ချစ်သူတွေ၊ လင်မယားတွေ အတူနေတာကြာပြီဆိုရင် ငြင်းခုန် ရန်ဖြစ်လေ့ရှိကြတယ်။ အကြောင်းအရာတစ်ခုနဲ့ အကြိမ်ကြိမ် ငြင်းခုန် ရန်ဖြစ်လေ့ရှိကြတယ်။
တကယ်လို့ ရန်လည်းဖြစ်မယ်၊ ခံစားချက်လည်း မပြောင်းချင်ဘူး.. တစ်ယောက်ကိုတစ်ယောက် ပိုချစ်ချင်တယ်၊ ပိုနားလည်ချင်အောင် ရန်ကို ဘယ်လိုဖြစ်ရမလဲ? ဘယ်လို ငြင်းခုန်ကြမလဲ?
ဟောလီဝုဒ်ရုပ်ရှင်တစ်ကားဖြစ်တဲ့ "Groundhog Day" ဇာတ်ကားက မိုးလေ၀သကြော်ငြာသူတစ်ဦးဖြစ်တဲ့ Phil Connors ( Bill Murray)က Pennsylvania မှာရှိတဲ့ မြို့လေးတစ်မြို့မှာ Groundhog Day ပွဲအကြောင်း သွားရောက်မေးမြန်းခဲ့တယ်။ မမျှော်လင့်တဲ့ နှင်းမုန်တိုင်းကြောင့် အဲဒီမှာ သူတစ်ညအိပ်ခဲ့ရတယ်။ ဒါပေမယ့် သူတည်းခဲ့တဲ့အချိန်က တစ်နေ့တည်း တစ်ရက်တည်းဖြစ်နေတယ်။ သူဘယ်တော့ နိုးထလာလာ အချိန်က ဖေဖော်ဝါရီလ ၂ ရက်ဖြစ်နေပြီး Groundhogကြွက်တွေ မြေအောက်က ထွက်တဲ့နေ့ပဲ ဖြစ်နေခဲ့တယ်။
မပြောင်းလဲတဲ့အချိန် တစ်ချိန်တည်းမှာပဲ ပိတ်မိနေတဲ့Philဟာ အဲဒီမြို့လေးမှာပဲ မပြောင်းလဲတဲ့နေ့ရက်တွေကို ဖြတ်သန်းနေရတယ်။ နေ့တိုင်းတွေ့နေတဲ့ လူတွေနဲ့တွေ့ပြီး ဖြစ်ပျက်ခဲ့တဲ့ကိစ္စတွေနဲ့ပဲ ထပ်ထပ်ဆုံနေရတယ်။ တူတဲ့လမ်းတွေ လျှောက်ခဲ့ရတယ်။ ဖြစ်ပျက်တာတွေ ထပ်ထပ်ဖြစ်တာကြောင့် သူရူးမတတ်ဖြစ်ပြီး ကိုယ်ကိုယ့်အဆုံးစီရင်ဖို့ ကြိုးစားခဲ့တယ်။ သူဘယ်လို ခံစားခဲ့ရပါစေ သူနှိုးထလာတိုင်း ဖေဖော်ဝါရီလ ၂ ရက်ဖြစ်နေပြီး ဖြစ်ပြီးသမျှ ကိစ္စတွေပဲ ထပ်ထပ်ဖြစ်နေပြန်တယ်။
ကျွန်တော်တို့ဘ၀မှာလည်း ထပ်ခါထပ်ခါဖြစ်ခဲ့တဲ့ကိစ္စ၊ ဖြေရှင်းလို့မရတဲ့ကိစ္စ၊ စိတ်နောက်စရာတွေ ရှိခဲ့ဖူးကြမယ်။ အထူးသဖြင့် ကိုယ့်အိမ်ထောင်ဘက်နဲ့ ငွေကြေးကိစ္စ၊ သားသမီးကိစ္စ၊ ယောက္ခမ ချွေးမကြားကိစ္စ ဒါမှမဟုတ် အိမ်မှုကိစ္စတွေနဲ့ မပြတ်ငြင်းခုန်ကြရတယ်။ ရုပ်ရှင်ထဲက Philလိုပဲ အကြောင်းအရာတစ်ခုမှာ ဒါမှမဟုတ် ဒီလိုနေ့ရက်တွေမှာ တ၀ဲလည်လည်ဖြစ်နေကြရတယ်။
ရုပ်ရှင်ထဲက Philဟာ စစချင်းမှာ ကိုယ်ကြုံရသမျှကို သံသယဖြစ်တယ်။ နောက်ပိုင်းမှာ စိတ်ဓာတ်ကျပြီး မျှော်လင့်ချက်ပါမဲ့သွားတယ်။ နောက်ဆုံးမှ ကိုယ့်ကြုံသမျှအဖြစ်အပျက်ကို လက်ခံပြီး ထင်မြင်ချက်ပေးတာတွေ ရပ်လိုက်တယ်။ မပြောင်းလဲဘဲ ထပ်တလဲလဲဖြစ်နေတဲ့ နေ့ရက်တွေမှာ ကိုယ့်ကိုယ်ပျော်ရွှင်အောင်နေပြီး သူတစ်ပါးကို ဂရုစိုက်ရင်း၊ ကူညီရင်းနဲ့ ဖြတ်ကျော်ခဲ့တယ်။ ချစ်ခြင်းမေတ္တာနဲ့ ရှေ့မတိုး နောက်မဆုတ်သာတဲ့ အချိန်တွေကို ကျော်ဖြတ်ခဲ့တယ်။
ဖြေရှင်းလို့မရတဲ့ ခြားနားချက်တွေ ရှိနေလို့လား?
တကယ်တော့ ရန်ဖြစ်ငြင်းခုန်တာဟာ "တစ်ဘက်လူကို ဒုက္ခပေးတယ်"ဆိုတဲ့ စကားလုံးနဲ့ပဲ အလွယ်တကူ ရှင်းလင်းချက်ထုတ်လို့မရဘူး။ "ကိစ္စရပ်တစ်ခုနဲ့ မကြာခဏရန်ဖြစ်တာဟာ လင်မယားကြားမှာ ဖြေရှင်းလို့မရနိုင်တဲ့ ခြားနားချက်တွေ ရှိနေလို့ဖြစ်တယ်။ အဲဒီခြားနားချက်က လင်မယားနှစ်ယောက်ရဲ့ အချင်းချင်း တန်ဖိုးဖြတ်မှုကို မလိုလားလို့၊ ကိုယ့်မိသားစုဘက်ကစခဲ့တဲ့ ပြဿဒ်မီး ဒါမှမဟုတ် လူမှုရေးကြောင့် စတာတွေဖြစ်တယ်"။
တရုတ်စိတ်ရောဂါရှာဖွေရေးဌာန စိတ်ပညာဆရာဝန် Zhao Wentaoက "ငွေကြေးကြောင့် အမြဲရန်ဖြစ်တဲ့ လင်မယားနှစ်ယောက်ရှိတယ်။ ကိုယ့်ယောက်ျားဘာဖြစ်လို့ ဒီလောက်ကပ်စီးနည်းမှန်း မိန်းမဖြစ်သူ တွေးမတတ်ခဲ့ဘူး။ ပိုက်ဆံတွေကို တင်းတင်းဆုပ်ကိုင်ထားပြီး မိန်းမအသုံးအဖြုန်းကြီးတယ်လို့ပဲ သူအမြဲဆဲဆိုနေခဲ့တယ်။ ဒါကို မိန်းမက လက်မခံနိုင်ဖြစ်ခဲ့တယ်။ နောက်ပိုင်း မိဘအိမ်တစ်ခေါက်ပြန်ဖြစ်မှ ယောက်ျားဖြစ်သူဟာ ဆင်းရဲကြပ်တည်းတဲ့ မိသားစုဘ၀က ကြီးပြင်းလာခဲ့တာကို သိလိုက်ရတယ်။ ကိုယ်တိုင်ပိုက်ဆံရှာတတ်သည့်တိုင် ချွေတာသုံးစွဲခဲ့တယ်။ ဒါကို မိန်းမတဖြည်းဖြည်းနားလည်လာတဲ့အခါ ငြင်းခုန်တာတွေလည်း နည်းသွားတယ်"
နောက် အိမ်ရှင်မတစ်ဦးက သူ့ယောက်ျားအိမ်ပြန်ရောက်တိုင်း ပြောတတ်တဲ့စကားတစ်ခွန်းကို လက်မခံနိုင်ဖြစ်နေခဲ့တယ်။ သူ့ယောက်ျားပြောတဲ့စကားက "အိမ်ကရှုပ်ပွနေတာပဲ ဘာဖြစ်လို့ မသိမ်းတာလဲ?" ဖြစ်တယ်။ ဒီစကားတစ်ခွန်းနဲ့ လင်မယားနှစ်ယောက် အမြဲရန်ဖြစ်ရတယ်။ နောက်ပိုင်း အိမ်ထောင်တည်မြဲရေးသင်တန်းကို လင်မယားနှစ်ယောက်အတူတက်ဖြစ်မှ ကိစ္စရှင်းသွားတော့တယ်။
မိန်းမဖြစ်သူဟာ ငယ်ငယ်လေးတည်းက စည်းကမ်းတင်းကြပ်တဲ့ မိသားစုက မွေးဖွားခဲ့ပြီး နေအိမ်၊ အိပ်ခန်း မသပ်ရပ်တိုင်း အဆူအဆဲ ခံခဲ့ရလို့ဖြစ်တယ်။ ဒါကြောင့် ယောက်ျားဖြစ်သူ မတော်တဆပြောလိုက်တဲ့ စကားတစ်ခွန်းဟာ သူ့ကို အပြစ်ရှာ၊ ဆူဆဲခံခဲ့ရတဲ့ သူ့ငယ်ဘ၀ကို ပြန်ရောက်သွားစေလို့ဖြစ်တယ်။
မိန်းမရဲ့အခြေအနေကို နားလည်ပြီးနောက် အဲဒီစကားကို သူအလွယ်တကူ မပြောတော့ကြောင်း ယောက်ျားဖြစ်သူက အပြုံးနဲ့ပြောပါတယ်။ နောက်ပြီး မိန်းမအလုပ်များတဲ့အချိန် ကိုယ်တိုင်လည်း ပစ္စည်းတွေ ကူသိမ်းပေးတတ်လို့ ငြင်းခုန်ရန်ဖြစ်တာတွေ နည်းသွားတယ်လို့ ဆိုပါတယ်။
ရန်ဖြစ်လေ ပိုချစ်လေ ဖြစ်စေမယ်
ရန်ဖြစ် ငြင်းခုန်ခြင်းရဲ့နောက်မှာ ကိုယ့်စိတ်နဲ့ တစ်ဘက်လူရဲ့စိတ်ထဲမှာ ဖြေရှင်းလို့မရတဲ့ အစိုင်အခဲတွေရှိသေးကြောင်း သိစေပါတယ်။ အဲဒီအစိုင်အခဲတွေကို တမင်တကာပဲဖြစ်ဖြစ်၊ မတော်တဆပဲဖြစ်ဖြစ် ထိမိခဲ့ရင် မြေမြှုပ်ဗုံး နင်းမိသလို ချက်ချင်းပေါက်ကွဲတတ်တယ်။
အိမ်ထောင်ရေးနဲ့ Gender relations ကို လေ့လာတဲ့ စိတ်ရောဂါဆရာဝန် Mrs.Zhaoက ရန်ဖြစ်တယ်ဆိုတာ တစ်ဘက်သားနဲ့ ကိုယ့်ကိုယ်ပိုနားလည်စေတဲ့ အကောင်းဆုံးအခွင့်အရေးလို့ ဆိုပါတယ်။ ဒါပေမယ့် ဘယ်လိုရန်ဖြစ်မှ တစ်ဘက်သားကို ပိုနားလည်၊ ပိုရင်းနှီးစေမလဲ?
Mrs Zhaoက တစ်ဘက်သားအပေါ်ထားတဲ့ ကိုယ့်ရဲ့ အပြစ်တင်မှု၊ စိတ်တိုဒေါသထွက်မှုစတဲ့ ပေါက်ကွဲငြင်းခုန်တဲ့ဖြစ်ရပ်တွေကို အချင်းချင်း ဆက်ဆံပြောဆိုလို့ရတဲ့ အနေအထား၊ အချင်းချင်း လိုအပ်ချက်တွေကို ထုတ်ဖော်ပြောဆိုတဲ့ အနေအထားအဖြစ်သို့ ပြောင်းလဲပစ်ဖို့ အကြံပေးပါတယ်။
ဥပမာ-- ကိုယ်စိတ်တိုဒေါသထွက်တဲ့အချိန် ဘာဖြစ်လို့ ဒီလိုခံစားချက်မျိုးကို ကိုယ်ခံစားရသလဲဆိုပြီး အရင်ဆန်းစစ်ရမယ်။ ကိုယ့်ထင်မြင်ချက်တွေ ခြိမ်းခြောက်ခံနေရပြီလား? ဒါမှမဟုတ် ကိုယ်အလေးထားတဲ့လူ/အရာက ကိုယ့်ကိုယ်ထိခိုက်စေခဲ့တာလား? ဒါမှမဟုတ် ကိုယ်တောင်းဆိုတဲ့ တောင်းဆိုချက်တွေ မပြည့်ဝခဲ့လို့လား? ကိုယ့်ခံစားချက်ကို အရင်ဆန်းစစ်ပြီး တစ်ဘက်သားနဲ့ ကိုယ့်ရဲ့ခြားနားချက်ကို ရှာရမယ်။ သူ့ဘာဖြစ်လို့ ဒီလိုလုပ်၊ ဒီလိုပြောရတာလဲ? စသည်ဖြင့် ကိုယ်ရှုထောင့်ကနေပဲကြည့်ပြီး စိတ်တိုဒေါသထွက်ဖို့ မဟုတ်သလို ကိုယ့်ထင်မြင်ချက်၊ ယူဆချက်ကိုပဲ ခေါင်းမာတင်းခံနေဖို့ မဟုတ်ပါဘူး။
ဒါကိုနောက်ဥပမာနဲ့ ထပ်ပြရရင် အချိန်တိုင်းအလုပ်များပြီး ညမှ အိမ်ပြန်ရောက်တတ်တဲ့ ယောက်ျားဖြစ်သူဟာ ရုံးပိတ်ရက်မှာတောင် အိမ်မကပ်ဘဲ သူငယ်ချင်းတွေနဲ့ golf သွားရိုက်တယ်။ ဒါကို မိန်းမဖြစ်သူက ရုံးပိတ်ရက်ဆိုရင် အိမ်မှာပဲနေသင့်ကြောင်း စိတ်တိုဒေါသထွက်တယ်။ ဒါနဲ့ပဲ လင်မယားနှစ်ယောက် ရန်ဖြစ်ကြတယ်။ ဒါကို Mrs. Zhao က ဒီလိုအကြံပေးပါတယ်။ ပထမဦးဆုံး မိန်းမဖြစ်သူဟာ ကိုယ့်တောင်းဆိုးမှုတွေ ဘာမပြည့်ဝသလဲလို့ အရင်ဆန်းစစ်သင့်တယ်။ (ယောက်ျားဖြစ်သူ ကိုယ့်အနားမှာပဲ ရှိစေချင်တဲ့ ဆန္ဒလား? ဒါမှမဟုတ် အိမ်မှုကိစ္စ ကူလုပ်စေချင်တာလား?) နောက်ပြီး ယောက်ျားက ဘာဖြစ်လို့ golf ရိုက်ဖို့ သွားကိုသွားရတာလဲ? (လုပ်ဖော်ကိုင်ဖက်တွေကြောင့်လား? စိတ်အပန်းဖြေဖို့နဲ့ ကျန်းမာရေးအတွက်လား?) နှစ်ဦးနှစ်ဘက်ကြားမှာ ကိုက်ညှိနိုင်တဲ့အမှတ်တစ်ခုကို ရှာမတွေ့နိုင်တော့ဘူးလား? ဥပမာ- ယောက်ျားက အပတ်တိုင်း golf ထွက်မရိုက်ဘူး ဒါမှမဟုတ် golf ကစားပြီးလည်း ညနေစာ အိမ်ပြန်စားမယ်။ မိန်းမဖြစ်သူကလည်း ကိုယ့်တောင်းဆိုမှု၊ ကိုယ့်ဆန္ဒမှန်သမျှ လင်ယောက်ျားကိုပဲ မှီခိုနေဖို့မလိုဘဲ ကိုယ့်သူငယ်ချင်း၊ ကိုယ့်မိတ်ဆွေတွေနဲ့လည်း စိတ်ပျော်ရွှင်ရာတွေ ရှာနိုင်ကြောင်း သိနားလည်သင့်တယ်။
အချစ်၊ ယုံကြည်မှုကို တည်ဆောက်မယ်
သဘောထားကွဲလွဲမှုတွေကို ဖြေရှင်းနိုင်ခဲ့ပြီး (၁၀)နှစ်တိုင် မိသားစုပညာပေး ဆွေးနွေးလုပ်ငန်းတွေ လုပ်ဆောင်ခဲ့တဲ့ Zhao Wen Tao က လင်မယားကြားမှာ အလွယ်တကူ ငြင်းခုန်ရဖြစ်တတ်တဲ့ အရာတွေကို ဖြေရှင်းနိုင်တဲ့နည်းနဲ့ အကြံတွေကို ပေးပါတယ်။
အခုခေတ် အလယ်အလတ်တန်းစား ဇနီးမောင်နှံတွေဟာ များသောအားဖြင့် ငွေကြေးကိစ္စနဲ့ ရန်ဖြစ်လေ့ရှိကြတယ်။ မိန်းကလေးတွေဟာ ယောက်ျားတွေနဲ့ ရင်ဘောင်တန်းပြီး အလုပ်လုပ်လာကြတဲ့အတွက် အရင်ကထက် ပိုခေါင်းထောင်ရဲလာကြတယ်။ ဒါပေမယ့် ရန်ဖြစ်ငြင်းခုန်ရခြင်းမှာ ငွေကြေးက အဓိကမဟုတ်ဘဲ နှစ်ဦးစလုံးရဲ့ နောက်ခံဆက်စပ်မှုနဲ့ လုံခြုံမှုက ပိုအဓိကကျတယ်လို့ Zhao Wen Tao ကပြောပါတယ်။
ယောက္ခမ ချွေးမကြား ပြဿနာက လင်ယောက်ျားအပေါ်မှာ မူတည်တယ်။ လင်ယောက်ျားက ကြားဝင်ပြီး ဖျန်ဖြေသင့်တယ်။ မိန်းမရှေ့မှာဆိုရင် မိန်းမကိုနှစ်သိမ့်ပေးပြီး ကိုယ့်မိခင်ရှေ့မှာ မိခင်ရဲ့ခံစားချက်ကို နားလည်ပေးရမယ်။ နှစ်ဦးနှစ်ဘက်ရဲ့ လိုအင်ဆန္ဒကို ဖြည့်ဆည်းပေးတတ်ရမယ်။
ထို့အတူ တကယ်လို့ ယောက္ခမဘက်က ဒါမှမဟုတ် ကိုယ့်မိသားစုဘက်က ကိုယ့်အိမ်ထောင်ရေးကို လိုအပ်တာထက် ၀င်စွက်ဖက်ရင် ကိုယ့်မိသားစုအသီးသီးနဲ့ အကျိုးအကြောင်း ဆက်ဆံပြောဆိုသင့်တယ်။ မီးလောင်ရာ လေပင့်ပြီး ပြဿနာကို မျက်ကွယ်မပြုသင့်ဘူး။
ကလေးကိစ္စနဲ့ ရန်ဖြစ်ကြတဲ့ လင်မယားတွေကိုလည်း Zhao Wen Taoက မကြာခဏ ကြုံဖူးတယ်လို့ဆိုတယ်။ ကလေးတွေနဲ့ ရန်ဖြစ်တဲ့ကိစ္စမှာ အထူးသဖြင့် လူပျို၊ အပျိုဘောင်ဝင်စအရွယ်ဟာ မိဘတွေရဲ့ထိန်းသိမ်းမှုနဲ့ သက်ဆိုင်တာကြောင့် မကြာခဏ လင်မယားချင်း စကားများတတ်ကြတယ်။ တချို့မိသားစုက စည်းကမ်းတင်းကြပ်ပြီး တောင်းဆိုမှုတွေများတယ်။ တချို့မိသားစုက လွတ်လပ်ပွင့်လင်းပြီး ကိုယ့်ခံစားချက်ကို ထုတ်ဖော်ကြတယ်။ မတူတဲ့မိသားစုက ကြီးပြင်းလာကြတဲ့ လင်မယားတွေဟာ ကလေးတွေကို ပြုစုပျိုးထောင်ရာမှာ အခန့်မသင့် ငြင်းခုန်ရန်ဖြစ်လေ့ရှိကြတယ်။
လင်မယားအချင်းချင်း တစ်ယောက်ကောင်းကွက်ကို တစ်ယောက်မြင်တတ်ဖို့၊ ဝေဖန်တာ၊ အပြစ်ရှာတာတွေ နည်းနိုင်သမျှနည်းဖို့ Zhao Wen Tao က အကြံပေးထားပါတယ်။ ကိုယ့်ဆန္ဒအတိုင်း၊ ကိုယ်ထင်သလိုပဲဖြစ်ရမယ်၊ ကိုယ်ထင်တာမှ မှန်တဲ့ဆိုတဲ့ မျှော်လင့်ချက်တွေ မထားဖို့လည်း ဆိုထားပါတယ်။ ဥပမာပြောရရင် ကလေးတွေဟာ ဖခင်ကနေ စည်းကမ်းရှိတာတွေ သင်ကြားစေသလို မိခင်ဆီကနေ လွတ်လပ်ပွင့်လင်းတာလည်း သင်ကြားစေနိုင်ပါတယ်။
အိမ်မှုကိစ္စခွဲဝေရေးလည်း လင်မယားချင်း စကားများစေပါတယ်။ အိမ်မှုကိစ္စဆိုတိုင်း မိန်းမကိုပဲ လုပ်ခိုင်းရမယ်လို့ ထင်မြင်နေတဲ့ လင်ယောက်ျားတွေဟာ "အိမ်မှုကိစ္စတိုင်း မိန်းမကိုလုပ်ခိုင်းပြီး အိမ်ထောင်ရေးမှာ ငြင်းခုန်မှုတွေနဲ့ ပြည့်နေမယ့်အစား ငွေကုန်ကြေးကျခံပြီး အိမ်ဖော်တစ်ယောက်ရှာပြီး အိမ်ထောင်ရေးကို သဟဇာတရှိစေတာ ပိုအရေးပါတယ်" ဆိုတာမျိုး တွေးကြည့်သင့်တယ်လို့ Zhao Wen Tao က အကြံပေးထားပါတယ်။ သူထပ်အကြံပေးထားတာက အိမ်မှုကိစ္စမကူတဲ့ လင်ယောက်ျားကို တဗျစ်တောက်တောက်ရန်ရှာနေမယ့် မိန်းမဖြစ်သူကလည်း "တကယ်ပဲ ယောက်ျားကို အိမ်မှုကိစ္စခိုင်းရမလား? မိသားစုအတွက် သူပေးဆပ်နေတာတွေ မလုံလောက်သေးဘူးလား? သူမကူနိုင်တဲ့ အိမ်မှုကိစ္စကို တခြားနည်းနဲ့ မဖြေရှင်းနိုင်တော့ဘူးလား?" လို့ တွေးသင့်တယ်။ နောက်ခံဆက်စပ်မှု အကျိုးအကြောင်းကို အရင်သိအောင်လုပ်ပြီး ဖြေရှင်းနည်းကို ရှာတတ်ရမယ်။
အချစ်အတွက် ရင်းနှီးမြှုပ်နှံပါ၊ စုဆောင်းပါ
နှစ်ဦးနှစ်ဘက် ပြောဆိုဆက်ဆံရေးနဲ့ ငြင်းခုန်ရန်ဖြစ်ရေးအပြင် "အချစ်" နဲ့ "မိမိကိုယ်ကိုယ်လေးစားမှု" အပေါ်မှာလည်း ရင်းနှီးမြှုပ်နှံမှု၊ စုဆောင်းမှုတွေ များများလုပ်သင့်ကြောင်းလည်း Zhao Wen Tao က အကြံပေးထားပါသေးတယ်။ ရန်ဖြစ်ငြင်းခုန်တာနဲ့ အချစ်၊ ခံစားချက်တွေကို အလွယ်တကူ မပျက်ဆီးစေသင့်ပါဘူး။
"အချစ်"အကောင့်ထဲမှာ နှစ်ဦးနှစ်ဘက်ရဲ့ စိတ်ခံစားချက်၊ ထင်မြင်ချက်နဲ့ မျှဝေမှုတွေ စုဆောင်းထားမယ်။ မကြာခဏဆိုသလို သူ့အပေါ်ထား ကိုယ်ရဲ့ဂရုစိုက်မှု၊ ကြင်နာမှုတွေကို ထုတ်ဖော်ပြသပြီး နှစ်ဦးနှစ်ဘက်ရဲ့ အချစ်ကို မပြတ်ရှင်သန်စေမယ်။ မကြာခဏ ပွေ့ဖက်မှုတွေရှိပြီး သူ့ကောင်းကွက်ကို ချီးမွမ်းတတ်ရပါမယ်။
"မိမိကိုယ်ကိုယ်လေးစားမှု" အကောင့်ထဲမှာ ကိုယ်ဟာတန်ဖိုးရှိကြောင်း၊ လေးစားထိုက်ကြောင်း သူ့ကိုသိစေရမယ်။ ငြင်းခုန်ရန်ဖြစ်ချိန်မှာ ထိခိုက်နာကျင်စေတဲ့စကားတွေဟာ လေးစားမှုတွေလျော့စေနိုင်တာကြောင့် ရန်ဖြစ်ပြီးနောက်လည်း အရင်လို ချစ်နေတဲ့ဘ၀ကို သူလိုလိုလားလား ပြန်ရောက်စေရမယ်။
လေ့လာဆန်းစစ်ချက်တစ်ရပ်မှာ ချစ်ခင်သူရဲ့ကြားက ထိခိုက်နာကျင်စေတဲ့ စကားတစ်ခွန်းဟာ စကားကောင်း ၅ ခွန်းမှ ၁၀ခွန်းနဲ့မှ သင့်မြတ်နိုင်ကြောင်း ဆိုထားတယ်။ ဒါကြောင့် ရန်တွေမပြတ်ဖြစ်နေပြီး အချစ်အကောင့်ထဲ ဘာမှမစုဆောင်းထားရင်း တစ်ယောက်အပေါ် တစ်ယောက်ထားတဲ့ ခံစားချက်တွေဟာ အေးစက်သွားနိုင်တယ်။
တစ်ဦးနဲ့တစ်ဦး ချစ်ဖို့ရာ လွယ်ကူပေမယ့် ပေါင်းသင်းဖို့ရာခက်ပါတယ်။ ချစ်ဖို့ သင်ယူရသလို သဘောထားကွဲလွဲမှုတွေကို ဖြေရှင်းနိုင်ဖို့ ပိုသင်ယူရပါမယ်။ မသင်ယူနိုင်ခဲ့ရင် ရန်ပွဲငြင်းခုန်မှုတွေက ဘယ်တော့မှ ပြီးပြတ်နိုင်မှာ မဟုတ်ဘဲ အဖန်တလဲလဲဖြစ်နေလိမ့်မယ်။
"Groundhog Day" ဇာတ်ကားထဲကလို Philဟာ စစချင်းမှာ ကိုယ်ကြုံရသမျှကို သံသယဖြစ်တယ်။ နောက်ပိုင်းမှာ စိတ်ဓာတ်ကျပြီး မျှော်လင့်ချက်ပါမဲ့သွားတယ်။ နောက်ဆုံးမှ ကိုယ့်ကြုံသမျှအဖြစ်အပျက်ကို လက်ခံပြီး ထင်မြင်ချက်ပေးတာတွေ ရပ်လိုက်တယ်။ မပြောင်းလဲဘဲ ထပ်တလဲလဲဖြစ်နေတဲ့ နေ့ရက်တွေမှာ ကိုယ့်ကိုယ်ပျော်ရွှင်အောင်နေပြီး သူတစ်ပါးကို ဂရုစိုက်ရင်း၊ ကူညီရင်းနဲ့ ဖြတ်ကျော်ခဲ့တယ်။ ချစ်ခြင်းမေတ္တာနဲ့ ရှေ့မတိုး နောက်မဆုတ်သာတဲ့အချိန်တွေကို ကျော်ဖြတ်ခဲ့ပါတယ်။
မူရင်း--
googlesearch or 親愛的，為什麼總是為同樣的事情吵？
နိုင်းနိုင်းစနေ ဘာသာပြန်သည်။
အချစ်ရယ်.. ဘာကြောင့် ရန်ဖြစ်ရက်တယ်
