ကြက်ဆီထမင်း

တောင်ကြီးမှာ ကျွန်မအဖို့ ဘာမှ မယ်မယ်ရရ လုပ်စရာမရှိဘူး။ ဦးလေးလည်း အိမ်ပြန်ရောက်နေတော့ ပျင်းပျင်းရှိရှိ ကျွန်မတို့တူဝရီးနှစ်ယောက် တီဗီကြည့်လိုက်၊ ဟိုအကြောင်းဒီအကြောင်း ထိုင်ပြောလိုက်၊ ဈေးသွားသုံးလိုက်၊ ချက်စားလိုက်နဲ့ အချိန်ကို အကျိုးရှိရှိ အသုံးချနေကြပါတယ်။ တစ်နေ့ကလည်း တီဗီထိုင်ကြည့်ကြရင်း ချန်နာတစ်ခုမှာ "ဟိုင်နန်ကြက်ဆီထမင်း"လုပ်နည်း ပြတာကိုသွားတွေ့တယ်။ ကျွန်မဦးလေးက ထိုင်ဝမ်မှာနေခဲ့တုန်းက စားဖိုမှူးလုပ်ခဲ့ဖူးတော့ အစားအသောက်အချက်အပြုတ် ဝါသနာပါတယ်။ သူချက်သမျှလည်း စားလို့အရမ်းကောင်းပါတယ်။ အဲလိုနဲ့ တီဗီထဲကပြတဲ့အတိုင်း ကျွန်မတို့ ကြက်ဆီထမင်းလုပ်စားဖြစ်ခဲ့ကြတယ်။

ကြက်ဆီထမင်းချက်မယ်ဆိုတော့ ဦးလေးက သူမွေးထားတဲ့ကြက်နဲ့ ချက်ဖို့ပြင်တယ်။ သူမွေးထားတဲ့ကြက်က ရိုးရိုးကြက်တော့ မဟုတ်ဘူး။ အရင်က ကျွန်မရေးခဲ့ဖူးခဲ့တဲ့ သင်းကွပ်ထားတဲ့ကြက်ပါ။ သင်းကွပ်ကြက်ရေးတုန်းက (အဆင်မပြေတာနဲ့) ပုံနဲ့တကွ မဖော်ပြခဲ့ရဘူး။ ခုအိမ်မှာ ၄,၅ကောင်မွေးထားလို့ ပုံပါ ဖော်ပြလိုက်ပါတယ်။

ကျွန်မရေးခဲ့ဖူးသလို သင်းကွပ်ပြီးသားကြက်ဖတွေဟာ ပုံမှာမြင်ရတဲ့အတိုင်း အမောက်တွေမဖွံ့ဖြိုးတော့ပါဘူး။ ပုံထဲမှာ ကွပ်ပြီးသားကြက်(၃)ကောင်နဲ့ မကွပ်ထားတဲ့ကြက် (ကြက်ဖနီ)ကို ယှဉ်ကြည့်နိုင်ပါတယ်။ သင်းကွပ်ကြက်တွေဟာ ကြက်ဖ၊ ကြက်မတွေနဲ့ ရောနှောမနေဘဲ သူတို့ဘာသာ သီးသန့်နေကြတယ်။ သင်းကွပ်ကြက်တွေဟာ ဝဖြိုးတာကြောင့် ကြက်ဆီထမင်းဖို့ အလွန်အဆင်ပြေပါတယ်။ တခြားကြက်ဝဝတွေနဲ့လည်း ကြက်ဆီထမင်းလုပ်နိုင်ပါတယ်။

ကြက်ဆီထမင်းလုပ်ဖို့ ပထမဦးဆုံး သန့်စင်ဆေးကြောထားတဲ့ ကြက်ကို အကောင်လိုက် ပြုတ်ပါတယ်။ ပြုတ်တဲ့အချိန်မှာ ကြက်ဗိုက်ထဲ ဂျင်း၊ ကြက်သွန်မြိတ်အစည်းလိုက်၊ ဆား၊ ဆန်အရက် (ပုလင်းဖုံးတစ်ဖုံးစာ) ထည့်ပြီး သိပ်မနူး၊ သိပ်မမာ ဝါးနိုင်လောက်တဲ့အထိ ပြုတ်လိုက်ပါတယ်။ အသံတရှီး ရှီးထွက်တတ်တဲ့ လျှပ်စစ်ပေါင်းအိုးရှိရင် ကြက်သားက ခဏလေးနဲ့နူးပါတယ်။


ကြက်ဆီထမင်းအတွက် ဆန်ကို ညကတည်းက စားနိုင်သလောက် ရေစိမ်ထားဖို့ လိုပါတယ်။ ချက်မယ့်နေ့မှာ ရေစိမ်ထားတဲ့ဆန်ကို ရေစစ်ထားရပါတယ်။ အဲဒီနောက် ဒယ်အိုးထဲမှာ ဆီအနည်းငယ်ထည့် ကြက်သွန်ဖြူကို အမွှာလိုက် ဝါအောင်ကြော်ပြီး ရေစစ်ထားတဲ့ဆန်ကို ထည့်ကြော်ရပါတယ်။ ဆန်စေ့လေးတွေ ထမင်းစေ့လို့ အရောင်ပြောင်းသွားတဲ့အထိ ကြော်ပြီး ထမင်းပေါင်းအိုးထဲ ပြောင်းထည့်ပါတယ်။

အဲဒီနောက် ထမင်းချက်ဖို့လိုအပ်တဲ့ရေကို ခုနားက ကြက်သားပြုတ်ထားတဲ့ ဟင်းရည်ထည့်ပြီး ရိုးရိုးထမင်းချက်သလို ချက်လိုက်ပါတယ်။ ပြုတ်ထားတဲ့ ကြက်သားကို အမျှင်လိုက်နွှာပြီး ထားထားပါတယ်။ ထမင်းကြက်ရင် ပန်းကန်ထဲခူးထည့် ခုနားနွှာထားတဲ့ ကြက်သားမျှင်ကို ထမင်းပေါ်ဖြူးထည့်ပြီး သခွါးသီး၊ ပူစီနံ၊ နံနံပင် စတဲ့ အစိမ်းစားအရွက်တွေနဲ့ တွဲဖက်စားနိုင်ပါပြီ။

အစပ်ကြိုက်သူတွေအတွက် ကြက်ဆီထမင်းနဲ့ တွဲဖက်စားနိုင်တဲ့ အကောင်းဆုံးအရာက ပဲငပိပါ။ ပဲငပိကို ဒီအတိုင်းစားရင် အရမ်းငန်တာကြောင့် ကျွန်မတို့က ပဲငပိငရုတ်သီးဆိုပြီး လုပ်စားကြပါတယ်။ လုပ်နည်းက ပဲငပိကို တောက်တောက်စင်းထားတဲ့ ငရုတ်သီး၊ ကြက်သွန်ဖြူ၊ ဂျင်းထဲ ရောထည့်ပြီး ရေ (ကျဲကျဲကြိုက်ရင် ရေများများ၊ ပျစ်ပျစ်ကြိုက်ရင် ရေနည်းနည်း) ထည့်၊ သကြားနည်းနည်း၊ ငံပြာရည်နည်းနည်း၊ သံပရာသီးနဲ့ ဖျော်လိုက်ပါတယ်။ ပဲငပိက ငန်တာကြောင့် လိုအပ်တဲ့ဆားကို မြည်းကြည့်ပြီး ထပ်ထည့်နိုင်ပါတယ်။ ပြီးရင် နံနံပင်ထည့်ပြီး ကြက်ဆီထမင်းနဲ့ တွဲဖက်စားနိုင်ပါပြီ....

ကျွန်မတို့လုပ်တဲ့ ကြက်ဆီထမင်းကို စားပြီးမှ ဓာတ်ပုံရိုက်ဖို့ သတိရပါတယ်။ ဓာတ်ပုံရိုက်မလို့ အိုးကိုဖွင့်ကြည့်တော့ ထမင်းအိုးထဲမှာ အိုးကပ်လေးတချို့ပဲ ကျန်တော့တာကြောင့် ချက်ပြီးသား ကြက်ဆီထမင်းကို မပြနိုင်ခဲ့ပါဘူး :P တောင်ကြီးလာလည်ရင်တော့ ကိုယ်တိုက်ချက်ကျွေးဖို့ အစီအစဉ်ရှိပါတယ်။ တောင်ကြီးလာလည်ပါလို့ ဖိတ်ခေါ်ပါတယ်း)

နိုင်းနိုင်းစနေ

ကြက်ဆီထမင်း