ပြန်လည်တွေ့ဆုံကြပါဦးစို့

ကျွန်မတို့ တောင်ကြီးမြို့ကိုဝင်တဲ့ အတက်လမ်းနဲ့အဆင်းလမ်း နှစ်ခုဆုံတဲ့ ပစောက်ကွေ့နားမှာ ဆိုင်းပုဒ်ကြီးတစ်ခု ထောင်ထားတယ်။ အတက်လမ်းဆိုင်းပုဒ်ဘက်မှာ "ကြိုဆိုပါ၏"လို့ ရေးထားပြီး အဆင်းလမ်းဘက်မှာ "ပြန်လည်တွေ့ဆုံကြပါဦးစို့"လို့ ရေးထားတယ်။ ကျွန်မတို့က တောင်ကြီးမြို့နဲ့ရွာကို အဆင်းအတက်အမြဲလုပ်နေတော့ တောင်ကြီးမြို့က ကျွန်မတို့ကို ကြိုဆိုလိုက်၊ ပြန်လည်တွေ့ဆုံမယ်လို့ နှုတ်ဆက်လိုက်နဲ့ပေါ့။

ကျွန်မတို့မှာလည်း ဘဝအကွေ့တွေကများတော့ လူတွေနဲ့ တွေ့ဆုံလိုက်၊ ကွဲကွာလိုက်ပေါ့။ နေစရာအတည်တကျမရှိတဲ့ ကျွန်မမှာလည်း ဟိုရောက်လိုက် ဒီရောက်လိုက်ပါပဲ။ ခုလည်း ဘဝအကွေ့လေးတစ်ခုမှာ ပြန်လည်တွေ့ဆုံကြပါဦးစို့လို့ ကျွန်မနှုတ်ဆက်ဖို့ အချိန်တန်ခဲ့ပါတယ်။ ဆရာမအလုပ်ကထွက်၊ အင်တာနက်ကိုရောင်းပြီး ကျွန်မရဲ့ကိုယ်ရေးကိုယ်တာ ကိစ္စအတွက်နဲ့ တောင်ကြီးမြို့ကို ပြန်ပါတော့မယ်။ တောင်ကြီးကိုရောက်ရင် အင်တာနက်အခက်အခဲနဲ့ တစ်ခြားအခက်အခဲတွေကြောင့် အရင်ကလိုပို့စ်တွေကို မျက်စိနောက်လောက်အောင် တင်နိုင်တော့မှာ မဟုတ်ကြောင်း အများဝမ်းသာရအောင် အားနာပါးနာ ပြောခဲ့ချင်ပါတယ်။

ဘလော့ရေးခဲ့တဲ့ လေးနှစ်တာကာလအတွင်း အမြဲလာရောက်ဖတ်ရှု အားပေးကြသူအပေါင်းကို အထူးပဲကျေးဇူးတင်ပါတယ်။ ကျွန်မဘာရေးရေး ဖတ်ရှုပေးကြတဲ့အတွက်လည်း ဝမ်းသာမိပါတယ်။ ဟုတ်တာရော၊ မဟုတ်တာတွေရော ပို့စ်ပေါင်းများစွာ ကျွန်မရေးခဲ့ပါတယ်။ အဲဒီပို့စ်တွေကို မကြာခင်မှာ စာအုပ်တွေအဖြစ်နဲ့ Synergy Publication စာအုပ်တိုက်ကနေ ထွက်ရှိလာအုန်းမှာပါ။ အဲဒီအခါကျရင်လည်း ဆက်လက်အားပေးကြပါအုန်းလို့...း)

ဒီနှစ်တွေအတွင်း ကျွန်မဘက်က တစ်ခုခုအမှားအယွင်း လုပ်ခဲ့မိတာပဲဖြစ်ဖြစ်၊ ရိုင်းစိုင်း မောက်မာခဲ့မိတာပဲဖြစ်ဖြစ်ရှိခဲ့ရင် အပြစ်မယူဘဲ အသိဉာဏ်မဲ့သူအဖြစ် ခွင့်လွတ်နားလည်ပေးကြဖို့ တောင်းပန်ပါတယ်။

တောင်ကြီးကို လာလည်ကြဖို့ ဖိတ်ခေါ်ပါတယ်။ အခါအခွင့်သင့်လို့ တောင်ကြီးကိုရောက်ခဲ့ရင်လည်း ကျွန်မကို ဆက်သွယ်နိုင်ပါတယ်။ အိမ်ကြီးအိမ်ကောင်းတွေ မပိုင်ဆိုင်ထားပေမယ့် နွေးထွေးတဲ့ ကြိုဆိုမှုတော့ရှိပါတယ်။ လိုအပ်တဲ့ အကူအညီရှိရင်လည်း ကျွန်မကိုသတိရပါလို့... ဘလော့မရေးဖြစ်တော့ပေမယ့် တတ်နိုင်သလောက် ကူညီမှုတော့ ကျွန်မမှာရှိပါသေးတယ်။

အားလုံး လိုအင်ဆန္ဒပြည့်ဝကြပါစေလို့
တစ်ချိန်ချိန်မှာ ကျွန်မတို့ ပြန်လည်တွေ့ဆုံကြရအောင်....

အားလုံးကို ခင်မင်လေးစားလျှက်

နိုင်းနိုင်းစနေ

ပြန်လည်တွေ့ဆုံကြပါဦးစို့

ဘဝ အခွင့်အရေး

တစ်ခါတုန်းက လူတစ်ယောက်ဟာ တစ်ညမှာ နတ်မင်းကြီးတစ်ပါးနဲ့ ကြုံခဲ့တယ်။ နတ်မင်းကြီးက လူငယ်ကို အပြောင်းအလဲတစ်ခု သူ့ကိုယ်ပေါ်ကျရောက်နိုင်ကြောင်း၊ သူ့မှာသူဌေးဖြစ်နိုင်တဲ့၊ ရာထူးအရှိန်အဝါတွေ ကြီးမြင့်နိုင်တဲ့၊ လှပတဲ့ဇနီးတစ်ဦး ပိုင်ဆိုင်နိုင်တဲ့ အခွင့်အရေးတွေ အများကြီးရှိကြောင်း ပြောခဲ့တယ်။

လူငယ်က နတ်မင်းကြီးပြောခဲ့တဲ့အတိုင်း ထူးခြားတာတွေ သူ့အပေါ်ကျရောက်မယ့်နေ့ကို စောင့်နေခဲ့တယ်။ ဒါပေမယ့် နှစ်လရာသီတွေသာ ပြောင်းသွားတယ်။ သူ့ဘဝဘာမှ မထူးခြားခဲ့ဘူး။ အဲဒီလို တစ်ယောက်တည်း တစ်သက်လုံး ဆင်းဆင်းရဲရဲနဲ့ ကွယ်လွန်သွားခဲ့ရတယ်။

ကွယ်လွန်ပြီးနောက် နတ်မင်းကြီးနဲ့တွေ့ခဲ့ပြန်တယ်။ နတ်မင်းကြီးကိုတွေ့တာနဲ့ သူက "နတ်မင်းကြီး.... အရှင်ပြောတော့ ကျွန်တော်သူဌေးဖြစ်မယ်ဆို၊ ရာထူးကြီးကြီးမားမားနဲ့ ဇနီးချောချောရမယ်ဆို အခုတော့ ကျွန်တော်တစ်သက်လုံး စောင့်နေခဲ့တာ ဘာမှလည်းမရခဲ့ဘူး" လို့ ပြောတယ်။

အဲဒီအခါ နတ်မင်းကြီးက "အသင်ကို သူဌေးဖြစ်နိုင်တဲ့၊ ရာထူးရနိုင်၊ ဇနီးချောချောရနိုင်တဲ့ အခွင့်အရေးပေးမယ်လို့ပဲ ပြောခဲ့ပါတယ်။ ဒါပေမယ့် ခင်ဗျားက ဒီအခွင့်အရေးတွေကို လက်လွတ်ခဲ့တယ်" လို့ ပြောတော့ လူငယ်က "အရှင်နတ်မင်းပြောတာကို ကျွန်တော်သဘောမပေါက်ဘူး" လို့ဆိုတယ်။

နတ်မင်းကြီးက ဆက်ပြီးပြောပြန်တယ်။

"တစ်ခါတုန်းက ချမ်းသာနိုင်တဲ့ အခွင့်ကောင်းတစ်ခုကို အသင်ရခဲ့တယ်မဟုတ်လား? ဒါပေမယ့် အသင် မလှုပ်ရှားခဲ့ဘူး။ ဆုံးရှုံးမှာကိုကြောက်ပြီး အသင်သွားမစမ်းသပ်ခဲ့ဘူး။ ဒါကို တစ်ခြားတစ်ယောက်က မကြောက်မရွံ့နဲ့ သွားလုပ်ခဲ့တယ်။ အဲဒီလူဟာ နောက်ဆုံးမှာ မြို့ပေါ်က အချမ်းသာဆုံးလူဖြစ်သွားခဲ့တယ်။ နောက်တစ်ခုရှိသေးတယ်.... အသင်မှတ်မိရဲ့လား! မြို့ပေါ်မှာ ငလျှင်လှုပ်တဲ့အခေါက်တုန်းက အိမ်တော်တော်များများ ပြိုကုန်တယ်။ လူတွေအများကြီး ပိတ်မိနေကြတယ်။ လူတွေကိုကယ်တင်၊ ကူညီနိုင်တဲ့ အခွင့်အရေး အသင်မှာရှိပေမယ့် အသင်သွားမကူညီခဲ့ဘူး။ အသင်မရှိတုန်း အသင့်အိမ်ကို သူခိုးဝင်မှာစိုးတယ်၊ လုယှက်မှာစိုးတယ်ဆိုတဲ့ ဆင်ခြေတွေနဲ့ မျက်စိရှေ့ကအဖြစ်တွေကို အသင်မျက်စိမှိတ်ရှောင်လွဲခဲ့ပြီး ကိုယ့်အိမ်ကိုပဲ စောင့်နေခဲ့တယ်"

နတ်မင်းကြီးရဲ့စကားကို လူငယ်ကဟုတ်မှန်ကြောင်း အားနာပါးနာနဲ့ ခေါင်းညိတ်တယ်။

"လူတွေကို ကယ်တင်၊ ကူညီနိုင်တဲ့အခွင့်အရေးက အသင်ကိုရော၊ အသင့်မြို့ကိုပါ ဂုဏ်တက်စေနိုင်ပေမယ့် အသင်လက်ရှောင်ခဲ့တယ်။ ပြီးတော့ ဆံပင်နက်မှောင်တဲ့ မိန်းမပျိုငယ်လေးတစ်ယောက်ကို အသင်မှတ်မိသေးလား! အဲဒီကောင်မလေးက အသင့်ကို အစွဲလမ်းကြီး စွဲလမ်းစေခဲ့တယ်လေ။ သူကလွဲရင် အသင်ဘယ်သူကိုမှ မချစ်ဘူးလို့ ဆုံးဖြတ်ထားပေမယ့် အသင်ဖွင့်မပြောရဲခဲ့ဘူး။ ဖွင့်ပြောရင်လည်း အသင်ကို သူချစ်လာနိုင်မှာမဟုတ်ဘူး။ လက်ထပ်ဖို့ဆို ပိုဝေးတယ်လို့ အသင်ထင်ပြီး အငြင်းဆန်ကိုခံရမှာကြောက်တာနဲ့ အသင်ဖွင့်မပြောခဲ့ဘူးလေ။ အခွင့်ကောင်းတွေကို အသင်ဘေးကနေ တိတ်တဆိတ် အသင်ဖြတ်ကျော်စေခဲ့တာပဲ မဟုတ်လား!"

နတ်မင်းကြီးပြောသမျှကို လူငယ်က ခေါင်းတညိတ်ညိတ်နဲ့ ဝန်ခံနေခဲ့တယ်။ သူ့မျက်လုံးအိမ်မှာလည်း မျက်ရည်တွေဝဲနေခဲ့တယ်။

"သူပါပဲ.. အသင့်ဇနီးဖြစ်နိုင်သူဟာ အဲဒီကောင်မလေးပါပဲ။ ဘဝတစ်ခုကို ပျော်ရွှင်အောင် ဖန်တီးနိုင်တဲ့အခွင့်အရေး အသင်မှာရှိပေမယ့် အဲဒီအခွင့်အရေးတွေကို ခင်ဗျားလက်လွတ်ခဲ့တယ်"

ကျွန်တော်တို့ရဲ့ နေ့ရက်တွေမှာလည်း အခွင့်အရေးတွေနဲ့ လည်ပတ်နေပါတယ်။ အဲဒီအခွင့်အရေးတွေထဲမှာ အချစ်၊ အလုပ်အကိုင်၊ ရာထူး၊ စည်းစိမ်ဥစ္စာတွေ ပါနိုင်ပါတယ်။ ဒါပေမယ့် လူအများက ကြောက်တဲ့စိတ်နဲ့ ရှေ့တိုးမယ့်ခြေလှမ်းကို ရပ်တန့်လိုက်တတ်ကြပြီး အခွင့်အရေးကို လက်လွတ်လိုက်တတ်ကြတယ်။

အငြင်းဆန်ခံရမှာကိုကြောက်ပြီး လူတွေနဲ့ ကျွန်တော်တို့ မဆက်ဆံရဲခဲ့ကြဘူး။
အလှောင်ခံရမှာကိုကြောက်ပြီး လူတွေနဲ့မပြောဆိုရဲ၊ ထုတ်ဖော်မပြောရဲခဲ့ဘူး။
ဆုံးရှုံးရမှာကိုကြောက်ပြီး တစ်ပါးသူအတွက် မပေးဆပ်ရဲခဲ့ကြဘူး။
မအောင်မြင်မှာကိုကြောက်ပြီး သွားမစမ်းသပ်ရဲခဲ့ကြဘူး။

ဒီလိုနဲ့ အခွင့်အရေးတွေက ကျွန်တော်တို့အပါးကနေ တိတ်တဆိတ် ဖြတ်ကျော်သွားခဲ့ကြတယ်။

မူရင်း-- http://share.youthwant.com.tw

နိုင်းနိုင်းစနေ ဘာသာပြန်သည်။

ဘဝ အခွင့်အရေး

ရှင်လောင်း... ရှင်လောင်း... ပဲသီးထောင်း

အခုဆိုရင် မြန်မာပြည်မှာ နွေရာသီကျောင်းပိတ်ရက်ပေါ့။ ကျောင်းပိတ်တော့ ကလေးလေးတွေ ရှင်လောင်းဝတ်ကြတယ်။ ရှင်လောင်းရာသီဆိုလည်း မမှားဘူးပေါ့။ မြို့ပေါ်ရှင်လောင်းတွေက ကားစီးပြီးလှည့်ကြတယ်။ ကျွန်မတို့ရွာက ရှင်လောင်းတွေက မြင်းစီးဒါမှမဟုတ် လူထမ်းပြီးလှည့်ကြတယ်။ ဘာပဲစီးစီး၊ ဘယ်လိုလှည့်လှည့် အလှူပေးကြတဲ့ ကျောင်းဒကာ၊ ဒကာမတွေရဲ့ မျက်နှာတွေက တပြုံးပြုံးနဲ့ပေါ့။ ဒီမနက် အိမ်ရှေ့ဖြတ်သွားတဲ့ ရှမ်းရှင်လောင်းလေးတွေကို လိုက်ရိုက်ဖြစ်တယ်။ ကင်မရာသေးသေးလေးနဲ့ ဗီတီယိုရိုက်တော့ ပုံတွေက မကောင်းဘူး။ မလုပ်တတ်လုပ်တတ်နဲ့ editထားတယ်။ မြို့မှာဆိုတော့ ဗုံတီးသံကလွဲရင် အော်သံတွေ သိပ်မကြားရဘူး။ ကျွန်မတို့ရွာမှာတော့ အော်ကြတယ်။

ရှင်လောင်း... ရှင်လောင်း... ပဲသီးထောင်း
ရှင်လောင်းအစ်မ ငါနဲ့ရ
ရှင်လောင်းအမေ.................. အလုပ်များနေ

နယ်စပ်မြို့လေးဆိုတော့ ဒီကပဒေသာပင်တွေက ဘတ်ငွေတွေချည်းပဲ၊ တစ်ရာတန်၊ ငါးဆယ်တန်၊ နှစ်ဆယ်တန်တွေနဲ့ လှူနိုင်ဒါန်းနိုင်ကြတယ်။

နိုင်းနိုင်းစနေ

ရှင်လောင်း... ရှင်လောင်း... ပဲသီးထောင်း

စကားလုံးများ ပေးသနားပါ

အဖေ၊ အမေတွေအတွက် ကိုယ့်ရင်ထဲမှာ သိမ်းဆည်းထားတဲ့ စကားလုံးတွေ၊ မပြောဖြစ်လိုက်တဲ့ စကားလုံးတွေကို တောင်းဆိုချင်ပါတယ်။ စာလုံးရေသိပ်မများဘဲ နာမည်ရင်း သို့မဟုတ် နစ်နိမ်းနဲ့ ရေးသားပေးဖို့ တောင်းဆိုပါတယ်။ (အဲဒီစကားလုံးတွေကို ဘာလုပ်မယ်ဆိုတာ မပြောတော့ဘူးနော်)

***စကားလုံးတွေရေးပေးကြတဲ့အတွက် ကျေးဇူးတင်ပါတယ်။ ဒီစကားလုံးတွေကို နောက်ထုတ်မယ့် "အမေ"စာအုပ်မှာ ထည့်သုံးမှာမို့ Anonymousနဲ့ မရေးကြဘဲ ကိုယ်တိုင်သိနိုင်တဲ့ နာမည်(သို့) သင်္ကေတတစ်ခုနဲ့ရေးပေးဖို့ တောင်းဆိုပါတယ်။ နောက်ပြီး စာမျက်နှာအခက်အခဲတွေ ရှိနိုင်တာကြောင့် အရမ်းတို (သို့) အရမ်းရှည်တာတွေ မရေးကြဖို့ ထပ်တောင်းဆိုချင်ပါတယ်။ တနင်္ဂနွေနေ့ နောက်ဆုံးထားပြီး ရေးပေးစေလိုပါတယ်။

ဒီနေရာမှာ မရေးချင်ရင် အီးမေးလ်နဲ့ပို့လည်း ရပါတယ်။ အကောင်းဆုံး(၃၅)ခုကို ရွေးသွားပါမယ်။

အားလုံး....ကျေးဇူးတင်ပါတယ်း)

နိုင်းနိုင်းစနေ

စကားလုံးများ ပေးသနားပါ

ကောင်မလေးရဲ့ လေတိုက်နှုန်း

လေငြိမ်ချိန်

ဒီလိုအချိန်မျိုးမှာ ကောင်မလေးရဲ့စိတ်နေသဘောထားကို သင်မခံစားမိနိုင်သေးဘူး။ ဒီလို လေငြိမ်ချိန်မျိုးက ကောင်မလေးအနားနား သင်ရှိမနေချိန်မှာ ဖြစ်တတ်တာကြောင့် သင့်စိတ်ကို ပေါ့ပေါ့ပါးပါး ထားနိုင်ချိန်ဖြစ်တယ်။

လေတိုက်နှုန်း ၁ဆ

ဒီလိုအချိန်မျိုးမှာ ကောင်မလေးဆီကနေ လေညင်းနဲ့တူတဲ့ တုန့်ပြန်မှုကို သင်ရလိမ့်မယ်။ ကောင်မလေးက နှုတ်ခမ်းစူပြီး ပြုံးရယ်တဲ့အသံနဲ့ "သွား... ကောင်စုတ်"ဆိုအသံက ညင်သာတဲ့လေ အတိုက်ခံရသလို သင့်စိတ်ကို ကြည်နူးစေပါတယ်။

လေတိုက်နှုန်း ၂ဆ

ဒီလိုအချိန်မျိုးမှာ ကောင်မလေးဆီကနေ အလိုမကျတဲ့ပုံကို သင်တွေ့ရလိမ့်မယ်။ စိတ်ညစ်တယ်ဆိုတဲ့ စကားနဲ့ သူ့ခံစားချက်ကို ဖော်ပြလိမ့်မယ်။ ဒါပေမယ့် အဲဒီလိုခံစားချက်က ခဏတွင်းချင်းပျောက်သွားတတ်တာမို့ သင့်ကိုထိခိုက်စေမှာ မဟုတ်ပါဘူး။

လေတိုက်နှုန်း ၃ဆ

ဒီလိုအချိန်မျိုးမှာ ကောင်မလေးက အလိုမကျမှုကို ပိုပြတတ်တယ်။ ပစ္စည်းတစ်ခုခုနဲ့ သင့်ကို မနာတနာထုပြီး သင့်လုပ်ရပ်တွေကို ရပ်တန့်ခိုင်းတတ်တယ်။ ဒါပေမယ့် ဒီလိုအပြုအမှုက သင့်ကို မထိခိုက်စေနိုင်သေးပါဘူး။ သူကျီစယ်နေတယ်လို့ သင်ထင်နေလို့ဖြစ်တယ်။

လေတိုက်နှုန်း ၄ဆ

ဒီလိုအချိန်မျိုးမှာ စကားလုံးတချို့ကို ကောင်မလေးစသုံးပြီး အလိုမကျတဲ့ သူ့ခံစားချက်ကို ထုတ်ဖော်ပြသတတ်တယ်။

လေတိုက်နှုန်း ၅ဆ

ကောင်မလေးရဲ့ခံစားချက်ကို သင်ခန့်မှန်းမိချိန်ဖြစ်တယ်။ ဒီလိုအချိန်မျိုးမှာ ကောင်မလေးက မျက်ထောင့်နီနဲ့ သင့်ကို စူးစူးစိုက်စိုက်ကြည့်ပြီး အေးစက်တဲ့စကားတွေ ပြောလိမ့်မယ်။ ဒါဟာ လေပြေလေးလို့ထင်ပြီး ဒီလိုလေတိုက်နှုန်းထဲ သင်ရှိနေဦးမယ်ဆိုရင် မကြာခင်မှာ ဒီထက်ကြမ်းတဲ့လေကို သင်ခံစားမိပါလိမ့်မယ်။

လေတိုက်နှုန်း ၆ဆ

ဒီလိုအချိန်မျိုးမှာ ကောင်မလေးက ခါးထောက်ပြီး လူကိုကျိန်ဆဲချိန်ဖြစ်တယ်။ အသံကိုလည်း မြင့်လိုက်ပြီဖြစ်တာကြောင့် ရှေ့တိုးမလား! နောက်ဆုတ်မလားဆိုတာကို သင်ဆုံးဖြတ်သင့်ချိန်ဖြစ်တယ်။

လေတိုက်နှုန်း ၇ဆ

ဒီလိုအချိန်မျိုးမှာ လေပြင်းတွေ စတိုက်ပြီဖြစ်တယ်။ ကျိန်ဆဲသံတွေ တဟူးဟူးနဲ့ မစဲဖြစ်နေလိမ့်မယ်။

လေတိုက်နှုန်း ၈ဆ

ဒီလိုအချိန်မျိုးက နည်းနည်းထိတ်လန့်စရာ ကောင်းလာပြီဖြစ်တယ်။ စူးရှအက်ကွဲတဲ့ ကျိန်ဆဲသံတွေအပြင် ခုန်ဆောင့်သံ၊ ရိုက်သံတွေကို သင်ကြားလိမ့်မယ်။

လေတိုက်နှုန်း ၉ဆ

ဒီလိုအချိန်မျိုးက ပစ္စည်းတချို့ဆုံးရှုံးချိန်ဖြစ်တယ်။ ကောင်မလေးက တွေ့ရာပစ္စည်းတွေကို ပစ်ဖောက်ခွဲချိန်ဖြစ်တယ်။ ဥပမာ - ဘောလ်ပင်၊ ဖုန်း၊ ဖိနပ်တွေနဲ့ ပစ်ပေါက်ပါလိမ့်မယ်။ ဒီလိုအချိန်မျိုးမှာ လေထဲကနေ ပစ္စည်းတွေကို သင်ဖမ်းယူတတ်ရပါလိမ့်မယ်။

လေတိုက်နှုန်း ၁ဝဆ

ဒီလိုအချိန်မျိုးက ပစ္စည်းတွေ ပိုထိခိုက်ဆုံးရှုံးချိန်ဖြစ်တယ်။ ဒီလိုအချိန်မျိုးမှာ ပစ်ပေါက်လာသမျှပစ္စည်းတွေကို ရှောင်နိုင်၊ ဖမ်းယူနိုင်ဖို့ သင်ကြံ့ခိုင်ရလိမ့်မယ်။ မြေငလျှင်လှုပ်သလို ဖြစ်တတ်တာကြောင့် အကောင်းဆုံးက ပုန်းကွယ်ရာနေရာကို သင်အရင်ဆုံးရှာရလိမ့်မယ်။

လေတိုက်နှုန်း ၁၁ဆ

ဒီလိုအချိန်မျိုးက လေဗွေကြီးတစ်ခုလို သင့်အနားသူရောက်လာပြီး ကိုယ်ထိလက်ရောက် တိုက်ခိုက်တော့မယ်။ ဒီလိုအချိန်မျိုးက လူကို ထိခိုက်နာကျင်စေတတ်ပါတယ်။ အနည်းဆုံးတော့ လက်ဖဝါးဒဏ်တစ်ချက်ကို သင်ခံရတတ်တယ်။

လေတိုက်နှုန်း ၁၂ဆ

ဒီလိုအချိန်မျိုးက လေမုန်တိုင်းအဆင့်ပါပဲ။ ကြိုတင်ပြင်ဆင်မှုမရှိရင် ဘေးအန္တရာယ် ကြီးကြီးမားမားကျရောက်နိုင်ပြီး ထိခိုက်နာကျင်မှုတွေ ရှိစေတတ်ပါတယ်။

မူရင်း-- google search or http://catdogu.com

နိုင်းနိုင်းစနေ ဘာသာပြန်သည်။

ကောင်မလေးရဲ့ လေတိုက်နှုန်း

အမေ့အသံ

အဖေဆုံးတဲ့နှစ်မှာ သူ(၁ဝ)နှစ်၊ မောင်လေး(၈)နှစ်

ဘဝက ဖြေးဖြေးချင်းစဆွဲခဲ့တဲ့ ပန်းချီကားတစ်ချပ်လို လှပတဲ့အရောင်လေးတွေ ခြယ်မှုန်းနေချိန်မှာ ရုတ်တရက် မိုးရေတွေနဲ့ အပက်ခံလိုက်ရတယ်။ သူ့ဘဝထဲက ပျော်ရွှင်၊ တည်ငြိမ်ခြင်းတွေက ပျက်စီးသွားတဲ့ ဆေးရောင်ခြယ် ပန်းချီကားလေးလို့ ဆိတ်သုန်းပျောက်ဆုံးကုန်ခဲ့ရတယ်။

အဖေဆုံးပြီးနောက် အရင်က သိမ်မွေ့နူးညံ့ခဲ့တဲ့အမေဟာ အားလုံးပြာင်းလဲသွားသလိုပဲ စိတ်တိုဒေါသထွက် လွယ်ခဲ့တယ်။ ပန်းကန်လေးတစ်လုံး မတော်တဆ လွတ်ချကွဲသွားတာနဲ့ အမေဆူလို့ဆဲလို့ မပြီးနိုင်တော့ဘူး။ အဲဒီအချိန်ကစပြီး အမေ့အသံကို သူမုန်းခဲ့တယ်။ သေးငယ်စူးရှတဲ့ အမေ့အသံက သူ့နားထဲ ရက်ရက်စက်စက် တိုးဝင်ပြီး သူ့ဘဝထဲအထိ ဝင်ရောက်ခဲ့တယ်။ အရင်က သိမ်မွေ့နူးညံတဲ့ အမေ့အသံဟာ ဘာဖြစ်လို့ ရုတ်တရက် ဒီလိုပြောင်းလဲသွားမှန်း သူ မတွေးတတ်ခဲ့ဘူး။

အဲဒီတုန်းက အမေအသက်(၃ဝ)လောက်ပဲ ရှိဦးမယ်။ ရင့်ကျက်ပြည့်ဖြိုးတဲ့ ပန်းတစ်ပွင့်လို အမေကို ခူးဆွတ်ချင်သူတွေ များခဲ့တယ်။ ဒါပေမယ့် စကားလာခင်းသူတွေကို အမေဆဲလွတ်လိုက်တာချည်းပဲ။ အမေဟာ ဆူးထောင်ထားတဲ့ ဖြူးကောင်တစ်ကောင်လို အနားကပ်လာသူမှန်သမျှကို ဆူးနဲ့လိုက်စူးပြီး သူနဲ့ မောင်လေးကို ကာကွယ်ခဲ့တယ်။

စားဝတ်နေရေးအတွက် ဈေးထဲမှာ နေရာတစ်ခုရှာပြီး အမေဈေးရောင်းခဲ့တယ်။ မနက်(၄)နာရီထိုးတာနဲ့ အိပ်ရာကထ လိုင်းကားနဲ့ မြောက်အရပ်ကနေ တောင်အရပ်မှာရှိတဲ့ လက်ကားဈေးကို အမေသွားတယ်။ ဒီလမ်းခရီးက မြို့ကိုတစ်ပတ်ပတ်တာနဲ့ တူတယ်။ လေဒဏ်၊ မိုးဒဏ်ကြောင့် ပြည့်တင်းနေတဲ့ အမေခန္ဓာကိုယ်ဟာ နေလှန်းထားတဲ့ သစ်သီးခြောက်လို ပိန်လှီခဲ့ရတယ်။

(၁၆)နှစ်အရွယ်မှာ သူဟာအေးဆေးတည်ငြိမ်တဲ့ မိန်းမပျိုလေးဖြစ်ခဲ့တယ်။ အထက်တန်းကျောင်း တက်နေပြီး စာတော်ခဲ့တယ်။ နေ့လယ်နေ့ခင်း ကျောင်းဆင်းချိန်မှာ အိမ်ကိုအပြေးပြန်လာပြီး ထမင်းဟင်းတွေ သူချက်ခဲ့တယ်။ ပြီးရင် လမ်းအသွယ်သွယ်ကိုဖြတ်ပြီး အမေအတွက် သူထမင်းချိုင့်ပို့ပေးတယ်။ ဆူညံနေတဲ့ ဈေးထဲရောက်တိုင်း အမေကထမင်းကို တစ်ဘက်က ပလုပ်ပလောင်းစားရင်း၊ တစ်ဘက်က ဈေးဝယ်တွေနဲ့ ဈေးညှိနေတာကိုပဲ သူမြင်ခဲ့ရတယ်။

တစ်ခါတုန်းက ဈေးနားအရောက်မှာ လူတစ်ယောက်နဲ့ အမေရန်ဖြစ်နေတာကို သူတွေ့လိုက်တယ်။ အမေရဲ့စူးရှထက်မြက်တဲ့အသံက အဝေးကနေ သူ့နားစည်ကို အားနဲ့ဝင်ဝင်ဆောင့်တယ်။ အမေနဲ့ရန်ဖြစ်တဲ့ ဝဝပုပုအမျိုးသမီးက အမေ့ကိုမနိုင်တော့ သူ့ယောက်ျားကိုစစ်ကူတောင်းတယ်။ ယောက်ျားလုပ်သူက အမေကိုရိုက်ဖို့ ရွယ်တယ်။ အမေ့မျက်နှာပေါ်က တံထွေးနဲ့ မျက်ရည်စတွေကို သူထင်ထင်ရှားရှား တွေ့ခဲ့ရတယ်။ ဒါတွေဟာ ငယ်ရွယ်နုပျိုတဲ့သူ့ဘဝကို စွတ်စိုစေခဲ့တယ်။

အသက်(၂၂)နှစ်မှာ သူကျောင်းပြီးတယ်။ ကျောင်းဆက်တက်နိုင်တဲ့အရည်အချင်း သူ့မှာရှိပေမယ့် မောင်လေးအတွက်နဲ့ တစ်နေ့တစ်ခြားပိန်လှီလာတဲ့ အမေ့ခန္ဓာကိုယ်ကြောင့် ရှေ့ဆက်ပညာသင်ရေးကို သူလက်လွတ်ခဲ့တယ်။

ပထမဆုံးရတဲ့လစာငွေကို အမေ့လက်ထဲသူအပ်တော့ ကြမ်းတမ်းတဲ့အမေ့လက်တွေက လိပ်ပြာတောင်ပံတွေလို တုန်ယင်နေခဲ့တယ်။ အမေ့ကိုသူ ငေးမောကြည့်ရင်း အသံနိမ့်နဲ့ပြောလိုက်တယ်။

"အမေ.... နောက်ဆို ဈေးသွားမရောင်းပါနဲ့တော့"

သူ့စကားကြားတော့ အမေရယ်တယ်။ အမေရယ်သံတွေက စူးရှမနေတော့ဘဲ ခပ်အက်အက်ဖြစ်နေတယ်။ အမေ့အသံထဲမှာ ပင်ပန်းဆင်းရဲသံ၊ အိုမင်းရင့်ရော်သံတွေနဲ့ ပြည့်နေခဲ့တယ်။ နောက်တစ်နေ့မနက် ဈေးထဲမှာ အမေကို သူသွားရှာခဲ့တယ်။ အဝေးကြီးကနေ အမေရဲ့ကြည်လင်တဲ့အသံကို သူကြားနေရတယ်။

"ဟဲ့... ငါ့သမီး တက္ကသိုလ်က ဘွဲ့ရခဲ့ပြီသိလား! နိုင်ငံခြားကလာဖွင့်ထားတဲ့ ကုမ္ပဏီမှာ အလုပ်လုပ်နေတယ်...."

အမေ့စကားထဲကနေ ဂုဏ်ယူဝင့်ကြွားသံကို သူကြားလိုက်ရတယ်။

အသက်(၂၈)နှစ်မှာ သမီးလေးတစ်ယောက်ကို သူမွေးဖွားခဲ့တယ်။ လမပြည့်သေးတဲ့ ကလေးက ညတိုင်းမိုးလင်းပေါက်ထိ ငိုတယ်။ တစ်ညလုံး အမေမအိပ်ဘဲ ကလေးကိုချော့ခဲ့တယ်။ တစ်ညအိပ်မက်ကနေ ယောင်ရမ်းနိုးလာချိန် ကလေးကိုချော့သိပ်နေတဲ့ အမေ့သီချင်းသံကို သူရုတ်တရက် ကြားလိုက်မိတယ်။ ပျော့ပျောင်းညင်သာတဲ့ အမေ့အသံကြောင့် မျက်စိမဖွင့်ဘဲ သူငြိမ်ငြိမ်လေးနားထောင်ခဲ့တယ်။

ပုခက်လွှဲတေးသံလေးပါလား! (၁၈)နှစ်ဆိုတဲ့အချိန်က နောက်ပြန်စီးခဲ့သလို နားဝင်ချိုသိမ်မွေ့တဲ့ အမေ့တေးသံလေးထဲ သူစီးမျောသွားခဲ့တယ်။ မျက်လုံးအိမ်ထဲ ပြည့်လျံလာတဲ့မျက်ရည်တွေ အပြင်ကိုစီးမကျခင် စောင်နဲ့သူဆွဲအုပ်လိုက်မိတယ်။ နောက်ဆုံးမှာ အမေ့အသံကို သူရှာတွေ့ခဲ့ပါတယ်.... ဟိုတစ်ချိန်တုန်းက သူ့ဘဝမှာ ပျောက်ကွယ်ခဲ့ပြီထင်တဲ့ အမေကို သူပြန်ရခဲ့ပါတယ်။

ဒါပေမယ့် ပျော်ရွှင်ချမ်းမြေ့တဲ့အချိန်တွေက တိုတောင်းလွန်းခဲ့တယ်။

အဲဒီနေ့မနက်(၇)နာရီမှာ အမေက ထမင်းဟင်းချက်ပြီး သူ့ကိုအိပ်ရာထဖို့ လာနှိုးတယ်။ မနက်(၈)နာရီမှာ သူအလုပ်သွားတော့ အမေက မြေးလေးနဲ့ဆော့ကစား ကျန်ရစ်ခဲ့တယ်။ (၁ဝ)နာရီမှာ ဆေးရုံကို အရေးတကြီး သူရောက်သွားခဲ့တယ်။ လူနာကုတင်ပေါ်မှာ လဲလျောင်းနေတဲ့အမေ စကားမပြောတတ်တော့ဘူး။ ရုတ်တရက် သွေးတိုးပြီး အမေလေဖြတ်ခဲ့တယ်။ မေ့မြောနေတဲ့အမေ့ ပါးပြင်တွန့်တွန့်တွေကို သူပွတ်သပ်ကြည့်နေမိတယ်။ သူ့မျက်ရည်တွေက အမေ့ကိုယ်၊ မျက်နှာပေါ် အဆက်မပြတ်စီးကျခဲ့တယ်။ အမေ့အသံကို သူကြားချင်လိုက်တာ... စူးရှသေးငယ်ပြီး ဆူဆဲတဲ့အသံပဲဖြစ်ဖြစ် သူကြားချင်နေမိတယ်။ ဒါပေမယ့် အမေ့အသံကို သူကြားခွင့်မရခဲ့တော့ဘူး။

နောက်တစ်နေ့ နေ့လယ်ခင်းမှာ မေ့မြောရာကနေ အမေတိတ်တိတ်လေး ထွက်ခွါသွားခဲ့တယ်။

အမေဆုံးပြီးတစ်လအကြာမှာ အမေကျန်ရစ်တဲ့ပစ္စည်းတွေကို သူသိမ်းနေခဲ့တယ်။ သေတ္တာတစ်ခုထဲကနေ အိမ်နေစီးဖိနပ်နှစ်ရံကို သူတွေ့လိုက်တယ်။ ဖိနပ်က အဝါဖျော့ရောင်သိုးမွှေးနဲ့ ချုပ်ထားပြီး ဖိနပ်အောက်ခံကို အမေက ခပ်ထူထူလေး လုပ်ထားပေးတယ်။ အရင်က ဒီလိုဖိနပ်မျိုးကို သူ့အတွက် အမေလုပ်ပေးခဲ့ဖူးတယ်။ ဖိနပ်ကပျော့အိပြီး စီးလို့ကောင်းပေမယ့် လမ်းလျှောက်လိုက်ရင် ဖိနပ်အောက်ခံကြောင့် အသံအရမ်းမြည်လို့ တစ်ရက်နှစ်ရက်စီးပြီး တစ်နေရာမှာ သူပစ်ထားခဲ့မိတယ်။

အခုတော့ အဲဒီဖိနပ်ကို ကောက်ယူစီးပြီး တစ်အိမ်လုံးအနှံ့ သူလမ်းလျှောက်ကြည့်မိတယ်။ "တပ်.. တပ်.. တပ်"နဲ့ မြည်နေတဲ့ဖိနပ်သံကို သူအကျယ်ကြီး ကြားလိုက်ရတယ်။ ဖိနပ်သံတွေကြားမှာ သူငိုကြွေးမိပြန်တယ်။ ဒါဟာ သူ့အတွက် အမေထားခဲ့တဲ့ နောက်ဆုံးအသံလေးပဲဖြစ်တယ်။

မူရင်း--- http://www.duwenzhang.com

နိုင်းနိုင်းစနေ ဘာသာပြန်သည်။

အမေ့အသံ

ရှမ်းပြည်အလှ ဘန်နာလေးများ

ရောက်ခဲ့ဖူးတဲ့နေရာတွေမှာ ရိုက်ခဲ့တဲ့ဓာတ်ပုံတချို့က ထင်သလောက်မကောင်းခဲ့ဘူး။ လူတွေရဲ့အားနည်းချက်ကို လျစ်လျူရှူကြည့်တတ်ရင် လူတိုင်းက လူကောင်းဖြစ်တယ်ဆိုတဲ့အတိုင်း မလှတာလေးကိုဖြုတ်၊ ဖြတ်လိုက်တော့ လှတဲ့ရှုခင်းလေးဖြစ်သွားတယ်။ ရောက်ခဲ့ဖူးတဲ့ ရှမ်းပြည်နယ်နေရာတချို့က အမှတ်တရပုံလေးတွေပေါ့။ အလည်လာဖို့ ဖိတ်ခေါ်ပါတယ်...

နိုင်းနိုင်းစနေ

ရှမ်းပြည်အလှ ဘန်နာလေးများ

ပိုးစုန်းကြူး စကားလုံးများ

လက်ထဲက ကြယ်

လက္ခဏာကြည့်တတ်တဲ့ သူငယ်ချင်းတစ်ဦးက ပြောတယ်။

"ဘဝမှာ လူတိုင်း ကိုယ်ပိုင်ကြယ်တစ်လုံးစီ ရှိကြတယ်။ အဲဒီကြယ်က သူတို့ရဲ့ဦးတည်ရာကို လမ်းပြညွန်ကြားပေးနေတယ်။ လူအများစုရဲ့ကြယ်က ကောင်းကင်ပေါ်မှာရှိတယ်။ ကြယ်သွားရာနောက် သူတို့လိုက်ရွေ့ကြပြီး ကြယ်တွေနဲ့ သူတို့ရဲ့ကံကြမ္မာကို ဆုံးဖြတ်ကြတယ်။ လူနည်းစုရဲ့ကြယ်က သူတို့ရဲ့လက်ဖဝါးပေါ်မှာရှိတယ်။ အဲဒီကြယ်ကို သူတို့ဆုပ်ကိုင်ထားပြီး ကိုယ့်ဦးတည်ရာကို သူတို့ကိုယ်တိုင်ရွေးခဲ့ကြတယ်"

ဒါပေမယ့် ကျွန်တော်တို့လက်ထဲမှာ ကြယ်တွေမရှိခဲ့လည်း ကိုယ်နဲ့ဆိုင်တဲ့ ကောင်းကင်ပေါ်ကကြယ်ကို ဇွဲလုံလပါတဲ့လက်တွေနဲ့ ကျွန်တော်တို့ ဆွတ်ယူခူးချပြီး ကိုယ့်ဦးတည်ရာကို ကိုယ်ပိုင်ဆုံးဖြတ်သင့်တယ်လို့ ကျွန်တော်ထင်တယ်။

အချိန်ဆိုတဲ့ သူခိုး

များသောအားဖြင့် မွန်ဂိုရီးယားလူမျိုးတွေက အသက်မမေးတတ်ကြဘူး။ "ဘယ်နှစ်ရာသီဖြတ်ခဲ့ပြီလဲ"ပဲ မေးတတ်ကြတယ်။ သဘောက နွေဦးရာသီကို ဘယ်နှစ်ကြိမ် ဖြတ်ကျော်ခဲ့တယ်ဆိုတာဖြစ်တယ်။ သူတို့နိုင်ငံမှာက ရာသီဥတုအပြောင်းအလဲက အရမ်းသိသာထင်ရှားတယ်။ နွေဦးရဲ့ ရွက်နု၊ နွေရာသီရဲ့ စိမ်းစိုမှု၊ မိုးရာသီရဲ့ အေးစက်မှု၊ ဆောင်းရာသီရဲ့ တိတ်ဆိတ်မှုတွေမှာ ရာသီအလိုက် သူ့မြင်ကွင်းနဲ့သူရှိကြတယ်။ အဲဒီထဲမှာ နွေဦးရာသီက လူကိုပိုနက်နဲတဲ့ ခံစားမှုတွေပေးတယ်။ ထိုင်ဝမ်လိုနေရာမျိုးကတော့ ရာသီဥတု အပြောင်းအလဲက သိပ်မသိသာခဲ့ဘူး။ ပျားပန်းခတ်လှုပ်ရှားနေရတဲ့ ဘဝထဲမှာ အပြောင်းအလဲသိပ်မရှိတဲ့ ရာသီဥတုကိုခံစားဖို့ ပိုခက်ခဲ့တယ်။ ပြက္ခဒိန်ပေါ်က နောက်ဆုံးစာရွက်ကို ဆုတ်ဖြဲဖြစ်မှ လူတွေက "အော်.. တစ်နှစ်ကုန်ပြန်ပြီ"ဆိုတဲ့ ခံစားချက်ကိုရတယ်။

ရှေးကဗျာတစ်ပုဒ်မှာ "အချိန်တွေ တိတ်တိတ်လေး ခိုးလဲနေတယ်"တဲ့။ တင်ပြပုံ အရမ်းကောင်းပါတယ်။ အချိန်ဆိုတဲ့လက်က နေ့ရက်တွေကို တိတ်တိတ်လေး ခိုးလဲနေတယ်။ ကျွန်တော်တို့ခေါင်းပေါ်က ဆံပင်မည်းတွေကို ဆံပင်ဖြူနဲ့ ခိုးလဲနေတယ်။ သန်မာတာကို အိုမင်းတာနဲ့ ခိုးလဲနေတယ်။ သွက်လက်တာကို နှေးကွေးတာနဲ့ ခိုးလဲနေတယ်။ ပိုဆိုးတာက ကျွန်တော်တို့ရဲ့ဘဝကို သေဆုံးတာနဲ့ ခိုးလဲနေခဲ့တယ်။ ဒီလိုတွေးမိပြီးနောက် ပြောင်းလဲနေတဲ့ နာရီ၊ မိနစ်၊ စက္ကန့်တွေတိုင်းမှာ ကျွန်တော်တို့ဘာကြောင့် မနှိုးကြားနိုင်သလဲလို့ တွေးမိခဲ့ပြန်တယ်။

အချိန်ဆိုတဲ့ ဓာတ်လှေကား

အချိန်က ဓာတ်လှေကားဆိုရင် ကျွန်တော်တို့က ဓာတ်လှေကားစီးသူတွေဖြစ်မယ်။ ဓာတ်လှေကားစီးချိန် ဓာတ်လှေကား လှုပ်နေမှန်းသိတယ်။ ကိုယ်တိုင်လည်း လှုပ်တာကို ခံစားရတယ်။ ဓာတ်လှေကားတံခါးဖွင့်တာနဲ့ တစ်ခြား ပတ်ဝန်းကျင်သစ်တစ်ခုကို ကျွန်တော်တို့ ရောက်သွားတယ်။ ဒီပတ်ဝန်းကျင်က တိတ်ဆိတ်တဲ့ပတ်ဝန်းကျင် ဖြစ်နိုင်သလို၊ ဆူညံတဲ့ ပတ်ဝန်းကျင်လည်းဖြစ်နိုင်တယ်။ ကျွန်တော်တို့ကို ထူးဆန်းအံ့သြစေတဲ့ နေရာလည်းဖြစ်နိုင်တယ်။ အချိန်ဆိုတဲ့ ဓာတ်လှေကားရွေ့လျားမှုကြောင့် ကျွန်တော်တို့မျက်စိရှေ့မှာ ဘာဖြစ်လာနိုင်မယ်ဆိုတာကို ကျွန်တော်တို့ ကြိုတင်တွက်ဆလို့ မရခဲ့ဘူး။

ငါး

တကယ်လို့ လောကကြီးက မြစ်တစ်စင်းဆိုရင် ကျွန်တော်တို့က အဲဒီမြစ်ထဲက ငါးတွေပဲဖြစ်မယ်။ ဒီမြစ်ထဲကနေ ခုန်မထွက်နိုင်ခဲ့သည့်တိုင် မြစ်ကိုဆန်လိုက်စုန်လိုက်နဲ့ ကျွန်တော်တို့ကူးခတ်နေခဲ့တယ်။ ကျွန်တော်တို့မှာ စိတ်ပျက်ဝမ်းနည်းဖို့ အချိန်တွေ မရှိခဲ့ဘူး။ စိတ်ပျက်ဝမ်းနည်းတာတွေ မေ့လိုက်ချိန်ပဲရှိခဲ့တယ်။

တကယ်လို့ နောင်ဖြစ်လာနိုင်တာတွေကို မမွေးခင်ကတည်းက ကျွန်တော်တို့ကြိုသိနိုင်ခဲ့ရင် ဒီလောကထဲ ကျွန်တော်တို့ရောက်လာရဲခဲ့ကြမယ် မထင်ဘူး။ ရောက်လာပြီဆိုမှတော့ ဖြစ်ပျက်သမျှကို သတ္တိရှိရှိ ရင်ဆိုင်ဖို့ပဲ ရှိခဲ့တယ်။

သမ္မတ Franklin က "လူတွေက ဘဝအတွက် မွေးခဲ့တာမဟုတ်ဘူး။ မွေးခဲ့လို့ ဘဝဆိုတာရှိလာတာ" လို့ပြောခဲ့တယ်။ Gothicက "လောကကြီးထဲ ကျွန်တော်တို့ ဝင်လာရဲရင် လောကဓံရဲ့ခါးတီးမှုတွေကိုလည်း ကျွန်တော်တို့ခံရဲရမယ်" လို့ဆိုခဲ့တယ်။

စိတ်ကူးယဉ်တဲ့ ရှဥ့်

တိရစ္ဆာန်အရောင်းဆိုင်တွေမှာ ရှဥ့်တွေကို ကျွန်တော်တို့ မကြာခဏတွေ့ရတတ်တယ်။ လူတွေကရှဥ့်ကို လည်တတ်တဲ့လှောင်အိမ်ထဲ ထည့်ထားကြတယ်။ ရှဥ့်ပြေးတာနဲ့ လှောင်အိမ်က တစ်ပတ်ပြီးတစ်ပတ် လိုက်လည်တယ်။

အင်္ဂလန်က နာမည်ကြီး ဝေဖန်ရေးဆရာ John Ruskinက ဒီလိုအဖြစ်ကို "စိတ်ကူးအိပ်မက်" နဲ့ နှိုင်းယှဉ်ခဲ့တယ်။ "စိတ်ကူးအိပ်မက်ဆိုတာ ရှဥ့်တစ်ကောင်ပါ။ ကိုယ့်ကိုယ် မြေပြင်ပေါ်မှာ ပြေးနေတယ်အထင်နဲ့ လှောင်အိမ်အဝိုင်းထဲမှာ တစ်ပတ်ပြီးတစ်ပတ် ပျော်နေခဲ့တယ်" လို့ သူကဆိုခဲ့တယ်။

ရှဥ့်ကတစ်သက်လုံး ပြေးနေလည်း လှောင်အိမ်ထဲကနေ မလွတ်နိုင်ခဲ့ဘူး။ ဒါကြောင့် "စိတ်ကူးအိပ်မက်"ထဲမှာပဲ ကျွန်တော်တို့ ပျော်နေလို့မရဘူး။ အဲဒီအိပ်မက်ကို အကောင်အထည်ဖော်အောင် ကျွန်တော်တို့ ကြိုးစားလုပ်ဆောင်ဖို့ လိုလိမ့်မယ်။

***google booksထဲကတွေ့တဲ့ စာအုပ်တစ်အုပ်ထဲက(營窗小語選集) တချို့တလေကို ဘာသာပြန်ထားတာလေးပါ။ မူရင်းရေးသားသူက ထိုင်ဝမ်နာမည်ကြီး စာရေးဆရာ Liu Yong ဖြစ်ပါတယ်။ စာရေးဆရာက သူ့စာအုပ်နာမည်နဲ့ ပတ်သက်ပြီး ပြောထားတာက "ဒီစာတိုလေးတွေကို တီဗီအစီအစဉ်တစ်ခုမှာ ထုတ်လွှင့်ဖို့ရေးခဲ့ပြီး မိတ်ဆွေတွေ တိုက်တွန်းတာကြောင့် စာအုပ်ထုတ်ဖြစ်ခဲ့တဲ့အကြောင်း၊ ညနက်ချိန် ပြတင်းပေါက်နားမှာ ရေးခဲ့တာကြောင့် 營窗小語လို့ ပေးခဲ့ကြောင်း၊ ထင်မှတ်မထားတဲ့ ဒီပိုးစုန်းကြူးလေးလို့ စာအုပ်လေးက လူအများကြိုက်နှစ်သက်တာကို ခံခဲ့ရကြောင်း၊ (၁၇)နှစ်အတွင်းမှာ ဒီလိုစာအုပ်မျိုး(၇)အုပ် ရေးသားခဲ့ကြောင်း အမှာစာမှာရေးထားပါတယ်။

ညအချိန် ပြတင်းပေါက်ဘေးမှာရေးခဲ့တဲ့ သူ့စာအုပ်က ကျွန်မတို့ရဲ့အသိဥာဏ်ပြတင်းပေါက်ကို ဆွဲဖွင့်ပေးပြီး စာအုပ်ထဲက အလင်းရောင်နဲ့ ထွန်းညှိလိုက်သလိုပါပဲ။ ပိုးစုန်းကြူးလေးဆိုပေမယ့် ကျွန်မတို့ရဲ့ မှောင်မိုက်တဲ့ဘဝကို အသိတချို့နဲ့ လင်းလက်စေခဲ့ပါတယ်။ ကျွန်မလည်း တချို့တလေကိုဖတ်ကြည့်ပြီး နားလည်သလို ရေးလိုက်ပါတယ်။ ဖတ်ပြီး နားမလည်ခဲ့ရင် ဆောရီးနော်...း)

နိုင်းနိုင်းစနေ

ပိုးစုန်းကြူး စကားလုံးများ

Google Books

အင်တာနက်က စာကြည့်တိုက်ကြီးတစ်ခုနဲ့တူတယ်။ ဖတ်လိုမကုန်တဲ့ စာအုပ်တွေနဲ့ ပြည့်လို့နေတယ်။ ကိုယ်ဝါသနာပါရာ၊ စိတ်ဝင်စားတာတွေကို အချိန်မရွေး ကောက်ယူဖတ်လို့ရတယ်။

အရင်တုန်းက စာတွေဖတ်ရကောင်းမှန်း ကျွန်မနားမလည်ခဲ့ဘူး။ စာဖတ်တာဟာလည်း အပန်းဖြေနည်းတစ်မျိုးမှန်း မသိခဲ့ဘူး။ ကြုံရင်ဖတ်၊ မကြုံရင်မဖတ်ဘဲ ကျွန်မနေခဲ့တာများတယ်။ ကျောင်းက စာကြည့်တိုက်ဆိုရင် reportတင်ခါနီးမှ၊ စာရွက်စာတမ်းတွေလိုမှ ကျွန်မရောက်ဖြစ်တယ်။ မဟုတ်ရင် တစ်လနေလို့ တစ်ခါယောင်ပြီး ကျွန်မခြေဦးမလှည့်ဖြစ်ဘူး။ အလုပ်လုပ်ချိန်၊ ကျောင်းတက်ချိန်နဲ့ မအားဘူး၊ ပင်ပန်းတယ်လို့ ကိုယ့်ကိုယ်အကြောင်းပြပြီး ကျောင်းစာနဲ့ ကြုံဖတ်တဲ့စာတွေလောက်ပဲ မဖြစ်မနေ ကျွန်မဖတ်ခဲ့တယ်။ ကြုံဖတ်ဆိုတာက သူငယ်ချင်းတွေပြတဲ့ "ဒါလေးကောင်းတယ် ဖတ်ကြည့်"တို့၊ ဆရာ/ဆရာမတွေခိုင်းတဲ့ "မနက်ဖြန် ဘယ်စာရေးဆရာရဲ့ စာအုပ်ကိုဖတ်ပြီး ကိုယ်ခံစားမိတာကို ချရေးခဲ့ပါ"ဆိုတာမျိုးတွေဖြစ်တယ်။ အဲဒီတုန်းက စာအုပ်စာပေ လူ့မိတ်ဆွေဆိုတာမျိုး ကျွန်မ မသိခဲ့ဘူး။

တောင်ကြီးမှာ ကျောင်းတက်တုန်းကလည်း ဘာထူးလို့လဲ! ကာတွန်း၊ မဂ္ဂဇင်းနဲ့ စုံထောက်ဝတ္ထုတွေလောက်ပဲ ကျွန်မဖတ်ဖြစ်ခဲ့တယ်။ နောက်မှ အင်တာနက်သုံးတတ်ချိန် မြန်မာဝက်ဆိုက်တွေထဲဝင်ဖူးမှ ကျွန်မ မဖတ်ခဲ့ဖူး၊ မသိခဲ့ဖူးတဲ့ မြန်မာပြည်က နာမည်ကြီးစာရေးဆရာတွေ အများကြီးရှိသေးတာကို သိလိုက်ရတယ်။ ကျွန်မက အဲဒီလိုညံ့ပြီး၊ အဲဒီလိုစာပေတွေနဲ့ ကင်းကွာခဲ့တယ်။

နောက်တော့ တဖြေးဖြေး စာဖတ်ကြိုက်တဲ့ သူငယ်ချင်းတချို့ကြောင့် စာဖတ်တာကို ကျွန်မကြိုက်လာတယ်။ စာအုပ်ထဲမှာ ကိုယ်မသိ၊ မမြင်၊ မကြားဖူးတာတွေကို ကြားရမြင်ရသိရပြီး ကိုယ်မရောက်ဖူးတဲ့ အရပ်ဒေသကို ရောက်ဖူးစေတော့ စာဖတ်တာကို ကျွန်မပိုစွဲလမ်းခဲ့မိတယ်။ အဲဒီလို စာဖတ်တာကို ကျွန်မအကြိုက်ကြီး ကြိုက်မိချိန်မှာ (ကျွန်မဖတ်တတ်တဲ့ဘာသာ) စာအုပ်တွေဝယ်လို့၊ ငှားလို့မရနိုင်တဲ့ နေရာတစ်ခုကို ကျွန်မရောက်သွားခဲ့တယ်။ အဲဒီအချိန်ကျမှ တစ်နှစ်နေလို့ တစ်ခါမဝင်ခဲ့ဖူးတဲ့ ကျောင်းစာကြည့်တိုက်နဲ့ စာအုပ်မျိုးစုံရနိုင်တဲ့ စာအုပ်အရောင်းဆိုင်တွေကို ကျွန်မတမ်းတလာခဲ့မိတယ်။ စာအုပ်တွေ အလွယ်တကူဝယ်နိုင်၊ ငှားနိုင်ချိန်တုန်းက ဘာဖြစ်လို့ စာတွေဖတ်ရကောင်းမှန်း မသိခဲ့တာကို ကျွန်မနောင်တရမိတယ်။

စာအုပ်တွေလက်မှာကိုင်ပြီး မဖတ်ရတော့ အင်တာနက်ပေါ်ကစာတွေကိုပဲ လိုက်ရှာဖတ်ပြီး ကျွန်မကျေနပ်ခဲ့တယ်။ တကယ်တော့ အင်တာနက်ဆိုတာကလည်း စာကြည့်တိုက်ကြီး တစ်ခုပါပဲ။ (မျက်စိညောင်း၊ ပါဝါတက်စေတာက လွဲလို့ပေါ့) ဖတ်မကုန်တဲ့စာတွေနဲ့ ပြည့်နေခဲ့တယ်။ အဲဒီလို စာအုပ်တွေအလွယ်တကူ ဖတ်နိုင်အောင် ဂူဂယ်ရှာဖွေရေးအင်ဂျင်က အများကြီး အထောက်အကူပြုခဲ့ပါတယ်။ ဂူဂယ်က စာဖတ်ဝါသနာပါသူတွေ အလွယ်တကူဖတ်နိုင်အောင် google booksဆိုပြီး ဘာသာမျိုးစုံ၊ စာအုပ်မျိုးစုံနဲ့ အွန်လိုင်းစာကြည့်တိုက်လေး တစ်ခုလုပ်ထားပေးပြန်တယ်။ ကိုယ်ပိုင်စာကြည့်တိုက်လေး ဖွင့်ပြီး ကိုယ်ကြိုက်နှစ်သက်တဲ့ စာအုပ်တွေကို သိမ်းထားနိုင်သလို တချို့စာအုပ်ကို ဖရီးတောင်းလုပ်ယူလို့ ရနိုင်သေးတယ်တဲ့။ အင်တာနက်ရဲ့အကျိုးကျေးဇူး၊ စာအုပ်မျှဝေသူတွေရဲ့ စေတနာကြောင့် ကျွန်မတစ်ယောက် အင်တာနက်ထဲက စာအုပ်ပုံတွေကြားမှာ ပျော်ပျော်ကြီး လက်ပစ်ကူးနိုင်ခဲ့ပါပြီ။

http://books.google.com/books

http://books.google.com.tw/books

နိုင်းနိုင်းစနေ

Google Books

အချစ်ရုပ်ရှင် သင်ခန်းစာ

ဂီတအနုပညာသမိုင်းမှာ နာမည်ကြီးခဲ့တဲ့ အချစ်တစ်ခုရှိခဲ့တယ်။ အဲဒီအချစ်ထဲမှာ ပါဝင်သူသုံးဦးက ဂျာမဏီက နာမည်ကြီး ဂီတပညာရှင်တွေဖြစ်တဲ့ Robert Schumann(1810-1856)၊ သူ့ဇနီး Clara Schumann (1819－1896)နဲ့ Johannes Brahms(1833-1897)တို့ဖြစ်တယ်။ သူတို့ရဲ့အချစ်ကို ပိတ်ကားပေါ်အထိတင်ပြီး "Beloved Clara(Geliebte Clara)"လို့ နာမည်ပေးရိုက်ကူးခဲ့ကြတယ်။ အဲဒီထဲကနေ သူတို့သုံးဦးရဲ့ ဂီတဖလှယ်မှု၊ စိတ်ဖလှယ်မှုနဲ့ တက်ကြွပြင်းထန်တဲ့ အချစ်နဲ့ရင်းနှီးမှုတွေကို တွေ့ရတယ်။

ဒီခေတ်မှာ အချစ်စာတွေကို မက်ဆေ့၊ အီးမေးလ်တွေနဲ့ အလွယ်တကူပေးနိုင်ခဲ့လို့ စိတ်လှုပ်ရှားမှု၊ ဆန်းသစ်ထီထွင်မှုတွေ နည်းခဲ့ကြတယ်။ Clara ကို Schumann ပိုးပန်းတုန်းက သူ့အစွမ်းအစကို Schumann ကောင်းကောင်းအသုံးချခဲ့တယ်။ အဲတာကတော့ သာယာနာပျော်ဖွယ်ကောင်းတဲ့ စန္ဒယားတေးသံ ၁၃ပုဒ်ကို (Kinderszenen ("Scenes from Childhood") ရေးသားခဲ့တာဖြစ်တယ်။

Schumann (၁၈)နှစ်အရွယ်မှာ Claraရဲ့ဖခင်ဆီကနေ စန္ဒယားတီးသင်ခဲ့တယ်။ အဲဒီတုန်းက အသက်ငယ်ရွယ်တဲ့ Claraရဲ့ ပြောင်မြောက်တဲ့ဂီတလက်ရာက သူ့ကိုဖမ်းစားစေခဲ့တယ်။ နောက်ပိုင်းမှာ နှစ်ဦးသား စန္ဒားအတူတီးကြ၊ ဂီတဆွေးနွေးကြနဲ့ တစ်အိမ်သားချင်းလို သံယောဇဉ်ဖြစ်သွားခဲ့တယ်။ ဒီလိုသံယောဇဉ်က တစ်နေ့တခြားကြီးပြင်းလာတဲ့ Claraနဲ့အတူ လိုက်ကြီးပြင်းခဲ့ပြီး အချင်းချင်း ချစ်ကြိုက်ခဲ့ကြတယ်။ ဒါပေမယ့် အသက်အရွယ်ကွာဟမှု၊ နောက်ပြီး ဂီတပညာရှင်တွေက မကြီးပွါးတတ်ဘူးဆိုပြီး Claraဖခင်က ကန့်ကွက်ခဲ့တယ်။ အပြင်းအထန်ကန့်ကွက်မှုတွေက သူတို့နှစ်ယောက်ရဲ့ အချစ်မီးကို မငြိမ်းနိုင်ခဲ့ဘူး။ ဂီတက သူတို့နှစ်ဦးရဲ့ ဘာသာစကားဖြစ်ခဲ့တယ်။ Schumannက ဂီတနဲ့ သူ့ရင်ထဲကအချစ်တွေကို ဖော်ကျူးခဲ့တယ်။ စကားလုံးမပါတဲ့ သံစဉ်တွေဆိုပေမယ့် အဲဒီသံစဉ်တွေထဲကနေ သူ့စိတ်ခံစားချက်ကို Clara ဖတ်နားလည်ခဲ့တယ်။ အဲဒီသံစဉ်တွေက Claraကို သူရေးပေးတဲ့ အချစ်စာတွေဖြစ်တယ်။ သံစဉ်တွေထဲမှာ သူတို့နှစ်ဦးရဲ့ အမှတ်တရတွေ ပြည့်နေခဲ့တယ်။

တတိယလူရဲ့ကြားဝင်မှုနဲ့ အချစ်ကိုအကောင်းဆုံး ဆန်းစစ်နိုင်တယ်

အချင်းချင်းချစ်ကြသူနှစ်ဦးရဲ့ ချစ်ခရီးလမ်းက သာသာယာယာနဲ့ ဖြောင့်ဖြောင့်ဖြူးဖြူး လျှောက်လှမ်းနိုင်ကြတယ်။ ဒါပေမယ့် ချစ်သူနှစ်ဦးကြားမှာ နောက်လူတစ်ယောက်(တတိယလူ) ကြားမဝင်လာနိုင်ဘူးလို့ ဘယ်သူပြောနိုင်မလဲ? ဒီတတိယလူက ဘယ်လိုစိတ်သဘောထား၊ ဘယ်လိုပုံစံနဲ့ ထွက်ပေါ်လာနိုင်မလဲ? လေးစားအားကျလို့လည်း ဖြစ်နိုင်သလို ချစ်သူနှစ်ဦးကြားဝင်ဖို့ ဘယ်တော့မှ မတွေးခဲ့သူလည်းဖြစ်နိုင်တယ်။ ကြိုတင်ကြံစည်ထားတာပဲဖြစ်ဖြစ်၊ မတော်တဆပဲဖြစ်ဖြစ် ချစ်သူနှစ်ဦးကြားမှာ တတိယလူရဲ့ အင်အားက အရမ်းကို ကြီးမားခဲ့တယ်။ အဲဒီအင်အားက အချစ်ကို ထိခိုက်ပျက်စီးစေနိုင်ခဲ့တယ်။ ဒါပေမယ့် ချစ်သူနှစ်ဦး အချင်းချင်းယုံကြည်မယ်၊ တကယ့်အချစ်နဲ့ချစ်ကြမယ်ဆိုရင် ဒီလိုကြားဝင်မှုက အချစ်ကို အကောင်းဆုံးဆန်းစစ်ပေးပြီး ပိုမိုခိုင်မြဲစေနိုင်ပါတယ်။

Johannes Brahmsက ဖျော်ဖြေမှုတစ်ခုမှာ Claraရဲ့ပြောင်မြောက်တဲ့လက်ရာနဲ့ အလှဆွဲဆောင်မှုကြောင့် Claraကို ချစ်သွားခဲ့မိတယ်။ သူတို့ဇနီးမောင်နှံအချစ်က လေးစားအားကျသူ ပရိသတ်ကြောင့် ထိခိုက်နိုင်ကြောင့် Schumann နားလည်လိုက်တယ်။ Brahmsဆိုတဲ့လူငယ်ရဲ့ အနုပညာကိုလည်း Schumann အသိအမှတ်ပြုမိတယ်။ Brahmsက Claraအပေါ်ထားတဲ့ သူ့အချစ်ကို မဖုံးကွယ်ခဲ့ဘူး။ ကိုယ့်ထက်(၁၄)နှစ်ကြီးတဲ့ Claraကိုချစ်မိတဲ့ Brahmsရဲ့အချစ်မှာ လန်းဆန်းတက်ကြွမှုကို Schumann တွေ့လိုက်မိတယ်။ အိုမင်းနာမကျန်းဖြစ်နေတဲ့သူနဲ့ နှိုင်းယှဉ်ကြည့်ရင် ဆွဲဆောင်မှု၊ ဖြားယောင်းမှုပိုခဲ့တယ်။ သူ့သားသမီးနဲ့ Brahmsရဲ့ ရင်းနှီးမှုက ဖခင်လုပ်တဲ့ သူ့ထက်တောင်ပိုခဲ့တယ်။ သဝန်တိုစိတ်နဲ့ သူ့ရောဂါတွေ တစ်နေ့တခြား ပိုဆိုးလာခဲ့တယ်။ ရှုပ်ထွေးတဲ့ခံစားချက်တွေက သူ့အိမ်ထောင်ရေးနဲ့ သူ့အလုပ်ကို ထိခိုက်လာစေခဲ့တယ်။

အချစ်တည်မြဲခြင်း လျှို့ဝှက်ချက်က တစ်ဘက်သားရဲ့ကောင်းကွက်ကို အချိန်တိုင်း အမှတ်ရနေတာပဲ ဖြစ်တယ်။

အရမ်းချစ်ကြတဲ့ ချစ်သူအချင်းချင်း အတူနေပြီးနောက် အထူးသဖြင့် တစ်ယောက်ယောက်က ဖျားနာပြီဆိုရင် ဖျားနာသူရဲ့စိတ်ခံစားချက်က ပိုပိုဆိုးလာပြီး စိတ်တို၊ ဒေါသဖြစ်လွယ်နိုင်သလို ပြုစုစောင့်ရှောက်သူရဲ့ စိတ်ကလည်း ပြုစုလေငြိုငြင်လေ ဖြစ်လာတတ်တယ်။ ဒါပေမယ့် Claraက ဂီတမှာထက်မြက်သလို ကံကောင်းစွာနဲ့ သူ့ကိုချစ်တဲ့လူတစ်ယောက်နဲ့ ကြုံခဲ့ရတဲ့အပြင် သူချစ်တဲ့လူကိုလည်း ဘယ်လိုချစ်ရမယ်ဆိုတဲ့ အသိဥာဏ်ရှိခဲ့တယ်။

ဖခင်ရဲ့ကန့်ကွက်တားမြစ်တာကို မနာခံဘဲ သူ့ထက်(၁ဝ)နှစ်ကြီးတဲ့ Schumannကို Claraယူခဲ့တယ်။ Schumann က သူ့အတွက် ဆရာဆိုလည်းဟုတ်၊ ချစ်သူ၊ သူငယ်ချင်းဆိုလည်း မှန်ခဲ့တယ်။ Schumannရဲ့ ကာကွယ်စောင့်ရှောက်မှုကြောင့် အဲဒီတုန်းကရှေးဆန်တဲ့ခေတ်မှာ သူအနုပညာတွေကို ပြသခွင့်ရခဲ့တယ်။ Schumann နာမကျန်းဖြစ်ချိန်မှာ Schumannကိုယ်စား ဂီတဝိုင်းကိုဦးဆောင်ပြီး စန္ဒားပညာအပြင် တစ်ခြားဂီတပညာကို သူထုတ်ဖော်ပြသနိုင်ခဲ့တယ်။ ခေါင်းကိုက်ဝေဒနာကြောင့် Schumann စိတ်တိုဒေါသထွက်တိုင်း Schumannရဲ့ခံစားမှုကို သူနားလည်လက်ခံခဲ့တယ်။ သားသမီးတွေကို ချော့သိပ်သလို Schumannရဲ့ ခံစားချက်ကို သက်တောင့်သက်သာဖြစ်အောင် သူကြိုးစားခဲ့တယ်။

Schumannဖန်တီးတဲ့ဂီတနဲ့ အိမ်စောင့်ရဲ့စကားတစ်ခွန်းကို သူစိတ်ထဲ စွဲစွဲမြဲမြဲမှတ်ထားခဲ့မိတယ်။

"သူနဲ့ပြောဆို၊ ပေါင်းသင်းဖို့ မလွယ်ကူတဲ့အခါ သူ့ဂီတကြောင့် တစ်ချိန်က ကိုယ်ဘယ်လို စိတ်လှုပ်ရှားခဲ့တယ်ဆိုတာကို သတိရပေးပါ"

အဲဒီလို Schumannရဲ့ကောင်းကွက်ကိုပဲ သူမှတ်ထားခဲ့ပြီး Brahmsရဲ့ အရူးအမူးတောင်းဆိုတဲ့ အချစ်အောက်မှာ ခင်ပွန်းဖြစ်တဲ့ Schumannကို သူမစွန့်ပစ်ရက်၊ မခွဲရက်ခဲ့ဘူး။

အသက်အရွယ်ကွာခြားတဲ့ ဒီနာမည်ကြီး အချစ်ဇာတ်လမ်းမှာ အသက်ကွာခြားမှုက အဓိကမဟုတ်ဘဲ အချင်းချင်း ရင်ထဲကလာတဲ့ အချစ်စစ်သာလျှင် အဓိကဖြစ်ကြောင်း ကျွန်တော်တို့တွေ့လိုက်ရတယ်။ Schumann၊ Claraနဲ့ Brahms တို့ဟာ တစ်သက်မှာတစ်ယောက်ကိုပဲ ချစ်ခဲ့ကြသူဖြစ်တယ်။ သူတို့ရဲ့ တကယ့်အချစ်၊ သူငယ်ချင်းအချစ်ပုံပြင်က ဂီတနယ်မှာ လူတွေပြောစမှတ်အဖြစ် တွင်ကျန်ရစ်ခဲ့တယ်။

http://www.youtube.com (Beloved Clara-Trailer)

မူရင်းရေးသားသူ - SuShiYin (蘇士尹)

နိုင်းနိုင်းစနေ ဘာသာပြန်သည်။

အချစ်ရုပ်ရှင် သင်ခန်းစာ

ဘဝနဲ့ ယောက်သွား

ငယ်ငယ်တုန်းက အမေဝယ်ခဲ့တဲ့"ယောက်သွား"တွေ ကောင်းမကောင်း စစ်ဆေးရွေးချယ်ရတဲ့အလုပ်ကို ကျွန်မအရမ်းနှစ်သက်ခဲ့တယ်။ အပြင်ပန်းလှပြီး အထဲပုပ်တဲ့ယောက်သွား တစ်ကောင်တလေပါခဲ့ရင် လတ်ဆတ်တဲ့ယောက်သွားနဲ့ ချက်ထားတဲ့ဟင်းရည်တွေ တစ်အိုးလုံးသွန်လိုက်ရတတ်တယ်။ ဒါကြောင့် ယောက်သွားရွေးချိန် ကျွန်မဂရုတစိုက်နဲ့ အာရုံစိုက်ပြီး စိတ်ပါလက်ပါရွေးခဲ့တယ်။

ယောက်သွားရွေးပုံက လက်တစ်ဘက်တစ်ချက်စီမှာ ယောက်သွားတစ်ကောင်စီကို ယူပြီး အချင်းချင်း ခေါက်ကြည့်တာဖြစ်တယ်။ ခေါက်တဲ့အသံကျစ်နေရင် ယောက်သွားလတ်ဆတ်ပြီး အသံပွနေရင်၊ ကြောင်နေရင် ယောက်သွားခွံဘယ်လောက်ပဲ တင်းတင်းစေ့ထားပါစေ အထဲကပုပ်နေတတ်တယ်။

ကလေးတွေက နားကောင်းကြတာမို့ ယောက်သွားအဆိုးအကောင်းကို အလွယ်တကူ ရွေးထုတ်နိုင်ကြတယ်။ ယောက်သွားရွေးနည်းကို အမေသင်ပေးပြီးတဲ့နောက် ကျွန်မဘယ်တော့မှ "အပုပ်"တွေ မှားမရွေးခဲ့မိဘူး။ လတ်ဆတ်တဲ့ ယောက်သွားဟင်းတွေစားရတိုင်း အိမ်သားတွေက ကျွန်မကို "ယောက်သွားရွေးပညာရှင်"လို့ ချီးကျူးကြတယ်။

ယောက်သွားတိုင်း ပုပ်နေတယ်!

တစ်နေ့မှာ ဈေးထဲကယောက်သွားတွေ အမေဝယ်လာပြန်တယ်။ ကျွန်မက ကျွမ်းကျွမ်းကျင်ကျင်ပဲ ဇလုံခွက်တစ်လုံးယူပြီး ရွေးချယ်တဲ့အလုပ်ကို စလုပ်တယ်။ ရွေးနေရင်းမှာ "ယောက်သွားတွေအားလုံး" ပုပ်နေတာကို သတိထားမိတယ်။

ကျွန်မရဲ့နားရွက်ကို ကျွန်မ မယုံရဲတော့ဘူး။ တစ်ကောင်ပြီးတစ်ကောင် ကျွန်မခေါက်ကြည့်တယ်။ တကယ်ပဲ တစ်ကောင်မှ အကောင်းမပါခဲ့ဘူး။ အဲဒီလိုခံစားချက်က ဘတ်စကားပေါ်မှာ ခါးပိုက်နှိုက်တစ်ယောက် မိတာနဲ့ တစ်ကားလုံးကို ခါးပိုက်နှိုက် ထင်သလိုပဲ ခံစားလို့မကောင်းခဲ့ဘူး။

"အပုပ်"လို့ ကျွန်မစီရင်ချက်ချထားတဲ့ ယောက်သွားဇလုံကိုယူပြီး အမေကို ကျွန်မသွားတိုင်ခဲ့တယ်။ အမေက တအံတသြနဲ့ "ဘယ်လိုဖြစ်တာပါလိမ့်? အဲဒီယောက်သွားရောင်းသူက အမေကို တစ်ခါမှ မလိမ်ရောင်းခဲ့ဖူးဘူး" လို့ဆိုတယ်။

အမေက ယောက်သွားတွေကို ကောက်ယူပြီး စစ်ဆေးကြည့်တယ်။ လက်စသတ်တော့ ကျွန်မဘယ်ဘက်လက်မှာ ကိုင်ထားတဲ့ ယောက်သွားကပုပ်နေလို့ ယောက်သွားတိုင်းကိုအပုပ်လို့ ကျွန်မထင်ခဲ့တာဖြစ်တယ်။

ဒီလို "လက်စသတ်တော့"ဆိုတဲ့ အတွေ့အကြုံက ကျွန်မရဲ့နုနယ်တဲ့ စိတ်နှလုံးအိမ်ထဲမှာ ထင်းထင်းထင်ကျန်ရစ်စေခဲ့တယ်။ ဒီလိုအတွေ့အကြုံက ဘဝရဲ့လှည့်စားပွဲအတိုင်း တစ်ပတ်လည်ပြီး နဂိုနေရာကို ပြန်ရောက်ဖို့ စောင့်နေခဲ့တယ်။

မကောင်းသူနဲ့ပဲ ဆုံခဲ့ရတယ်!

ဘွဲ့ရကျောင်းပြီးတာနဲ့ ကျွန်မအလုပ်ဝင်ခဲ့တယ်။ ကျွန်မကြိုးစားခဲ့တယ်။ ကိုယ့်ကိုယ် မျှော်လင့်ချက်တွေ ထားခဲ့သလို တောင်းဆိုမှုတွေလည်းရှိခဲ့တယ်။ ဒါပေမယ့် အချိန်အပိုင်းခြားတစ်ခုမှာ ကျွန်မပတ်ဝန်းကျင်က လူတွေကို ကျွန်မကြည့်မရဖြစ်ခဲ့တယ်။ "လူတိုင်း"မှာ ကျွန်မသည်းမခံနိုင်တဲ့ အားနည်းချက်၊ ဆိုးကျိုးတွေ ရှိနေတယ်လို့ ကျွန်မမြင်မိတယ်။ သူတို့ကို ကျွန်မပြောင်းလဲချင်ခဲ့တယ်။ ပြောင်းလဲလို့မရတဲ့အခါ သူတို့ကို ကျွန်မရှောင်ခဲ့မိတယ်။

ကျွန်မကိုယ်ကျွန်မ ကံမကောင်းသူ၊ ကံဆိုးသူလို့ ထင်ခဲ့မိတယ်။ ဘာကြောင့် "ဒီလို မကောင်းတဲ့လူ"တွေနဲ့မှ ကျွန်မ လာဆုံခဲ့ရသလဲ?

ဒီလိုကိုယ့်အပြစ်ကိုယ်ရှာလိုက်၊ ကျိန်ဆဲလိုက်နဲ့ ဝဲဂယက်ထဲမှာ ကျွန်မနစ်မြှုပ်နေတုန်း "ယောက်သွားရွေးနည်း"ကို ကျွန်မသွားသတိရမိတယ်။ ကျွန်မကိုယ်တိုင်က "ယောက်သွားပုပ်ကြီး" ဖြစ်နေခဲ့ပြီလား?

ကျွန်မက ကျွန်မရဲ့အဆင့်မြင့်စံထားတွေနဲ့ ပတ်ဝန်းကျင်ကလူတွေကို သွားတိုင်းတာခဲ့မိတယ်။ လူတိုင်းကို ကျွန်မ သဘောမတွေ့ခဲ့ဘူး။ တကယ်တော့ ကျွန်မကိုသဘောမတွေ့စေတာက ကျွန်မကိုယ်တိုင်ပဲဖြစ်ခဲ့တယ်။ ကျွန်မက အကောင်းကြီးမဟုတ်သလို လူတွေကလည်း အညံ့ကြီးတွေ မဟုတ်ခဲ့ကြဘူး။

ကျွန်မစိတ်ကို သတိပြုဖို့ ကျွန်မမေ့နေခဲ့တယ်။ ကျွန်မရဲ့"နဂို"က ကျွန်မဟန်ဆောင်တာလောက် မကောင်းခဲ့သလို လူတွေကလည်း ကျွန်မထင်သလို မညံ့ခဲ့ကြဘူး။ ကျွန်မ ဝမ်းနည်းစိတ်မကောင်းဖြစ်ခဲ့မိတယ်။

ဒီအတွက် ကျွန်မမှာ ရွေးဖို့လမ်းနှစ်ခုရှိခဲ့တယ်။ တစ်ခုက လူတွေရဲ့အမြင်မှာ ညံ့တယ်လို့မထင်ရအောင် ကိုယ့်ကိုယ်ပိုကောင်းအောင် ဟန်ဆောင်နေဖို့နဲ့ နောက်တစ်ခုက တစ်ဘက်သားကို လေးစားတန်ဖိုးထားတတ်ဖို့ သင်ယူတာပဲဖြစ်တယ်။ ကျွန်မတို့က တစ်ဘက်လူရဲ့ အကောင်းကိုမြင်တတ်မှ ကိုယ်ရဲ့ကောင်းတာကို ကိုယ်ပြန်သတိပြုမိတတ်၊ ကိုယ့်ကိုယ် ပိုတန်ဖိုးထားတတ်မှာဖြစ်တယ်။

ဒီလိုလုပ်နိုင်ဖို့ ကျွန်မ အချိန်အများကြီး ပေးခဲ့ရတယ်။ စစချင်းမှာ အမြင်မစောင်းဖို့ ကျွန်မကိုကျွန်မ "အတင်းအဓမ္မ" ကျင့်ခဲ့ရတယ်။ ကြည့်မရတဲ့အရာတွေကို အမြင်တည့်အောင် ကျွန်မ ကြည့်, ကြည့်, ကြည့်ပေးခဲ့တယ်။ လုပ်ရခက်ခဲလို့ လက်လျော့မယ်ကြံတိုင်း လတ်ဆတ်တဲ့ယောက်သွားတွေ သွန်မိအောင် လုပ်ခဲ့တဲ့ ယောက်သွားပုပ်တစ်ကောင်ကို ကျွန်မသွားမြင်ယောင်မိတယ်။

နှစ်တွေကုန်လာတာနဲ့အမျှ ဒီလိုနည်းက ကျွန်မရဲ့လူမှုဆက်ဆံရေးကို ပိုတိုးတက်ကောင်းမွန်လာစေခဲ့သလို ကျွန်မရဲ့အသက်မွေးဝမ်းကျောင်း ဆရာမအလုပ်မှာလည်း မရှိမဖြစ် အသုံးဝင်ခဲ့တယ်။ စရိုက်စုံ၊ အရောင်စုံတဲ့ ကျောင်းသားတွေကြားမှာ ကြောင်တဲ့အသံ၊ ပွတဲ့အသံတွေထဲကနေ ကျစ်ပြီးသာယာတဲ့အသံတွေ နားထောင်တတ်ဖို့၊ ပြီးမှဘယ်လို သံစဉ်၊ ဘယ်လိုတူရိယာကိုသုံးဖို့ ကျွန်မကို သင်ယူနိုင်စေခဲ့တယ်။

ဒီလို အမေကိုကူရင်း ရလာခဲ့တဲ့ အိမ်တွင်းသင်ခန်းစာတစ်ခုက ကျွန်မဘဝမှာ ဒီလောက် အကျိုးသက်ရောက်စေခဲ့မယ်လို့ ကျွန်မထင်မထားခဲ့မိဘူး။ အခုလည်း ယောက်သွားခေါက်နည်းနဲ့ အများနှစ်သက်သူ၊ အများကို လေးစားနှစ်သက်တတ်သူဖြစ်ဖို့ ကျွန်မကြိုးစားသင်ယူနေခဲ့ပါတယ်။

မူရင်း-- google search or http://share.youthwant.com.tw

နိုင်းနိုင်းစနေ ဘာသာပြန်သည်။

ဘဝနဲ့ ယောက်သွား

ကျွန်မနဲ့ တာချီလိတ်အစားအစာ

တာချီလိတ်မှာ ဘာပေါသလဲမေးရင်....
(၁)... ပေါတယ်၊ (၂)... ပေါတယ်၊ (၃)... ပေါတယ်၊ (၄) စားသောက်ဆိုင်ပေါတယ်လို့ ဖြေရမယ်ထင်ပါတယ်းP

တစ်မျိုးမထင်ပါနဲ့ (၁)မိန်းမလှပေါတယ်၊ (၂)ဆိုင်ကယ်ပေါတယ်၊ (၃) စက်ဘီးပေါတယ်၊ (၄)စားသောက်ဆိုင် ပေါတယ်လို့ ပြောတာပါ။

တာချီလိတ်မှာ စားစရာတွေက စုံလှတယ်။ ရှမ်းစာ၊ တရုတ်စာ၊ မြန်မာစာ၊ ယိုးဒယားစာ၊ အိန္ဒိယစာ... အမျိုးမျိုးပါပဲ။ အထူးသဖြင့် ရှမ်းအစားအစာတွေများပါတယ်။ အဲဒီ ရှမ်းအစားအစာတွေထဲမှာမှ အကင်အမျိုးမျိုး (အသားကင်၊ ငါးကင်၊ ခေါပုတ်ကင်၊ ကြက်ဥကင်၊ အသားလုံးကင်) ရောင်းတဲ့ဆိုင်က အများဆုံးလို့ဆိုရမယ်။ ညနေညခင်းရောက်ရင် ဟိုနားမီးခိုးတလူလူ၊ ဒီနားမီးခိုးတလူလူနဲ့ အသားနံ့တွေက ဖုန်တွေထဲမှာ ဝဲနေတတ်တယ်။ လက်တွန်းလှည်းနဲ့တစ်မျိုး၊ ကိုယ့်အိမ်ရှေ့လမ်းဘေးမှာ ထိုင်ခုံပုလေးနဲ့တဖုံ၊ နေအိမ်ဝင်းထဲမှာ ဆိုင်ခင်းလို့တစ်မျိုး ရောင်းချကြတယ်။


တာချီလိတ်မှာ အသားကင်နဲ့တွဲပြီး ဟော့ပေါ့ပါစားနိုင်တဲ့ အဝစားအကင်ဆိုင် နှစ်ဆိုင်ရှိတယ်။ အဝစားဆိုတဲ့အတိုင်း အသားကွာလတီတွေက အကောင်းကြီးမဟုတ်ဘူး။ ဒါပေမယ့် တစ်ခြားအစားအစာတွေပါ စားနိုင်တာကြောင့် စားပျော်ပါတယ်။ အဝစားမဟုတ်တဲ့ အသားကင်ပဲရောင်းတဲ့ ဆိုင်တွေလည်း ပေါပါတယ်။ တစ်ကင် ၁ဝဘတ်နှုန်းနဲ့ ကြိုက်တဲ့အသား၊ အရွက်တွေစားနိုင်တယ်။ အဲဒီဆိုင်လေးတွေက အသောက်ကြိုက်သူတွေအတွက် ညနေညခင်းမှာ သူငယ်ချင်းတွေနဲ့ နားနားနေနေ ထိုင်နိုင်တဲ့နေရာလေးတွေပါ။ တာချီလိတ်မှာ တံတား(၁)၊ တံတား(၂)ဆိုပြီး ဟိုဖက်ကမ်း ထိုင်းနိုင်ငံနဲ့ ဆက်သွယ်ထားတဲ့ တံတားနှစ်ခုရှိတယ်။ တံတား(၂)က အသုံးမပြုဘဲ ပိတ်ထားပါတယ်။ ညနေဆိုရင် အဲဒီတံတားနှစ်ခုဘေးမှာ လက်ဖက်ရည်ဆိုင်၊ အကင်ဆိုင်တွေနဲ့ အရမ်းကိုစည်ကားနေတတ်တယ်။

တာချီလိတ်အနီးနား ပတ်ဝန်းကျင်မှာ ချောင်းတွေလည်းပေါပါတယ်။ လူတွေက ချောင်းတွေကိုအသုံးပြုပြီး ချောင်းပေါ်မှာ ဖောင်လေးတွေဆောက်ကြတယ်၊ စားသောက်ဆိုင်လေး ဖွင့်ကြတယ်။ သင်္ကြန်ဆိုရင် အဲဒီလိုချောင်းဘေးဆိုင်တွေ ပိုများပါတယ်။ အဲဒီလိုစားသောက်ဆိုင်မှာ အများအားဖြင့် ရောင်းကြတာက ငါးကင်တွေပါ။ ပူပူနွေးနွေး ကင်ထားတဲ့ငါးတွေကို ချောင်းဘေးမှာစားတော့ ပိုလတ်ဆတ်တယ်လို့ ခံစားမိကြတယ်။ ဒါကြောင့် ခုလိုပူပြင်းတဲ့နွေရာသီမှာ ချောင်းဘေးသွားပြီး သူငယ်ချင်းတွေနဲ့ ငါးကင်စား အပန်းဖြေသူတွေ များပါတယ်။

တာချီလိတ်မှာ တစ်ခါတလေ ဒီလိုပြောင်းဖူးမုန့်ကြော်တွေပါ စားရတတ်တယ်။ ဒါလိုမုန့်မျိုး ရောင်းတဲ့ဆိုင်ကို ဒီမှာသိပ်တွေ့လေ့မရှိဘူး။ တောင်ကြီးမှာတော့ ပြောင်းဖူးပေါ်ချိန်ရောက်ရင် ဒီလိုဆီကြော်မဟုတ်တဲ့ ပြောင်းဖူးမုန့်ပေါင်းတွေ ရောင်းတာရှိတယ်။

ပြောင်းဖူးမုန့်ပေါင်းလုပ်ဖို့က မခက်ပါဘူး။ ကျွန်မတို့လုပ်တဲ့ ပြောင်းဖူးမုန့်က ပြောင်းဖူးနုနုကိုချွေပြီး ကျိတ်တယ်။ မုန့်တွေပျစ်အောင် ရေနည်းနည်းနဲ့ ကျိတ်ပါတယ်။ ကျိတ်လို့ရလာတဲ့ ပြောင်းဖူးတွေထဲ ကိုယ်ကြိုက်သလောက် သကြားရော၊ ဖက်နဲ့ထုပ်ပြီး ပေါင်းလိုက်ရုံပါပဲ။ ထုပ်တဲ့ဖက်ကို ပြောင်းဖူးဖက်နဲ့ပဲ ပြန်ထုပ်ပါတယ်။ ပြောင်းဖူးမုန့်ပေါင်းက ချိုချိုမွှေးမွှေးလေးနဲ့ စားလို့ကောင်းပါတယ်။ တစ်ရက်နဲ့စားလို့မကုန်တဲ့ ပြောင်းဖူးမုန့်ပေါင်းတွေ အေးတဲ့အခါမာသွားတတ်တယ်။ အဲဒီမာသွားတဲ့မုန့်တွေကို ကျွန်မတို့က မီးကင်ပြီးစားသလို ဆီနဲ့ပြန်ကြော်စားကြတယ်။

ပုံထဲကလို ကြော်စားချင်တယ်ဆိုရင် ပြောင်းဖူးကိုရေနည်းနည်းနဲ့ကျိတ် (ပြောင်းဖူးပေါ်ချိန်မဟုတ်ရင် သံဗူးတွေနဲ့ လုပ်ကြတယ် ထင်ပါတယ်) ပျစ်အောင် ဂျုံနည်းနည်းရော၊ သကြားထည့်ပြီး ကြော်တဲ့အချိန်မှာ ထောပတ်ဆီလေးနဲ့ ရောကြော်လိုက်ရင် ထောပတ်နံ့သင်းသင်းနဲ့ ပြောင်းဖူးမုန့်ကြော်ကို ရပါတယ်။ ဒီမှာတော့ တစ်ချပ် ၅ဘတ်ရောင်းပါတယ်။

တာချီလိတ်ဟင်းထုပ်က တောင်ကြီးဟင်းထုပ်နဲ့ မတူဘူး။ လုပ်တဲ့ဆန်ကြောင့်ထင်ပါတယ်.. တောင်ကြီးဟင်းထုပ်က ဒီကဟင်းထုပ်ထက် မာတယ်။ ဒီကဟင်းထုပ်က ပုံမှာမြင်ရတဲ့ ပျော့အိနေတယ်။ ကျွန်မစားဖူးစက ထိုဟူးနွေးနဲ့ ဟင်းထုပ်လုပ်ထားတယ်လို့ ထင်မိတယ်။ ဒီမှာက ဟင်းထုပ်ကို ဂျူးမြစ်တွေနဲ့ မစားကြဘူး။ ဒီအတိုင်း ငရုတ်သီးအချဉ်ရည်လေးနဲ့ စားကြတယ်။ တောင်ကြီးဟင်းထုပ်ထက် စားကောင်းပါတယ်။ တစ်ထုပ် ၅ဘတ်ပါ။

တာချီလိတ်ရောက်ရင် စားနေကျ ထမင်းဟင်းတွေမစားဘဲ ဒီလို ရှမ်းအစားအစာလေးတွေ စားကြည့်ဖို့ အကြံပေးချင်ပါတယ်။ ဒီကရှမ်းမလေးတွေက ထမင်းသိပ်မစားကြသလိုဘဲ။ သူတို့အများဆုံးစားတာက ချဉ်ငံစပ်၊ ခေါက်ဆွဲခရပ်၊ ခေါက်ဆင့်(ရှမ်းမုန့်တီ)၊ နောက် အကင်လေးတွေ အဲဒီအစားအစာတွေက ဆီတွေ သိပ်မများတာကြောင့် ဒီကရှမ်းမလေးတွေက ပိန်သွယ်ပြီး လှကြတယ်။ ဒါကြောင့်ပြောပါတယ်.. တာချီလိတ်မှာ (၁)မိန်းမလှပေါတယ်လို့း)

နိုင်းနိုင်းစနေ

ကျွန်မနဲ့ တာချီလိတ်အစားအစာ

လဗင်ဒါရေမွှေးပန်း

လက်တင်အမည် - lavandula
အင်္ဂလိပ်အမည် - Lavender
မြန်မာအမည် - လဗင်ဒါရေမွှေးပန်း (တက်တိုးအဘိဓါန်)
တရုတ်အမည် - 薰衣草
တစ်ခြားအမည် - ဆိတ်ငြိမ်သောရေမွှေးပန်း
ပန်းပွင့်ရာသီ - ဆောင်းရာသီ ၁၂လပိုင်းမှ ၂လပိုင်း၊ နွေရာသီ ၆လပိုင်းမှ ၈လပိုင်း
ပန်းပွင့်အဓိပ္ပါယ် - Waiting for love (ချစ်ခြင်းကိုစောင့်မျှော်သူ)
ပန်းပွင့်အရောင် - အပြာ၊ ခရမ်း၊ ခရမ်းပြာ၊ ပန်းရောင်၊ အဖြူရောင်
နဂိုပေါက်ရောက်ရာဒေသ - မြေထဲပင်လယ်၊ အာဖရိကတိုက်တောင်ပိုင်း၊ အိန္ဒိယအရှေ့တောင်ပိုင်း

လဗင်ဒါပန်းမျိုးစိတ် (၃ဝ)ကျော်ရှိတဲ့အထဲမှာ များသောအားဖြင့်တွေ့မြင်ရတဲ့ အပြာရောင်၊ ခရမ်းရောင်ရဲ့ ပေါက်ရောက်ရာဇာတိမှာ ဥရောပတိုက်တောင်ပိုင်း မြေထဲပင်လယ်၊ ပြင်သစ်နိုင်ငံ အရှေ့တောင်ပိုင်း Provenceဒေသ ဖြစ်ပါတယ်။

ပန်းရောင်လဗင်ဒါနှစ်မျိုးက ပြင်သစ်နိုင်ငံမှာပေါက်ရောက်တဲ့ Frenchလဗင်ဒါနဲ့ စကောတလန်မှာပေါက်တဲ့ Lodden Pinkလဗင်ဒါတို့ ဖြစ်ပါတယ်။ အဖြူရောင်လဗင်ဒါကိုတော့ စကောတလန်၊ အင်္ဂလန်နဲ့ Walesတွေမှ တွေ့ရပါတယ်။

Provenceမှာပေါက်ရောက်တဲ့ လဗင်ဒါကို အဓိကသုံးမျိုးခွဲထားပြီး ပထမတစ်မျိုးက အင်္ဂလိပ်လဗင်ဒါလို့ခေါ်တဲ့ အမျိုးအစားအကောင်းဆုံး လဗင်ဒါဖြစ်တယ်။ သူ့ကို အကောင်းစားရေမွှေး၊ အမွှေးနံ့တွေလုပ်ရမှာ အသုံးပြုတယ်။ ဒီလိုလဗင်ဒါမျိုးက အရွက်သေးသွယ်ပြီး ပန်းပွင့်ပုတိုပါတယ်။

နောက်တစ်မျိုးက mint (ဘူဒီနာ)လဗင်ဒါဖြစ်ပြီး အရွက်ကြီးသလို ပန်းရိုး၊ ပန်းပွင့် ပိုရှည်လျားပါတယ်။

နောက်ဆုံးတစ်မျိုးက အပေါ်ကနှစ်မျိုးပေါင်းစပ်ထားတဲ့ လဗင်ဒါပန်းမျိုးပဲဖြစ်ပါတယ်။ ဒီလိုပန်းမျိုးကို အခုလက်ရှိ Provenceမှာ အများဆုံးတွေ့ရပါတယ်။ English lavender ၊ French lavender ဆိုတာ ပေါက်ရောက်ရာဒေကကို အစွဲပြုပြီးခေါ်တာ မဟုတ်ပါဘူး။ ပြင်သစ်နိုင်ငံ Provence မှာပေါက်တဲ့ English lavender မျိုးက ဆောင်းဒဏ်ကိုခံနိုင်တဲ့ လဗင်ဒါဖြစ်ပါတယ်။

လဗင်ဒါအသုံးဝင်ပုံ

လဗင်ဒါပန်းခြောက်တွေကို အိတ်တွေထဲထည့်ပြီး အမွှေးအိတ်အဖြစ် အဝတ်ဘီရိုတွေထဲထည့်ထားရင် အဝတ်အစားတွေကို မွှေးကြိုင်စေတဲ့အပြင် ပိုးမွှားကိုက်ခြင်းမှလည်း ကာကွယ်ပေးနိုင်ပါတယ်။ တချို့က စီးပွါးရေးအရ လဗင်ဒါအဆီတွေ ထုတ်ပြီး ပိုးသတ်ဆေး၊ အမွှေးနံ့အဖြစ် ထုတ်လုပ်ကြတယ်။ လဗင်ဒါဝတ်မှုံတွေနဲ့ လဗင်ဒါပျားရည်တွေ ထုတ်လုပ်ကြတဲ့အပြင် လဗင်ဒါယိုတွေပါ ထုတ်လုပ်ကြပါတယ်။

အခုဆိုရင် လဗင်ဒါကို ဆေးပညာရပ်တွေမှာ ကျယ်ကျယ်ပြန့်ပြန့် အသုံးပြုလာကြပါပြီ။ လဗင်ဒါအဆီက ပိုးမွှားကိုက်တဲ့ဒဏ်ရာ၊ အပူလောင်တာတွေကို သက်သာစေသလို ခေါင်းကိုက်ဝေဒနာကိုလည်း သက်သာစေပါတယ်။ လဗင်ဒါဆီလိမ်းပေးခြင်းဖြင့် အညောင်းအညာ သက်သာစေပါတယ်။ တချို့က လဗင်ဒါဆီကို ရေထဲထည့်ပြီး စိမ်တတ်ကြတယ်။ အရေပြားရောဂါတွေ ပျောက်ကင်းတယ်ဆိုပေမယ့် လဗင်ဒါဆီကို သတိထားသုံးရပါမယ်။ လဗင်ဒါဆီက အလာဂျီဖြစ်စေတတ်လို့ပါပဲ။

လဗင်ဒါပန်းနဲ့မျိုးစေ့က လူကိုအိပ်ပျော်စေအောင် အထောက်အကူပြုတာကြောင့် တချို့က ခေါင်းအုံးထဲ ထည့်အိပ်ကြပါတယ်။

လဗင်ဒါသမိုင်း

ရှေးဂရိတွေက လဗင်ဒါကို Nardus လို့ခေါ်ကြတယ်။ အလွယ်တကူ Nardလို့လည်း ခေါ်ကြတယ်။ ဒီနာမည်က Syrianနိုင်ငံ Naarda မြို့ကလာတာဖြစ်တယ်။

ရှေးရောမခေတ်မှာ လဗင်ဒါပန်းတစ်ပေါင်ကို (၁ဝဝ)denarii တန်ဖိုးရှိပါတယ်။ ဒီတန်ဖိုးဟာ အဲဒီခေတ်တုန်းက လယ်သမားတစ်ဦးရဲ့ တစ်လစာဝင်ငွေ ဒါမှမဟုတ် ဆံသသမား လူ(၅ဝ)ယောက်ကို ဆံပင်ညှပ်ပေးတဲ့ငွေနဲ့ ညီမျှပါတယ်။ ရောမလူမျိုးတွေက လဗင်ဒါပန်းနဲ့ တစ်ခြားရနံ့ပန်းတွေအတူရောပြီး ချိုးတဲ့ရေမှာ ထည့်ချိုးတတ်ကြတယ်။

Black Deathကာလ ပြင်သစ်နိုင်ငံGrasseမြို့က လက်အိတ်လုပ်သားတွေဟာ လဗင်ဒါဆီနဲ့ သားရေတွေကို အမြဲထည့်စိမ်ခဲ့တာကြောင့် Bubonic plague (အကျိတ်၊ အဖု)ရောဂါမှ ကင်းဝေးခဲ့ရတယ်။ ဒီလိုအကျိတ်အဖုတွေက သန်း၊ လှေးတွေက ဖြစ်ပွါးတာဖြစ်တယ်။ လဗင်ဒါက သန်း၊ လှေး၊ ပိုးမွှားတွေကိုက်ခြင်းမှ ကာကွယ်ပေးနိုင်ပါတယ်။


လဗင်ဒါရာဇဝင်

လဗင်ဒါပန်းနဲ့ ပတ်သက်တဲ့ရာဇဝင်ပုံပြင်တွေ အများကြီးရှိခဲ့ပါတယ်။ အဲဒီထဲက ပုံပြင်တိုလေးနှစ်ပုဒ်ကို ဖော်ပြလိုက်ပါတယ်။

(၁)
လဗင်ဒါရဲ့ဇာတိ ပြင်သစ်နိုင်ငံ Provenceဒေသမှာ ဒီလိုအချစ်ရာဇဝင်လေးတစ်ပုဒ် ရှိခဲ့ပါတယ်။

Provenceဒေသ ရွာလေးတစ်ရွာက မိန်းမပျိုလေးတစ်ယောက်ဟာ အေးစိမ့်တဲ့တောနက်ထဲမှာ တစ်ယောက်တည်း ပန်းတွေကို ခူးနေခဲ့တယ်။ ပန်းတွေကိုခူးနေဆဲမှာ အဝေးကလာတဲ့ ဒဏ်ရာရ ခရီးသွား လူငယ်တစ်ယောက်နဲ့ သွားဆုံတယ်။ လူငယ်ကို မြင်လိုက်တဲ့တခဏအတွင်း မိန်းမပျိုလေးရဲ့ နှလုံးသားဟာ လူငယ်ရဲ့အပြုံး ဖမ်းစားတာကို ခံလိုက်ရတယ်။

မိန်းမပျိုလေးဟာ လူငယ်ကိုနေအိမ်ထိခေါ်လာပြီး လူကြီးတွေကန့်ကွက်တာကို နာမခံဘဲ ဒဏ်ရာတွေကို ကုသပေးခဲ့တယ်။ ရက်အတန်ကြာမှာ လူငယ်လေး နေကောင်းကျန်းမာလာခဲ့သလို မိန်းမပျိုလေးနဲ့ သံယောဇဉ်တွေလည်း တိုးလာခဲ့တယ်။ တစ်ယောက်နဲ့တစ်ယောက် မျက်စိအောက်က အပျောက်မခံနိုင် ဖြစ်ခဲ့ကြတယ်။

တစ်ရက်မှာ လူငယ်က မိန်းမပျိုလေးကို နှုတ်ဆက်ပြီး ခရီးဆက်ဖို့ပြင်တယ်။ ဒါကို မိန်းမပျိုလေးက မခွဲနိုင် မခွါရက်နိုင်လို့ လူငယ်နဲ့အတူလိုက်ဖို့ပြင်တယ်။ ဆွေမျိုးသားချင်း၊ မိသားစုတွေ ဝိုင်းတားပေမယ့် လူငယ်ရဲ့နေရပ် နှင်းဆီပန်းတွေ ဖူးပွင့်တဲ့အရပ်ကိုလိုက်ဖို့ မိန်းမပျိုလက်မလျော့ခဲ့ဘူး။

လူငယ်နောက် မိန်းမပျိုလိုက်ဖို့ ပြင်နေတုန်းမှာ အဘိုးအိုတစ်ဦးက မိန်းမပျိုလေးကို လဗင်ဒါပန်းတစ်စီး ပေးလိုက်တယ်။ လဗင်ဒါပန်းနံ့က မစင်ကြယ်တာတွေကို မောင်းထုတ်နိုင်တဲ့ အစွမ်းရှိတာကြောင့် ဒီပန်းစီးလေးနဲ့ လူငယ်ကို စမ်းစေဖို့ဖြစ်တယ်။

လူငယ်က မိန်းမပျိုလက်ကိုတွဲပြီး ရွာကထွက်ခွါခါနီးမှ မိန်းမပျိုလေးက အသင့်ဝှက်လာတဲ့ လဗင်ဒါပန်းနဲ့ လူငယ်ကိုယ်ပေါ် ကျဲပက်လိုက်တယ်။ ကျဲပက်လိုက်တယ်ဆိုရင်ပဲ လူငယ်ဟာ အငွေ့အသွင်ပြောင်းပြီး လေနဲ့အတူ ပျောက်ကွယ်သွားခဲ့တယ်။

မျှော်လင့်မထားတဲ့အရာမို့ မိန်းမပျို အရမ်းခံစားခဲ့ရတယ်။ တောတောင်လျှိုတွေကြားမှာ လူငယ်ရဲ့ရယ်သံကိုပဲ သူကြားယောင်နေခဲ့တယ်။ သိပ်မကြာပါဘူး... မိန်းမပျိုလေးလည်း ရွာကနေ ပျောက်သွားခဲ့တယ်။ မိန်းမပျိုလေးဟာ လူငယ်လိုပဲ အငွေ့အဖြစ်နဲ့ တောတောင်လျှိုတွေကြားမှာ ပျောက်သွားခဲ့တယ်လို့ လူတချို့က ထင်ကြေးပေးကြတယ်။ တချို့ကလည်း နှင်းဆီပန်းပွင့်တဲ့ဒေသကိုသွားပြီး လူငယ်ကိုသွားရှာတာဖြစ်မယ်လို့ ပြောကြတယ်။ ဒီလိုနဲ့ ခေတ်အဆက်ဆက် လဗင်ဒါပန်းရာဇဝင်လေး ထင်ကျန်ရစ်ခဲ့တယ်။ ဒီနေ့ခေတ်အထိ လဗင်ဒါပန်းကို မကောင်းဆိုးဝါးတွေ မောင်းထုတ်ရာမှာ လူတွေအသုံးပြုခဲ့ကြတယ်။

(၂)
လဗင်ဒါပန်းရဲ့ အဓိပ္ပါယ်က "ချစ်ခြင်းကိုစောင့်မျှော်သူ"ဖြစ်တယ်။ ဒါလေးနဲ့ပတ်သက်တဲ့ ရာဇဝင်က ဒီလိုဆိုပါတယ်။

ဟိုးရှေးရှေးတုန်းက အိန်ဂျယ်တစ်ယောက်ဟာ လူ့ပြည်က လဗင်ဒါလို့ခေါ်တဲ့ ကောင်မလေးနဲ့ ချစ်ကြိုက်ခဲ့ကြတယ်။ အိန်ဂျယ်ဟာ ကောင်မလေးအတွက် သူ့တောင်ပံနဲ့ မျက်ရည်တစ်စက်ကို ပေးရတယ်။ နာကျင်ပေမယ့်လည်း သူပျော်ရွှင်ခဲ့တယ်။ ဒါပေမယ့် ပျော်ရွှင်ချိန်တွေ တိုတောင်းခဲ့တယ်။ တစ်နေ့မှာ နတ်မင်းကြီးက အိန်ဂျယ်ကို ကောင်မလေးနဲ့ခွဲပြီး ကောင်းကင်ပေါ်ဖမ်းခေါ်သွားခဲ့တယ်။ ကောင်းကင်ပေါ်မပြန်ခင် အိန်ဂျယ်က ကောင်မလေးအတွက် မျက်ရည်တစ်စက်ထားခဲ့ပြန်တယ်။ မျက်ရည်ကို လိပ်ပြာအသွင်ပြောင်းစေပြီး သူချစ်တဲ့ကောင်မလေးအနားမှာ အဖော်လုပ်စေခဲ့တယ်။ ကောင်မလေးက လိပ်ပြာနဲ့အဖော်ပြုပြီး အိန်ဂျယ် လူ့ပြည်ပြန်အလာကို စောင့်နေခဲ့တယ်။ အိန်ဂျယ်ထားခဲ့တဲ့ပန်းခြံလေးမှာ နေ့နေ့ညည စောင့်နေခဲ့တယ်။ နောက်ဆုံးမှာ အမြစ်တွယ်ပြီး အပင်လေးတစ်ပင် ဖြစ်သွားခဲ့တယ်။ နှစ်စဉ်နှစ်တိုင်း ခရမ်းရောင်ပန်းလေးတွေပွင့်ပြီး အိန်ဂျယ်ကိုရှာဖို့ နေရာအနှံ့ မျိုးပွါးခဲ့ကြတယ်။

လူတွေက အိန်ဂျယ်ရဲ့ပြန်အလာကို စောင့်မျှော်နေတဲ့ ခရမ်းရောင်ပွင့်တဲ့ပန်းလေးကို "လဗင်ဒါပန်း" လို့ ခေါ်ခဲ့ကြတယ်။

ref : http://en.wikipedia.org/wiki/Lavender
http://baike.baidu.com/view/4945.htm
http://zh.wikipedia.org/wiki

နိုင်းနိုင်းစနေ

လဗင်ဒါရေမွှေးပန်း

ရုပ်ပုံထဲက စကားလုံးများ

"လူကောင်း"ဆိုတဲ့စာလုံးက နှစ်လုံးတည်း

ဒါပေမယ့် ကျွန်တော့်နောက် ဆိတ်ဆိတ်ငြိမ်ငြိမ်နဲ့ တစ်သက်လုံးလိုက်နေခဲ့တယ်။

နှစ်သက်ချိန်မှာ တစ်ယောက်ကိုတစ်ယောက် ဂရုစိုက်နေရင်

အချိန်တွေက အကုန်မြန်ပါတယ်။

နူးညံ့ပျော့ပျောင်းတဲ့ အသဲနှလုံးတစ်စုံက

ချစ်ခြင်းမေတ္တာတွေ အများကြီးထည့်နိုင်ဖို့ဖြစ်တယ်။

လူ့ဘဝရဲ့စိတ်ဝင်အစားဆုံးအရာက

နောက်ခြေတစ်လှမ်းမှာ ကိုယ်ဘာဖြစ်မယ်ဆိုတာကို မသိတာဘဲ

အတည့်စဉ်းစားလို့ မရရင်
ပြောင်းပြန်လှန်ပြီး စဉ်းစားကြည့်ပါ။

ငေးမောနေတဲ့ ပန်းပင်လေးတွေလို
တစ်ခါတလေမှာ လေယူရာ ယိမ်းနွဲ့ကြည့်ချင်တယ်။

အပြင်ပန်းသဏ္ဍာန် သန်မာလေ
အတွင်းစိတ်က နူးညံ့နွေးထွေးမှုတွေ လိုလေဖြစ်တယ်။

ငိုပြီးကျိတ်ခံမယ့်အစား ရယ်ပြီးလက်ခံလိုက်မယ်။

ရင်းနှီးကျွမ်းဝင်တဲ့လမ်း ဆိုပေမယ့်လည်း
လမ်း ပျောက်ပြန်ပြီ.....

လက်လျော့၊ စွန့်လွတ်ဖို့ နားလည်မှ
တကယ့်အောင်နိုင်ခြင်းကို ရတယ်။

http://www.youthwant.com.tw ထဲက ဖတ်ရတဲ့ ကာတွန်းလေးတွေပါ။ မျှဝေလိုက်ပါတယ်။

နိုင်းနိုင်းစနေ

ရုပ်ပုံထဲက စကားလုံးများ

ဘူတာရုံနဲ့တူတဲ့ ကောင်မလေး

မင်းခိုက်စိုးစန်

ဥသြဆွဲချင်ရုံသက်သက်နဲ့တော့
ငါ့ သံယောဇဉ်တွေ
ခုတ်မောင်းထွက်ခဲ့တာ မဟုတ်ပေဘူး
အဲဒီစောင့်ကြိုနေဖို့ စိတ်ကူးမရှိတဲ့
ငါ့ရဲ့ဘူတာရုံလေးရေ . . လွမ်းတယ် . .။

အရမ်းကြီးမဟုတ်ပေမယ့် . . တစ်ခါတစ်ခါ
ယောက်ျားတစ်ယောက်မှာလည်း
စိတ်အားငယ်ခွင့်ရှိတာပဲ မဟုတ်လား။

ပန်းသီးတွေ ခါးတဲ့ကာလက
ရှည်လျားလှချည်လားကွယ် . .
ပြောပါ . .
မင်း ငါ့ကို ဘယ်တော့ အိပ်မက်မက်မှာလဲ
မင်းပိုင်ဆိုင်တဲ့ အိပ်စက်ခြင်းရဲ့ တံစက်မြိတ်အောက်မှာ
ငါ..
တိတ်တိတ်ကလေး ရပ်စောင့်နေတာ
ကြာပြီလေ . . .။

ဣနြေ္ဒစိမ်းစိမ်းတွေ လိမ်းသုတ်
ချစ်ခြင်းတွေ
ကုန်တင်ကုန်ချလုပ်ခွင့်မပြုတဲ့
မင်းရဲ့ ဘူတာရုံလေးဆီ . .
. . လာမယ် . .။
မင်းရဲ့ ဘူတာရုံလေးဆီ . .
. . လာမယ် . .။

ဟောဒီ့ကောင် . . ရင်ဘတ်တစ်ခြမ်းနဲ့
ကိုယ့်သံလမ်းကိုယ်ဖောက်ခဲ့တာပါ . .
. . နောက်ကျသွားတယ်။

အလွမ်းတွေ စိုက်ခင်းတစ်ခုလုံး ပွင့်တဲ့အချိန်မှာမှ
ငါ ဆိုတဲ့ကောင်က
တည့်တည့်ကြီး ရောက်ချသွားခဲ့တာပေါ့ကွယ် . .။

မင်းခိုက်စိုးစန်

(မင်းခိုက်စိုးစန်ရဲ့ ကဗျာလေးတွေကို ကျွန်မကြိုက်တတ်မှန်းသိလို့ ၂ဝဝ၈ ဇူလှိုင်ကတည်းက Torn City ဆိုသူ ပို့ပေးခဲ့တဲ့ ကဗျာလေးပါ။ ကျွန်မဘလော့မှာစုထားတဲ့ ဆရာမင်းခိုက်စိုးစန်ရဲ့ကဗျာလေးတွေကို စာအုပ်အဖြစ် အမှတ်တရထုတ်ဖို့ ထုတ်ဝေသူတစ်ဦးက စိတ်ကူးရှိပါသတဲ့။ ထုတ်ဝေနိုင်ဖို့ ဆရာမင်းခိုက်စိုးစန်ရဲ့ သဘောတူခွင့်ပြုချက်ကို စောင့်နေတယ်လို့ ပြောပါတယ်)

ဘူတာရုံနဲ့တူတဲ့ ကောင်မလေး

လူတစ်ယောက်ကို "စိတ်"နဲ့ ခံစားခြင်း

ကိုယ်နဲ့သင့်တော်တဲ့ အပေါင်းအဖော်ကိုရှာဖို့ ကိုယ့်လူမှုရေးစက်ဝိုင်းကို ချဲ့ထွင်သင့်ပါတယ်။ ဒါမှ ပိုကောင်းတဲ့ရွေးချယ်မှုအတွက် အခွင့်အရေးရှိမှာဖြစ်တယ်။ ထို့အတူ ကိုယ်ရဲ့ရွေးချယ်မှုအချက်တွေကိုလည်း ကျယ်ပြန့်စေပြီး တစ်ခြားလူအပေါ် "အမြင်ကပ်"ဆိုတဲ့တံဆိပ်မျိုး အလွယ်တကူ မကပ်မိဖို့ ကျွန်တော်တို့ သတိထားရပါတယ်။ ဒီလိုမှမဟုတ်ရင် မိတ်ဆွေကောင်းတွေကို ပွတ်ကာသီကာ လက်လွတ်သွားတတ်ပါတယ်။

လောကမှာ လူမျိုးပေါင်း ထောင်ကျော်ရှိပေမယ့် လူမျိုးတိုင်းက လူတွေကို "နှစ်သက်သူ" နဲ့ "မနှစ်သက်သူ"ဆိုပြီး နှစ်မျိုးပဲခွဲခြားထားပါတယ်။ လူလူချင်းဆက်ဆံရေးက မတူတဲ့ သံလိုက်စက်ကွင်းကြီးတစ်ခုလိုပါပဲ။ တချို့က တစ်ဘက်သားကို အကြည့်တစ်ချက်နဲ့ဆုံးဖြတ်သလို တချို့က အတွေ့အကြုံ၊ စိတ်နဲ့ဆုံးဖြတ်ကြတယ်။

ငယ်ရွယ်စဉ်က တစ်ဘက်သားကို ထွင်းဖောက်မြင်နိုင်တဲ့ မျက်လုံးတစ်စုံရှိခဲ့လို့ ကျွန်တော့်ကိုယ်ကျွန်တော် အားရခဲ့ဖူးတယ်။ အသက်ကြီးလာတာနဲ့အမျှ "မျက်လုံးရဲ့ထွင်းဖောက်မှု" နဲ့ "အပြုအမှုရဲ့ထိရောက်မှု" က အခြားနားကြီး ခြားနားကြောင်း ကျွန်တော်သိခဲ့ရတယ်။ ဒီအတွက် တစ်ခြားသူကို ထိခိုက်နာကျင်စေခဲ့သလို ကျွန်တော်ကိုယ်တိုင်လည်း မိတ်ဆွေကောင်းတွေ အများကြီးဆုံးရှုံးခဲ့ရတယ်။

တစ်ဘက်လူရဲ့ အခြေအနေအမှန်ကို နားမလည်သေးခင်မှာ "ဒီလူကို ငါကြည့်မရဘူး"ဆိုတဲ့ တံဆိပ်ကို ကျွန်တော်တို့ အရင်မကပ်သင့်ပါဘူး။ ဒီလိုတံဆိပ်က ခိုင်ခန့်တဲ့တံတိုင်းတစ်ခုလို တစ်ဘက်လူနဲ့ပိုရင်းနှီးဖို့ ရှေ့တိုးမယ့်ကိုယ့်ခြေလှမ်းကို ကာဆီးထားတတ်သလို တစ်ဘက်လူဆီက ကိုယ်သင်ယူနိုင်မယ့် အခွင့်အရေးကိုလည်း ဆုံးရှုံးစေတတ်ပါတယ်။

"လှပတဲ့လူ့ဘဝအတွက် လိုက်နာရမယ့် အချက်(၁ဝ)ချက်" စာအုပ်ထဲမှာ စကားတစ်ခွန်းက ဒီလိုဆိုပါတယ်။ "တစ်ဘက်သားအပေါ်ထားတဲ့ ကိုယ့်အသိအမြင်က ကိုယ့်ကိုယ်ပြန်ဆန်းစစ်စေတဲ့ တိုင်းထွာစက်ဖြစ်တယ်။ တစ်ဘက်သားအပေါ်ထားတဲ့ ကိုယ့်ခံစားချက်က ကိုယ့်ကိုယ်ပြန်ခံစားတဲ့ ခံစားချက်ဖြစ်တယ်"

လူတစ်ယောက်ရဲ့ကိုယ်ပေါ်မှာ ကျွန်တော်တို့မမြင်ချင်တဲ့ အားနည်းချက်ကို မြင်တွေ့ရတဲ့အခါ အဲဒီလူကို ကျွန်တော်တို့ မနှစ်သက်တတ်တော့ပါဘူး။

ရင်းနှီး၊ နားလည်မှုပိုလေ သူစိမ်းဆန်တဲ့အကွာအဝေးကို ချုံ့ပေးလေဖြစ်တယ်။

"ဒီလူကို ငါအမြင်ကပ်တယ်"ဆိုတဲ့တံဆိပ်ကို အပင်ပန်းခံပြီး လိုက်ကပ်ရမယ့်လူဆိုတာ မရှိခဲ့ပါဘူး။ အပြင်ပန်းသဏ္ဍာန်ကြောင့် လူတွေကိုမနှစ်မြို့စေတဲ့ လူတစ်ယောက်မှာ နှစ်သက်စရာဆိုတာ ရှိနိုင်သလို စိတ်သဘောထား မပြည့်ဝသူတစ်ယောက်မှာလည်း လေးစားထိုက်တဲ့နေရာတွေ ရှိပါတယ်။

တစ်ဘက်သားရဲ့ "နှစ်သက်စရာ"နဲ့ "လေးစားထိုက်တဲ့"အရာတွေကို သတိပြုနိုင်သူက ကိုယ့်ကိုယ် ကံကောင်းစေသူဖြစ်တယ်။ ဒီလိုသတိပြုနိုင်သူက တစ်ဘက်သားအပေါ်ထားတဲ့ အလိုမကျမှုတွေကို ဖြိုဖျက်နိုင်သလို ကိုယ့်ရဲ့စိတ်သဘောထားကိုလည်း ပြည့်ဝစေပါတယ်။

နှလုံးသားနဲ့ ရှာဖွေခံစားကြည့်ရင် လူတိုင်းရဲ့ နှစ်သက်စရာတစ်ခုခုကို တွေ့နိုင်ပါတယ်။

ကိုယ်အမြင်ကပ်တဲ့လူတစ်ယောက်ကို နှစ်သက်ဖို့ဆိုတာ အင်မတန်ခက်ခဲတဲ့ အလုပ်တစ်ခုပါ။ ဒါပေမယ့် စမှတ်ဆီအရင်သွားပြီး "အမြင်မကပ်"တဲ့နေရာကနေ ကျွန်တော်တို့စကြည့်နိုင်ပါတယ်။ အဲဒီကတဆင့် "ဒီလူမှာ ဘာအားသာချက်၊ ဘာကောင်းကွက်တွေရှိသလဲ? ငါရအောင်ရှာမယ်"ဆိုပြီး ကိုယ့်ကိုယ်အားပေးကြည့်ပါ။ ဒီလိုတွေးမိချိန်မှာ ကိုယ့်စိတ်ပြတင်းပေါက်တွေ တဖြေးဖြေးဖွင့်လာမယ်ဆိုတာကို ကျွန်တော်ယုံကြည်ပါတယ်။

လူတစ်ယောက်စီတိုင်းက သစ်ရွက်တွေနဲ့တူပါတယ်။ ပုံသဏ္ဍာန်တွေ အမျိုးမျိုးကွဲပြားကြတယ်။ ဒါပေမယ့် သေချာခံစားကြည့်ရင် သူတို့စီကနေ စိတ်ဝင်စားစရာတွေကို ကိုယ်သတိပြုမိပါလိမ့်မယ်။ နှလုံးသားနဲ့ ရှာဖွေခံစားကြည့်ရင် လူတိုင်းရဲ့ ထူးခြားချက်၊ နှစ်သက်စရာအချက်တွေကို တွေ့နိုင်ပါတယ်။ တကယ်လို့ အဲဒီလိုမှမဟုတ်ဘဲ မျက်လုံးစုံမှိတ်ထားမယ်၊ စိတ်ပြတင်းကို တင်းတင်းစေ့ထားမယ်၊ မကြည့်ချင်၊ မခံစားချင်ခဲ့ရင် အဲဒီထူးခြားချက်၊ နှစ်သက်စရာတွေကို ကျွန်တော်တို့တွေ့လိမ့်မယ် မဟုတ်ပါဘူး။ တစ်ဘက်သားကို နားလည်မှုပေးတယ်၊ သူ့နှစ်သက်စရာကို ရှာဖွေတယ်ဆိုတာ ကိုယ့်ဘက်ကကြည့်ရင် အဲဒါတွေဟာ ကိုယ့်ရဲ့ပေးဆပ်မှုတွေပဲဖြစ်တယ်။ တကယ့်စိတ်အစစ်အမှန်နဲ့ ပေးဆပ်မှသာ တစ်ဘက်သားရဲ့ပြန်ပေးဆပ်မှုက ကိုယ့်ပေးဆပ်တာထက် ပိုများတယ်ဆိုတာကို ကျွန်တော်တို့ ခံစားရမှာဖြစ်တယ်။

စိတ်ပညာရှင် Dr. Jack Berg က "နေရောင်ခြည်ရဲ့ ပက်ဖြန်းမှုကိုတောင့်တတဲ့ ပန်းတွေလိုပဲ လူသားတွေရဲ့ စိတ်အနက်ရှိုင်းဆုံးတစ်နေရာမှာ တစ်ဘက်သားရဲ့နားလည်မှုကို အမြဲတောင့်တနေတတ်တယ်"လို့ ဆိုတယ်။ တကယ်တော့ ချစ်ခင်ရင်းနှီးမှုဆိုတာ နားလည်မှုနဲ့ အဆင့်ဆင့် တည်ဆောက်ရတဲ့အရာဖြစ်တယ်။

ဒီလိုအသိပညာနဲ့ ပြင်ဆင်မှုတွေရှိခဲ့ပြီးနောက် ကမ္ဘာပေါ်ကလူတွေကို ကျွန်တော်တို့နှစ်မျိုး ထပ်ခွဲနိုင်ပါတယ်။ တစ်မျိုးက "ပထမအကြိမ်ဆုံတာနဲ့ အရမ်းနှစ်သက်တဲ့လူ၊ ကံပါတဲ့လူ"နဲ့ နောက်တစ်မျိုးက "နားလည်မှုရှိပြီးမှ သူ့ကိုယ်ပေါ်က နှစ်သက်စရာကို သတိပြုမိသူ" ဖြစ်ပါတယ်။ လောကကြီးမှာ ကျွန်တော်တို့ အပင်ပန်းခံပြီး သွားမုန်းဖို့၊ သွားအမြင်ကပ်ဖို့ လူဆိုတာမျိုး မရှိခဲ့ပါဘူး။

မကောင်းတဲ့သူတွေ မရှိတာတော့ မဟုတ်ပါဘူး။ ချစ်စရာကောင်းတဲ့လူတချို့နဲ့ ရင်းနှီးခင်မင်ဖို့ ကျွန်တော်တို့မှာ အချိန်တွေတောင် မလုံလောက်ခဲ့ဘူး။ ဒါနဲ့များ တစ်ဘက်သားကိုမုန်းဖို့ ကိုယ့်အချိန်တွေကို ဘာဖြစ်လို့ အလာဟဿဖြုန်းတီးနေဦးမလဲ?

ကိုယ်မနှစ်သက်တဲ့လူတစ်ယောက်ကို နားလည်ဖို့၊ ခင်မင်ရင်းနှီးဖို့ဆိုတာ အင်မတန်ခက်ပါတယ်။

ဒါပေမယ့် ပထမခြေလှမ်းစလှမ်းပြီး ဖြေးဖြေးချင်း ချဉ်းကပ်ခဲ့ရင် အောင်မြင်နိုင်ပါတယ်။ လူတစ်ယောက်ကို မနှစ်သက်ဘူး၊ မုန်းတယ်ဆိုတာ အင်မတန် စိတ်ပင်ပန်းစေပါတယ်။ ဘာဖြစ်လို့ ကိုယ့်ကိုယ်ပင်ပန်းအောင် ကျွန်တော်တို့ လုပ်ရက်ကြသလဲ? ရင်ခွင်ကျယ်ကြီးနဲ့ တစ်ဘက်သားကို ဂရုစိုက်ကြည့်၊ ခံစားကြည့်ရင် တစ်ဘက်သားရဲ့နွေးထွေးပျော်ရွှင်မှုတွေ ကိုယ့်ဆီကူးစက်လာနိုင်ပါတယ်။ တစ်ဘက်သားရဲ့ အားနည်းချက်၊ အပြစ်ကိုပဲ မီးထွန်းမရှာဘဲ ကောင်းကွက်လေးတွေကို မြင်တတ်အောင် ဂရုစိုက်ကြည့်တာဟာ ကိုယ့်အားနည်းချက်ကို ကိုယ်ဖြည့်နေတာနဲ့ အတူတူပါပဲ။

မူရင်း--- google search or http://share.youthwant.com.tw

နိုင်းနိုင်းစနေ ဘာသာပြန်သည်။

လူတစ်ယောက်ကို "စိတ်"နဲ့ ခံစားခြင်း

သွားတိုက်ဆေး အသုံးဝင်ပုံ

(၁)ရေစက်ခေါင်းတွေ ပြောင်လက်တောက်ပချင်ရင် အဝတ်စမှာ သွားတိုက်ဆေးနည်းနည်းထည့်ပြီး ပွတ်တိုက်ပေးနိုင်ပါတယ်။

(၂)မျက်နှာသစ်ဘေစင်၊ ရေချိုးဘေစင်တွေပြောင်လက်ချင်ရင် ဖောမှာ သွားတိုက်ဆေး နည်းနည်းထည့်ပြီး ဆေးကြောပေးနိုင်ပါတယ်။

(၃)အဝါရောင်သမ်းနေတဲ့ အိမ်သုံးပစ္စည်းတွေကို အဝတ်စမှာ သွားတိုက်ဆေး နည်းနည်းထည့်ပြီး ပွတ်တိုက်ပေးရင် အရောင်လက်စေပါတယ်။

(၄)မီးဖိုပေါ်က မည်းညစ်နေတဲ့ ဆီချေးတွေကို ရေနွေးနဲ့အရင်လောင်းပြီး သွားတိုက်ဆေးထည့်ထားတဲ့ အဝတ်စနဲ့ပွတ်တိုက်ပေးနိုင်ပါတယ်။

(၅)ငါးကိုင်ပြီးနောက် လက်မှာငါးညှီနံ့တွေ စွဲနေရင် သွားတိုက်ဆေးနဲ့ ဆေးပေးနိုင်ပါတယ်။

(၆)လက်မှာဆီချေး၊ ဆေးကြောရခက်တဲ့ ဆီ၊ မင်တွေစွန်းပေခဲ့ရင် သွားတိုက်ဆေးနဲ့ ပွတ်တိုက်ဆေးကြောနိုင်ပါတယ်။

(၇)အင်္ကျီလက်ဝ၊ ကော်လံတွေမှာ ချေးတွေပေးပြီး ဆေးကြောရခက်ခဲ့ရင် သွားတိုက်ဆေးအရင်ပွတ်ပေးပြီး ဆေးကြောပေးနိုင်ပါတယ်။

(၈)စီးတာကြာလို့ အဝါရောင်သမ်းလာတဲ့ ဖိနပ်အဖြူရောင်တွေကို အရင်ဆေးကြောပြီး သွားတိုက်ဆေးနဲ့ ပွတ်တိုက်ဆေးကြောပေးနိုင်ပါတယ်။

(၉)လက်နှိပ်ဓာတ်မီး အသုံးကြာလို့ အလင်းပြန်တဲ့မျက်နှာပြင် ဝါသွားခဲ့ရင် သွားတိုက်ဆေး ၃~၅မိနစ်ခန့် ပွတ်ထားပြီး အဝတ်စနဲ့သုတ်ပေးနိုင်ပါတယ်။

(၁ဝ)မတော်တဆအပူလောင်တဲ့ ဒဏ်ရာကို သွားတိုက်ဆေးပွတ်ပေးရင် အနာသက်သာစေနိုင်ပါတယ်။ သွေးထွက်တဲ့ဒဏ်ရာတွေကို သွားတိုက်ဆေးနဲ့ အရင်ဆေးကြောပြီး ထပ်ပွတ်ထားပေးရင် အနာခြောက်လွယ်စေပါတယ်။

(၁၁)တူးနေတဲ့မီးပူအောက်ခြေ ပြောင်လက်ချင်ရင် သွားတိုက်ဆေးနဲ့ ပွတ်တိုက်ပေးနိုင်ပါတယ်။

(၁၂)ရောင်အမ်းတဲ့ အနာတွေ အရောင်လျော့ချင်ရင် သွားတိုက်ဆေး လိမ်းထားပေးနိုင်ပါတယ်။

(၁၃)မိုးဒဏ်၊ လေဒဏ်ကြောင့် အရောင်လွင့်နေတဲ့ ကားတံဆိပ်တွေ ပြောင်လက်ချင်ရင် သွားတိုက်ဆေး ပွတ်တိုက်ပေးနိုင်ပါတယ်။ ခြစ်ရာရှိတဲ့ ကားမှန်၊ ကားဘော်ဒီတွေကိုလည်း သွားတိုက်ဆေးပါတဲ့အဝတ်နဲ့ မိနစ်အနည်းငယ်ကြာပွတ်တိုက်ပေးပြီး အဝတ်သန့်နဲ့ ထပ်ပွတ်တိုက်ပေးနိုင်ပါတယ်။

(၁၄)အိမ်နံရံပေါ်က ကလေးတွေဆွဲခြစ်ထားတဲ့ ခဲတံ၊ ဘောလ်ပင်၊ မြေဖြူ အရစ်အကြောင်းခြစ်ရာတွေ ဖျက်ချင်ရင် အဝတ်စမှာ သွားတိုက်ဆေးထည့်ပြီး အလွယ်တကူဖျက်နိုင်ပါတယ်။

(၁၅)လက်ပတ်နာရီမှန်ခွက်ပေါ်က အရစ်အကြောင်းပျောက်ချင်ရင် သွားတိုက်ဆေးနဲ့ ပွတ်တိုက်ပေးနိုင်သလို စီတီခွေမျက်နှာပြင်က အရစ်အကြောင်းတွေကိုလည်း သွားတိုက်ဆေးပွတ်ပြီး မိနစ်(၂ဝ)ကြာပွတ်တိုက်ပေးရင် အရစ်တွေပျောက်နိုင်ပါတယ်။

(၁၆) မည်းညစ်နေတဲ့ မှန်တွေကိုလည်း သွားတိုက်ဆေးနဲ့ ပွတ်တိုက်နိုင်ပါတယ်။

(၁၇) နံရံပေါ် ပန်းချီကားတွေကို သွားတိုက်ဆေးနဲ့ ကပ်ရင် ပိုခိုင်ခန့်တဲ့အပြင် နံရံကိုလည်း မပျက်ဆီးစေပါဘူး။ ပန်းချီကားကို နံရံပေါ်ကခွါချင်ရင် ကပ်ထားတဲ့နေရာကို ရေဆွတ်ပြီး အလွယ်တကူခွါနိုင်ပါတယ်။

သွားတိုက်ဆေးကို သွားဖြူဖွေးသန့်ရှင်းဖို့ အသုံးပြုရုံတင်မက အထက်ကနည်းအတိုင်းလည်း စမ်းသပ်အသုံးပြုနိုင်ပါတယ်။ လက်တွေ့မသုံးဖူးတော့ မှန်မမှန်မသိပါဘူး။ အီးမေးလ်ကရတဲ့ သွားတိုက်ဆေးအသုံးဝင်ပုံကို ဘာသာပြန်လိုက်ပါတယ်။ မေးလ်ပို့ပေးတဲ့ ထိုင်ဝမ်ကသူငယ်ချင်းကို ကျေးဇူးတင်ပါတယ်။

နိုင်းနိုင်းစနေ

သွားတိုက်ဆေး အသုံးဝင်ပုံ