ငယ်ငယ်တုန်းက ဆိုးလွန်းလို့ ကျွန်တော်မကြာခဏ ထိခိုက်ဒဏ်ရာရတယ်။ အနာတရဖြစ်တိုင်း မေမေကို ကျွန်တော်ငိုငိုယိုယိုနဲ့ လိုက်ရှာတိုင်း မေမေက ကျွန်တော့်ကို ချိုချဉ်တစ်လုံးပေးပြီး "မငိုနဲ့သား .. ချိုချဉ်စားလိုက်ရင် မနာတော့ဘူး" လို့ အမြဲပြောတတ်တယ်။ မေမေပေးတဲ့ချိုချဉ်လေးငုံ့ပြီး ကျွန်တော် ဆက်ပြေးလွှား ဆော့ကစားတတ်ခဲ့တယ်။
ကျောင်းပြီးတဲ့နှစ်မှာ ကျွန်တော်နဲ့(၂)နှစ်ကြာ ချစ်ကြိုက်ခဲ့တဲ့ကောင်မလေး ကျွန်တော့်ကိုထားသွားခဲ့တယ်။ ဆုံးရှုံးဝမ်းနည်းတဲ့နွံထဲ မဆယ်တင်နိုင်လောက်အောင် ကျွန်တော်နစ်ခဲ့ရတယ်။
"ငယ်ငယ်တုန်းကလို ဒဏ်ရာတွေကိုကုပေးတဲ့ ချိုချဉ်လေးရှိနိုင်သေးရင် သိပ်ကောင်းမှာပဲ" လို့ မေမေကို ဝမ်းပန်းတနည်း ကျွန်တော်ပြောဖြစ်ခဲ့တယ်။
ရုံးပိတ်ရက် မနက်ခင်းတစ်ခုမှာ ဖုန်းသံကြောင့် ကျွန်တော်နိုးလာခဲ့တယ်။ မေမေက သူ့ထမင်းထုပ် မေ့ကျန်ခဲ့လို့ သူအလုပ်ရှိရာ ဆေးရုံကို လာပို့ပေးဖို့ ကျွန်တော့်ကိုဖုန်းဆက်တာဖြစ်တယ်။ မေမေပြောတဲ့အတိုင်း ဆေးရုံဆောင်သုံးထပ်က ပြင်ပထိခိုက်ဒဏ်ရာကုဆောင်ကို ကျွန်တော်ရောက်လာခဲ့တယ်။
အဆောင်မှာ လက်ကျိုးသူ၊ ပေါင်ပြတ်သူတွေနဲ့ ပြည့်နေတယ်။ ကျွန်တော်ရောက်လာတော့ မေမေရှိမနေဘူး။ (၄)ထပ်က အခန်း(၄၁၆)ကိုလိုက်ခဲ့ဖို့ မေမေမှာခဲ့တယ်လို့ ကလေးမတစ်ယောက်က လာပြောတယ်။ ဒီကလေးမမှာလည်း ခြေတစ်ဘက်ပဲရှိတာကို ကျွန်တော်သတိထားမိတယ်။ ငယ်ရွယ်နုပျိုတဲ့ ကလေးမကိုကြည့်ပြီး ကျွန်တော်စိတ်မကောင်းဖြစ်မိတယ်။
(၄)ထပ်က အရေပြားကုဆောင်ဖြစ်တယ်။ အခန်း(၄၁၆)ကိုရောက်တော့ မေမေရှိမနေပြန်ဘူး။ တိတ်ဆိတ်နေတဲ့အခန်းက ကျွန်တော့်ကို မွေးညှင်းထစေခဲ့တယ်။ ပြတင်းပေါက်ဘေးရပ်နေတဲ့ မျက်နှာတစ်ခုလုံး မီးလောင်ဒဏ်ရာတွေနဲ့ လူနာတစ်ယောက်က ကျွန်တော့်မေမေ အခန်း(၅ဝ၁)မှာလို့ ပြောတယ်။
အခန်း (၅ဝ၁)မှာလည်း မေမေကို မတွေ့ခဲ့ဘူး။ ကျွန်တော့်အမေးကိုကြားတော့ ဆယ်နှစ်အရွယ် မျက်လုံးစုံလိုက်ကန်းနေတဲ့ ကလေးငယ်တစ်ယောက်က "ဦးဦး... ဦးဦး... ဘွားဘွားကို ဝရန်တာထိပ်က ဂိုဒေါင်မှာလာရှာပါလို့ မှာထားတယ်" လို့ပြောတယ်။
ဂိုဒေါင်တံခါးဖွင့်လိုက်တာနဲ့ ထိုင်နေတဲ့မေမေကို ကျွန်တော်တွေ့တယ်။ အဲဒီတခဏ အရာအားလုံးကို ကျွန်တော် သဘောပေါက်လိုက်တယ်။ မေမေက ကျွန်တော့်ကို လူနာခန်းတွေ လိုက်ကြည့်စေချင်ခဲ့တာဖြစ်တယ်။ ကျွန်တော်အရမ်း ကံကောင်းခဲ့ပါတယ်။ ကျွန်တော်ဆုံးရှုံးရတယ်ဆိုလို့ အလိမ်ညာခံခဲ့တဲ့အချစ်ပဲရှိတယ်။
ကျွန်တော့်ခန္ဓာကိုယ်တွေ ကျန်းမာနေတယ်။ ကျွန်တော် လွတ်လွတ်လပ်လပ် သွားလာနိုင်တယ်။
အခက်အခဲ၊ ပြဿနာအများစုက ဖြေရှင်းလို့ရနိုင်တယ်။ ဒါပေမယ့် များသောအားဖြင့် လူတွေက အခက်အခဲ ဖြေရှင်းနေချိန်မှာ မျှော်လင့်ချက်ကို မဲ့ပစ်တတ်ကြတယ်။
အခုတော့ ငယ်ငယ်တုန်းကလို လဲကျတိုင်း ဒဏ်ရာကိုကုပေးတဲ့ချိုချဉ် ကျွန်တော့်အနားမရှိခဲ့တော့ပေမယ့် ကျွန်တော့်စိတ်ထဲမှာတော့ မေမေရဲ့ချိုချဉ်လေးက ခုထိတိုင် ရှိနေတုန်းပါပဲ။
google search or 母亲的糖果 (မေမေရဲ့ချိုချဉ်လေး)
နိုင်းနိုင်းစနေ ဘာသာပြန်သည်။
10 comments:
ကောင်းလိုက်တာ အမနိုင်းနိုင်းရေ။ တိုတိုလေးနဲ့ လိုရင်းကိုပေးသွားတယ်။
အဲဒီလို မေမေမျိုးဖြစ်ဖို့ အမြဲကျိုးစားနေပါတယ်။
မနိုင်း ကျန်းမာ ချမ်းသာပြီး လိုအင်ဆန္ဒတွေ စိတ်ချမ်းသာစွာပြည့်စုံပါစေ။
ချစ်တတ်တဲ့ အဂ္ဂဘုန်း မေမေ
ကိုယ့်ရဲ့ ပြဿနာတွေကို ကြီးလှပြီလို့ ထင်နေတတ်ပေမယ့် ကိုယ့်ထက် အများကြီး အခြေအနေဆိုးတဲ့ လူတွေတောင် ရပ်တည်နိုင်အောင် ကြိုးစားနေတယ် ဆိုတာ သိထားရင် ကိုယ့်ကိုယ်ကို ဖြေသာတာပေါ့နော်..
မီးမီးကျဲကျဲရဲ့ ချိုချဉ်လေး ယူသွားတယ်း)))))
မေမေ့ကို လွမ်းတယ်...
ချိုချဉ်လေး စားသွားပါတယ်
ကောင်းလိုက်တာ အစ်မနိုင်းနိုင်း ရယ်....
ဘာသာပြန်ပေးတာ ကျေးဇူးတင်ပါတယ်
ကျွန်တော်ကတော့ အခုထိ ချိုချဉ်လေးတွေတမ်းတမိတုန်း
မနိုင်းရေ
မနိုင်းပေးတဲ့ ချိုချဉ်လေးကို အမြဲကိုလာစားဖြစ်ပါတယ် ... ကျေးဇူးမနိုင်း
ဘာသာပြန် source တွေ ကောင်းသလောက် မနိုင်း အရေးအသားတွေက အတော်ညံ့တယ်ဗျာ။ "မေမေကို ဝမ်းပန်းတနည်း ကျွန်တော်ပြောဖြစ်ခဲ့တယ်။" ဆိုတဲ့ စာပိုဒ်ရဲ့နောက်မှာ နဲနဲလောက် လှည့်ပတ်ရေးသင့်တာ။ စစဖတ်ချင်းမှာ အဲ့ဒီစာပိုဒ်နဲ့ နောက်စာတစ်ပိုဒ်ကြားမှာ ဘာအဆက်အစပ်မှ မရှိဘူးလို့ ခံစားရတယ်။ စာပိုဒ်နှစ်ခုက ဖြစ်ရပ်တွေက အချိန်အတော်ခြားပြီးမှ ဖြစ်တဲ့ ဖြစ်ရပ်နှစ်ခုလို ဖြစ်နေတယ်။ ပုံပြင်ဆုံးခါနီးမှ သြော် ဒါကို ရေးချင်တာပါလားလို့ ဖြည့်နားလည်မိတယ်။ မှတ်မှတ်ရရ ဟိုတလောက မိကျောင်းပုံပြင်တုန်းကလဲ အဲ့လိုပဲ။ ဖတ်လို့ မကောင်းဘူး။
ဟဲဟဲ ဘာမှ အသုံးမကျတဲ့လူက အသုံးကျတဲ့လူကို ဝေဖန်ပစ်လိုက်တယ် အဟက်...
လစ်လိုက်အုံးမယ် မမ အချစ်တုံးကြီး.....
ကျေးဇူးတင်တယ်။
Post a Comment