အချစ်ရဲ့အရိပ်အရောင်

သမီးလေးဒိုင်နာ မိတ်ကပ်လိမ်းခြယ်ပြိုင်ပွဲမှာဝတ်ဖို့ အင်္ကျီတစ်ထည်ကို ကျွန်မရှာနေတယ်။ ထပ်ခိုးက သေတ္တာဟောင်းထဲမှာ လှန်လျောရင်း ဖဲကြိုးနဲ့ချည်ထားတဲ့ ဗူးလေးတစ်လုံးကို ကျွန်မသွားတွေ့တယ်။ ဗူးထဲမှာ ဘာတွေထည့်ထားတယ်ဆိုတာကို ကျွန်မ မမှတ်မိတော့ဘူး။ ဖဲကြိုးနဲ့ချည်ထားပုံထောက်တော့ အဓိပ္ပါယ်ရှိတဲ့ အမှတ်တရပစ္စည်းတွေ ဖြစ်လိမ့်မယ်လို့ ကျွန်မထင်တယ်။ ထော်ဒယ်အိပ်ခန်းထဲရောက်နေတဲ့ ကျွန်မခင်ပွန်း တွမ်ရဲ့တဒုန်းဒုန်း တဒိုင်းဒိုင်း ထုသံကို ထပ်ခိုးပေါ်ကနေ ကျွန်မကြားနေရတယ်။ ရုံးပိတ်ရက် စနေနေ့တိုင်း တွမ်က လက်သမားအလုပ်ကို လုပ်တတ်တယ်။ အရင်ပတ်ကလည်း ကျွန်မအတွက် ပန်းအိုးစင်လေး လုပ်ပေးပြီးပြီ။ ဒီတစ်ပတ်မှာ ထော်ဒယ်အတွက် ကျောက်စရစ်ခဲစုတဲ့ သေတ္တာတစ်လုံးကို သူလုပ်နေတယ်။

ဗူးပေါ်က ဖဲကြိုးကို ကျွန်မအလျင်စလို ဆွဲဖြည်လိုက်တယ်။ ဗူးကိုဖွင့်မယ့်တခဏ ဗူးထဲကပစ္စည်းတွေကို ဖြတ်ခနဲကျွန်မသတိရလိုက်တယ်။ ကျွန်မ ဘယ်လိုမေ့နိုင်မလဲ? ဗူးထဲမှာ ကျွန်မ နုပျိုစဉ်ကအပျော်တွေ၊ မိန်းမပျိုတစ်ယောက်ရဲ့ အိပ်မက်တွေ၊ တွမ်ပေးတဲ့ချစ်သူများနေ့ ပထမဆုံးလက်ဆောင်ရယ်၊ နောက်ပြီး ရွှေဘောလုံးပါတဲ့ ဆွဲကြိုးတစ်ကုံးရယ်... အဲဒီဆွဲကြိုးက တွမ်တက္ကသိုလ်တက်စဉ် ကျောင်းအားကစားပွဲမှာ ရခဲ့တဲ့လက်ဆောင်ဖြစ်တယ်။

ကျွန်မတို့အတူနေထိုင်ခဲ့တဲ့အချိန်တွေကို တကျော့ပြီးတကျော့ ကျွန်မလှန်လျောကြည့်မိတယ်။ ညိုးနွမ်းနေတဲ့ နှင်းဆီတစ်ပွင့်၊ ကျွန်မရဲ့(၁၈)နှစ်ပြည့် မွေးနေ့လက်ဆောင်ဆွဲကြိုးတစ်ကုံး၊ စွဲမက်စရာကောင်းတဲ့ အချစ်ကဗျာနဲ့ ကြင်နာမှုတွေ၊ နာကျင်မှုတွေပြည့်နေတဲ့ စာတွေ.....

အတိတ်ဒီရေနောက် ကျွန်မစီးမျောခဲ့တယ်။ ချစ်စ၊ ခင်စ၊ ကြင်နာစအချိန်တွေက ရွှေရောင်အချိန်တွေလို တန်ဖိုးရှိတယ်။ ခါးသက်ပြီး ချိုမြိန်တဲ့ ငြင်းခုန်မှုတွေရှိတယ်။ မျက်ရည်ဝဲသီတဲ့ ခွင့်လွတ်နားလည်မှုတွေပါတယ်။ နုနယ်တက်ကြွမှုတွေ၊ တမ်းတလွမ်းဆွတ်မှုတွေပါတယ်။ တွမ်က အဲဒီလိုလေးနက်အာရုံစိုက်ပြီး အချစ်ကြီးခဲ့တယ်။

မျက်ရည်တစ်စက်က ဖဲကြိုးပေါ် စီးကျလာတယ်။ မျက်လုံးတွေကို ပွတ်ပြီး ကိုယ့်ကိုယ်ကျွန်မ သတိပေးမိတယ်။

"Lanna Xi အသက်(၃၄)နှစ်ရှိတဲ့ မိန်းမတစ်ဦးမှာ ဘာစိတ်ကူးယဉ်စရာတွေ ရှိဦးမလဲ?"

မပျော်ရွှင်တဲ့ ခံစားမှုတစ်ခုက ကျွန်မရင်ဝမှာလာဆို့တယ်။ ကြာခဲ့ပါပြီ... ကျွန်မကို တွမ်လက်ဆောင်တွေ မပေးခဲ့တာ ကြာခဲ့ပါပြီ။ ဒါပေမယ့် ကျွန်မအပေါ်ထားတဲ့ တွမ်ရဲ့အချစ်ကို ကျွန်မ သံသယမဖြစ်မိဘူး။ နှစ်ဦးသား ကုတင်ပေါ်လဲလျောင်းပြီး တီးတိုးစကားဆိုချိန်၊ အားပါတဲ့လက်နှစ်ဘက်နဲ့ ကျွန်မကို သူပွေ့ဖက်ချိန် အရာအားလုံးက ကျွန်မအတွက် ချိုမြိန်လှပနေဆဲပါ။ ဒါပေမယ့် တစ်ချိန်က အယုယ၊ အကြင်နာတွေကို ကျွန်မလွမ်းဆွတ်မိတယ်။ ဗူးထဲမှာ အချစ်တွေနဲ့ပြည့်လို့နေတယ်။

ညစာစားချိန်မှာ ကျွန်မစကားနည်းနေတယ်။ ဒိုင်နာနဲ့ ထော်ဒယ်က စကားတတွတ်တွတ်နဲ့ ကျွန်မအဖြစ်ကို သတိမထားမိကြဘူး။ ဒါပေမယ့် မျက်လုံးတစ်စုံက ကျွန်မကို ဂရုစိုက်ကြည့်နေတယ်ဆိုတာ ကျွန်မသိတယ်။ တွမ်ပန်းကန်ကိုင်ပြီး ကျွန်မနဲ့အတူ မီးဖိုထဲလိုက်ဝင်ခဲ့တယ်။

"Lan... ဘာဖြစ်တာလဲ? ငါ့ကို ပြောပြနိုင်မလား?"

ကျွန်မ ဘာပြောရမှန်းမသိဖြစ်နေတယ်။ လက်သုတ်ပြီး အိတ်ကပ်ထဲကနေ ဘောလုံးဆွဲကြိုးကို ကျွန်မထုတ်လိုက်တယ်။

"ဒါကို မှတ်မိသေးလား?"

"ဟား...." ဝင်းပတဲ့မျက်နှာနဲ့ တွမ်က ဝမ်းသာအားရ အော်တယ်။

"ဘယ်မှာတွေ့တာလဲ?"

"ထပ်ခိုးပေါ် သေတ္တာထဲက ဗူးလေးတစ်ခုထဲမှာ...ဗူးထဲမှာ တခြားပစ္စည်းတွေလည်း ရှိသေးတယ်" ကျွန်မဆက်ပြီးပြောတယ်။ "လက်ဆောင်ရှိတယ်၊ ကဗျာရှိတယ်၊ နောက်ပြီး ကျွန်မတို့ရဲ့မေတ္တာစာတွေရှိတယ်။ အဲဒီတုန်းက ကျွန်မတို့ စိတ်ကူးယဉ်ဆန်လိုက်ကြတာ...ကြင်နာလိုက်ကြတာ... အိပ်မက်ထဲ ရှင်သန်နေရသလိုပဲ"

"Lan..." ကျွန်မငိုတော့မယ်ဆိုတာကို သိတဲ့တွမ်က သူ့ရင်ခွင်ထဲ ကျွန်မကိုဆွဲသွင်းတယ်။

"အဲဒီတုန်းက ရှင် ကျွန်မကို နက်နက်နဲနဲ ချစ်ခဲ့... ချစ်ခဲ့တယ်နော်" မျက်နှာကို တွမ့်ရင်ခွင်ထက်အပ်ပြီး ကျွန်မပြောတယ်။

"ခုတော့.. ဘယ်လိုဖြစ်ရတာလဲ တွမ်... အဲဒီတုန်းက အကြင်နာတွေ ဘယ်ရောက်ကုန်ပြီလဲ?"

"နေ့စဉ်စားဝတ်နေရေးက ငါတို့ကို ပြောင်းလဲလိုက်တာပါ... Lan။ အိပ်မက်ထဲကနေ ငါတို့နှိုးထခဲ့ကြပြီး တကယ့်လက်တွေ့ဘဝကို စခဲ့ကြတာပါ"

"ဒါပေမယ့် အဲဒါတွေက အရမ်းလှပခဲ့တယ်လေ။ မပြောင်းလဲသင့်ဘူး၊ ကျွန်မတို့ မဆုံးရှုံးသင့်ဘူး"

ကျွန်မကို ပွေ့ဖက်ထားတဲ့ တွမ်ရဲ့လက်တွေ တဖြည်းဖြည်း ပြေလျော့လာတယ်။

"ဟုတ်တယ်... အားလုံးဟာ လှပခဲ့တယ်။ ဒါပေမယ့် အဲဒီအရာတွေကို ဘယ်သူက မပျောက်မပျက်သိမ်းထားနိုင်မလဲ? ပြောင်းလဲသင့်တာတွေ ပြောင်းသွားမှာပဲ။ ငါတို့ ဘာဆုံးရှုံးသွားတယ်လို့ နင်ထင်သလဲ Lan.. ငါစိတ်မကောင်းဘူးကွာ..."

တွမ်က ပြောပြောဆိုဆို ကုလားထိုင်ပေါ်က သတင်းစာကို ကောက်ယူပြီး မီးဖိုက ထွက်သွားခဲ့တယ်။

ပန်းကန်တွေ တိုက်ဆေးရင်း နာကျင်နေတဲ့စိတ်ကို ကျွန်မဖြည်တယ်။ တွမ်လည်းနာကျင်သွားမယ်လို့ ကျွန်မထည့်မတွက်ခဲ့မိဘူး။

အိုးခွက်ပန်းကန်တွေတိုက်ဆေးရင်း ဒေါ်လေးEmilyပြောခဲ့တဲ့စကားကို ကျွန်မသွားသတိရတယ်။

"သမီးရေ... သေချာမှတ်ထားနော်။ ဒီအိုးခွက်ပန်းကန်တွေက နေ့တိုင်းသုံးရမှာ..." ကျွန်မရဲ့နားမလည်တဲ့ဟန်ကြောင့် ဒေါ်လေးကဆက်ပြီး "ဒီပစ္စည်းတွေကို မပြတ်အမြဲသုံးပေးမှ သူ့ရဲ့တန်ဖိုးက ထားဝရတည်မြဲမှာ။ သုံးတဲ့ကာလကြာလေ သူ့တန်ဖိုးက မြင့်လေပဲ။ အမြဲသုံးစွဲမှ သူ့အသုံးဝင်တာကို ပိုသိစေတယ်လေ"

လက်ထဲကငွေဇွန်းကို ကျွန်မတစ်ချက်ကြည့်လိုက်တယ်။ ဇွန်းက အရောင်တောက်ပပြီး လှနေတယ်။ ဒီနှစ်တွေမှာ ကျွန်မတို့ရဲ့ ငွေရောင်အိုးခွက်ပန်းကန်တွေ ပိုပြီး လှသထက် လှလာတယ်။ ဒီငွေထည်ပစ္စည်းတွေက ကျွန်မရဲ့နေ့ရက်အချိန်တွေကို ဖြည့်တင်းပေးရင်း သူတို့ရဲ့တန်ဖိုးကို ပိုမြင့်တင်နေတယ်ဆိုတာ ကျွန်မနားလည်လိုက်တယ်။

ပြတင်းပေါက်အပြင်ဘက် ကျွန်မလှမ်းကြည့်လိုက်တယ်။ ဥယျာဉ်ထဲမှာ ပန်းမာန်တွေနဲ့ ပြည့်နေတယ်။ လှပတဲ့နှင်းဆီတွေရယ်၊ ပန်းပင်တိုင်းက တွမ်ရဲ့ဂရုစိုက်ပြုစုပျိုးထောင်မှုအောက်မှာ ရှင်သန်ကြီးထွားလာခဲ့တာဖြစ်တယ်။ သူဆောက်ထားတဲ့ ဂိုဒေါင်က ရာဇဝင်ပုံပြင်ထဲက သစ်သားအိမ်ငယ်လေးလိုပါပဲ။ အဲဒီတုန်းက ကျွန်မလက်ကို တယုတယဆွဲပြီး အဖြူရောင်အနားနဲ့
အပြာရောင်ဆေးသုတ်ထားတဲ့ ဂိုဒေါင်တံခါးဆီ ကျွန်မကို သူဆွဲခေါ်ခဲ့တယ်။

"ရှင်ဘုရင်ရဲ့နန်းတော်နဲ့ မနှိုင်းသာပေမယ့် သူ့စတိုင်လ်နဲ့သူတော့ရှိတယ် မဟုတ်လား"

"အင်း.. စတိုင်လ် အမိုက်စားလေးပဲ" တွမ်ရဲ့အပြောကို ကျွန်မ ဝမ်းသာအားရ ထောက်ခံအားပေးခဲ့တယ်။

နောက်ပြီး... နောက်ပြီး ရှိပါသေးတယ်။ တွမ်လုပ်ပေးတဲ့ ပန်းအိုးစင်လေး၊ နောက်ပြီး ထော်ဒယ်အတွက် ကျောက်စရစ်ခဲစု သေတ္တာလေး....

"မေမေ... ဒါဟာ Crystal Palace ... ဒါဟာ ဖေဖေရဲ့အပြောင်မြောက်ဆုံးလက်ရာပဲ" ထော်ဒယ်က အားရဝမ်းသာပြောတယ်။

ဒီအရာတွေဟာ အခုတစ်လော ကျွန်မတို့အတွက် တွမ်ကပေးတဲ့ လက်ဆောင်တွေဖြစ်တယ်။ ကျွန်မတို့ကို လက်ဆောင်အများအပြား သူပေးခဲ့ဖူးတယ်။ အဲဒီလက်ဆောင်တွေက ယောက်ျားတစ်ယောက်ရဲ့ အကြင်နာမေတ္တာနဲ့ ဂရုစိုက်မှုကို ပြသနေပါတယ်။ သူ့မှာ အချစ်ရဲ့အရိပ်အရောင်တွေ မရှိတော့ဘူးလို့ ထင်ပြီး ဒါဟာ ကျွန်မဘဝရဲ့နစ်နာမှုလို့ ကျွန်မဘာကြောင့် ထင်ရက်ခဲ့သလဲ?

ဗူးလေးတစ်ဗူးမှာ ကျွန်မတို့ လက်မထပ်ခင်က အချစ်တွေကို ထည့်သွင်းထားသလို ဒီအိမ်ကြီးကတော့ ကျွန်မတို့အတွက် ပြည့်စုံတဲ့ဘဝကို နေ့တိုင်းဖြည့်တင်းပေးနေတယ်။

ခါးစည်းပုဝါနဲ့ စိုနေတဲ့လက်ကို ကျွန်မသုတ်လိုက်တယ်။ ဧည့်ခန်းထဲက တီဗီသံကို ကျွန်မကြားနေရတယ်။ တွမ် ညနေသတင်း ကြည့်နေပြီထင်ပါတယ်။ တွမ်ဆီ ကျွန်မသွားလိုက်တယ်။

တံခါးပေါက်ရောက်တာနဲ့ ခြေလှမ်းတွေကို ကျွန်မတန့်လိုက်တယ်။ အခန်းထဲမှာ ဘယ်သူမှရှိမနေဘူး။ တွမ်စိတ်မကောင်းအောင် ကျွန်မလုပ်လိုက်မိပြီထင်ပါတယ်။ ဒါပေမယ့် တွမ်မှာ ပြဿနာတစ်ခု၊ အခက်အခဲတစ်ခုကို ဖြေရှင်းနိုင်တဲ့ နည်းတွေရှိတယ်။ ပြဿနာတစ်ခုကို ဦးနှောက်နဲ့သေချာစီစစ်၊ တွေးတောပြီးမှ သူဖြေရှင်းတတ်တယ်။

နေရာကနေခွါဖို့ ကျွန်မလှည့်ထွက်ချိန် ရင်ခွင်တစ်ခုနဲ့ တိုက်လုလုဖြစ်သွားတယ်။ တွမ်က တိတ်တိတ်ဆိတ်ဆိတ် ကျွန်မနောက်မှာ ရပ်နေတာဖြစ်တယ်။

"အင်း... တွမ်ကို ကျွန်မရှာနေတာ..." ကျွန်မအသံတွေ တုန်ယင်နေတယ်။

"ကိုယ် ဒီမှာလေ"

"တွမ်......."

တွမ်က နောက်ပစ်ထားတဲ့လက်ကို ထုတ်လိုက်တယ်။ သူ့လက်ထဲမှာ စက္ကူနဲ့ ပတ်ထားတဲ့ နှင်းဆီတစ်ပွင့်ပါလာတယ်။ ကျွန်မအရမ်းနှစ်သက်တဲ့ ပန်းတစ်ပွင့်....

"သတိထားနော်.. ဆူးရှိတယ်"

တွမ်ကို ကျွန်မတင်းတင်းလေး ပွေ့ဖက်လိုက်မိတယ်။

"တကယ်ပါ.. Lan။ (၁၈)နှစ်အရွယ်ဆီ ငါတို့ပြန်မရောက်နိုင်တော့ဘူး။ ဒါပေမယ့် အချစ်ရဲ့အရိပ်အရောင်က ဘယ်အသက်အရွယ်မှာပဲဖြစ်ဖြစ် လှပနေတယ်" ကျွန်မနဖူးကို နမ်းပြီးသူပြောတယ်။

"နှင်းဆီပန်းနဲ့အတူ ကဗျာတစ်ပုဒ်ရေးမလိုပဲ... ဒါပေမယ့် တချို့အရာတွေက စကားလုံးတွေနဲ့ ဘယ်လိုမှ ဖော်ပြလို့ မရနိုင်ဘူး Lan"

တွမ်ရဲ့နှုတ်ခမ်းအစုံက ကျွန်မပါးပြင်ပေါ် နွေးနွေးထွေးထွေး လာထိတယ်။

ရင်ခုန်၊ ကြည်နူးစရာကောင်းတဲ့၊ ရိုမန်တစ်ဆန်တဲ့အချစ်တွေနဲ့ (၁၈)နှစ်အရွယ်ဆီ ကျွန်မတို့ မရောက်နိုင်ခဲ့တော့ပေမယ့် အချစ်ရဲ့ အရိပ်အရောင်တွေက ဘယ်အသက်အရွယ်မှာပဲဖြစ်ဖြစ် လှပနေတယ်။ သာယာတဲ့ မိသားစုတစ်စုရယ်၊ လိမ္မာတဲ့ သားသမီးတွေရယ်၊ ပြည့်စုံတဲ့ဘဝတစ်ခုရယ်.... နောက် မရေမတွက်နိုင်တဲ့ အရာတွေ.. ဒါတွေဟာ ကျွန်မအတွက် တွမ်ပေးတဲ့
လက်ဆောင်တွေပဲ မဟုတ်ပါလား?

မူရင်း--- အချစ်ရဲ့အရိပ်အရောင် (爱的示意)

နိုင်းနိုင်းစနေ ဘာသာပြန်သည်။

အချစ်ရဲ့အရိပ်အရောင်