နှစ်သစ်တစ်ခါ ရောက်ရှိလာ~~~

မနေ့က"စိုင်း"ကို ဂျီတော့ခ်ပေါ်မှာတွေ့လို့ လှမ်းခေါ်လိုက်တော့ သူက တာချီလိတ်မှာ လားဟူနှစ်ကူးပွဲရှိတယ်တဲ့။ ဒါနဲ့ ပွဲသွားလည်ရင် ပုံတွေရိုက်ပေးခဲ့ဦးလို့ ပူဆာလိုက်တော့ တာချီလိတ်က (၂ဝ၁၂)လားဟူနှစ်သစ်ကူးပွဲကို တွေ့ခွင့်ရခဲ့တယ်။ နှစ်ကူးပွဲက ၁၉ရက်နေ့ကနေ ၂၁ရက်နေ့ထိဆိုတော့ သူ့ကိုဂျီတော့ခ်ကနေ လှမ်းခေါ်မိတာ အချိန်မီသားပဲလို့ တွေးမိတယ်။ တာချီလိတ်က လားဟူနှစ်ကူးပွဲကို ကိုယ်တိုင်ဝင်မနွှဲရတာ ၂နှစ်တောင်ရှိသွားခဲ့ပြီ။ ဘာလိုလိုနဲ့ အချိန်တွေက အရမ်းအကုန်မြန်လိုက်တာ.... အခုပဲ နှစ်ကူး.. အခုပဲ သင်္ကြန်.. အခုပဲ ခရစ္စမတ်.. အသက်ကြီးလာလေ အချိန်တွေအကုန်မြန်လေ.. ဘာမှ ရေရေရာရာ မလုပ်ရသေးခင် အချိန်က တစ်နှစ်ပြီးတစ်နှစ် ကုန်သွားခဲ့ပြန်ပြီ။ ဒါနဲ့.. တာချီလိတ်က ချိုင့်ခွက်လမ်း တော်တော်ချောသွားသလိုပဲ...

နှစ်စဉ်နှစ်တိုင်း ထင်းရူးတွေ အညွှန့်ထွက်ချိန်၊ မက်မွန်တွေ အပွင့်ပွင့်ချိန်မှာ ကျင်းပမြဲဖြစ်တဲ့ နှစ်သစ်ကူးပွဲတော်ဟာ လားဟူလူမျိုးတို့ရဲ့ စည်းလုံးညီညွတ်မှုနဲ့ အပြန်အလှန် မှီခိုဆက်ဆံမှုတွေကို ဖော်ကျူးတဲ့ ရိုးရာပွဲတော်ပါ။

လားဟူအမျိုးသားတွေဟာ မြန်မာပြည်မှာရှိတဲ့ အခြားတောင်ပေါ်သားများလိုပဲ သူတို့ရဲ့ နှစ်သစ်ကူးပွဲတော်ကို တောင်ယာစပါးတွေ ရိတ်သိမ်းပြီးချိန်နဲ့ နောက်တစ်ကြိမ် မစိုက်ပျိုးမီကြား အလုပ်နားချိန်မှာ ကျင်းပလေ့ရှိကြပါတယ်။ လားဟူအမျိုးသားတွေ ကျင်းပတဲ့ နှစ်သစ်ကူးပွဲတော်ဟာ နှစ်သစ်ကိုကြိုဆိုပြီး လူကြီးမိဘတွေကို အရိုအသေပေးတဲ့ပွဲဖြစ်သလို နောက်နှစ်အတွက် စပါးသီးနှံတွေ ဖြစ်ထွန်းမှု ရှိမရှိ နိမိတ်ဖတ်တဲ့ပွဲနဲ့ အိမ်ထောင်ဖက် ရှာတဲ့ပွဲလည်းဖြစ်ပါတယ်။

အဲဒီလို ရိုးရာအစဉ်အလာတွေနဲ့ ကျင်းပတဲ့အခါမှာ လားဟူအမျိုးသားတွေဟာ နေရာဒေသနဲ့ ဘာသာအယူဝါဒတွေ အပေါ်မှာ အခြေခံပြီး ပွဲတော်ကျင်းပတဲ့နေရာ မတူညီကြပါဘူး။ ကျင်းပတဲ့နေ့တွေဟာ ခရစ်ယာန်ဘာသာကိုးကွယ်သူတွေကတော့ ခရစ်နှစ်သစ်ကူးချိန် ဇန်န၀ါရီလ၁ရက်နေ့မှာ ကျင်းပလေ့ရှိပြီး ရိုးရာနတ်ကိုးကွယ်သူတွေကတော့ မိမိတို့သတ်မှတ်ရာနေ့ရက်နဲ့ တရုတ်ပြည်မှာ နေထိုင်သူတွေကတော့ တရုတ်နှစ်သစ်ကူးရက်မှာ ကျင်းပလေ့ရှိတယ်လို့ သိရပါတယ်။

နှစ်သစ်ကူး ပထမနေ့ရက်မှာ ရွာထဲမှာရှိတဲ့လူတွေ အပြင်မထွက်ရသလို အပြင်မှာရှိတဲ့လူတွေလည်း ရွာထဲကိုမဝင်ဘဲ ဥပုသ်ပြုရပါတယ်။ အဲဒီနေ့ရက်မှာ ခရီးထွက်ရင် တစ်နှစ်လုံး ခရီးထွက်ရတတ်တယ်လို့ ယုံကြည်ကြတာကြောင့်ဖြစ်ပါတယ်။

ဒုတိယနေ့ရက်မှာတော့ တစ်ရွာလုံး စုပေါင်းထမင်းစားပွဲ ကျင်းပကြပြီး တစ်နေ့လုံး တီးမှုတ်ကခုန်ကြပါတယ်။ အဲဒီလို ကပွဲအတွက် ရွာသူကြီးက တာဝန်ယူမလား၊ ရွာသားတွေအားလုံး စုပေါင်းတာဝန်ယူမလားဆိုပြီး နှစ်သစ်ကူးမတိုင်ခင်မှာ စည်းဝေးပြီး ဆုံးဖြတ်ခဲ့ကြပါတယ်။ ကပွဲကျင်းပရာ ပွဲလယ်မှာတော့ ထင်းရူးပင်တစ်ပင် ကိုစိုက်ပြီး အပင်ရင်းမှာ စားပွဲခုံတစ်လုံး ချထားပါတယ်။ ကွင်းလယ်မှာစိုက်ထားတဲ့ သစ်ပင်ကိုတော့ နှစ်သစ်ကူး သစ်ပင်လို့ သတ်မှတ်ပါတယ်။ အဲဒီစားပွဲပေါ်မှာ နောက်နှစ်စိုက်ပျိုးမဲ့ မျိုးစေ့တွေကို တင်ထားပြီး အသီးအနှံတွေ အောင်မြင်ဖြစ်ထွန်းစေဖို့ ဆုတောင်းကြပါတယ်။

လားဟူလူမျိုးတို့ရဲ့ ပြက္ခဒိန်ရက် သတ်မှတ်မှုတွေဟာ တရုတ်လူမျိုးတို့နဲ့ ဆင်တူပါတယ်။ တစ်ပတ်မှာ နေ့ရက် ၁၂ရက်ရှိပြီး ရက်တွေကို ခွေးတို့၊ နွားတို့၊ မြွေတို့စတဲ့ တိရိစ္ဆာန်အမည်တွေနဲ့ သတ်မှတ်ထားပါတယ်။ အဲဒီရက်တွေထဲကမှ ယုန်ရက်၊ ကျားရက်နဲ့ နဂါးရက်တွေက နေ့ထူးနေ့မြတ်တွေဖြစ်တယ်။

（1916、1928、1940、1952、1964、1976、 1988、2000、2012）မှာ ဖွားမြင်သူတွေဟာ နဂါးနှစ်ဖွားတွေ ဖြစ်တယ်။ နဂါးနှစ်ဖွားတွေဟာ သန်မာတဲ့ခန္ဓာကိုယ်ရှိတယ်၊ တက်ကြွတယ်၊ အတွေးအခေါ်ကောင်းတယ်၊ မျက်နှာသာရတာကို နှစ်သက်သူဖြစ်တယ်။ ဘာလုပ်လုပ် အရှုံးမပေးတတ်ဘူး။ မိမိကိုယ်ကိုယ်ယုံကြည်မှု လွန်ကဲတယ်။ ရည်မှန်းချက်ကြီးတယ်။ စိတ်သဘောထား ဖြောင့်မတ်တယ်။ ခေါင်းဆောင်အရည်အချင်းရှိတယ်။ အတင်းအဖျင်း မကြိုက်ဘူး။ ပင်ပန်းဆင်းရဲမှာကို မကြောက်ဘူး။ ဘာလုပ်လုပ် အတတ်နိုင်ဆုံး အစွမ်းကုန်လုပ်တယ်။

နဂါးနှစ်ဖွား မိန်းကလေး... စိတ်သဘောထားကောင်းတယ်၊ စာနာညှာတာစိတ်ရှိတယ်။ ယောက်ျားလေးတွေ နှစ်သက်တတ်တဲ့အဖော်ဖြစ်တယ်။ ဘာလုပ်လုပ် သူတစ်ပါးခိုင်းစေတာကို မကြိုက်ဘူး။ ကိုယ်တိုင် စီမံခန့်ခွဲရတာကို နှစ်သက်တယ်။

နဂါးနှစ်ဖွားတွေရဲ့ကောင်းကွက်က တော်တော်များပါတယ်.. ဒါကြောင့် တရုတ်လူမျိုးတွေက နဂါးနှစ်မှာ ကလေးတွေမွေးကြတယ်။ ဒီနှစ်က နဂါးနက်နှစ်မို့ ပိုထူးခြားသတဲ့.. ဒါကြောင့် (၁၁.၁၁.၁၁)မှာ မင်္ဂလာဆောင်တဲ့အတွဲပေါင်း သိန်းချီရှိတယ်ဆိုလား... "စိုင်း"ကပြောပြပါတယ်။ သူပြောပြတဲ့ နောက်ဆက်တွဲစကားမှာတော့ "အစ်မရော... ကလေးမယူသေးဘူးလား"ဆိုတဲ့ မေးခွန်းက ကပ်ပါလာတယ်။ ကိုယ့်ကိုယ်ကို ရှင်သန်ဖို့ကြိုးစားနေရတဲ့ ဘဝအခြေအနေမျိုးမှ ဘယ်သူ့ကိုမှ ဒုက္ခမပေးချင်တော့ပါဘူး၊ အိမ်မှာနဂါးတစ်ကောင်ရှိရင် ရပါပြီကွယ်လို့။ မောင်ကြီးကတော့ အမြဲပြောတယ်.. ဒါဟာ ဒုက္ခသစ္စာ၊ သမုဒ္ဒယသစ္စာပါတဲ့။ သာဓု... သာဓု... သာဓု... ပါလို့း)

တာချီလိတ်က ဒီလှည်းကြီးကို လွမ်းလိုက်တာ... အိမ်ရှေ့ရောက်လို့ ပွမ်ကိုသုံးလေးခေါက်ပိုတီးတတ်တဲ့ တွန်းလှည်းသည်တစ်ယောက်တော့ ဒီအိမ်က ဖောက်သည်ပျောက်နေပါလားလို့ တွေးကောင်းတွေးလိမ့်မယ် ထင်ပါတယ်။

နှစ်သစ်တစ်ခါ ရောက်ရှိလာ~~~ လေနှင်းအေးအေး တိုက်ခိုက်လာ~~
အားလုံးနှစ်သစ်ကြိုဆိုကြစို့~~~ သံပြန်သီချင်းဆိုကြစို့~~~
တစ်နှစ်အမြင်သစ်~~ ဧည့်သည်သစ်များ ကြိုကြပါ ~~
လက်ခုပ်တီး ~~ ကြိုဆိုပါ.. ကြိုဆိုပါ~~~
နှစ်သစ်ကူး ~~ နှစ်သစ်ကူး ~~ သံပြိုင်သီချင်းဆိုကြစို့ ~~
ဘဝပျော်ရွှင် ဒီနှစ်စပြီး ကျွန်တော်တို့ အားကြိုးတည်ဆောက်ကြ
ဘဝရည်မှန်းချက် ~~ ငယ်စဉ်ကတည်းက ကြိုးစားကြ ~~
အောင်မြင်ရေးအတွက် ရှေ့ဆက်ပါ...

နိုင်းနိုင်းစနေ

နှစ်သစ်တစ်ခါ ရောက်ရှိလာ~~~