ဒီနေ့ တနလာင်္နေ့က အမေရိကန်ရဲ့ အလုပ်သမားနေ့တဲ့... အလုပ်သမားနေ့မှာ အလုပ်သမားဖြစ်တဲ့ ကျွန်မတို့လည်း မနားမနေ နားရတာပေါ့။ စနေ၊ တနင်္ဂနွေနေ့တွေပါ ထပ်ပေါင်းလိုက်တော့ နားရတဲ့ရက်က များသွားတယ်။ အဲဒီလိုနဲ့ နားရက်မှာ တစ်နေရာရာသွားရအောင်ဆိုတာနဲ့ ၂ညအိပ် ၃ရက်ခရီးဖြစ်တဲ့ မြောက်အမေရိကတိုက်နဲ့ ကနေဒါကြားမှာရှိတဲ့ နိုင်ဂရာရေတံခွန်ကို ရောက်ဖြစ်ခဲ့တယ်။ tourကားနဲ့သွားတာမို့ လက်မှတ်နှစ်စောင်ဝယ်ရင် တစ်စောင်အလကားရတယ်ဆိုလို့ အသိမိတ်ဆွေတစ်ယောက် ပေါင်းသုံးယောက် အတူသွားခဲ့ကြတယ်။
စစချင်းမှာ ကားကို နယူးယောက်က Manhattan တရုတ်တန်းမှာ အစောကြီးသွားစီးရတယ်။ tour guide အဖြစ်လိုက်ပါတဲ့သူက တရုတ်မလေးမို့ ကားထွက်တာနဲ့ Manhattanတရုတ်တန်းအကြောင်းကို သူက စမိတ်ဆက်ပေးပါတယ်။ Manhattanတရုတ်တန်းက အမေရိကားမှာရှိတဲ့ အကြီးဆုံး၊ အစည်ဆုံးတရုတ်တန်းလို့ ဆိုပါတယ်။ တရုတ်တန်းတည်တာက နှစ်ပေါင်း ၁ဝဝကျော်ရှိခဲ့ပြီလို့ ဆိုတယ်။ ဟိုးအရင်တုန်းကတော့ ဒီတရုတ်တန်းနေရာမှာ ဂျုးလူမျိုးတွေ နေထိုင်ကြသတဲ့။ နောက်တော့ တရုတ်တွေ ကျူးကျော်ဝင်ရောက်လာလို့ ဂျုးတွေက တခြားနေရာကို တဖြေးဖြေး ပြောင်းရွေ့သွားကြတယ်လို့ ပြောပါတယ်။ ဒီတရုတ်တန်းနဲ့ ကပ်ရက်မှာ littleအီတလီဆိုတဲ့ နေရာတစ်ခုရှိပါသတဲ့။ ဒီ အီတလီရွာလေးလည်း ဘယ်တော့နေရာပျောက်မယ် မသိပါဘူး.. တရုတ်တွေ တဖြေးဖြေးကျုးကျော်လိုက်တာ အခုဆိုရင် အီတလီနေတဲ့နေရာက ဘလောက်နှစ်ခုလောက်ပဲ ကျန်တော့တယ်လို့ တရုတ်မလေးက ပြောပြပါတယ်။
Tour Guideဆိုတဲ့အတိုင်း တရုတ်မလေးက ဟိုနေရာရောက်ရင် ဘာရှိတယ်၊ ဒီနေရာရောက်ရင် ဘာဖြစ်တယ်၊ ဟိုတံတားက ဘယ်လို စတာတွေနဲ့ ကားပေါ်ကလူတွေကို စိတ်ဝင်တစား ဆွဲဆောင်ထားပါတယ်။ ကျွန်မလည်း သူညွန်ပြရာဖက် လှည့်ကြည့်လိုက်၊ သူပြောပြတာကို ခေါင်းထဲဝင်အောင် အမြန်လိုက်မှတ်လိုက်နဲ့ ခေါင်းကဟိုရမ်းဒီရမ်းဖြစ်နေခဲ့တယ်။ သူပြောတာတွေ မှတ်မိသလောက်တော့ ဒီမှာ ပြန်မျှဝေလိုက်ပါတယ်...
တရုတ်မက မေးပါတယ်.. နယူးယောက်မြို့ရဲ့ nick name ကို သိသလားတဲ့.. သိတဲ့လူတွေလည်း သိကြသလို မသိတဲ့လူတွေလည်း မသိကြပါဘူး။ ကျွန်မလည်း မသိပါဘူး.. တခြားခရီးသွားတွေဖြေမှပဲ သိရတာပါ။ နယူးယောက်မြို့ရဲ့ nick name က "Big Apple"လို့ ဆိုကြပါတယ်။
ဖြစ်ပေါ်လာပုံအမျိုးမျိုးထဲမှာ (၁၉၂ဝ)ခုနှစ်က John J. Fitz Gerald လို့ခေါ်တဲ့ သတင်းထောက်တစ်ယောက်ဟာ အမေရိကန်ထဲပြောင်းရွေ့လာတဲ့ လူမည်းတစ်ယောက်နဲ့ စကားစမြည်ပြောရာက လူမည်းက နယူးယောက်မြို့ကို ပြောင်းရွေ့လာရတာ အရမ်းဝမ်းသာကြောင်း၊ သူတို့ရဲ့အကြည့်ထဲမှာ နယူးယောက်မြို့ဟာ ရွှေတွေဖြန့်ခင်းထားတဲ့ မြို့နဲ့တူကြောင်း၊ ပန်းသီးတစ်လုံးလို မြင်သူတိုင်းကို တစ်ကိုက်ကိုက်စားစေချင်ကြောင်း တင်စားပြောလိုက်တာကစ ဒီလိုအခေါ်ဖြစ်လာခဲ့တယ်လို့ ဆိုထားပါတယ်။
တရုတ်မလေးပြောတာကတော့ နယူးယောက်မြို့ပတ်လည်က နယူးဂျာစီ၊ ဂျာစီစီတီး.. စတဲ့မြို့ငါးမြို့က နယူးယောက်ကို ပန်းသီးတစ်လုံးလို ဝန်းရံထားလို့လို့ဆိုပါတယ်။ အပြည့်အစုံကိုတော့ အင်တာနက်မှာ ရှာဖွေ ဖတ်ရှုကြည့်နိုင်ပါတယ်။
မနက်(၈)နာရီထွက်တဲ့ကားက နယူးယောက်မြို့ကိုဖြတ်၊ မြို့ငယ်လေးတွေကိုဖြတ်ပြီး ဟိုင်းဝေးလမ်းမပေါ်ရောက်သွားတော့ တရုတ်မလေးက ပြောရတာမောသွားလို့ထင်ပါရဲ့ အားလုံး တရေးတမောအိပ်နိုင်ပါတယ်ဆိုပြီး ခရီးသည်တွေရဲ့နားကို အနားပေးလိုက်ပါတယ်။ ကျွန်မကတော့ ကင်မရာတစ်လုံးနဲ့ မြင်မြင်သမျှအရာတွေကို လှမ်းရိုက်ရင်း အလုပ်ရှုပ်နေခဲ့တော့တယ်။
ကျွန်မတို့ဖြတ်သွားတဲ့ လမ်းဘေးဝဲယာတွေမှာ ပြောင်းစိုက်ခင်းတွေ၊ ပန်းဝါဝါလေးတွေ တွေ့ရတယ်။ စစချင်းတော့ ဒီပန်းဝါဝါတွေကို နှမ်းခင်းလို့ ကျွန်မထင်ခဲ့တယ်။ တကယ်တော့ နှမ်းခင်းမဟုတ်ဘဲ ခိုင်ရွှေဝါပန်းတွေ အလေ့ကျပေါက်ပြီး ဖူးပွင့်နေတယ်ဆိုတာကို ကားရပ်နားဂိတ်ရောက်မှ တွေ့လိုက်ရတယ်။ တကယ်ပါ တစ်လမ်းလုံး ဝါဝင်းနေပြီး တချို့နေရာတွေမှာ ပန်းဖြူဖြူလေးတွေ၊ ကြက်သွေးရောင်ပန်းတွေနဲ့ ရောပေါက်နေရင် ရောင်စုံပန်းပင်လယ်ကြီး အတိုင်းပါပဲ... အရမ်းကို လှပါတယ်။
ကျွန်မလည်း ကားပေါ်မှာ အိပ်ပျော်သွားလိုက်၊ နိုးလာရင် ဓာတ်ပုံတွေလိုက်ရိုက်လိုက်နဲ့ ညနေ(၃)နာရီကျော်လောက်မှ Thousand Islandsလို့ခေါ်တဲ့ ကနေဒါနဲ့ အမေရိကန်နယ်စပ် Saint Lawrence Riverထဲမှာရှိတဲ့ ကျွန်းပေါင်း(၁၈၆၅)ကျွန်းဆီ ရောက်သွားခဲ့ပါတယ်။ ကျွန်းတွေက ရာသီဥတုအခြေအနေ၊ ဒီရေအတက်အကျနောက်လိုက်ပြီး ပေါ်လိုက်ပျောက်လိုက်ရှိနေတယ်လို့ ဆိုပါတယ်။ အဲဒီကျွန်းကိုပတ်ဖို့ ကျွန်မတို့ စက်လှေစီးရပါတယ်။
ချမ်းသာတဲ့လူတွေက ကျွန်းကြီးတွေကိုဝယ်ပြီး ဒီလို အပန်းဖြေနေအိမ်တွေ၊ ရဲတိုက်တွေကို ဆောက်ထားကြပါတယ်။ စက်လှေပေါ်မှာ ရှင်းပြတဲ့လူကြီးကတော့ ဟိုဟာက ဘယ်သူအိမ်၊ ဒီဟာက ဘယ်သူ့ကျွန်းဆိုပြီး ပြောပြပါတယ်။
By netchicken: posted on 11-9-2007
(ကျွန်မရိုက်လာတဲ့ပုံ ဘယ်ကင်မရာထဲ ပါသွားမှန်းမသိလို့
google imageကနေ ရှာထားတဲ့ပုံကို တင်လိုက်ပါတယ်)
လမ်းတစ်လျှောက် မြင်မြင်သမျှကျွန်းတွေကို ဓာတ်ပုံတွေရိုက်လာလိုက်တာ ကနေဒါရေပိုင်နက်ထဲ ကျွန်မတို့ရောက်မှန်းမသိ ရောက်လာခဲ့ပါတယ်။ ပုံမှာမြင်ရတာကတော့ အမေရိကန်ကပိုင်တဲ့ကျွန်းနဲ့ ကနေဒါကပိုင်တဲ့ ကျွန်းလေးပါ။ အဲဒီကျွန်းကို တံတားလေးနဲ့ ဆက်သွယ်ထားပါတယ်။ ကမ္ဘာပေါ်မှာ အတိုဆုံး၊ အသေးဆုံး နယ်နိမိတ်ခြား တံတားလေးပါတဲ့။ ကျွန်းပေါင်းတစ်ထောင်ကျော်ကျွန်းကို ပတ်ပြီးနောက် ဟိုတယ်မှာ ညတည်းဖို့ ဟိုတယ်ရှိရာနေရာကို ၃ နာရီကျော်ကြာ ကျွန်မတို့ ခရီးနှင်ခဲ့ကြပါတယ်။
နောက်တစ်နေ့ စနေနေ့မနက်(sept,3)မှာ ကျွန်မတို့အစောကြီးထပြီး နယ်နိမိတ်ခြား နာမည်ကြီးရေတံခွန်(၃)ခ&
