စိတ်ကူးအိပ်မက်သူတွေဟာ လူသားတွေရဲ့ဦးဆောင်သူ။ လမ်းပြညွှန်ကြားသူတွေဖြစ်တယ်။ သင်ဟာ စိတ်ကူးယဉ် အိပ်မက်မက်တတ်သူတစ်ဦးလား?
လူ့ဘဝကို ပိုအဓိပ္ပါယ်ရှိစေပြီး လူအများကို အခက်အခဲက ကျော်လွှားစေနိုင်တာတွေဟာ စိတ်ကူးအိပ်မက်ရှိသူတချို့ရဲ့ လုပ်ဆောက်ချက်တွေကြောင့်ဖြစ်တယ်။ ဒီလိုစိတ်ကူးအိပ်မက်ရှိသူတွေကို ကျွန်တော်တို့ ကျေးဇူးတင်သင့်ပါတယ်။
တကယ်လို့ လူ့သမိုင်းမှာ စိတ်ကူးအိပ်မက်သူတို့ရဲ့ လုပ်ဆောင်ချက်တွေကို ဖျောက်ပစ်ခဲ့ရင် ပျင်းရိဖို့ကောင်းတဲ့ သမိုင်းစာအုပ်ကို ဘယ်သူကမှ သွားဖတ်နေတော့မှာ မဟုတ်ဘူး။ စိတ်ကူးအိပ်မက်ရှင်တွေဟာ ပင်ပန်းဆင်းရဲဒဏ်ကိုမမူဘဲ ခါးကုန်း၊ ချွေးစက်မြေခတဲ့အထိ လူသားတွေအတွက် ညီညာတဲ့လမ်းကို ဖောက်ခဲ့ကြတယ်။ ဒီနေ့ခေတ်ရဲ့ တိုးတက်ပြောင်းလဲမှုတွေဟာ အရင်ခေတ်ရဲ့ စိတ်ကူးအိပ်မက်တွေ ပေါင်းစပ်ထားတာဖြစ်သလို အရင်ခေတ်တစ်ခေတ်စီရဲ့ အကောင်အထည်ဖော်ထားတဲ့ စိတ်ကူးအိပ်မက်တွေကြောင့်ဖြစ်တယ်။
တကယ်လို့ စိတ်ကူးအိပ်မက်သူတွေသာ အမေရိကားတိုက် အနောက်ခြမ်းကို သွားရောက်မစူးစမ်းခဲ့ရင် ဒီနေ့ရဲ့ အမေရိကားက အတ္တလန်တိတ်သမုဒ္ဒရာမှာပဲ ရှိနေဦးမှာဖြစ်တယ်။
လူသားတွေအတွက် အပေးဆပ်ဆုံး၊ တန်ဖိုးအရှိဆုံးလူတွေဆိုတာ အမြင်ကျယ်ပြီး ကြိုမြင်တတ်တဲ့ စိတ်ကူးအိပ်မက်သူတွေဖြစ်တယ်။ သူတို့ဟာ အသိဥာဏ်နဲ့ ပညာတွေကို ပေါင်းစပ်ပြီး လူသားတွေရဲ့ကောင်းကျိုးကို တည်ဆောက်ခဲ့သလို အမြင်ကျဉ်းမြောင်းသူ၊ အလွန်အကျွံစွဲလမ်းယုံကြည်သူတွေကိုလည်း ကယ်တင်ခဲ့တယ်။ ကြိုမြင်တတ်တဲ့ စိတ်ကူးအိပ်မက်ရှိသူတွေဟာ သာမန်လူတွေ မလုပ်နိုင်တဲ့ကိစ္စကို အကောင်အထည်ဖော် ဆောင်ရွက်နိုင်သူတွေဖြစ်တယ်။
တွေးတောခြင်းက အနုပညာရှင်၊ ဂီတပညာရှင်နဲ့ ကဗျာဆရာတွေအတွက် အရမ်းအသုံးဝင်တယ်လို့ လူတချို့က ပြောကြပေမယ့် တကယ့်လက်တွေ့ဘဝမှာ အဲဒီလောက်ထိ မသိသာခဲ့ဘူး။ ဒါပေမယ့် နိုင်ငံ့အသီးသီးက ခေါင်းဆောင်တိုင်းဟာ စိတ်ကူးအိပ်မက်ယဉ်သူ၊ တွေးတောသူတွေဖြစ်ခဲ့ကြတယ်။ လုပ်ငန်းရှင်ပဲဖြစ်ဖြစ်၊ ကုန်သည်ကြီးတွေပဲဖြစ်ဖြစ်၊ စီးပွါးရေးခေါင်းဆောင်ပဲဖြစ်ဖြစ် သူတို့မှာ ကြီးမားတဲ့စိတ်ကူးအိပ်မက်၊ ကြံ့ခိုင်တဲ့ယုံကြည်မှုနဲ့ ကြိုးပမ်းအားထုတ်မှုတွေ ရှိကြတယ်။
အီတလီလူမျိုး Marconiဟာ radio telegraphကို ထီထွင်ခဲ့သူဖြစ်ပြီး သူ့စိတ်ကူးအိပ်မက်ကို လူတွေထူးဆန်းအံ့သြအောင် အကောင်အထည်ဖော်ခဲ့တယ်။ အကောင်အထည်ဖော်ခဲ့တဲ့ ဒီစိတ်ကူးအိပ်မက်ကြောင့် ပင်လယ်ပြင်မှာ လေမုန်တိုင်းဒဏ်ခံနေရတဲ့ သဘောင်္ကို ကယ်တင်နိုင်ခဲ့တယ်။ မုန်တိုင်းဒဏ်ခံနေရသူတွေက ကြိုးမဲ့ကိုအသုံးပြုပြီး ကယ်တင်ဖို့ အချက်ပေးနိုင်ခဲ့လို့ဖြစ်တယ်။
Radio telegraphကို မထီထွင်နိုင်ခင်မှာ Radio telegraphဟာ လူတွေရဲ့စိတ်ကူးအိပ်မက်ဖြစ်ခဲ့တယ်။ အဲဒီအိပ်မက်ကို Marconi က အကောင်အထည်ဖော်နိုင်ခဲ့တယ်။ လူလူချင်း၊ နိုင်ငံအချင်းချင်း ဆက်သွယ်ရာမှာ Radio telegraphဟာ များစွာအထောက်အကူဖြစ်ခဲ့တယ်။
George Stephenson ဟာ ဆင်းရဲသား သတ္တုတွင်းလုပ်သားတစ်ဦးဖြစ်တယ်။ ဒါပေမယ့် သူ့စိတ်ကူးအိပ်မက်ဖြစ်တဲ့ မီးရထားကို ထီထွင်အကောင်အထည် ဖော်နိုင်ခဲ့လို့ လူတွေရဲ့ သွားရေးလာရေး၊ လမ်းပန်းဆက်သွယ်ရေးကို လွယ်ကူမြန်ဆန်စေခဲ့တယ်။
ရဲရင့်တဲ့ Rogersဟာ လေယာဉ်စီးရင်း ဥရောပတိုက်ကို ဖြတ်ကျော်ပျံသန်းတဲ့ စိတ်ကူးအိပ်မက်ကို အကောင်အထည်ဖော်နိုင်ခဲ့တယ်။
Feltရဲ့ စိတ်ကူးအိပ်မက်ဖြစ်တဲ့ အတ္တလန်တိတ်သမုဒ္ဒရာကို ဖြတ်ကျော်တဲ့ကြေးနန်းကို အကောင်အထည်ဖော်နိုင်ခဲ့တာကြောင့် အမေရိကားနဲ့ဥရောပကို လွယ်ကူမြန်ဆန်တဲ့ ကူးလူးဆက်ဆံမှုတွေ ရှိစေခဲ့တယ်။
အောင်မြင်ကျော်ကြားသူတချို့မှာ ထူးခြားတဲ့စိတ်ကူးအိပ်မက်တွေ ပိုင်ဆိုင်လာနိုင်အောင် အင်္ဂလန် စာပေပညာရှင် ရှိတ်စပီးယားရဲ့ အကျိုးကျေးဇူးတွေလည်း များစွာပါဝင်ခဲ့တယ်။ ရှိတ်စပီးယားကြောင့် ပျက်စီးယိုယွင်းမှုတွေထဲကနေ ထူးဆန်းမှုတွေကို တွေ့စေခဲ့တယ်။ သာမန်ကိစ္စရပ်ထဲကနေ ထူးခြားဆန်းကြယ်မှုတွေကို တွေ့စေခဲ့တယ်။
လူတွေပိုင်ဆိုင်တဲ့ အင်အားအမျိုးမျိုးထဲမှာ စိတ်ကူးအိပ်မက်ရဲ့အင်အားက အကြီးမားဆုံးဖြစ်တယ်။ တကယ်လို့ မနက်ဖြန်မှာ ပိုကောင်းနိုင်တယ်လို့ ကျွန်တော်တို့ စိတ်ကူးယုံကြည်ခဲ့ရင် ဒီကနေ့ရဲ့ ပင်ပန်းဆင်းရဲခြင်းတွေကို ကျွန်တော်တို့ ဂရုစိုက်နေစရာ မလိုတော့ဘူး။ ကြီးမားတဲ့ စိတ်ကူးအိပ်မက်ရှိသူတွေက ကိုယ့်ရှေ့မှာ သံတံတိုင်းတွေခြားထားမှာကို တွေးမကြောက်ခဲ့ဘူး။ အဲဒီတံတိုင်းတွေက ရှေ့ဆက်မယ့်ခြေလှမ်းတွေကို မတုန့်နှေးစေခဲ့ဘူး။
တကယ်လို့ လူတစ်ယောက်မှာ စိတ်အနှောင့်ယှက်၊ နာကျင်ခြင်း၊ အခက်အခဲစတဲ့အရာတွေကို ပျော်ရွှင်ခြင်း၊ သက်တောင့်သက်သာဖြစ်ခြင်း၊ ချိုမြိန်ခြင်းအဖြစ်သို့ ပြောင်းလဲနိုင်တဲ့ အင်အားရှိခဲ့ရင် အဲဒီအင်အားဟာ အဖိုးမဖြတ်နိုင်တဲ့ ကျောက်မျက်ရတနာပဲဖြစ်တယ်။ တကယ်လို့ ဘဝမှာ စိတ်ကူးအိပ်မက်တွေကို ကျွန်တော်တို့ လက်လွတ်ဆုံးရှုံးခဲ့ရင် ကြံ့ခိုင်တဲ့ယုံကြည်မှု၊ ပြည့်ဝတဲ့မျှော်လင့်ချက်၊ ရဲစွမ်းသတ္တိနဲ့ ဆက်လက်ရင်ဆိုင်နိုင်မယ့်အင်အားတွေ ဆုံးရှုံးလိုက်တာနဲ့ အတူတူပဲဖြစ်တယ်။
အမေရိကန်လူမျိုးတွေဟာ စိတ်ကူးအိပ်မက်ကို အင်မတန်ကြိုက်နှစ်သက်သူတွေဖြစ်တယ်။ ဘဝမှာ ဘယ်လောက်ပဲ ဆင်းရဲဒုက္ခခံစားနေရပါစေ ကံတရားနောက်မလိုက်ဘဲ နေ့ရက်ကောင်းတွေ ကိုယ့်ဆီ အရောက်လာနိုင်သေးတယ်လို့ ယုံကြည်ကြသူတွေဖြစ်တယ်။
ကုန်စုံဆိုင်က ဝန်ထမ်းအများစုဟာ ကိုယ်ပိုင်ဆိုင်တစ်ခုဖွင့်နိုင်ဖို့ စိတ်ကူးယဉ်တတ်ကြတယ်။
လုပ်ငန်းခွင်က အလုပ်သမအများစုဟာ လှပတဲ့အိမ်ထောင်တစ်ခု တည်ဆောက်နိုင်ဖို့ စိတ်ကူးအိပ်မက်တတ်ကြတယ်။
အောက်ခြေလူတန်းစားတချို့က ရာထူး၊ အာဏာကြီးကြီး ဆုပ်ကိုင်နိုင်ဖို့ စိတ်ကူးတတ်ကြတယ်။
စိတ်ကူးအိပ်မက်ရှိသူတွေမှာမှ မျှော်လင့်ချက်တွေ ရှိနိုင်တယ်။ အဲဒီမျှော်လင့်ချက်တွေက လူတွေရဲ့ကိုယ်ထဲကိန်းအောင်းနေတဲ့ အရည်အချင်း၊ အသိဥာဏ်ကို နှိုးဆွပေးတယ်။ ကြိုးပမ်းလိုစိတ်ကို မြင့်တင်ပေးတယ်။ လင်းလက်တဲ့အနာဂတ်ကို ပိုင်ဆိုင်စေတယ်။
ဒါပေမယ့် စိတ်ကူးအိပ်မက်ရှိတိုင်း မပြည့်စုံသေးပါဘူး။ အဲဒီစိတ်ကူးအိပ်မက်ကို အကောင်အထည်ဖော်မယ့် စိတ်ဓာတ်နဲ့ဆုံးဖြတ်ချက်ရှိဖို့လည်း လိုပါသေးတယ်။ တကယ်လို့ စိတ်ကူးသာရှိပြီး အကောင်အထည်ဖော်ဖို့ အင်အားမစိုက်ထုတ်နိုင်ခဲ့ရင် အဲဒီစိတ်ကူးတွေက လေထဲတိုက်ဆောက်သလို အလာဟဿဖြစ်သွားပါလိမ့်မယ်။ စိတ်ကူးအိပ်မက်တွေ အကောင်အထည်ဖော်နိုင်အောင် အင်အားစိုက်ထုတ်ပြီး မပြတ်ကြိုးစားမှ အဲဒီအိပ်မက်ရဲ့ ကြီးမားတဲ့တန်ဖိုးကိုရမှာဖြစ်တယ်။
တခြားအင်အားတွေလိုပဲ... စိတ်ကူးအိပ်မက်ရဲ့ အင်အားကိုလဲ မသမာ၊ မမှန်ကန်တဲ့နည်းအဖြစ် သုံးနိုင်ပါတယ်။ ဥပမာ- လူတစ်ယောက်ဟာ ဘာအလုပ်မှမလုပ်ဘဲ တစ်နေကုန် စိတ်ကူးထိုင်ယဉ်နေမယ်၊ သူ့ဘဝအချိန်အားလုံးကို လေထဲတိုက်ဆောက်သလို စိတ်ကူးတွေနဲ့သာ ကုန်စေခဲ့ရင် သူ့ဘဝဟာ သေဆုံးသည့်တိုင် ဘာမှတိုးတက်ခဲ့မှာ မဟုတ်ဘူး။
စိတ်ကူးအိပ်မက်တွေကို အကောင်အထည်ဖော်နိုင်ဖို့ ကိုယ်ပိုင်ကြိုးစားမှုတွေ လိုအပ်ပါတယ်။ အိပ်မက်တွေရှိပြီးနောက် မပြတ်ကြိုးစားမှ အဲဒီအိပ်မက်တွေကို အကောင်အထည်ဖော်နိုင်မှာဖြစ်တယ်။
စိတ်ကူးအိပ်မက်တွေ အားလုံးထဲမှာ လူတွေကို အကျိုးပြုတဲ့ စိတ်ကူးအိပ်မက်က တန်ဖိုးအရှိဆုံးဖြစ်တယ်။ John Harvardဟာ ငွေကြေးအကုန်အကျခံပြီး ဟားဗတ်ကျောင်းကို စတင်တည်ထောင်ခဲ့တယ်။ နောက်ပိုင်းအဲဒီကျောင်းဟာ ဟားဗတ်တက္ကသိုလ်ဆိုပြီး ကမ္ဘာမှာနာမည်ကြီးခဲ့တယ်။ ဒါဟာ သိပ်ကောင်းတဲ့ ဥပမာတစ်ခုဖြစ်တယ်။
လူတွေဟာ စိတ်ကူးအိပ်မက်ရှိရုံမက စိတ်ကူးအိပ်မက်တွေကို ယုံကြည်ကိုးကွယ်ဖို့လည်း လိုတယ်။ ပြီးတော့ အဲဒီစိတ်ကူးအိပ်မက်တွေ အကောင်အထည်ဖော်ဖို့ ကိုယ့်ကိုယ်လည်း အားပေးတတ်ရမယ်။ လူတိုင်းမှာ အမြင့်ကို တက်လှမ်းလိုစိတ်ရှိကြတယ်။ အဲဒီလိုစိတ်ဟာ သံလိုက်အိမ်မြှောင်နဲ့တူပြီး လူတွေကို လင်းလက်တဲ့လမ်းဆီရောက်အောင် လမ်းညွှန်ပြသနေတယ်။ ကောင်းမွန်တဲ့စိတ်ကူးအိပ်မက်က သင့်ဘဝ အနာဂတ်လမ်းခရီးမှာ အောင်မြင်ခြင်းတွေနဲ့ ပြည့်စုံမယ်လို့ ကြိုတင်နိမိတ်ပြနေတာနဲ့တူတယ်။
စိတ်ကူးအိပ်မက်နဲ့ နှိုင်းယှဉ်ရင် လူတွေရဲ့စိတ်ထဲက မျှော်လင့်ချက်ဟာ ပိုတန်ဖိုးရှိတာကို တွေ့ရတယ်။ မျှော်လင့်ချက်ဆိုတာ ကောင်းမွန်တဲ့အနာဂတ်ရဲ့ ရှေ့ပြေးနိမိတ်ဖြစ်တယ်။ လူတွေကို လမ်းပြညွှန်ကြားသူဖြစ်တယ်။ လူတွေရဲ့ ရည်မှန်းချက် အနိမ့်အမြင့်၊ အောင်မြင်နိုင်ချေ ရှိမရှိဆိုတာကို သူတို့ရဲ့မျှော်လင့်ချက်နဲ့ တိုင်းတာလို့ရတယ်။
လူတချို့က သူတို့ရဲ့မျှော်လင့်ချက်ကို အချိန်ကြာလာတာနဲ့အမျှ တဖြည်းဖြည်း အရောင်မှိန်းစေတတ်ကြတယ်။ ကိုယ့်မျှော်လင့်ချက်ကို ဘယ်လိုထားရမယ်၊ ဘယ်လို စွဲစွဲမြဲမြဲ ဆုပ်ကိုင်ထားရမယ်ဆိုတာကို သူတို့ နားမလည်တဲ့အချိန်မှာဖြစ်တယ်။ မျှော်လင့်ချက်ဆိုတာ ကိုယ့်ကိုယ်အင်အားတွေ ဖြည့်ပေးပြီး ကိုယ့်ရဲ့စိတ်ကူးတွေကို တကယ်ဖြစ်ပေါ်စေတယ်ဆိုတာကို သူတို့သဘောက်မပေါက်ခဲ့လို့ဖြစ်တယ်။
မျှော်လင့်ချက်ဆိုတာ လူတွေရဲ့ ဆန်းသစ်ထီထွင်စေချင်တဲ့ အင်အားကို နှိုးကြားစေတယ်၊ လုပ်ဆောင်ချက်တွေ အဆုံးထိလုပ်ဆောင်နိုင်အောင် အားပေးတယ်၊ အရည်အချင်း လုပ်နိုင်ကိုင်နိုင်စွမ်းကို မြင့်တင်ပေးပြီး စိတ်ကူးယဉ်ဘဝကနေ တကယ့်လက်တွေ့ဘဝကို အရောက်တွန်းပို့ပေးတဲ့အရာဖြစ်တယ်။
လောကကြီးဟာ အပေးအယူမျှတဲ့ ရောင်းဝယ်သူဖြစ်တယ်။ ကိုယ်လိုချင်တဲ့အရာကို ကိုယ်ပေးဆပ်သလောက် ပြန်ရစေတယ်။ လူတွေရဲ့ တွေးတောခြင်းက သစ်မြစ်နဲ့တူတယ်။ သစ်မြစ်တွေလို ရှေ့နောက်တောင်မြောက် အရပ်ရပ်ကို ဖြန့်ကျက်တွေးတောပြီး ဘဝအတွက် မျှော်လင့်ချက်တွေကို သယ်ဆောင်လာကြတယ်။
တကယ်လို့ တောင်အရပ်သာမရှိခဲ့ရင် ဆောင်းခိုငှက်တွေက ဆောင်းရာသီမှာ တောင်အရပ်ကို ပျံသန်းပြီး ဆောင်းခိုကြမှာမဟုတ်ဘူး။ တောင်အရပ်က ဆောင်းခိုငှက်တွေကို မျှော်လင့်ချက်တွေ ဖြစ်စေခဲ့လို့ဖြစ်တယ်။
ဘုရားသခင်က လူတွေကို မျှော်လင့်ချက်တွေ ပေးတယ်။ မျှော်လင့်ချက်နဲ့ လူတွေကို ပိုကြီးမြတ်၊ ပိုသာယာတဲ့ဘဝကို ဖြစ်စေခဲ့တယ်။ ပိုဖွံ့ဖြိုးတိုးတက်တဲ့ လူ့ဘဝတွေ ဖြစ်စေခဲ့တယ်။ ဒါကြောင့် မျှော်လင့်ချက်တွေကို ကြိုးစားလုပ်ဆောင်ခဲ့ရင် အဲဒီမျှော်လင့်ချက်တွေက တကယ့်အကောင်အထည် ပေါ်စေနိုင်ပါတယ်။
မျှော်လင့်ခြင်းမှာလည်း သင့်မြတ်တာနဲ့ မသင့်မြတ်တာဆိုပြီး နှစ်မျိုးရှိတယ်။ သင့်မြတ်တဲ့မျှော်လင့်ချက်ဆိုတာ အလွန်အကျွံစိတ်ကူးယဉ်တာတွေ၊ မသုံးမဝင်နိုင်တာတွေ မဟုတ်ဘူး။ လူတွေအတွက် အဖိုးတန်ဆုံး မျှော်လင့်ချက်ဆိုတာ ကောင်းမွန်တဲ့လူ့ဘဝ၊ လူ့စရိုက်နဲ့ တာရှည်ခံတဲ့အရည်အချင်းတွေကို ထုတ်ဖော်တာပဲဖြစ်တယ်။
လူတစ်ယောက်ရဲ့ မျှော်လင့်ချက်ထဲကနေ သူ့ရဲ့အရည်အချင်းအတိုးအလျော့ကို ခန့်မှန်းနိုင်တယ်။
လူတစ်ယောက်ရဲ့ တွေးတောခြင်းထဲကနေ သူ့ရဲ့အကျင့်စိတ်ဓာတ်နဲ့ သူ့ဘဝအခြေအနေကို ခန့်မှန်းနိုင်တယ်။
လူတစ်ယောက်ရဲ့ ဘဝတစ်ခုလုံးကို သိဖို့ သူ့ရဲ့အတွေးအခေါ်ကို သိရုံနဲ့လုံလောက်နိုင်ပါတယ်။
မျှော်လင့်ချက်ရှိပြီးနောက် လူတစ်ယောက်ရဲ့ အတွေးအခေါ်နဲ့ ခံစားချက်တွေဟာ အလွယ်တကူ မပြောင်းလဲတတ်တာကို တွေ့ရတယ်။ မျှော်လင့်ချက်ရှိပြီးတဲ့ လူတစ်ယောက်မှာ မြင့်မားတဲ့ရည်ရွယ်ချက်၊ စေ့စပ်တဲ့တွေးခေါ်မှုနဲ့ ခိုင်မာတဲ့ဆုံးဖြတ်ချက်တွေ ရှိလာနိုင်တဲ့အပြင် မလိုအပ်တဲ့၊ နိမ့်ကျတဲ့အတွေးနဲ့ လုပ်ရပ်တွေကို စိတ်ထဲအဝင်မခံတော့ဘူး။ ဘယ်အရာမဆို၊ ဘာပဲလုပ်လုပ် မြင့်မားတဲ့ရည်ရွယ်ချက်နဲ့ ကြိုးကြိုးစားစား လုပ်ဆောင်လာတာကို တွေ့ရတယ်။
ကြံ့ခိုင်တဲ့ တွေးတောမှုက လူတွေရဲ့ မျှော်လင့်ချက်ကို တိုးတက်ပြောင်းလဲစေနိုင်သလို နဂိုရှိရင်းစွဲ အရည်အချင်းကိုလည်း ထုတ်ဖော်စေနိုင်တယ်၊ အောင်မြင်ဖို့တားဆီးထားတဲ့ အတားအဆီးတွေကို တွန်းလှန်နိုင်သလို အားငယ်စိတ်ကိုလည်း ချေဖျက်နိုင်တယ်။ မဖြစ်နိုင်ဘူးလို့ မျက်စိနဲ့ဆုံးဖြတ်ထားတဲ့ အရာတွေကို မျှော်လင့်ချက်ထားပြီး ကြိုးကြိုးစားစား ဇွဲလုံလနဲ့ လုပ်ဆောင်ခဲ့ရင် အောင်မြင်မှုက တစ်နေ့မှာ ကိုယ့်ဆီရောက်လာမှာ မလွဲပါဘူး။
မျှော်လင့်ချက်ဆိုတာ တကယ်ဖြစ်စေတဲ့ လမ်းစဖြစ်တယ်။ ကျန်းမာတဲ့ခန္ဒာရှိဖို့ မျှော်လင့်တာပဲဖြစ်ဖြစ်၊ မြင့်မြတ်တဲ့ လူ့အကျင့်စရိုက်၊ အောင်မြင်တဲ့စီးပွါးပညာရှင်ဖြစ် မျှော်လင့်တာပဲဖြစ်ဖြစ် မှန်ကန်တဲ့နည်းလမ်းနဲ့ အစွမ်းကုန်ကြိုးစားခဲ့ရင် တကယ့်လက်တွေ့မှာ အကောင်အထည်ပေါ်နိုင်ပါတယ်။
မျှော်လင့်ချက်အပေါ် ခိုင်မာတဲ့ဆုံးဖြတ်ချက် ထပ်ဖြည့်လိုက်တာနဲ့ အဲဒီလူဟာ ရှေ့တိုးမယ့် အင်အားကိုရစေတယ်။ မျှော်လင့်အချက်အပေါ် ကြိုးစားတဲ့ဇွဲလုံလထပ်ဖြည့်လိုက်တာနဲ့ အဲဒီလူဟာ ရည်ရွယ်ချက်ပန်းတိုင်ကို အရောက်လှမ်းနိုင်တယ်။ မျှော်လင့်ချက်ရှိပြီး ခိုင်မာတဲ့ဆုံးဖြတ်ချက်၊ ကြိုးစားမှုသာမရှိခဲ့ရင် အဲဒီမျှော်လင့်ချက်က သဲထဲရေသွန်သလို အရာရောက်နိုင်မှာ မဟုတ်ဘူး။ ဘယ်လောက်ပဲကြီးမားမြင့်မြတ်တဲ့ မျှော်လင့်ချက်ပဲဖြစ်ဖြစ် လုံ့လဝီရိယနဲ့ အကောင်အထည်ဖော်ဖို့ မကြိုးစားခဲ့ရင် အငွေ့အဖြစ်နဲ့ပဲ ပျောက်ဆုံးသွားနိုင်ပါတယ်။
အင်ဂျင်နီယာတွေရဲ့ ဦးနှောက်ထဲမှာ ဖန်ဆင်းမှုတွေ ပြည့်နေသလို လူတွေရဲ့စိတ်မှာလည်း လူ့ဘဝတိုက်တာကြီးကို မဆောက်ခင် မှန်ကန်တဲ့မျှော်လင့်ချက်တွေ ရှိသင့်တယ်။
အင်ဂျင်နီယာတွေဟာ အိမ်ပုံစံဆွဲပြီး လုပ်ငန်းမစခဲ့ရင် ဘယ်လောက်ခန့်ညားတဲ့အိမ်ပုံစံပဲဖြစ်ဖြစ် စက္ကူစုတ်တစ်ရွက်ပေါ်မှာပဲ ရှိနေမှာဖြစ်တယ်။ ထို့အတူ စိတ်ကူးမျှော်လင့်ချက်တွေကို ကြိုးစားပြီး အကောင်အထည်မဖော်ခဲ့ရင် အဲဒီမျှော်လင့်ချက်တွေဟာ ပူစီဖောင်းတွေလို လေထဲပျောက်ကွယ်သွားမှာဖြစ်တယ်။
တကယ်လို့ ဘဝတိုးတက်ပြောင်းလဲဖို့အတွက် နည်းလမ်း၊ အကြံအစည်တစ်ခုခုရှိခဲ့ရင် အဲဒီနည်းလမ်း အကြံအစည်ကို ကြံ့ကြံ့ခံလက်ကိုင်ထားသင့်တယ်။ အဲဒီအကြံအစည်ကို ရင်ဘတ်တစ်နေရာမှာ ထည့်ထားပြီး အကောင်အထည်မပေါ်မခြင်း လက်မလွတ်သင့်ဘူး။
မျှော်လင့်ချက်နဲ့ ပြည့်နေတဲ့ နှလုံးသားတစ်စုံဟာ ဆန်းသစ်ထီထွင်လိုစိတ်ရှိတယ်။ ဒီလိုဆန်းသစ်လိုစိတ်ကလည်း လူတစ်ယောက်ရဲ့ အရည်အချင်း၊ တွေးတောမှုတွေကို တကယ်ဖြစ်စေနိုင်ပါတယ်။
အမြဲတစေ ကောင်းမှန်တဲ့မျှော်လင့်ချက်တွေ ရှိမယ်။ လင်းလက်တဲ့အနာဂတ်တွေ ရှိတယ်လို့ မျှော်လင့်မယ်၊ လှပတဲ့စိတ်ကူးအိပ်မက်တွေ နောက်ဆုံးမှာ တကယ်အကောင်အထည်ဖော်နိုင်တယ်လို့ မျှော်လင့်မယ်၊ ဒီလိုမျှော်လင့်ခြင်းတွေက ကြီးမားတဲ့ စိတ်ဓာတ်ခွန်အားကို ဖြစ်စေပါတယ်။
ကိုယ့်အနာဂတ်လမ်းခရီးတွေအတွက် ကောင်းမွန်တဲ့ မျှော်လင့်ချက်ရှိခြင်းက ကြိုးစားလိုစိတ်ကို နှိုးဆွပေးတယ်။ အိုးအိမ်ထူထောင်ပြီး သာယာတဲ့မိသားစုဘဝကို တည်ဆောက်မယ်၊ အလုပ်အကိုင်ရာထူး တိုးမြှင့်ပြီး သူတစ်ပါးထက် ထူးချွန်မယ် .... စတဲ့မျှော်လင့်ချက်တွေက ကျွန်တော်တို့ကို ပိုကြိုးစားရုန်းကန်ဖို့ အင်အားတွေပေးပါတယ်။
လောကမှာရှိတဲ့ လူအများက ဒီကမ္ဘာပေါ်မှာရှိတဲ့ လှပခန့်ညားတဲ့အရာတွေ၊ ထည်ဝါတဲ့နေအိမ်တွေ၊ တန်ဖိုးကြီးလှပတဲ့ အဝတ်အထည်တွေ၊ တခြားလည်ပတ်စရာ ပျော်ရွှင်စရာတွေဟာ သူတို့အတွက် ကြိုတင်ပြင်ဆင်ပေးထားတဲ့ အရာမဟုတ်ဘဲ တခြားသူအတွက်လို့ ထင်ထားကြတယ်။ ယုံကြည်ထားကြတယ်။ ကိုယ်တိုင်က ဒီလိုခန့်နားထည်ဝါလှပတဲ့ အရာတွေနဲ့မထိုက်ဘူးဆိုပြီး မျှော်လင့်ချက်မဲ့တတ်ကြတယ်။ တကယ်လို့ ဒီလိုအောက်ကျတဲ့အတွေး၊ နိမ့်ကျတဲ့မျှော်လင့်ချက်ရှိတဲ့ လူတစ်ယောက်က လှပခန့်ညားတဲ့အရာတွေကို ပိုင်ဆိုင်ခံစားနိုင်ပါတော့မလား?
တကယ်လို့ လူတစ်ယောက်ဟာ လှပတဲ့အရာတွေကို မခံစားချင်ဘူး၊ နိမ့်ကျတဲ့အတွေးတွေလည်းရှိမယ်၊ ဘာမျှော်လင့်ချက်မှလည်း မထားဘူး၊ လောကကြီးမှာရှိတဲ့ ပျော်ရွှင်စရာတွေက ကိုယ့်အတွက်မဟုတ်ဘူး.. တခြားလူအတွက်ပဲလို့ ထင်မှတ်ထားမယ်ဆိုရင် အဲဒီလူဟာ ဘယ်တော့မှ ဖြစ်ထွန်းပေါက်မြောက်မှာ မဟုတ်ဘူး။
ကျွန်တော်တို့က ဘာကိုမျှော်လင့်ရင် ဘာရမှာဖြစ်တယ်။ ကြိုးစားပြီးလည်း မျှော်လင့်ရမယ်။ တကယ်လို့ ဘာမှမမျှော်လင့်ခဲ့ရင် ဘာမှရမှာမဟုတ်ဘူး။ ဆင်းရဲဒုက္ခကြားမှာနေပြီး ဘာမျှော်လင့်ချက်မှ မထားသူတစ်ယောက်က ချမ်းသာသုခကို ခံစားရမှာ မဟုတ်ပါဘူး။
မျှော်လင့်ချက်တွေရှိပြီး စိတ်ထဲမှာ မယုံကြည်မှု၊ သံသယစိတ်တွေရှိမယ်၊ ကိုယ့်ကိုယ်ကို မလုပ်နိုင်ဘူးလို့ သံသယဖြစ်မယ်၊ ရှုံးနိမ့်မှာကို ကြိုတွေးကြောက်မယ်ဆိုရင်လည်း မျှော်လင့်ချက်တွေ အကောင်အထည်ဖော်နိုင်မှာ မဟုတ်ဘူး။ မိမိကိုယ်ကိုယ် ယုံကြည်မှုရှိတဲ့ မျှော်လင့်ချက်ကသာ အောင်မြင်နိုင်မှာဖြစ်တယ်။
ဒါကြောင့် လူတစ်ယောက်မှာ ဇွဲလုံလ၊ ကြိုးပမ်းမှု၊ ဆန်းသစ်မှုတွေရှိသင့်တယ်။ မှန်ကန်တဲ့တွေးခေါ်မှု ရှိဖို့က အရေးကြီးဆုံးဖြစ်တယ်။
တချို့က တစ်ဘက်မှာ ဒီလိုလုပ်နေရင်း အခြားတစ်ဘက်မှာ ဟိုလိုတွေးတတ်တယ်။ ဒီလိုလူမျိုးက နောက်ဆုံးမှာ အရှုံးနဲ့ပဲ ရင်ဆိုင်ရတတ်တယ်။ ဥပမာ- ချမ်းသာကြွယ်ဝဖို့ မျှော်လင့်ပြီး အောက်ကျတဲ့ အမှုအကျင့်တွေ ရှိနေမယ်ဆိုရင် အဲဒီလူဟာ ချမ်းသာကြွယ်ဝတဲ့ တံခါးပေါက်ဆီ ဘယ်တော့မှ လျှောက်လှမ်းနိုင်မှာ မဟုတ်ဘူး။
တချို့လူတွေက အလုပ်ကို ကြိုးစားပမ်းစား လုပ်ဆောင်ကြပေမယ့် မအောင်မြင်၊ မဖြစ်ထွန်းကြဘူး။ ဒါဟာ သူတို့ရဲ့ စိတ်ဓာတ်က ကြိုးစားမှုနဲ့ မကိုက်ညီလိုဖြစ်တယ်။ ----- လက်ရှိအလုပ်ကို လုပ်ကိုင်နေချိန် တခြားအလုပ်ကို တွေးတောကြံစည်နေတာမျိုးဖြစ်တယ်။ သူတို့လက်ကိုင်ထားတဲ့ မှားယွင်းတဲ့အမှုအကျင့်က သူတို့တကယ်လိုချင်တဲ့အရာကို မသိမသာ မောင်းထုတ်နေတာဖြစ်တယ်။ ကောင်းမွန်တဲ့မျှော်လင့်ချက် မထားတာဟာ မျှော်လင့်ချက်ကို အကောင်အထည်မပေါ်စေတဲ့ ဆူးညှောင့်ခလုတ်ဖြစ်တယ်။ "ကိုယ့်စိတ်ဝိညာဉ်က ဘာကိုမျှော်လင့်ရင် ဘာဖြစ်မယ်" ဆိုတဲ့စကားကို လူတိုင်းစွဲစွဲမြဲမြဲ မှတ်ထားသင့်ပါတယ်။
ကြောက်ရွံ့စိတ်က လူတွေရဲ့ခွန်အားကို လျော့နည်းစေတယ်။
ကြောက်ရွံ့ခြင်းမှာ အာဏာရှိတယ်။
ကြောက်ရွံ့ခြင်းက ဘဝရေကြည်ထွက်ပေါက်ကို ခြောက်ခမ်းစေတယ်။
ကြောက်ရွံ့ခြင်းရောယှက်နေတဲ့ ဘဝဟာ အရာတိုင်းကို မအောင်မြင်နိုင်ဘူး။
ကြီးမားတဲ့မျှော်လင့်ချက်၊ နက်နဲတဲ့ယုံကြည်မှုတွေကမှ လူတွေရဲ့ပျော့ညံ့ချက်ကို ကုစားနိုင်မှာဖြစ်တယ်။ ကောင်းမွန်တဲ့အကျင့်တွေ မွေးထုတ်ပေးမှာဖြစ်တယ်။
လှပတဲ့အနာဂတ်ကို ခံစားဖို့ မျှော်လင့်ထားတယ်၊ ကျန်းမာပျော်ရွှင်ခြင်းတွေကို မျှော်လင့်ထားတယ်၊ လူရာဝင်ဖို့ မျှော်လင့်တယ်... ဒီလိုမျှော်လင့်ချက်တွေက အောင်မြင်ဖို့အတွက် လူတစ်ယောက်ရဲ့ အရင်းအနှီးတွေဖြစ်တယ်။ အောင်မြင်သူအများမှာ (positive)အကောင်းမြင်မျှော်လင့်တတ်တဲ့ အကျင့်ရှိတယ်။ လက်ရှိမှာ ဘယ်လိုအခက်အခဲမျိုးကို ရင်ဆိုင်နေရပါစေ သူတို့ဟာ ကိုယ့်ကိုယ်ယုံကြည်မှု၊ "နောက်ဆုံးမှာ အောင်နိုင်ရမယ်" ဆိုတဲ့ ခိုင်မာတဲ့ဆုံးဖြတ်ချက်တွေရှိကြတယ်။ ဒီလိုဖြောင့်မှန်တဲ့ မျှော်လင့်ခြင်းက ထူးခြားတဲ့အင်အားတွေကို ဖြစ်စေပြီး နောက်ဆုံးမှာ မျှော်မှန်းထားတဲ့ ပန်းတိုင်ဆီ အရောက်လှမ်းစေတယ်။
မျှော်လင့်ခြင်းက လူတွေရဲ့အရည်အချင်းကို ဖော်ထုတ်ပေးနိုင်တယ်။ ငုတ်လျှိုးနေတဲ့အင်အားကို နှိုးထစေတယ်။ ဒီလိုအင်အားအရည်အချင်းတွေဟာ မျှော်လင့်ချက်မရှိ၊ နှိုးထပေးသူမရှိခဲ့ရင် ကြာလာတာနဲ့အမျှ နစ်မြှုပ်ပျောက်ကွယ်သွားနိုင်တယ်။
လူတိုင်း ကိုယ်လိုချင်တာ၊ မျှော်လင့်တာတွေကို အကောင်အထည်ဖော်နိုင်တယ်လို့ ယုံကြည်ထားသင့်တယ်။ သံသယမရှိသင့်ဘူး။ သံသယအတွေးတွေကို မောင်းထုတ်နိုင်မှာ အောင်မြင်နိုင်မယ်။ ခိုင်မာတဲ့ယုံကြည်မှုနဲ့ ရှေ့သို့တက်လှမ်းမယ်ဆိုရင် လှပတဲ့အောင်မြင်မှုကို ကျွန်တော်တို့ မလွဲမသွေ ဆွတ်ခူးနိုင်မှာဖြစ်ပါတယ်။
စာရေးဆရာ Dale Carnegieရဲ့ "စိတ်ကူးအိပ်မက်ဆိုတာ အောင်မြင်ခြင်းရဲ့လမ်းစ" ဆိုတဲ့ စာတစ်ပုဒ်ပါ။ စာထဲမှာ ဝါကျအချို့ ထပ်တလဲလဲပါနေတာကို တွေ့ပါလိမ့်မယ်။ တချို့အရာတွေဟာ ကျွန်မတို့သိပြီးသားဆိုပေမယ့် ထပ်တလဲလဲ အသိပေးရတဲ့အခါမျိုးလည်း ရှိတတ်ပါတယ်။ တချို့စာတွေက စာဖတ်သူကို ကြက်သီးမွေးညင်းထအောင် စိတ်ဓာတ်ခွန်အားတွေဖြစ်စေတယ်။ ကျွန်မထပ်တလဲလဲ ဖတ်ဖြစ်ခဲ့တဲ့ဒီစာကို နားလည်သလို ဘာသာပြန်လိုက်ပါတယ်။ ကျွန်မနားလည်သလိုမို့ အခြားသူဖတ်ပြီး နားမလည်ခဲ့ရင် ကျွန်မရဲ့ပျော့ညံ့ချက်သာဖြစ်ကြောင်း ကြိုတင်တောင်းပန်ချင်ပါတယ်။ အားလုံးကို ကျေးဇူးတင်ပါတယ်။
နိုင်းနိုင်းစနေ ဘာသာပြန်သည်။
စိတ်ကူးအိပ်မက်နဲ့ မျှော်လင့်ချက်
