ရင်းနှီးမြှုပ်နှံတဲ့ ကုမ္ပဏီတစ်ခုမှာ အကြံပေးပုဂ္ဂိုလ်အဖြင့် တာဝန်ထမ်းဆောင်နေတဲ့ကျွန်တော်ဟာ ကိုယ့်မိသားစု၊ ကိုယ့်ချစ်သူကို အရမ်းချစ်တတ်သူလို့ ကိုယ့်ကိုယ်ကို ထင်ခဲ့တယ်။
ကျွန်တော့်ရဲ့နေ့စဉ်အလုပ်က ဟောင်ကောင်နဲ့အမေရိကန် စတော့ပ်ဈေးကွက်တွေနောက် လိုက်တဲ့အလုပ်ဖြစ်တယ်။ ကျွန်တော့်ဘ၀အချိန်တစ်ဝက်ကို စတော့ပ်ဈေးကွက်တွေထဲ မြှုပ်နှံထားခဲ့တယ်။ ကျွန်တော်ရဲ့အားလပ်ချိန်တွေကို မိသားစု၊ ချစ်သူ၊ သူငယ်ချင်းမိတ်ဆွေတွေအတွက် ကျွန်တော်ချန်ထားပါတယ်။ "ချစ်တာနောက်ကျသွားတယ်"လို့ထင်ပြီး မိသားစု၊ ချစ်သူအတွက် အားနာတဲ့မျက်ရည်တွေ ကျွန်တော့်ပါးပေါ်စီးကျခဲ့ဖူးတယ်။ ဒါပေမယ့် မျက်ရည်တွေမခြောက်ခင် "အနာဂတ်"အတွက် ကျွန်တော်လှုပ်ရှားရပြန်တယ်။ မိသားစု၊ ချစ်သူ၊ သူငယ်ချင်းတွေကို ကျွန်တော်လျစ်လျူရှူခဲ့မိပြန်တယ်။
အိမ်တစ်ခေါက်ပြန်ဖို့ ကျွန်တော်အချိန်မပေးနိုင်ခဲ့ဘူး။ ချစ်သူဆေးခန်းပြဖို့ ကျွန်တော်အဖော် မလုပ်နိုင်ခဲ့ဘူး။ ဒီ့အတွက် အဖိုးတန်တဲ့အချိန်နဲ့ ကျွန်တော်တို့ စစ်အေးခင်းခဲ့ကြတယ်။ ဒါကို ကျွန်တော့်မိဘ၊ ကျွန်တော့်ချစ်သူ၊ သူငယ်ချင်းမိတ်ဆွေတွေ ကျွန်တော့်ကိုနားလည်ကြမယ်လို့ ကျွန်တော်ထင်ခဲ့တယ်။
မကြာခင်မှာပဲ ကျွန်တော့်မွေးနေ့ရောက်တော့မယ်။ မွေးနေ့ကို ကျွန်တော်တစ်သက် မမျှော်လင့်ခဲ့ဖူးဘူး။ မွေးနေ့ပွဲကျင်းပဖို့ ဘယ်လိုမှ မထိုက်တန်လို့ဖြစ်တယ်။ မွေးနေ့မှာ တစ်ယောက်ထဲ တိတ်တိတ်ဆိတ်ဆိတ် ကျွန်တော်နေချင်မိတယ်။ ဒီလိုနဲ့ ကျွန်းလေးတစ်ခုမှာ ဆိတ်ငြိမ်တဲ့မွေးနေ့ကို တစ်ယောက်ထဲဖြတ်ကျော်ဖို့ ကျွန်တော်ဆုံးဖြတ်လိုက်တယ်။
ညအချိန် ဘန်ဂလိုရဲ့ဝရန်တာမှာ ကျွန်တော်တိတ်တဆိတ်ထိုင်နေခဲ့တယ်။ ဆားဓာတ်ပါတဲ့ လေညင်းထဲ ကျွန်တော့်တစ်ကိုယ်လုံး နစ်ထားလိုက်တယ်။ လောကကြီးတစ်ခုလုံး ငြိမ်သက်လို့နေတယ်။ ရုတ်တရက် မှုန်ဝါးဝါးကျွန်တော့်အသိထဲမှာ သူစိမ်းတစ်ယောက်ရဲ့ စကားသံကို ကြားလိုက်မိတယ်။ သေချာနားထောင်လိုက်တော့ ကျွန်တော်ကို သူစကားပြောနေတာဖြစ်တယ်။
"..... သူငယ်၊ ဒီနေ့ မင်းရဲ့မွေးနေ့မှာ မင်းကို ထူးခြားတဲ့လက်ဆောင်တစ်ခု ကျုပ်ပေးချင်တယ်။ ဘာဖြစ်ဖြစ် မင်း တောင်းဆိုနိုင်တယ်"
ကျွန်တော်အိပ်မက်မက်နေပြီး နတ်တစ်ပါးနဲ့ ကျွန်တော်စကားပြောနေတယ်လို့ ထင်မိတယ်။ ကျွန်တော်တစ်ချက်ပြုံးလိုက်ပြီး
"နတ်မင်းလား? ဘာဖြစ်ဖြစ် ကျွန်တော်တောင်းဆိုနိုင်လား?"
"တောင်းဆိုနိုင်ပါတယ်"
"ဒီလိုဆိုရင် မျက်လုံးတစ်စုံကို ကျွန်တော်လိုချင်ပါတယ်။ စတော့ပ်ဈေးကွက်တွေ ဈေးတက်မယ့်အချိန်ကို မြင်နိုင်တဲ့ မျက်လုံးတစ်စုံလိုချင်တယ်"
"ကောင်းပြီ။ မင်းဆန္ဒပြည့်စေရမယ်"
အိပ်မက်ကနိုးလာသည့်တိုင် ကျွန်တော်ပြုံးနေတယ်။
နောက်တစ်နေ့ အလုပ်ခွင်ဆီ ကျွန်တော်ပြန်လာခဲ့တယ်။ တက်နေတဲ့ စတော့ပ်တွေကို ကြည့်ပြီး "ဘယ်နှစ်ရက် ဆက်တက်နိုင်ဦးမလဲ" လို့ ကျွန်တော်စိတ်ထဲ တွေးနေခဲ့တယ်။ အဲဒီမှာ ရုတ်တရက် "၃"ဂဏန်းတစ်ခု လင်းလက်လာတာကို ကျွန်တော်တွေ့လိုက်တယ်။ ၃ရက်နေပြီးနောက် စတော့ပ်ဈေးတွေ ကျလာတယ်။ ဒါဟာ နတ်မင်းတကယ်ပေးခဲ့တဲ့ ကျွန်တော့်မွေးနေ့လက်ဆောင်လား?
နတ်ပေးတဲ့"မျက်လုံး"နဲ့ စတော့ပ်ဈေးကွက်တော်တော်များများကို ကျွန်တော်အောင်နိုင်ခဲ့တယ်။ ဒါပေမယ့် မိသားစုနဲ့ချစ်သူကို ကျွန်တော်မတွေ့တာ ကြာခဲ့ပြီ။
ဒီနေ့ ကျွန်တော်အိမ်ပြန်ဖြစ်တယ်။ အိမ်တံခါးကိုတွန်းဖွင့်ပြီး ကိုယ့်အခန်းထဲ ကျွန်တော်တန်းတန်းမတ်မတ် ၀င်သွားတယ်။ ကျွန်တော့်နောက်မှာ မေမေရဲ့ "မနက်ဖြန် သားဖေဖေရဲ့ မွေးနေ့နော်၊ သား ထမင်းပြန်လာစားနိုင်လား?" ဆိုတဲ့အသံက လိုက်ပါလာတယ်။ မေမေ့အသံအဆုံးမှာ ဖေဖေက အလျင်စလိုနဲ့ "မလိုဘူးသား၊ သားပြန်လာစရာမလိုဘူး။ သားလုပ်စရာရှိတာလုပ်ပါ" လို့ ပြောတယ်။
အလုပ်အိတ်ကို ချပြီး ဧည့်ခန်းထဲမှာ ထိုင်နေတဲ့ ဖေဖေဆီ ကျွန်တော်လျှောက်သွားတယ်။
"ပြန်လာနိုင်ရင် သား ပြန်လာ......."
စကားကိုဆုံးအောင် ကျွန်တော်မပြောနိုင်ခဲ့ဘူး။ ရုတ်တရက် ဖေဖေ့ခေါင်းပေါ်မှာ "၃၅"ဆိုတဲ့ ကိန်းတစ်ခု လင်းသွားတာကို ကျွန်တော်တွေ့လိုက်တယ်။ ကျွန်တော် တဒင်္ဂမင်သက်သွားခဲ့တယ်။ အဲဒီနောက် အခန်းထဲ ကျွန်တော်နှေးနှေး ကွေးကွေး ၀င်ခဲ့တယ်။ ၃၅ရက်နေပြီးရင် ဖေဖေ............
ဖေဖေရဲ့မွေးနေ့မှာ ကျွန်တော်အတတ်နိုင်ဆုံး အလုပ်တွေကို လက်စသတ်ပြီး အိမ်ပြန်ခဲ့တယ်။ ကျွန်တော် အိမ်ရောက်တဲ့အချိန် ဖေဖေအိပ်နေခဲ့ပြီ။ အခန်းထဲမှာ ကလေးငယ်တစ်ယောက်လို ကျွန်တော်အော်ငိုမိတယ်။
၃ရက်နေပြီး အလုပ်ကို ကျွန်တော်ခွင့်တင်လိုက်တယ်။ ပြီးတော့ မိဘတွေနဲ့အတူ မနက်စာစားဖြစ်တယ်။ ဖေဖေရဲ့ခေါင်းပေါ်မှာ "၃၄"ဆိုတဲ့ကိန်းကို လင်းခနဲ ကျွန်တော်တွေ့လိုက်တယ်။ ဖေဖေကို ကျွန်တော်တွေ့နိုင်တဲ့နေ့ရက်တွေ ဒီလောက်ရက်လေးပဲ ကျန်တော့တယ်။ မေမေ့ဘက်ကို ကျွန်တော်ဖြေးဖြေးလေး လှည့်ကြည့်လိုက်တယ်။ မေမေ့ခေါင်းပေါ်မှာလည်း "၄၅"ဆိုတဲ့ဂဏန်းကို ကျွန်တော်တွေ့လိုက်တယ်။ တကယ်တော့ မိသားစုနဲ့ကျွန်တော်နေထိုင်နိုင်မယ့်ရက်တွေက တဖြေးဖြေး ရက်ရက်စက်စက် နောက်ပြန်ရေတွက်နေခဲ့ပါပြီ။ ကျွန်တော့်ရင်ဘတ်တစ်လုံး အောင့်တက်လာတယ်။ နာကျင်လာတယ်။
တနင်္ဂနွေနေ့မှာ ကျွန်တော်ရဲ့ဥပေက္ခာပြုခံထားရတဲ့ ချစ်သူဆီက ဖုန်းကို ကျွန်တော်ရလိုက်တယ်။ ကျွန်တော့်ကို ချစ်သူက တွေ့ချင်ပါတယ်တဲ့။ ဆိုင်တစ်ဆိုင်မှာ ကျွန်တော်တို့ ချိန်းလိုက်ကြတယ်။ အဲဒီဆိုင်က အစားအစာတွေကို ချစ်သူအရမ်းကြိုက်မှန်း ကျွန်တော်သိတယ်။ ဒါပေမယ့် သူနဲ့အတူစားသောက်ဖို့ အရင်က ကျွန်တော်အချိန်မပေးနိုင်ခဲ့ဘူး။ ကျွန်တော်ရောက်ပြီး နာရီဝက်အကြာမှာ ချစ်သူကို ဆိုင်တံခါးဝမှာ ကျွန်တော်တွေ့လိုက်တယ်။ ချစ်သူရဲ့ဦးခေါင်းထက်မှာ "၁"ဂဏန်းကို ကျွန်တော်တွေ့လိုက်သလို ချစ်သူဘေးမှာလည်း "သူ"တစ်ယောက်ကို တွေ့လိုက်တယ်။ အဲဒီနောက်ပိုင်း ချစ်သူကို ကျွန်တော်လုံးဝ မတွေ့ခဲ့ရတော့ပါဘူး။
တစ်ပတ်နေပြီးနောက် အလုပ်ကနေ ကျွန်တော်ထွက်စာတင်လိုက်ပြီး အိမ်သူ၊ အိမ်သား မိသားစုဘေးမှာပဲ အတတ်နိုင်ဆုံး ကျွန်တော်နေခဲ့တယ်။ စုဆောင်းထားတဲ့ ငွေကြေးတွေနဲ့ ခရီးအတူထွက်ကြတယ်။ ဖေဖေ ဆေးရုံတက်တဲ့အထိ၊ ဖေဖေ့ခေါင်းပေါ်က ဂဏန်းတွေ ခုဂဏန်းပြောင်းသွားတဲ့အထိ သူတို့ဘေးမှာ ကျွန်တော်ရှိနေခဲ့တယ်။ ဖေဖေရဲ့နောက်ဆုံးရက်တွေမှာ ဖေဖေနဲ့မျက်နှာချင်းမဆိုင်ရဲလို့ အတတ်နိုင်ဆုံး ကျွန်တော်ရှောင်ခဲ့တယ်။ မျက်နှာချင်းဆိုင်ခဲ့ရင်လည်း ကျွန်တော်ခေါင်းငုံ့ပြီးနေတယ်။ ဖေဖေ့ခေါင်းပေါ်က ဂဏန်းတွေ "၃" "၂" "၁"အဖြစ် ပြောင်းသွားတာကို ကျွန်တော်ရင်မဆိုင်ရဲခဲ့ဘူး။
ဖေဖေ့ခေါင်းပေါ် "၁"ဂဏန်းတွေ့တဲ့နေ့က လူနာခန်းထဲကနေ ကျွန်တော်ထွက်လာခဲ့ပြီး လမ်းပေါ်မှာ လျှောက်သွားနေမိတယ်။ ကျွန်တော်ပါးပေါ်မှာ မျက်ရည်တွေ အဆက်မပြတ်စီးလို့နေတယ်။ မျက်စိရှေ့ကအရာတွေ မှုန်ဝါးဝါးဖြစ်နေခဲ့တယ်။ ဆေးရုံဝမှာ မေမေကို ကျွန်တော်တွေ့လိုက်တယ်။ မျက်ရည်တွေကို သုတ်ပြီး မေမေကို ကွှန်တော်ကြည့်လိုက်တယ်။ မေမေ့ခေါင်းပေါ်မှာ "၁" ဂဏန်းကို ကျွန်တော်ရုတ်တရက်တွေ့လိုက်တယ်။ ဂယောင်ချောက်ချား ဘေးဘီကို ကျွန်တော်လှည့်ကြည့်လိုက်တယ်။ လမ်းသွားလမ်းလာတွေရဲ့ ခေါင်းပေါ်မှာလည်း "၁"ဂဏန်းလင်းနေတာကို တွေ့လိုက်မိတယ်။ ကျွန်တော် ကြောက်လန့်တကြား နောက်ကိုခြေတစ်လှမ်း ဆုတ်လိုက်မိတယ်။ ရုတ်တရက် ဘတ်စ်ကားတစ်စီး ကျွန်တော့်ဆီ အရှိန်ပြင်းပြင်း ပြေးဝင်လာတယ်။ တုန့်ပြန်ဖို့အချိန်မရလိုက်ခင် ကျွန်တော်မျက်စိရှေ့အရာအားလုံး မှောင်အတိကျသွားခဲ့တယ်။
အလင်း...... အလင်းတန်းတစ်ခုကို ကျွန်တော်တွေ့လိုက်တယ်။ အော်... မိုးတောင်စင်စင်လင်းနေပြီ။ ပတ်ဝန်းကျင်ကို ကြည့်လိုက်တော့ ကမ်းခြေတစ်ခုက ဘန်ဂလိုဝရန်တာမှာ ကျွန်တော်ရောက်နေတယ်။ အိပ်မက်ထဲက နတ်မင်းပေးတဲ့ "မွေးနေ့လက်ဆောင်" ကို ကျွန်တော်ကျေးဇူးတင်မိတယ်။ ဒီလက်ဆောင်ကြောင့် ကျန်ရှိနေတဲ့လမ်းကို ဘယ်လိုဆက်လျှောက်ရမယ်ဆိုတာကို ကျွန်တော်နားလည်လိုက်တယ်။
နောက်ပြန်ရေတွက်တဲ့ကိန်းကိုတွေ့မှ ကျွန်တော်တို့ဟာ မိသားစု၊ ချစ်သူ၊ သူငယ်ချင်း မိတ်ဆွေ၊ ဆွေမျိုးသားချင်းတွေကို "ဒီတစ်ကြိမ်ပဲ တွေ့ရတော့မယ်" ဆိုပြီး တန်းဖိုးထားကြမလား?
ဒီနေ့ကစ မိဘ၊ ဆွေမျိုးသားချင်း၊ သူငယ်ချင်း၊ မိသားစု၊ ချစ်သူရည်းစားတွေနဲ့ တွေ့ဆုံတဲ့အခါ တန်ဖိုးထားတတ်ကြဖို့ ကျွန်တော်တိုက်တွန်းချင်ပါတယ်။ အကြောင်းက နောက်ပြန်ရေတွက်တဲ့ကိန်းတွေ ကျွန်တော်တို့ဆီ အချိန်မရွေး ကျရောက်နိုင်လို့ဖြစ်တယ်!
http://share.youthwant.com.tw/sh.php?id=31022906&do=D
နိုင်းနိုင်းစနေ ဘာသာပြန်သည်။
