်ခင် စပါး၊ နေကြာစေ့၊ ငွေပြား၊ ထင်းရှုးဆီ၊ တူနှစ်စုံ၊ ပန်းကန်လုံးနှစ်စုံ၊ စက္ကူနီပတ်ထားတဲ့ ငွေစက္ကူတွေကို သေတ္တာလေးထောင့်မှာ ထည့်ပေးပြီး ပါးစပ်ကလည်း ကလေးမြန်မြန်ရဖို့၊ မြေးမြစ်တွေနဲ့ ပျော်ရွှင်နိုင်ဖို့ ဆုတောင်းပေးရပါတယ်။ စပါး၊ နေကြာစေ့၊ ငွေပြားတွေရဲ့ အဓိပ္ပါယ်က သားသမီးမြန်မြန် ထွန်းကားဖို့ပဲဖြစ်ပါတယ်။ အားလုံးထည့်ပြီးရင် သေတ္တာကို လုံးဝမဖွင့်ရတော့ပါဘူး။
သတိုးသမီးဖက်က တင်တောင်းတာကို သဘောတူပြီဆိုမှ သတိုးသားက သတိုးသမီးရဲ့ အခန်းထဲဝင်ပြီး ခေါ်ထုတ်ရပါတယ်။ အဲဒီနောက် သတိုးသားနဲ့ သတိုးသမီးက နေအိမ်ဘုရားစင်မှာ ဆီမီးပူဇော်ကန်တော့ ရပါတယ်။ (ဘုရားစင်ရှိရင် ဘုရားစင်၊ နတ်စင်ရှိရင် နတ်စင်)
ကန်တော့ပြီးရင် သတိုးသမီးရဲ့အဖေက (အဖေမရှိရင် ဦးလေး) သတိုးသားရဲ့ ဘယ်လက်မောင်းမှာ ပန်းပွင့်နီတစ်ပွင့် တပ်ဆင်ပေးရပါတယ်။
ပြီးရင် သတိုးသမီးဖက်က မိဘဆွေမျိုးသားချင်း၊ ညီအစ်ကို မောင်နှမတွေကိုခေါ်ပြီး သတိုးသားကို မိတ်ဆက်ပေးရပါတယ်။ မိတ်ဆက်ပေးရာမှာလည်း ဒီအတိုင်း ရိုးရိုး မိတ်ဆက်မပေးရပါဘူး။ အရက်ခွက်လေးကမ်းပြီး ဒါက အဖေပါ။ ဒါကအမေပါ။ ဒါက ဦးလေးပါ လို့ဆိုပြီး မိတ်ဆက်ပေးရပါတယ်။ သတိုးသားက အဖေ၊ အမေ၊ ဦးလေးလို့ ပါးစပ်က လိုက်ခေါ်ရပါတယ်။ အဖေ၊ အမေ၊ ဦးလေး၊ အဒေါ်တို့က သတိုးသား၊ သတိုးသမီးကမ်းတဲ့အရက်ကို မဖြစ်စလောက်လေးသောက်ပြီး ငွေတန်ငွေ၊ ရွှေတန်ရွှေ လက်ဖွဲ့တွေနဲ့အတူ အိုအောင်မင်းအောင်းပေါင်းဖို့ ဆုတွေပေးကြပါတယ်။ သတိုးသား၊ သတိုးသမီးဖက်ကလည်း ကျေးဇူးတင်တဲ့အနေနဲ့ လူကြီးမိဘတွေကို လက်ဆောင်တစ်ခုခု ပြန်ပေးကြပါတယ်။ ကိုယ့်ထက်အကြီးတွေကို အရက်၊ လက်ဆောင်နဲ့ မိတ်ဆက်ပေးပြီးနောက် ကိုယ့်ထက်အငယ်ကို မိတ်ဆက်ပေးရပါတယ်။ အငယ်တွေကို မိတ်ဆက်ရာမှာ အရက်မပါတော့သလို သူတို့ကလည်း လက်ဖွဲ့ပေးစရာမလိုပါဘူး။ ကိုယ့်ဖက်ကပဲ သူတို့ကို အန်ပေါင်းပေးရပါတယ်။
သတိုးသားနဲ့ သတိုးသမီး အိမ်ထဲကထွက်တာနဲ့ တစ်ပြိုက်နက် သတိုးသမီးရဲ့ မောင်က သတိုးသမီးကို ထီးအနီနဲ့ စကောဆောင်းပြီး ကားအထိလိုက်ပို့ ပေးရပါတယ်။ မကောင်းဆိုးဝါးတွေရဲ့ရန်က ကာကွယ်တဲ့ အယူနဲ့ဖြစ်ပါတယ်။ သတိုးသားဖက်ကလည်း သတိုးသမီးမိဘကို အန်ပေါင်းတစ်ခုပေးခဲ့ရပါတယ်။ အကြောင်းက သူတို့ရဲ့ စီးပွါးရေး၊ လာဘ်လာဘတွေ သတိုးသားနဲ့ လိုက်ပါမသွားဖို့ဖြစ်တယ်။ သတိုးသမီးဖက်ကလည်း သတိုးသမီးကို ခေါ်ထုတ်သွားပြီးနောက် ပန်းပွင့်ပုံဖော်ထားတဲ့ အစနီကြီးကို အိမ်ရှေ့တံခါးဝမှာ ချိတ်ဆွဲလိုက်ရပါတယ်။
သတို့သားအိမ်ရောက်ရင်လည်း သူတို့ရဲ့ထုံးစံအတိုင်း နတ်၊ ဘုရားတွေကို ပူဇော်ကန်တော့ရပါတယ်။ ပြီးတော့ လူကြီးတွေကို ကန်တော့ရပါတယ်။ အားလုံးကန်တော့ပြီးရင် ညနေမင်္ဂလာဧည့်ခံပွဲအတွက် ပြင်ဆင်ရုံပဲကျန်ပါတော့တယ်။
何權峰) (စိတ်ပညာ)
ထောပတ်သီးရဲ့ နဂိုမူလ ပေါက်ရောက်ရာနေရာက အမေရိကန်အလယ်ပိုင်းနဲ့ မက်ဆီကိုနိုင်ငံကဖြစ်ပြီး ထောပတ်ပင်တစ်ပင်မှာ မီတာ၂ဝထိ မြင့်မားနိုင်ပါတယ်။ ထောပတ်ပင်ရဲ့ အရွက်က ၁၂~၂၅ စင်တီမီတာထိ ရှိနိုင်ပြီး စိမ်းဝါရောင် ပန်းပွင့်လေးတွေ ပွင့်ပါတယ်။ ပန်းပွင့်တွေက အလွန်သေးငယ်ပြီး ဝ.၅~ ၁ စင်တီမီတာလောက်ပဲ ရှိပါတယ်။ အရွယ်ရောက် ထောပတ်ပင်တစ်ပင်က တစ်နှစ်မှာ ထောပတ်သီးအလုံးရေ ၁၂ဝထိ သီးနိုင်ပါတယ်။
ငရုတ်သီးစားပြိုင်ပွဲ ဝင်နေကြသူနှစ်ဦး
သိမ်းစ်မြစ်ကမ်းတစ်နေရာ
ပဲသီး၊ နတ်နတ်သီး၊ တရုတ်နံနံ၊ ပန်းမုန်လာ စတာတွေနဲ့လုပ်ထားတဲ့ နာမည်ကြီး လန်ဒန်တံတား
မုန်လာဥနီ၊ ပန်းမုန်လာ၊ သံပရာသီး စတာတွေနဲ့ လုပ်ထားတဲ့ London eye
၂ဝဝ၉ခုနှစ် နိုဝင်ဘာလ ၂ဝရက် အင်္ဂလန် Boltonမှာနေတဲ့ ပေါင်မုန့်ဖုတ်ဆရာ Steve Bostock ဟာ သမီးငယ်နှစ်ဦးကိုချော့ဖို့ ပေါင်မုန့်ဖုတ်ခဲ့တယ်။ သူဖုတ်တဲ့ပေါင်မုန့်က အရင်အင်္ဂလန် X-Factor မှာ ပါဝင်ယှဉ်ပြိုင်ခဲ့ဖူးတဲ့ အမွှာနှစ်ဦးရဲ့ ပုံစံဖြစ်တယ်။ ဒီလိုပုံစံပေါင်မုန့်မျိုးကို Steve Bostock ရဲ့ဆိုင်မှာ ဝယ်ယူနိုင်ပြီဖြစ်တယ်။
ပုံအားလုံးကို http://www.youthwant.com.tw မှ ကူးယူဖော်ပြပါသည်။
ရန်ကုန်သွားမယ့် တောင်ကြီးကားတွေ အောင်ဘန်းမှာ အမြဲနားတယ်။ ဒီနေရာမှာက လက်ဖက်ခြောက်၊ အာလူးကြော်၊ လိမ္မော်သီး၊ ထောပတ်သီး၊ ရှားပါးသစ်ခွတွေ လက်ဆောင်အဖြစ် ဝယ်ယူနိုင်တယ်လေ...
ရန်ကုန်တစ်နေရာမှာ ပန်းခိုင်လိုထိုးပြီးရောင်းတဲ့ ဂွေးသီး
ရန်ကုန်မှာတွေ့တဲ့ မြေအိုးထဲထည့်ရောင်းတဲ့ ဒိန်ချဉ်
ဟိုး.. သာကေတဖက် အမျိုးတွေဆီသွားလည်တော့ သာကေတမှာရှိတဲ့ ရွှေပုဇွန်ဆိုင်မှာ ဝင်စားခဲ့တဲ့ မနက်စာ ကောက်ညှင်းဆီဆမ်းနဲ့ ငါးခြောက်ဖုတ်တဲ့
ဒါက ကျွန်မမှာတဲ့ ကော်ပြန့်စိမ်း
ကော်ရည်ခေါက်ဆွဲတဲ့... ငပိပါ ပါတယ်။ နမ်းပဲနမ်းကြည့်ပြီး ကျွန်မ မမြည်းကြည့်ခဲ့မိဘူး...
ကျွန်မကမနက်စာကို ဒီလိုအစာမျိုးတွေထက် အသီးတစ်မျိုးမျိုးနဲ့ ပိုကျေနပ်တတ်သူပါ။ ခုတော့.. လူများကျွေးတယ်ဆိုတော့လည်း ချေးများမနေတော့ပါဘူး... စားခဲ့ပါတယ်...
သာကေတ ရွှေပုဇွန်က အသစ်ဖွင့်ထားတဲ့ဆိုင်လို့ ပြောပါတယ်။ ဆိုင်အခင်းအကျင်းက မြို့တွင်း ပူပူလောင်လောင် ဆူဆူညံညံ မနေချင်သူတွေအတွက် သင့်တော်တဲ့နေရာလေးပါ။ သစ်ပင်တွေနဲ့ ရေကန်ပါတဲ့ ပန်းခြံလေးတစ်ခုပါပြီး အေးအေးလူလူရှိလှတယ်။ ရေကန်မှာက ရောင်စုံငါးတွေနဲ့ ရေပန်းလေးတွေပါ ပါပါတယ်။
ကမ္ဘာပေါ်မှာ အနက်ဆုံးဖြစ်တဲ့ Mariana Trench ရဲ့အနက်ရှိုင်းဆုံးနေရာမှာရှိတဲ့ ပင်လယ်ရေက အရမ်းအေးတယ်။ အေးလွန်းလို့ ဘယ်ရေသတ္တဝါမှ မရှင်သန်နိုင်ခဲ့ဘူး။ ဒါပေမယ့် အဲဒီလိုရေနက်နေရာမှာ Monkfishလို့ခေါ်တဲ့ ငါးတစ်မျိုးက ပျော်ပျော်ကြီး ကျင်လည်ကျက်စားပြီး မျိုးပွားခဲ့တယ်။ Monkfishတွေဟာ ကြီးလေလေ ရှေ့ကလမ်းကိုတောင် မမြင်ရအောင် ကန်းလေလေဖြစ်တယ်။ ဒါပေမယ့် သူတို့ကိုယ်ထဲ အချစ်တွေဖြစ်ပွါးလာတာနဲ့ သူတို့ရဲ့ ဦးခေါင်းထိပ်မှာရှိတဲ့ မီးအိမ်ဟာ လင်းလက်လာတတ်တယ်။ အဲဒီမီးရောင်နဲ့ လမ်းတွေကို သူတို့တွေ့မြင်ရပြီး ပင်လယ်နက်ထဲမှာ ပျော်ပျော်ကြီးရှင်သန်နိုင်ခဲ့ကြတယ်။
ကြည်နူးစရာ ပုံပြင်လေးတစ်ပုဒ်က ဒီလိုဆိုပါတယ်။
တစ်ပတ်ကျော်ကြာ ကျွန်မနေခဲ့တဲ့ ထားဝယ်မြို့အကြောင်း ကျွန်မသိမြင်ကြားခဲ့ရသမျှကို မျှဝေချင်ပါတယ်။ အားလုံးသိပြီးတဲ့အတိုင်း ထားဝယ်မြို့က မြန်မာနိုင်ငံတောင်ပိုင်း တနင်္သာရီကမ်းရိုးတန်းပေါ်မှာ တည်ရှိတဲ့ မြို့လေးတစ်မြို့ဖြစ်ပြီး အရင်က တနသာင်္ရီတိုင်းရဲ့မြို့တော်ဖြစ်ခဲ့ဖူးပါတယ်။ (အခုတော့ မြိတ်မြို့က မြို့တော်ဖြစ်သွားပြီလို့ ဆိုပါတယ်) ထားဝယ်မြို့ကို တောင်တွေနဲ့ လေးဖက်လေးတန် ဝန်းရံထားတယ်ဆိုပေမယ့် အပူပိုင်းဒေသ၊ ပင်လယ်ကမ်းခြေနဲ့ နီးတဲ့အတွက် ရာသီဥတုက ပူအိုက်စွတ်စိုပါတယ်။ ကျွန်မရောက်ခဲ့တဲ့ နိုဝင်ဘာလမှာတောင် ထားဝယ်က ရန်ကုန်နီးနီး ပူနေဆဲဖြစ်တယ်။
ပင်လယ်နဲ့နီးတဲ့အတွက် ဆားငန်ရည်နဲ့ အပူပိုင်းဒေသကိုကြိုက်တဲ့ အုန်းပင်၊ ထန်းပင်၊ ဂွမ်းပင်နဲ့ ဓနိပင်တွေကို ထားဝယ်မြို့ ပတ်ဝန်းကျင်အနှံ့မှာ တွေ့ခဲ့ရတယ်။ ဒါ့အပြင် သီဟိုပင်၊ ကြက်ပေါင်ပင်တွေကိုလည်း တွေ့ခဲ့တယ်။ "ထားဝယ်မြို့သည် မြန်မာနိုင်ငံ၏ ဆီအိုးကြီးဖြစ်သည်" ဆိုတဲ့ ဆိုင်းပုဒ်ကိုလည်း လမ်းဘေးတစ်နေရာမှာ တွေ့ခဲ့ပါတယ်။
ထားဝယ်မှာ မြို့မဈေးနဲ့ ကမ်းနားဈေးဆိုပြီး ဈေးနှစ်ဈေးရှိပါတယ်။ မြို့မဈေးက မြို့လယ်မှာရှိပြီး ကမ်းနားဈေးက ထားဝယ်မြစ်ဘေးမှာရှိပါတယ်။ ကမ်းနားဈေးက ရေထွက်ပစ္စည်းတွေဖြစ်တဲ့ ငါး၊ ပုစွန်တွေကို အဓိကထား ဖြန့်ဖြူးရောင်းချတဲ့ နေရာဖြစ်တယ်။
ကမ်းနားဈေးမှာ ကျွန်မမမြင်ဖူးတဲ့ အမည်မသိငါးကြီးတွေအပြင် ငါးခြောက်၊ ပုစွန်ခြောက်၊ ထားဝယ်ငါးချဉ်တွေကို ဈေးနှုန်းချိုချိုသာသာနဲ့ ဝယ်ယူနိုင်ပါတယ်။
ဗုဒ္ဓဘာသာနိုင်ငံပီပီ ထားဝယ်မြို့နဲ့ အနီးဝန်းကျင်မှာ ဘုရားစေတီနဲ့ ဘုန်းကြီးကျောင်း တော်တော်များများကို တွေ့ခဲ့ရတယ်။ ကျွန်မတို့ရောက်တဲ့အချိန် ထားဝယ်မြို့မှာ နှစ်ကျိပ်ရှစ်ဆူဘုရားပွဲ အနှစ်(၁ဝဝ)ပြည့် ကျင်းပတဲ့အချိန်ဖြစ်တယ်။
နေ့ဖက်မှာ နှစ်ဆယ့်ရှစ်ဆူသော ဘုရားတွေကို ကျောင်းဝင်းတစ်ခုထဲမှာထားပြီး ဘုရားပွဲကျင်းပပါတယ်။ လပြည့်ညရောက်မှ ဘုရားနှစ်ဆယ့်ရှစ်ဆူကို အလှယာဉ်ပေါ်တင်ပြီး အပေါ်အောက် အဖြူရောင် ဝတ်ဆင်ထားကြတဲ့ ကျောင်းသား၊ အရပ်သားတွေနဲ့ ထားဝယ်တစ်မြို့လုံးကို ညလုံးပေါက် လမ်းလျှောက်လှည့်လည် ပူဇော်ကြပါတယ်။ ဘုရားကြွရာ လမ်းဘေးဝဲယာတွေမှာ ယုံကြည်ကိုးကွယ်သူတွေနဲ့ စည်ကားသိုက်မြိုက်ခဲ့ပါတယ်။ အနီးပတ်ဝန်းကျင်မြို့ရွာက ဘုရားဖူးသူတွေနဲ့ လပြည့်ညမှာ နှစ်ကျိပ်ရှစ်ဆူ အနှစ်(၁ဝဝ)ပြည့် ဘုရားပွဲက ကျိတ်ကျိတ်တိုး စည်ကားခဲ့ပါတယ်။
ရှေးဟောင်းသမိုင်းဝင် ဘုရားတွေက ထားဝယ်မြို့ ပတ်ဝန်းကျင်မှာ အများအပြားရှိနေခဲ့ပါတယ်။ ပုံထဲက ဘုရားတော်တော်များများကို ကျွန်မတို့ သွားရောက်ဖူးမြော်ခွင့်ရခဲ့တယ်။
ထားဝယ်မြို့ရဲ့ နာမည်ကြီးဘုရားတစ်ဆူဖြစ်တဲ့ ရှင်မုထ္တီးဘုရားဖြစ်ပါတယ်။ ဘုရားကျောင်း တော်တော်များများမှာ ဘုရားရာဇဝင်တွေကို ပုံနှင့်တကွ ရေးသားမှတ်တမ်းတင်ထားတာကို တွေ့ခဲ့ရတယ်။ ပုံမှာတွေ့ရတာက ရူးသွပ်ခြင်းကို ပျောက်စေတဲ့ သစ္စာတော်ဆေးအိုးဖြစ်ပါတယ်။
ထားဝယ်မှာနေထိုင်ကြသူအများက ဗုဒ္ဓမြတ်စွာဘုရားကို ကိုးကွယ်ယုံကြည်ကြသလို တရုတ် နတ်ဘုရားတွေကိုလည်း ကိုးကွယ်ကြတယ်။ ကျွန်မတို့ရောက်တုန်းက ထားဝယ်မှာရှိတဲ့ စောစီကုန်းပူဇော်ပသပွဲနဲ့ ဘုရားကျောင်းဖွင့်ပွဲ ကြုံခဲ့ပါတယ်။
ပထမဦးဆုံး စောစီကုန်းကျောင်းထဲမှာရှိတဲ့ ခြင်္သေ့နဲ့နဂါးကို မျက်စိဖွင့်ပွဲ ပြုလုပ်ပြီး ခြင်္သေ့အက၊ နဂါးအကနဲ့ စောစီကုန်းနတ်မင်းတွေကို ပူဇော်ခဲ့ကြတယ်။
နတ်ဘုရားတွေကို ထမ်းစင်နဲ့ထမ်းပြီး တစ်မြို့လုံး လှည့်လည်အပူဇော်ခံခဲ့ပါတယ်။ နတ်ဘုရားရုပ်တု ထည့်ထားတဲ့ထမ်းစင်က လှည့်လည်အပူဇော်ခံရာမှာ တစ်လမ်းလုံး ဘယ်ညာယိမ်းခါနေတာကို မျက်မြင်ကိုယ်တွေ့ တွေ့ခဲ့ပါတယ်။ နတ်တွေက အရမ်းတန်ခိုးကြီးတယ်လို့ ဆိုပါတယ်။ နတ်အသီးသီးက လူကိုယ်ခန္ဓာထဲ ဝင်ပူးပြီး ရောဂါရှိသူ၊ မကျန်းမာသူတွေကို ဆေးကုသပေးတယ်လို့ ဆိုတယ်။
ကျားနတ်ဝင်နေသူတစ်ဦး
တစ်မူးရှိလို့ တစ်ပဲလှူတဲ့... ရှမ်းတောင်သူတွေမှ မဟုတ်ပါဘူး။ မြန်မာလူမျိုးတိုင်းက ရောက်ရာအရပ်မှာ အလှူရေစက် လက်နဲ့မခွါခဲ့ကြပါဘူး။ အခုလည်း အမေရိကန်ရောက် ထားဝယ်လူငယ်တွေရဲ့ အလှူတစ်ခုကို အလှူရှင်တွေကိုယ်စား မိဘအုပ်ထိန်းသူတွေက သီလရှင်ကျောင်းတစ်ကျောင်းမှာ (ကျောင်းနာမည်မေ့နေတယ်) ပြုလုပ်ပေးခဲ့သလို ဆောက်လက်စ အာယုဒါန ဆေးရုံတော်မှာလည်း ပြုလုပ်ခဲ့ပါတယ်။ (သီလရှင်ကျောင်းမှာ လုပ်တဲ့အလှူက ထားဝယ်လူငယ်တွေရဲ့ (၆)ကြိမ်မြောက်အလှူ ဖြစ်ပါတယ်)
မောင်းမကန်သွားတဲ့ဖက် မြို့ပြင်တစ်နေရာမှာ ထားဝယ်တက္ကသိုလ်တည်ရှိပါတယ်။ ခါးကျော်ကျော် မြက်ရိုင်းတွေကြားမှာ တက္ကသိုလ်ကို ခမ်းနားထည်ဝါအောင် ဆောက်ထားပေမယ့် (ကျောင်းပိတ်ရက်မို့ထင်) လူတစ်ဦးတစ်ယောက်မှ မတွေ့ခဲ့မိပါဘူး။
ထားဝယ်မှာ ရှင်မတောင်သနပ်ခါးတုံးနဲ့ သနပ်ခါးသွေးလိမ်းကြတာ နည်းပါတယ်။ ကသစ်ဖုတွေသာ သွေးလိမ်းကြတာကြောင့် ဈေးထဲမှာ ကသစ်ဖုတွေ ဒီလိုပုံရောင်းနေတာ တွေ့ခဲ့တယ်။ ဆေးဖက်ဝင် ကသစ်ဖုပဲ လိမ်းကြလို့လား၊ ရေမြေကောင်းလို့ပဲလားမသိ ထားဝယ်သူတွေရဲ့ အသားအရည်က အိစက်ချောမွတ် လှပနေပါတယ်။
ဒါက မုန့်ဆီကြော်(ထားဝယ်အခေါ် ဒိုခွါ)နဲ့ ကောက်ညှင်းဆနွင်းမကင်းလို့ ဆိုပါတယ်။ မုန့်ဆီကြော်ထဲမှာ အုန်းသီးတွေထည့်ထားပါတယ်။ ဆီတွေရွဲနေတာမို့ ကျွန်မ မစားခဲ့ပါဘူး။ အုန်းပင်တွေ ပေါတဲ့အတွက်ကြောင့်လား ထားဝယ်မုန့်တော်တော်များများမှာ အုန်းသီးတွေပါနေတတ်တယ်။ အပူများတဲ့အတွက် အုန်းသီး၊ အုန်းနို့ပါတဲ့ တစ်ခြားရိုးရာမုန့်တွေကို ကျွန်မ မစားခဲ့ရပါဘူး။
ပင်လယ်နဲ့နီးတာမို့ ထားဝယ်မြို့မှာ ပင်လယ်စာကို လတ်လတ်ဆတ်ဆတ် ဈေးနှုန်းချိုချိုနဲ့ ဝယ်စားနိုင်ပေမယ့် ဟင်းသီးဟင်းရွက် ရှားပါတယ်။ ဈေးထဲမှာ ဟင်းသီးဟင်းရွက်တွေ ရောင်းပေမယ့် စုံစုံလင်လင် မတွေ့ခဲ့ရပါဘူး။ ဒေသထွက် ကန်စွန်း၊ချဉ်ပေါင်နဲ့ ပဲတောင့်ရှည်တွေပဲ တွေ့ခဲ့ရတယ်။ ပင်လယ်နဲ့နီးလို့လား မသိပါဘူး... ထားဝယ်အစားအစာတွေက ရှမ်းပြည်သူကျွန်မအတွက် တော်တော်လေး ငန်ပါတယ်။
